کچه قوتابییه‌کانی رووداوی شیناوێ ره‌وانه‌ی ژووری نه‌شته‌رگه‌ری کران
.
سه‌رله‌به‌یانی رۆژی دووشه‌ممه ١١ی به‌فرانبار ٦ کچه قوتابیی رووداوی "شیناوێ"ی پیرانشار پاش ٥ رۆژ دواخران، به‌مه‌به‌ستی چاره‌سه‌ریی پزیشکی بۆ به‌شی تایبه‌تیی سووتاوی نه‌خۆشخانه‌ی ئیسفه‌هان به‌ر٠ێ کران. به‌رپرسی نه‌خۆشخانه‌ی "ئیمام مووسای کازم"ی ئیسفه‌هان رایگه‌یاند: ئه‌مر٠ۆ ٣ کچه قوتابی بۆ لابردنی توێخی مردووی سه‌ر جه‌سته‌یان و برین پێچ کردن، ره‌وانه‌ی ژووری نه‌شته‌رگه‌ری ده‌کرێن.
کچه قوتابییه‌کانی رووداوی شیناوێ ره‌وانه‌ی ژووری نه‌شته‌رگه‌ری کران
هه‌واڵده‌ریی ئیسنا له زاری "فه‌ردین عابدینی"یه‌وه بڵاوی کرده‌وه، برینی ئه‌و کچه قوتابییانه مه‌ترسیداره و دۆخی جه‌سته‌یی و ته‌ندروستی ئه‌و ٣ کچه قوتابییه بۆ کاری نه‌شته‌رگه‌ری گونجاو نییه و له ئێستادا نه‌شته‌رگه‌ری کردنیان ده‌چیته خانه‌ی ریسکه‌وه. ئه‌و به‌رپرسه له درێژه‌دا ئاماژه‌ی به‌وه‌دا، ٢ کچه قوتابی که له ئیسفه‌هان له ژیر چاوه‌دێری پزیشکیدان به‌شێک له چڵکی پێستی له‌شیان بۆ ناو هه‌ناو و ریخۆڵه‌کانیان ته‌شه‌نه‌ی سه‌ندووه و ته‌ندروستیان به‌ره‌و دۆخێکی هه‌ستیار ده‌چێت. "ئه‌سما دروی، ئه‌سرین مه‌عرووفی، موبینه پرکه‌م" ئه‌و ٣ کچه قوتابیه‌ن که هه‌نووکه له نه‌خۆشخانه‌ی مه‌شهه‌د له ژێر چاوه‌دێریی پزیشکی دان.
