بوونی 4 منداڵی كوردی مەحكوم بە ئێعدام لە زیندانی سنە



چوار منداڵی كورد كە بە ئێعدام مەحكوم كراون لە ئێستادا لە زڤیندانی سنە راگیراون. بە پێی راپۆرتی هەواڵدەرییەكان، یۆسف مەحەمەدی، سیاوەش مەحەمەدی، ئامانج ئۆوەیسی و هێمن ئەورامینژاد چوار مندالی كوردی مەحكوم بە ئێعدامن كە لە كاتی تێوەگلان بە تاوانەوە تەمەنیان لە ژێر 18 ساڵ بووە. بە پێی ئەم راپۆرتە، پەروەندەی سێ لەو كەسانە تا ئێستا لە دیوانی باڵای نیزام و پزیشكی دادوەری لە ژێر لێكۆڵینەوەدایە. حوكمی ئێعدامی هێمن هەورامی نژاد كە بە تۆمەتی كوشتن بە قەساس مەحكوم كراوە بە پشتراستكردنەوەی لە لایەن دیوانی یاڵای نیزامەوە نێردراوە بۆ ژووری بەرێوەچوونی حوكمەكەی. جێگەی باسە كە بە پێی مادەی 91 لە یاسای سزادانی ئیسلامی كەسێك كە تەمەنی كەمتر لە 18 ساڵ بێت و یان لەمەر سەلامەتی عەقلی شەك هەبێت بە ئێعدام سزا نادرێت.
ڕێکه‌و 2016-04-01 21:13:24
به‌شی ( سیاسی )







سیاسی