کوژرانی ئه‌ندامێکی سپای پاسداران، ده‌ستبه‌سه‌ر کردنی هاووڵاتییانی لێ ده‌که‌وێته‌وه‌

دوابه‌دوای کوژرانی ئه‌ندامێکی پێشووی سپای پاسدارانی حکوومه‌تی ئێران، شاره‌کانی سنه‌ و کامیاران به‌ هێزێکی زۆری نیزامی میلیتاریزه‌ کراون و چه‌ند هاووڵاتیی خه‌ڵکی شاری کامیاران ده‌ستبه‌سه‌ر کران. به‌پێی هه‌واڵی هه‌واڵده‌ریی کوردپا، رۆژی سێ‌شه‌ممه‌ رێکه‌وتی ٨ی ره‌شه‌ممه‌، ٣ لاوی خه‌ڵکی شاری کامیاران له‌لایه‌ن هێزه‌ نیزامییه‌کانه‌وه‌ ده‌ستبه‌سه‌ر و بۆ شوێنێکی نادیار راگوێزران. له‌ شه‌قام و شوێنه‌ گشتییه‌کان هێزه‌ نیزامییه‌کان جێگیر کراون و وێڕای پشکنین و لێپرسینه‌وه‌، کارتی پێناسیش له‌ هاووڵاتیان و رێبواران وه‌رده‌گرن.

 چه‌ند رۆژ پێش ئێستا که‌سێک به‌ناوی "ئیبراهیم محه‌ممه‌دی" خه‌ڵکی گوندی "به‌‌ڕوه‌ر" سه‌ربه‌ به‌خشی "که‌ڵاته‌رزان"

ی شاری سنه‌ به‌ ته‌قه‌ی که‌س، یان که‌سانێکی نه‌ناسراو کوژرا. به‌وته‌ی هاووڵاتییانی ئه‌و ناوچه‌یه‌، ئه‌و که‌سه‌ کوژراوه‌ یه‌کێک له‌ ئه‌ندامانی به‌ پێشینه‌ی سپای پاسدارانی حکوومه‌تی ئیسلامیی ئێران بووه‌ و له‌ ماوه‌ی ساڵانی رابردوودا ده‌ستێکی باڵای له‌ کوشت و بڕی هاووڵاتیانی ئه‌و ناوچه‌یه‌دا بووه‌.