یه‌کێک له چالاکانی خوێندکاریی کورد له‌لایه‌ن ده‌زگای قه‌زایی حکوومه‌تی ئێرانه‌وه به زیندان مه‌حکووم کرا.
به‌پێی هه‌واڵی هه‌واڵده‌ریی کوردپا، چه‌ند رۆژ پێش ئێستا لقی ١ی دادگای شۆڕشی شاری سنه حوکمی ٦ مانگی زیندان و هه‌ڵپه‌سێرانی ئه‌و حوکمه به ماوه‌ی ٥ ساڵ بۆ چالاکێکی خوێندکاری به‌ناوی "مه‌هدی دۆعاگۆ" بڕییه‌وه. دادگای شۆڕشی شاری سنه تاوانی "مه‌هدی دۆعاگۆ" به‌رپرسی یه‌کیه‌تیی دێمۆکراتیکی خوێندکارانی کورد، "چالاکی دژی ته‌ناهی نیزام" راگه‌یاندووه، که دواتر ئه‌و حوکمه له‌لایه‌ن لقی ٤ی دادگای پێداچوونه‌وه‌ی پاریزگای کوردستانه‌وه پژڕاست کراوه‌ته‌وه.
