پەیامی رێکخراوی لاوانی خەبات بەبۆنەی ھەشتی مارس رۆژی جیھانی ژنان

ژنانی مافخواز و یەکسانی خواز!

شێرە ژنانی ناو ریزەکانی سازمانی خەبات!

بە بۆنەی 8 ی مارس روژی جیهانی ژن پیرۆزبایی گەرمتان پێشكەش دەكەین.

هەموو ساڵێک لە 8 ی مارس رۆژی جیهانی ژن، زۆربەی ژنانی بەشخۆراو و پیاوانی یەکسانی خواز دەستت دەدەنە چالاکی و هەوڵی زیاتر بۆ ئاشكراكردنی زیاتری ستەم و بێدادیەكان بەرانبەر بە ژنان و هەوڵەكان پەرە پێ‌ دەدەن بۆ دەستەبەر كرانی مافی ژنان كەم كردنەوەی رێژەی توندووتیژی دژی ٸافرەتان.

ئێمە پێمان وایە نابێ تێكۆشەرانی مەیدانی یەكسانیخوازی  ژنان تەنیا لە یەك رۆژدا چالاك بن و پێوستە چالاكیەكان لە پێناو بەدیی هێنانی مافی ئافرەتان و هەر كام لەچینەستەملێكراوەكانی كۆمەڵگا بە بەردەوامی درێژەی هەبێ‌. لە لاێكی دیكەوە ئافرەتان نابێ‌ تەنیا بە دیاری كرانی رۆژێك دڵخۆش بن و پێیان وابێ گەیشتوون بە مافەکانیان. بێگومان دیاری كرانی رۆژێك بە ناوی ڕۆژی ژن هەنگاوێكی بەرچاو باشە بەڵام ناتوانی تەواوی كێشەكان ومافەكانی ئافرەتان لە دیاری كردنی 8 ی مارس دا ببینینەوە.

ژنانی شۆرشگێری کوردستان! 

لە ماوەی چل ساڵ دەسەڵاتی رەشی رژێمی ٸاخوندی  ژنانی ئێران بە گشتی و ژنانی کورد بە تایبەتی زیاتر لە چینەكانی دیكە  چەوساونەوە، چونكە ژنانی کورد جارێک بە هۆی کورد بوونیانەوە جارێکیش بە هۆی ژن بوونەوە دەكەونە بەر قورسترین هەڕەشەو سەركوت.ٸاشکرایە لە سیستەمی دواکەوتووی رژێمی ٸاخوندیدا هیچ ٸاسۆێکی ڕوون بۆ گۆرانکاری لە ژیانی ژناندا وەدی نایەت و تا کۆتایی هێنان بەو دەسەڵاتە، ژنان وەک شارۆمەندی دەرەجە دووهەم و سێهەم چاویان لێ دەکرێت و رۆژ بە رۆژ قەیران و دیاردە دزێوەکانی کۆمەڵگا کە هەمووی لە سیاسەتی کۆنەپەرستانەی ٸەو رژێمەوە سەرچاوەی گرتووە رووی لە زیاد بوونە بە تایبەت لە پارێزگا کوردنشینەکان تاوان دژ بە ژنان لە پەرەستاندایە.

بە پێی راپۆرتەكانی حکوومەتی، رێژەی جیابوونەوەی هاوسەران لە پارێزگای ٸیلام لە ریزی یەکەمە لە چاو باقی پارێزگاکانی تری ٸێران. بلە پال ٸەم قەیرانە دەیان قەیرانیتر وەک، بێکاری، مادەی هۆشبەر، دەستدرێژی سیکسی، بە زۆر بە شوودانی کچان لە تەمەنی خوار هەژدەساڵ و دەیان کارەساتیتر بەرۆکی بە ژنان گرتووە.

خاڵێکی گرنگ کە دەبێت ژنانی ٸێران و بە تایبەتی ژنی کورد لەبەر چاوی بگرێت خۆراگری و بەربەرەکانێیە لە بەرانبەر ٸەو رژێمەو تێكۆشانیانە تاگەیشتن بە ٸامانجەکانیان.

لە گەڵ هومید بە وەدیی هاتنی تێكڕای ویستە ڕەواكانی ئافرەتان، جارێكی دیكە بە بۆنەی هەشتی مارس  پیرۆزبایی بە هەموو ژنانی جیهان و بە تایبەت ژنانی کورد  ڕادەگەێنین و هیوادارین ساڵی داهاتوو ٸەم یادە لە نیشتمانی ٸازادکراوی خۆماندا بکەینەوە.

رێکخراوی لاوانی خەبات

دەستەی بەرێوەبەری

 

هەشتی مارسی 1397 كۆچی خۆری
ڕێکه‌و 2019-03-08 08:59:11
به‌شی ( به‌یاننامه‌کان )







سیاسی