کچە قوتابییەکی کورد بە ناوی "شیبا ئێران‌نژاد" تەمەن ٨ ساڵ خەڵکی سەردەشت، لە پێشبڕکێی کاراتە پلەی سێیەمی وڵاتی ئێرانی بەدەست هێنا.
بەپێی هەواڵی ئاژانسی هەواڵدەریی کوردپا، شیبا ئێران نژاد لە پێشبڕکێی کاراتە کە رێکەتی ٢٨ی رەزبەر بەڕێوە چوو، توانی پلەی سێیەمی ئاستی ئێران بۆ خۆی مسۆگەر بکات.
ئەو کچە کوردە وەرزشوانە ساڵی رابردووش بە راهێنەریی شایستە گەوهەری توانی ٣ جار پلەی قارەمانی بەدەست بهێنێ.
ماوەیەک لەمەوپێش لە پێشبڕکی و یاریی قارەمانیی ئێران لە یارییە رەزمییەکان (تای کیک بوکسینگ) کەلە شاری تاران بەڕێوە چوو، موستەفا ستەمدیدە وەرزشوانی سەردەشتی توانی پلەی یەکەم بۆ خری مسۆگەر بکات و وەک پێکهاتەی تیمی میللیی ئێران بڕیارە لە پێشبڕکێیە نێودەوڵەتییەکانی وڵاتی بولغارستاندا بەشداری بکات
