لە پارێزگای حەرەسی ناوچەی جازانی باشوری سعودییە، پیاوێکی تەمەن ٩٠ ساڵ کچێکی تەمەن ١٥ ساڵان مارە دەکات.
رۆژنامەی حەیات لەسەر زاری کەسە نزیکەکانی خێزانی کچەکە بڵاویکردوەتەوە، کە شەوی گواستنەوە، کچەکە زۆر ترساوە و بۆ ماوەی دو شەو دەرگای لەسەر خۆی داخستوە و دواتر گەڕاوەتەوە ماڵی باوکی.
لای خۆشیەوە زاوای تەمەن ٩٠ ساڵ ئاماژە بەراستی خوازبێنی ئەو کچە تەمەن ١٥ ساڵە دەکات و دەشڵێت، لەبری ئەو کچە بڕی ١٧ هەزار دۆلاری داوە بە خانەوادەی کچەکە.
ناوبراو لەئێستاشدا داوای گەڕانەوەی کچەکە دەکات بۆلای، یاخود گەڕانەوەی ئەو بڕە پارەیەی کە لەبری هاوسەرگیری لەگەڵ ناوبراو بەخشیوێتی بە ماڵی کچەکە
