به‌رپرسانی قوتابخانه‌کانی ده‌وروبه‌ری ورمێ بۆ دابین کردنی سووته‌مه‌نی و کڕینی که‌لوپه‌ل بۆ قوتابخانه، پاره له قوتابییان وه‌رده‌گرن.
به‌پێی هه‌واڵی هه‌واڵده‌ریی کوردپا، رۆژی سێ‌شه‌ممه رێکه‌وتی ٣ی رێبه‌ندان، به‌رپرسانی قوتابخانه‌کانی ده‌وروبه‌ری ورمێ رایانگه‌یاندووه، که ده‌بێ هه‌ر قوتابییه‌ک بڕی ٣٠ هه‌تا ٥٠ هه‌زار تمه‌ن پاره بابه‌تی کڕینی سووته‌مه‌نی و که‌لوپه‌ل به قوتابخانه بدات. به‌رپرسانی قوتابخانه‌کان گوتوویانه پێویسته هه‌تا رۆژی یه‌کشه‌ممه‌ی حه‌فته‌ی داهاتوو قوتابییان ئه‌و بڕه پاره‌یه بده‌ن. هاووکات قوتابییان به به‌رپرسانی قوتابخانه‌کانیان راگه‌یاندووه که توانای دابین کردنی ئه‌و بڕه پاره‌یه‌مان نییه. به‌وته‌ی که‌سانی خۆجێی ته‌نیا له ماوه‌ی ئه‌مساڵی خوێندندا هه‌تا ئێستا چه‌ندین جار به‌رپرسانی ئه‌و قوتابخانانه به بیانووی جۆراوجۆر پاره‌یان له قوتابییان وه‌رگرتووه.
