شەوی یەکشەممە لە گوندێکی سەر بە بەخشی "هەوەتوو"ی شاری دیواندەرە کوڕێکی گەنج دەستی داوەتە خۆکوژی و گیانی لەدەست داوە.
بەپێی هەواڵی ئاژانسی هەواڵدەریی کوردپا، عەدنان محەممەدی کوڕی محەممەدعەلی تەمەن ٢٧ ساڵ و خەڵکی گوندی "کانی چەرمووی کەڵەکان"ی سەر بە بەخشی هەوەتوو لە شاری دیواندەرە شەوی یەکشەممە رێکەوتی ٣٠ لەسەر ١ی خەزەڵوەر بەهۆی کێەشەیەکی کۆمەڵایەتی خۆی هەڵواسیوە و گیانی لەدسەت داوە.
عەدنان محەممەدی خاوەن بڕوانامەی فەوقە دیپلۆم و سەڵت بووە.
ئەمڕۆ تەرمی ناوبراو بۆ پشکنین رەوانەی پزیشک قانوونیی شاری سنە کراوە.
بەپێی ئاماری تۆمارکراو لە ناوەندی ئاماری ئاژانسی هەواڵدەریی کوردپا لە ماوەی زیاتر لە ٧ مانگی رابردوودا لە ناوچە کوردنشینەکانی ئێران ٣١ هاووڵاتیی کورد بەهۆی جۆراوجۆر دەستیان داوەتە خۆکوژی و گیانیان لەدەست داوە.
لە کۆی ئەو رێژەیە، ١٨ کەسیان ژنن و ئەو ١٣ کەسەکەی دیکەش لەناو پیاوان دان.
