به پێی راپۆرتی هه‌واڵده‌ری هێرانا، حوکمی ئێعدامی ره‌زا مه‌لازاده زیندانی سیاسی کورد خه‌ڵکی سه‌ڵماس له لایه‌ن دیوانی بالای رژێمه‌وه پشتڕاست کراوه‌ته‌وه.
به پێی ئه‌م راپۆرتی ره‌زا مه‌لازاده، کوری ئه‌حمه‌د ٢٥ ساڵه له کۆتاییه‌کانی هاوێنی ساڵی ١٣٩٠ له کاتی رۆیشتن بۆ شاری پاوه، له لایه‌ن هێزه‌کانی سپای پاسدارانه‌وه ده‌ستبه‌سه‌ر کراو گوێزرایه‌وه بۆ یه‌کێک له گرتووخانه‌کانی شاری کرماشان. جێگه‌ی باسه وێڕای رۆیشتنی زۆری بنه‌ماڵه‌که‌ی بۆ ده‌زگا ئیتلاعاتی و ئه‌منیه‌تیه‌کان هیچ زانیاریێکیان له شوێن و هۆی گیرانی ره‌زا ده‌ست نه‌که‌وت تاکوو له حه‌فته‌ی رابردوو ره‌زا له په‌یوه‌ندیێکی ته‌له‌فوونی له‌گه‌ڵ بنه‌ماڵه‌که‌ی له ده‌ستبه‌سه‌ر کردنی خۆی و سه‌پاندنی حوکمی ئێعدام به تۆمه‌تی ئه‌ندام بوون له یه‌کێک له حیزبه نه‌یاره‌کانی رژێم له لایه‌ن دادگای رژێمه‌وه هه‌واڵی داوه. 
