خەلکی خۆشەویستی کوردستان !
لاوانی شۆرشگێرو ئازادی خوازر!
گەلی کورد لە مێژوویی خۆیدا سەدان دەسکەوتی گرینگی بەدەست هێناوە ، بێگومان کۆماری کوردستان بە یەکێک لەو دەسکەوتانە دادەنرێت کە رۆلەکانی گەلی کورد تا ئێستاش شانازی پێوەدەکەن وکۆماری کوردستان لە رۆژێکی وەک ئەمرۆ لە 2ی رێبەندانی 1324کۆچی خۆری بەرامبەر بە 21 -1-1945 زایینی بە ئامادەبوونی پێشەوا قازی محەمەد و کۆمەلێک لە کوردانی شۆرشگێری هەر چوار پارچەی کوردستان،کۆماری کوردستانیان لە مەیدانی چوارچرای مەهاباد راگەیاند، دامەزراندنی کۆماری کوردستان لە کاتێکدابوو کە رەوشی جێهان بەگشتی و کوردستان بەتایبەت لە بارودۆخێکی زۆر نالەباردابوو بەلام رێبەران و پێشەوایانی گەلی کورد بەیەکگرتوویی و یەکڕیزی ئەم هەلەیان قۆستەوە و توانیان دەسکەوتێکی گرینگ و مێژووی بۆ گەلی کورد تۆماربکەن .
