lawan


ڕێکخراوی لاوانی خه‌باتی کوردستانی ئێران
Iranian Kurdistan Khabat Youth Organization
         

بەڕێوەچوونی ڕێوڕەسمی ۱۲هەمین ساڵیادی دامەزراندنی ڕێکخراوی لاوانی خەباتی کوردستان

بەڕێوەچوونی ڕێوڕەسمی ۱۲هەمین ساڵیادی دامەزراندنی ڕێکخراوی لاوانی خەباتی کوردستان
خەباتمێدیا

خەباتمێدیا: ڕۆژی هەینی ۱µی بانەمەڕی ۱۴۰۲ی هەتاوی لە بارگەی ناوەندی سازمانی خەبات ی کوردستانی ئێران, ڕێوڕەسمی ۱۲هەمین ساڵیادی دامەزرانی ڕێکخراوی لاوانی خەباتی کوردستانی ئێران بە بەشداری چەند کەس لە ئەندامانی سەرکردایەتی سازمانی خەبات, دەستەی بەڕێوەبەری ڕێکخراوی لاوان, کادر, پێشمەرگە, ئەندامان و لایەنگەرانی سازمانی خەبات و ڕێکخراوی لاوان بەڕێوەچوو.
سەرەتای ڕێوڕەسمەکە بە سرودی نەتەوەیی ئەی ڕەقیب و دەقەیەک بێدەنگی بۆ ڕێزگرتن لە یادی شەهیدانی سوورخەڵاتی کورد و کوردستان, سازمانی خەبات و شۆڕشی ژینا دەستی پێی کرد.


لە دەستپێکی ڕێوڕەسمەکەدا پێشکەشکاری ڕێوڕەسمەکە, خاتوو ئەفسانە ڕەحیمی بە خوێندنەوەی پەخشانە شیعرێکی نەمر مامۆستا سەیید جەلال حوسەینی ڕێبەر و دامەزرێنەری سازمانی خەبات, بەناوی "خەباتی کورد" ڕێوڕەسمەکەی کردەوە.


لە بڕگەی یەکەم دا, پەیامی پیرۆزبایی بەڕێز سکرتێری گشتی, کاک بابەشێخ حوسەینی بەم بۆنەپیرۆزەوە لەلایەن بەڕێز کاک شۆڕش حاجی, ئەندامی کومیتەی ناوەندی سازمانی خەبات خوێندرایەوە. پاشان سرودێک پێشکەش کرا.


لەدرێژەدا پەیامی پیرۆزبایی ڕێکخراوی لاوانی خەبات بەم بۆنەوە, لەلایەن خاتوو ڕێناس فەلەکی, ئەندامی دەستەی بەڕێوەبەری ڕێکخراوی لاوان خوێندرایەوە. لە درێژەدا سرودێکی دیکە پێشکەش بە بەشداربووان کراو و پاشان پەیامی پیرۆزبایی ڕێکخراوی ئافرەتانی خەبات بەم بۆنە پیرۆزەوە لە لایەن خاتوو نیشتمان یوسفی, ئەندامی ڕێکخراوی ئافرەتانی خەبات خوێندرایەوە. لەدرێژەدا پەخشانە شیعرێکی دیکەی مامۆستا سەیید جەلال حوسەینی بەناوی سەربازی شۆڕش, لەلایەن کاک کەریم بابەکری, ئەندامی دەستەی بەڕێوەبەری ڕێکخراوی لاوانی خەباتی کوردستانی ئێران خوێندرایەوە.


بڕگەی کۆتایی ڕێوڕەسمەکە تەرخان کرا بۆ هەڵپەڕکێ و شایی گێڕانی ئامادەبووانی لە ڕێوڕەسمەکەو بەم جۆرە کۆتایی بە ڕێوڕەسمی ۱۲هەمین ساڵڕۆژی دامەزرانی ڕێکخراوی لاوانی خەباتی کوردستانی ئێران هات.


1 ساڵ و 11 ڕۆژ و 20 کاتژمێر و 9 خوله‌ک له‌مه‌وپێش‌

بەڕێوەچوونی ڕێوڕەسمی ۱۲هەمین ساڵیادی دامەزراندنی ڕێکخراوی لاوانی خەباتی کوردستان

بەڕێوەچوونی ڕێوڕەسمی ۱۲هەمین ساڵیادی دامەزراندنی ڕێکخراوی لاوانی خەباتی کوردستان


ده‌رباره‌ی ئێمه به کورتی


لێره‌‌‌ ده‌‌‌رباره‌‌‌ی خۆتان بنووسن به کورتی

په‌یوه‌ندی


تۆڕە کۆمەڵایەتیەکان



٢/ لینکی یوتوب

٣/ لینکی تویته‌‌‌ر