خوێندکارێکی کورد پاش زیاتر لە دوو مانگ گیران، چارەنووسی نادیارە

خوێندکارێکی کوردی خەڵکی دەورووبەری شاری پاوە کە زیاتر لە دوو مانگ لەمەوبەر لە شاری تاران دەستبەسەر کراوە، هەتا ئێستا چارەنووسی ناڕوونە.
بەپێی هەواڵی ئاژانسی هەواڵدەریی کوردپا، مەعاز حەکیمی خوێندکاری کوردی خەڵکی گوندی "شەڕەکان"ی سەر بە بەخشی نەوسوود لە شاری پاوە کە رێکەوتی ٢٥ی گەلاوێژ لەلایەن هێزە ئەمنیتییەکانەوە لە شارای تاران دەستبەسەر کراوە، هەتا ئێستا لەمەڕ چارەنووسی هەواڵێک لەبەر دەستدا نیە.

مەعاز حەکیمی خوێندکاری کارناسیی باڵای رشتەی ئیلاهیاتی زانکۆی مەزهەبە ئیسلامییەکانی تاران بووە.

سەرچاوەیەکی ئاگادار لە رەوشی ناوبراو بە هەواڵنێری کوردپای راگەیاندووە کە چەند رۆژ لەمەوبەر ناوبراویان گواستۆتەوە بۆ زیندانی "دیزڵ ئاباد"ی کرماشان بەڵام وێڕای بەدواداچوونی بنەماڵەکەی, ناوەندە ئەمنیەتی و قەزاییەکان هیچ هەواڵێان لەمەڕ چەراەرنووسی پێنەداون.