ڕووداوێکی هاتووچۆ له بانه ٢١ قوربانی لێکه‌و‌ته‌وه

رووداوێکی هاتووچ٠۶ له شاری بانه‌زیاتر له ٢٠  کوژراو و برینداری لێکه‌وته‌وه.
به پێی هه‌واڵی هه‌واڵنێری کوردپا، پێش‌نیوه‌‌ڕۆی ئه‌مڕۆ له جاده‌ی سه‌‌قز ـ بانه و له نزیکی گونده‌کانی "سه‌به‌دلوو" و "برۆژه کۆنه" له ئاکامی پێکدادانی کامیونێکی ماک و شه‌ش ماشێنی سه‌واری به‌داخه‌وه شه‌ش که‌س گیانی خۆیان له ده‌ست دا.
هەر بەپێی هەوالی ئاژانسی کوردپا باس له‌وه ده‌که‌ن که له‌و کاره‌ساته‌دا پازده که‌س بریندار بوون که بارودۆخی هێندێکیان ناجێگیره.
ته‌رمی ئه‌و شه‌ش که‌سه له‌گه‌ڵ برینداربوو‌ه‌کان بو نه‌خۆشخانه‌ی سه‌لاحه‌د‌دین ئه‌یووبی ڕاگۆستراون.

به‌رپرسی پۆلیسی ڕێگا و بانی شارستانی بانه، هۆکاری ئه‌و کاره‌ساته‌ی به هه‌بوونی کێشه له سیستمی تورمزی کامیونه‌که گه‌‌‌ڕانده‌وه.

هێندێک له‌سه‌رچاوه‌کان به هه‌واڵنێری کوردپایان ڕاگه‌یاند، سێ که‌س له‌و قوربانییانه خه‌ڵکی شاری بانه و ئه‌وانی دیکه‌ش میوانانی نه‌ورۆزی ئه‌م شاره بوون.