کۆبوونەوەی به‌‌ڕێوه‌به‌ری فیدڕاسیۆنی رێکخراوەکانی لاوانی کوردستانی ئێران

پاش نیوه‌‌‌ڕۆی رۆژی یەک‌شەممە 2‌ی‌ پووشپه‌‌‌ڕی 1392ی‌هه‌‌‌تاوی به‌‌‌رامبه‌‌‌ر به‌‌‌ 2013.6.23ی‌زایینی، لە بارەگای ناوه‌‌‌ندی یەکیه‌‌‌تیی لاوانی دێمۆکڕاتی رۆژهەڵاتی کوردستان، یەکەم کۆبوونەوەی دەستەی بەڕێوەبەریی نوێ پاش هەڵبژاردنی دەوری سێهەمی فیدڕاسیۆن به‌‌‌ سه‌‌‌رپه‌‌‌رشتی به‌‌‌ڕێز سه‌‌‌ید جه‌‌‌لال ساڵحی سکرتێری گشتیی فیدڕاسیۆن بەڕێوەچوو.
لەو کۆبوونەوەیەدا چەندین تەوەری گرینگ کەوتنە بەر باس‌و تاوتوێ کردن‌و پێداگر‌یان له‌‌‌سه‌‌‌ر کرایه‌‌‌وه‌‌‌ وه‌‌‌ک، هه‌‌‌رچی زیاتر لێک نزیک بوونه‌‌‌وه‌‌‌و بایه‌‌‌خدان به‌‌‌ یه‌‌‌ک‌ریزی‌و یه‌‌‌کگرتوویی زیاتری رێکخراوه‌‌‌کانی لاوانی رۆژهه‌‌‌ڵات‌و ته‌‌‌نانه‌‌‌ت کۆکردنه‌‌‌وه‌‌‌ی هه‌‌‌موو رێکخراوه‌‌‌ مه‌‌‌ده‌‌‌نی‌یه‌‌‌کانی رۆژهه‌‌‌ڵات له‌‌‌ ژێر چه‌‌‌تری فیدڕاسیۆنێک‌دا بۆ یه‌‌‌ک ده‌‌‌نگی‌و کاری هاوبه‌‌‌شی زیاتری نێو رێکخراوه‌‌‌کان، هه‌‌‌روه‌‌‌ها باسی کۆنفڕانسی چواره‌‌‌می لاوانی چوار پارچه‌‌‌ش هاته‌‌‌ به‌‌‌رباس که‌‌‌ له‌‌‌ ئێستاوه‌‌‌ ئاماده‌‌‌گی زیاتری بۆ بکرێ.
لە درێژەی کۆبوونەوەکەدا دەستەی بەڕێوەبەری نوێ لە‌سەر یازدەهەمین خولی هەڵبژاردنەکانی سەرکۆماری ئێران‌و ئاکامی دوای هەڵبژاردنەکان کۆمەڵێک قسە‌و باسیان کردو ڕاو‌بۆچوونیان ئاڵ‌وگۆڕ کرد.
هەوەها کۆمه‌‌‌ڵێک بابه‌‌‌ت‌و باسی نێوخۆییش هاتنه‌‌‌به‌‌‌رباس‌و بڕیاریان له‌‌‌سه‌‌‌ر درا.
لە کۆتایی کۆبوونەوه‌‌‌دا به‌‌‌ڕێوه‌‌‌به‌‌‌ری تەئکیدیان لە‌سەر هاوکاریی‌و کار‌وچالاکی زیاتری فیدڕاسیۆنەکە کردەوە.