بەپێی ئەو راپۆرتە لە ماوەی ئەو ٧ مانگەی ئەمساڵدا ١ هەزار و ٨٦ کەس پیاو ١٥و کەسیش ژن بوونەتە قوربانی، کەلە کۆی ئەو رێژەیە ٤٥٣ پیاو و ٣ ژن لە بەرزاییەوە کەوتوونەتە خوارەوە، کە بە یەکەم هۆکاری گیان لەدەست دانی کرێکاران دێتە ئەژمار.
لە ماوەی ٧ مانگی ئەمساڵدا زۆرترین رووداوی مردنی کرێکاران بە ١٧٧ حاڵەت لە مانگی خەرماناندا و بە ١٠ ٩ حاڵەت لە مانگی خکەلێوەدا کەمترین رووداوی مردن تۆمار کراوە.
لە مانگی زەزبەری ئەمساڵێشدا بەبەروارد لە گەڵ مانگی رەزبەری ساڵی رابردوو، رووداوی مردنی کرێکاران زیادی کردووە و لە ١٠ ٩ حاڵەتەوە بۆ ١٧٤ حاڵەت زیادی کردووە کە نێونجی ئەو رێژەیە ٥٦.٦% زیاد بوونی بە خۆیەوە بینیوە.
لەو ماوەیە زۆرتیرین حاڵەت لە پارێزگاکانی تاران بە ١٤٠ حاڵەت، ئیسفەهان بە ٩٤ حاڵەت و خۆراسانی رەزەوی بە ٧٢ حاڵەت زۆرترین رێژەی قوربانی کرێکارانی تێدا تۆمار کراون .
بەپێی ئامارەکانی رێکخراوی پزیشکی قانوونیی ئێران لە ماوەی ١٠ ساڵی رابردوودا (١٣٨١ بۆ ١٣٩٠ ) ٩ هەزار و ٦٢٥ کرێکار بە هۆی رووداوی کارەوە گیانیان لەدەست داوە کە سالی ١٣٩٠ بە مردنی ١ هەزار و ٥٠ ٧ کەس زۆرترین حاڵەت و ساڵی ١٣٨١ بە مردنی ٤٦١ کەس کەمترین حاڵەت تۆمار کراوە.
ماوەیەک پێش ئێستا هەواڵدەریی کاری ئێران بڵاوی کردەوە ٤٦%ی رووداوەکانی کار لە ئێران لە کارگەکانی بیناسازی دێنە ئاراوە و ٧٠ %ی ئەو رووداوانە مردنی کرێکارانی بەدواوە دەبێت، ئەوە لە کاتێک دایە کەلە ئاستی جیهاندا تەنیا ١٧%ی رووداوە مەترسیدارەکانی کار لە پڕۆژەکانی بیناسازی روو ئەدەن.
![111](http://www.kurdpa.net/weney-babet/10232.jpg)