میسر: زۆرینه‌ی به‌شداربوان به (به‌ڵێ) ده‌نگیان بۆ ده‌ستوردا
.
به‌پێی ئه‌نجامه به‌راییه‌کانی ده‌نگدان بۆ راپرسی له ده‌ستوری نوێی میسر، رێژه‌ی نیوه‌ی زیاتری ده‌نگده‌ران به (به‌ڵێ) ده‌نگیان بۆ ده‌ستور داوه. دوێنێ شه‌ممه قۆناغی یه‌که‌می پرۆسه‌ی راپرسی له‌سه‌ر ده‌ستوری نوێی میسر له ١٠ پارێزگای ئه‌و وڵاته ئه‌نجامدرا، که ٢٥ ملیۆن ده‌نگده‌ر مافی ده‌نگدانیان هه‌بوو
به‌هۆی به‌شداری فراوانی ده‌نگده‌رانیشه‌وه، پرۆسه‌که بۆ ماوه‌ی دو سه‌عات درێژکرایه‌وه‌و تاوه‌کو ١١ی شه‌وی خایاند به‌پێی کاتی قاهیره. هاوکات به‌پێی ئه‌نجامه سه‌ره‌تاییه‌کانی پرۆسه‌که‌ش، رێژه‌ی ٥٧%ی ده‌نگده‌ران به (به‌ڵێ) ده‌نگیان بۆ ده‌ستوری نوێ داوه، به‌رامبه‌ر ٤٣% بۆ ئه‌وانه‌ی به (نه‌خیر) ده‌نگیان داوه.بر٠یاریشه رۆژی ٢٢ی ئه‌م مانگه قۆناغی دوه‌می پرۆسه‌ی راپرسی له‌سه‌ر ده‌ستور ئه‌نجامبدرێت، که پارێزگاکانی تری میسر ده‌گرێته‌وه.
