ژنێکی کورد لە شاری تاران کۆتایی بەژیانی خۆی هێنا

ژنێکی تەمەن ٢٣ ساڵی خەڵکی شاری مەهاباد لە ئەنجامی خۆکوژیدا گیانی لەدەست دا.
بەپێی هەواڵی ئاژانسی هەواڵدەریی کوردپا، شەوی یەکشەممە رێکەوتی ٢٧ی رەشەمە ژنێک بەناوی" سه‌یران عیسەوی" کچی عه‌لی و خەڵکی شاری مەهاباد لە شاری تاران کۆتایی بەژیانی خۆی هێنا.
تەمەنی ٢٣ ساڵ و خاون منداڵێکی ٤ ساڵ تەمەن بووە و ماوەی مانگ و نیوێک پێش ئێستا لە هاوسەرەکەی جیا ببۆوە کە هەتا کاتی بڵاوبوونەوەی ئەم هەواڵە چۆنیەتی خۆکوشتنی ناوبراو نەزانراوە.

کەسێکی نزیک لە بنەماڵەی ئەو ژنە  راگەیاند: سەیران ماوەی ٢ ساڵ بوو کە تووشی نەخۆشیی دەروونی هاتبوو و بەشێوەی جۆراوجۆر ٦ جار هەوڵی خۆکوشتنی دابوو کە دوایین جار کۆتایی بە ژیانی خۆی هێناوە و هەتا ئیستا تەرمی ناوبراو لە پزیشکی قانوونیی شاری تاران راگیراوە و رادەستی بنەماڵەکەی نەکراوەتەوە.