چلەی ماتەمینی‌ هونەرمەند عەباسی كەمەندی بەرێوەچوو

هه‌واڵی نوێ

محەممەد مێهدی کەرمی و محەممەد حوسەینی لەسێدارەدران هه‌واڵ
٢٩هەمین رۆژی شۆرشی ژینا و کاردانەوە جیهانیەکان هه‌واڵ
کورتەی هەواڵەکانی هەفتەی ڕابردووی کوردستان و ئێران هه‌واڵ
کورت کراوەی هەواڵەکانی حەوتوی ڕابردوو سەبارەت بە کوردستان و ئێران هه‌واڵ
کورتکراوەی هەواڵەکانی هەفتەی ڕابردوو سەبارەت بە کوردستان و ئێران هه‌واڵ

چلەی ماتەمینی‌ هونەرمەند عەباسی كەمەندی بەرێوەچوو ئێوارەی ئەمڕۆ رێكەوتی (2-7-2014) لە هۆڵی سلێمانی پاڵاس بەسەرپەرشتی دەزگای جەمال عیرفان و سەندیكای هونەرمەندانی كوردستان و تەلەفیزیۆنی خاك مەراسیمی چلەی ماتەمینی هونەرمەند عەباسی كەمەندی بەرێوەچووە.لەو مەراسیمەدا چەندین وتار تابلۆ وكارەی هونەری هونەرمەند نمایشكرابوون.
عەباس کەمەندی ساڵی ١٩٥٢ لە خۆرئاوای شاری سنە لە گەڕەکی جه‌وراوا لەدایک بووە. زۆربەی بنەماڵەی ئەم هونەرمەندە قەساب بوون و کەشێکی سونەتی (داب و نەریتی کۆن) بە سەریاندا زاڵ بووە.
کەمەندی جیا لە ھونەری مۆسیقا شارەزایی زۆری لە بواری وێنەکێشی، شانۆ و سینەما و ئەدەبیاتی کوردی دا هەبووە و ماوەی ٣٥ ساڵ لە رادیۆی دەنگی شاری سنە کاری کردووە.
لە تەمەنی ٢٣ ساڵیدا ژیانی ھاوبەش دەست‌پێدەکات و دەبێتە باوکی کوڕێک و دوو کیژ. لە بەرەبەیانی ڕۆژی ٢٢ی ئایار ی ٢٠١٤ ، لە تەمەنی ٦٢ ساڵی، بەهۆی ڕاوەستانی دڵەوه دنیای ڕووناک بەجێ دێلێ و لە زیارەتانی ئاساوڵە (بەهەشتی محەمەدی) ئەسپەردەی خاک دەکرێ.