lawan


ڕێکخراوی لاوانی خه‌باتی کوردستانی ئێران
Iranian Kurdistan Khabat Youth Organization
         

پەیامی رێکخراوی لاوانی خەبات بە بۆنەی رۆژی زمانی دایکی

پەیامی رێکخراوی لاوانی خەبات بە بۆنەی رۆژی زمانی دایکی

زمانی دایکی ناسنامەیە و یەکێک لە گرنگترین ئامرازەکانی ناساندن و پێشەوە چوونی هەر نەتەوەیەکە. ۲۱ی فێبریوار رۆژی جیهانی زمانی دایکی یە و هەموو ساڵێک لەو رۆژەدا لە سەرەتاسەری دونیا یادی زمانی دایکی بەرز رادەگیرێت.
کەسێک کە لە زمانی دایکی خۆی بێبەش بێت یان نەتوانێت پێی بدوێت ئاسان نییە کە بتوانێت لە خەبات و تێکۆشانی نەتەوەکەی و لە خزمەت بە کۆمەڵگا بە شێوەیەکی کارا بەشداربێت.
بوونی شوێن و پێگەی بەهێزی زمانی دایکی سەرەکیترین هۆکار و پێویستیە بۆ بوونی وەڵاتێکی سەربەخۆ و بەهێز بۆ کورد و هەر نەتەوەیەکی تر. نەتەوەیەک نەتوانێت زمانی دایکی بپارێزێت و منداڵ و گەورە و پیری لەسەر خۆشەویستی بۆ زمانەکەیان پەروەردە بکات مەحاڵە بتوانێت پێگەی بەهێزی رامیاری و ئابووری خۆی لەسەر ئاستی جیهان جێگیربکات.
دوژمنانی کورد و کوردستان هەر لە زووەوە لەوە تێگەیشتن کە کاراترین رێگاچارە بۆ بردنەوە دواوە و لە ناوبردنی نەتەوەی کورد بریتییە لە لێدان و بێهێزکردنی زمانی کوردی.
راستی یەکی حاشاهەڵنەگرە کە بەهۆی قەدەغە کردنی زمانی کوردی لە خوێندنگا و ناوەندەکانی فێربوون و دەستگیرکردنی مامۆستایان و چالاکانی زمانەوانی لە تەواوی کوردستانی داگیرکراودا دوژمنان توانیان کە کاریگەری نەرێنیان لەسەر زمانی کوردی هەبێت و تەنانەت لە هەندێک شار و شارۆچکەدا سەرکەوتووبوون لە بن بڕکردنی زمانی کوردی و لە ئێستا زۆربەی دانیشتووانی ئەو ناوچانە بە زمانی دایکی خۆیان قسە ناکەن.
ئاشکرایە کە ئەو نەتەوانەی کە بە زمانی دایکی خۆیان نادوێن و زمانی نەتەوەیەکی تر بەکاردەهێنن، هیچ مۆرکێکی نیشتمانیان پێوە دیارنامێنێت تەنانەت کاریگەرییەکەی بە رێژەیەکە کە خۆشەویستی و هەست و سۆزی نیشتمان پەروەریان چی تر هەستی پێناکرێت.
بەخۆشحاڵییەوە لەم ساڵانەی دواییدا و بەهۆی بەرزبوونەوەی پلەی هۆشیاری خەڵک و تێگەیشتن لە گرینگی و پێویستی زمانی دایکی بۆ سەرکەوتنی شۆڕشی ئازادیخوازانەی گەلی کورد و بە هاوکاری و چالاکی رێکخراوە رامیاری و مەدەنیەکان، مامۆستایان، چالاکانی زمانەوانانی تواندراوە دژ بە پلانە چەپەڵەکانی رژێمی ئاخوندی بوەستنەوە و رەوتی دابەزین و بێهێزبوونی ئاستی زمانی کوردی کەم بکەنەوە.
رێکخراوی لاوانیش بەبەشی خۆی هەوڵی تەواوی داوە کە لە خزمەت زمانی کوردی دا بێت و بە هۆشیارکردنەوەی هاویشتمانیان و ئەنجام دانی چالاکی و دانانی وانەی زمانی کوردی بۆ ئەندامانی لە پێشەوە بردنی زمانی کوردی بەشدارێکی کارا بێت.
هەروەها تێکۆشان بۆ خوێندن و نووسین بە زمانی کوردی یەکێک لە ئامانجە سەرەکیەکانی رێکخراوی لاوانە کە لە پەیڕەوپرۆگرامی رێکخراودا جێگیرکراوە.
رێکخراوی لاوان لە داهاتووشدا لەسەر هەمان باوەڕ و لەبەر رۆشنایی بەندەکانی پەیڕەوپرۆگرامی پەسەندکراودا، لە خەبات و خزمەت بە زمانی پیرۆزی کوردی بەردەوام دەبێت و هەوڵی بەرچاو و کاریگەر لە نێو ریزەکانی رێکخراو و کۆمەڵگا بە گشتی بۆ پێشخستن و پەرەپێدانی زمانی کوردی دەخاتە گەڕ.

رێکخراوی لاوانی خەباتی کوردستانی ئێران
دەستەی بەڕێوەبەری
٢ رەشەمە ١٤٠ ۰


2 ساڵ و 1 مانگ و 23 ڕۆژ و 11 کاتژمێر و 28 خوله‌ک له‌مه‌وپێش‌

پەیامی رێکخراوی لاوانی خەبات بە بۆنەی رۆژی زمانی دایکی

پەیامی رێکخراوی لاوانی خەبات بە بۆنەی رۆژی زمانی دایکی


ده‌رباره‌ی ئێمه به کورتی


لێره‌‌‌ ده‌‌‌رباره‌‌‌ی خۆتان بنووسن به کورتی

په‌یوه‌ندی


تۆڕە کۆمەڵایەتیەکان



٢/ لینکی یوتوب

٣/ لینکی تویته‌‌‌ر