پێك هێنانی كۆبوونەوەیەك لەلایەن رێكخراوی لاوانی خەباتی كوردستانی ئێران
صورةرۆژی سێشەممە رێكەوتی 25ی خەرمانان لە بنكەی رێكخراوی لاوانی خەباتی كوردستانی ئێران بە ئامادەبوونی بەشێك لە ئەندامانی دەستەی بە رێوەبەری رێكخراوی لاوان كۆبوونەوەیەك بۆ بەشێك لە كادر و ئەندامانی رێكخراوی لاوانی خەبات پێك هێنرا. كۆبوونەوەكە تەرخان كرابوو بۆ باسكردن لە بارودۆخی ئێستای لاوان لە ناوچەكە بەگشتی و كوردستانی ئێران بەتایبەتی و هەروەها كار و بەرنامەكانی رێكخراوی لاوانی خەباتی كوردستانی ئێران بۆ داهاتوو. سەرەتای كۆبوونەوەكە بە ساتێك بێدەنگی بۆ گیانی پاكی شەهیدانی كوردستان بەگشتی و سازمانی خەبات بە تایبەتی دەستی پێكرد و لە پاشاندا لەلایەن خاتوو سەحەری قاسم زادە ئەندامی دەستەی بەرێوەبەری رێكخراوی لاوان برگەكانی كۆبوونەوەكە بۆ ئامادەبووان شیكرایەوە.
برگەی یەكەمی كۆبوونەوەكە تەرخان كرا بۆ راپۆرتی سیاسی و تەشكیلاتی بەرپرسی یەكەمی رێكخراوی لاوانی خەبات كە لە لایەن بەرێز كاك ئارام سلێمانی پێش كەش كرا. بەرێز سلێمانی لە ووتەكانی دا تیشكی خستە سەر چەندین بابەتی هەستیار و گرینگی پێوەندیدار بە لاوان و ئاماژەی بە بارودۆخی نەخوازراوی لاوان بە هۆی شەر و بوونی دەسەڵاتە دیكتاتۆرەكان و گرووپە ترۆریستیەكان لە ئاستی ناوچەكە كرد. بەرێز سلێمانی وێرای ئاماژە بۆ رەهەندەكانی كێشە و كۆسپەكانی بەردەم لاوان ووتی: ئەوەی كە زۆر گشگیرە و كێشەی زۆربەی لاوانە بریتیە لە بێكاری و نەبوونی ژیانێكی سەقامگیر و باشە. جێبەجی نەكردنی ویست و داواكاریەكانی لاوان لە لایەن دەسەلات دارانەوە و یان خود پەرەسەندنی شەر و كێشەكانی ئەو ژینگەیە وای كردووە كە بەشێكی بەرچاو لە توێژی لاوان رووبكەنە ولاتانی ئەوروپا بۆ مەبەستی بەدەست هێنانی ژیانێكی باشتر. بەرێز سلێمانی رووكردنە دەرەوەی ولاتی بە چارەسەر نەزانی بۆ كێشەكانی لاوان و لەو پەیوەندیەدا ووتی: كە چوونی لاوان بۆ دەرەوەی ولات جگە لەوەی كە دەبێت هۆی ئەوەی كە ئەو لاوانە رووبەرووی مەترسی زۆر ببنەوە و زۆرجار كە گەیشتنە ئەو خەیالانەی كە كۆشكیان لەسەر بونیات نابوون بەو دەرئەنجامە ناگەن كە خوازیاری بوون. لە بەشێكی تری قسەكانی بەرپرسی گشتی رێكخراوی لاوان سەبارەت بە رەوشی لاوان لە كوردستانی ئێران بە وردی قسەی كرد و لەبەشێك لەو تەوەرە وتی كە رەوشی لاوان لە كوردستانی جیاوازترە لەو بارودۆخەی كە لە پارچەكانی تری كوردستان هەیە بە داخەوە لە كوردستانی ئێران بە هۆی بوونی رژێمی ئاخوندی لە سەر دەسەلات ئاماری توشبووان بە مادەی هۆشبەر و بەتایبەت لە نێو توێژی لاوان و خوێندكار و نەبوونی دەرفەتی كار و پیشەیەكی گونجاو و فشار و سەركوتی رژێم رۆژ لە دوایی رۆژ زیادتری كردووە و بۆتە هۆی دروست بوونی مەترسی گەورە بۆ سەر ژیان و داهاتوویان . بەرپرسی گشتی رێكخراوی لاوان، رژێمی ئاخوندی بە هۆكاری هەموو ئەو كێشانە زانی و رایگەیاند كە رژێم بە هیچ شێوەیەك لە هەولی چارەسەركردنی ئەو كێشانەدا نیە و بەڵكوو هۆكارێكی سەرەكیە لە زیادكردنی كێشەكانی لاوان .لە بەشێكی دیكەی قسەكانی بەرێز كاك ئارام سلێمانی تیشك خرایە سەر كار و بەرنامەی رێكخراو بۆ لاوانی كوردستان و رایگەیاند كە لە ئێستادا ئەركی سەرەكی ئێمە هەوڵدانە بۆ وشیاركردنەوەی لاوان لە پلان و بەرنامەكانی رژێم و دەرخستنی راستیەكانە. بەرێز سلێمانی جارێكی دیكە پێی لەسەر ئەوە داگرتەوە كە بە دڵنیاییەوەتەنیا چارەسەری كێشەكانی وەڵاتی ئێران لە ناوبردنی دەسەڵاتی ئاخوندییە و بە رووخانی رژێمی ئاخوندی بەشێكی زۆر لە كێشەكان چارەسەر دەبن و وەدی هاتنی ئەو خەونەشی بە هەوڵ و تێكۆشانی سەرجەم چین و توێژەكانی كۆمەڵگا و بە تایبەتی چینی لاوان زانی.
هەر سەبارەت بە رەوشی لاوان لە درێژەی كۆبوونەوەكەدا كاك سارۆ حوسێنی ئەندامی دەستەی بەرێوەبەری رێكخراوی لاوان بابەتێكی سەبارەت بە كۆچی لاوان بۆ دەرەوەی ولات و و هۆكار و دەرئەنجامەكانی پێش كەش كرد.
لە كۆتایی كۆبوونەوەكەدا ئامادەبوان بە سەرنج و تیبَینی و پێشنیارەكانیان كۆبوونەوەكەیان دەوڵەمەندتر كرد . صورةصورةصورةصورة
ڕێکه‌و 2015-09-16 15:22:55
به‌شی ( چالاکییه‌کان )







سیاسی