هاونیشتمانیانی ئازادیخواز!
لاوانی پێشەنگ و ئازا!
یادی ۴۵ ساڵەی دامەزرانی سازمانی خەبات ی کوردستانی ئێران، لە نەتەوەی ئازادیخوازی کورد بە گشتی و بەتایبەتی لە خانەوادەی سەربەرزی شەهیدان، بەندکراوانی سیاسی و سەرجەم تێکۆشەرانی ڕیزەکانی سازمانی خەبات پیرۆزبێ. لە یادە شکۆدارە دا ڕێز و سڵاو دەنێرین بۆ ڕۆحی پاکی مامۆستا شێخ جەلال حوسەینی، ڕێبەر و دامەزرێنەری سازمانی خەبات ی کوردستانی ئێران.
سازمانی خەبات، ۴۵ ساڵ پێش ئێستەو لە کاتێکدا دامەزرا، کە فەرمانی جیهادی خومەینی و هێرشی بەکرێگیراوانی بۆ سەر کوردستان لە لایەکەوەو نەبوونی هێزێک کە فرەچەشنی لەخۆدا بگونجێنێت لەلایەکی دیکەوە هەستی پێی دەکراو دامەزرانی لەو هەلوومەرجەدا زەروودەتێکی مێژوویی بوو. بە دامەزرانی سازمانی خەبات ی کوردستانی ئیران، ئەو دڵخۆشیە لەنێوان ئازادیخوازان دروست بوو، کە دەکرێ ئازادیخوازانی کوردستان بە بیر و بۆچوونی ئازاد لە ڕێگەی نەتەوەو نیشتمانیان تێبکۆشن و خەبات بکەن و ئەوە بوە دەشتپێکی ڕێگە پێدان بە فرەچەشنی لەنێو ڕەوتی موبارزەداو هەتا ئێستەش ئەو ڕەوتە لە سازمانی خەباتدا بەڕێوەدەچێت.
سازمانی خەبات بە بیری سەردەمانەو ڕێگە پێدان بە خەباتی مەدەنی و ڕێکخراوەیی، خاڵێکی دیکە لە بیرۆکەی سەردەمیانەی خۆی لە ڕەوتی موبارزەدا بەڕێوە بردوەو ساڵانێکە لاوان و ئافرەتان، لە ڕیزەکانی سازماندا، هەر لە دامەزرانی سازمانی خەبات کە لاوانی تێدا بەشدار بوون، هەتا ئێستە لە ئاستی باڵا وسەرکردایەتیدا بەشدارن و ڕێگەیان پێدراوە کە بتوانن خزمەتی نەتەوەو نیشتمانیان بکەن.
هێزی لاوان لە کۆمەڵگەی سیاسی و مەدەنیداو تواناییان وەکوو هێزی بزوێنەری کۆمەڵگە، لای کەس شاراوە نیەو حاشای لێ ناکرێت. بۆیە لە بەرانبەر هەوڵەکانی ڕژیمی ئێران بۆ لەناو بردنی بیرۆکەی ئازادیخوازی لە نێوان لاواندا، ڕێکخراوەکانی لاوان لە هێزەکانی ئۆپۆزسیونی دژبەری ڕژیمی ئێران، ماندوو نەناسانە هەموو هەوڵ و تەقالای خۆیان بۆ بەرپەرچدانەوەی هەوڵ و پیلانەکانی ڕژیم ئەدەن و دەبینین کە لاوانی وڵات لە ئەمڕۆدا چەن ئاگاترن و تەنانەت لیدەر و پێشەنگی شۆڕشەکانن. هەر بۆیە بۆ پتەوتر کردنی ئەو پەیوەندیانە لە نێوان لاواندا، ڕێکخراوی لاوانی خەباتی کوردستانی ئێران، هەموو هەوڵ و توانای خۆی سەرف کردوە تا هاودەنگی و هاوکاریەکی زۆرتر لە نێوان لاوانی بەوجەی شۆڕشگێڕ ساز بکرێت و پەیوەندی نێوان ئۆپوزسیۆن و کۆمەڵگەی مەدەنی لە ناۆخۆی وڵات پتەوتر بێتەوە.
لاوانی خاوەن هەڵوێست و تێکۆشەر!
ئەمساڵ و لە یادی ۴۵ ساڵەی دامەزرانی سازمانی خەباتدا دەبینین کە موبارزەی میللەتی کورد و خۆڕاگریان لە بەرانبەر حکومەتی ئاخوندەکان، لە بەرەوپێشچوون دایە و ئازادیخوازانی هەموو جیهان ئاگاداری هەم جینایەتەکانی ڕژیمی ئێرانن و هەم ئاگاداری مافخوازی و داواکاریە مەشروعەکانی نەتەوەی کوردن. حکومەتی ئێران بەو سیاسەتەوە کە گرتۆیەتە بەر و پاشەکشەی لێناکات، وڵاتی ئێرانی جگە لە قەیرانی دارایی و سیاسی، توشی قەیرانی بێ ئاوی و بێ کارەبایی کردوەو هاووڵاتیانێک کە شایانی باشترین ژیان لە یەکێک لە دەوڵەمەندترین وڵاتەکانی جیهانن، لە ئێستادا لە دۆخێکدا دەژین کە تەنانەت لە سەرەتایی ترین مافەکانیان بێ بەشن. پاش شەڕی ۱۲ ڕۆژە لەگەڵ ئیسڕائیل حکومەتی ئێران شکستێکی گەورەی خوارد، بۆ قەرەبوو کردنی ئەو خەسارانەی کە بەری کەوتووە، لە ڕێگەی پچڕانی کارەبای خەڵک و بەکار هێنانی لە ماینێرەکان بۆ دەرهێنانی بیت کۆین، کارەبا و ئاوی خەڵک ئەدزێت. هەر ڕۆژە هەواڵی وشک بوونی دەریاچە، لەنێو چوونی شوێنەوارە مێژوویەکان و هەندێکی دیکە لەو خەسارانە دەبیسین کە ئەستەمە قەرەبوو بکرێنەوە. لە وڵات و نیشتمان لە بن دەستی ئەو دەسەڵاتە ڕۆژ لە دوای ڕۆژ بەرەو ئاقاری لەناوچوونی زیاتر دەڕوات.
ئەمساڵ و لە ساڵیادی دامەزرانی سازمانی خەبات، هەروەها لە ساڵیادی شۆڕشی ژینادا، پێویستە، هەموو هێز و لایەنە سیاسیەکانی کوردستانی ئێران، کۆمەڵگەی مەدەنی، خەڵکی ئازادیخواز لە دەرەوەی وڵات و خەڵکی ناوخۆی وڵات، هەموو توانای خۆمان سەرف بکەین و هاودەنگ و هاوئاهەنگ و یەکگرتوو، لە بەرانبەر ئەو دەسەڵاتەدا بێستین و نەهێڵین چیتر و لەوە زۆرتر وڵاتەکەمان کاول بکرێت. پێویستە خەڵک ڕێگری بکەن لە سەرەڕۆییەکانی ڕژیمی ئێران کە ئێستا دووبارە بانگی هێرش بۆ سەر وڵاتان دەکات، یارمەتی دارایی و تەسلیحاتی هێزە ترۆریستەکان ئەدات و پشتیوانی گەورەی ترۆریزمی نێودەوڵەتیەو نەهێلین لەوە زیاتر وڵات و نیشتمانمان توشی قەیران بکات.
لێرەدا ئێمە وەکوو ڕێکخراوای لاوانی خەباتی کوردستانی ئێران، وێڕای پیرۆزبایی دووبارەمان بۆ یادی ۴۵ ساڵەی دامەزرانی سازمانی خەبات، بەڵێنی خۆمان لەگەڵ ڕێبەری لەدڵان زیندوونی سازمانی خەبات، دووپات دەکەینەوە کە لەم ڕێگەدا هەتا گەیشتن بە ئازادی نەتەوەی کورد لە کوردستانی ئێران بەردەوام بین و هەوڵ بدەین تا ئاواتی ئەو گەورە پیاوە بۆ یەکڕیزی و یەکیەتی لەنێوان ماڵی کورددا وەدی بێت و نەسرەوتن تا سەرکەوتن، دروشمی بەرخۆدانمان بێت و هەتا ئەو کاتەی حکومەتێکی دیمۆکراتیک و خەڵکی لە ئێراندا دانەمەزرێت، بێ وچان درێژە بە خەباتەکەمان بدەین.
بڕۆخێ دەسەڵاتی دیکتاتۆری ئاخوندی
سەرکەوێ خەباتی ڕزگاریخوازی لە ئێران
ڕێکخراوی لاوانی خەباتی کوردستانی ئێران
دەستەی بەڕێوەبەری
