لاوێکی کورد لە زیندانی هەمەدان ئیعدام کرا
.
رۆژی پێنجشەممە رێکەوتی ٢٧ی رەزبەر لاوێکی دیکەی کورد لە زیندانی ناوەندیی شاری هەمەدان ئیعدام کرا.بەپێی هەواڵی ئاژانسی هەواڵدەریی کوردپا، لاوێکی کورد بەناوی "عەبدلدولڕەزاق فەردیان" خەڵکی گوندی "سێ گرکان"ی سەر بە ناوچەی مەرگەوەڕی سەر بە شاری ورمێ لە زیندانی ناوەندیی شاری هەمەدان ئیعدام کراوە.
سەرچاوەیەکی ئاگادار لەو رووداوە بە هەواڵنێری کوردپای راگەیاندوووە،تاوانی ئەو هاووڵاتییە کوردەی کڕین و فرۆشتنی مادە هۆشبەرەکان راگەیاندووە.
بەپێی ئاماری تۆمار کراو لە ناوەندی ئاماری ئاژانسی هەواڵدەریی کوردپا، لە ماوەی نزیک بە یەک مانگی رابردوودا ١٠ هاووڵاتیی کورد بە تاوانی کڕین و فرۆشاتی مادە هۆشبەرەکان لە لایەن دەزگای قەزایی حکوومەتی ئیسلامیی ئێرانەوە ئیعدام کراون
