به‌رێوه‌چوونى سیمینارێک بۆ سێهه‌مین ساڵیادى جه‌نابی مامۆستا سه‌یید جه‌لال حوسه‌ینى
شه‌وى پێنج شه‌ممه ٢٧ى پووشپه‌رى ١٣٩٢ سیمینارێک له‌ژێر ناوى "مامۆستا سه‌یید جه‌لال ره‌مزى فیداکارى و هێماى نه‌ته‌وه‌یی"بۆ به‌رێز کاک عه‌لى به‌هرامى ئه‌ندامى کومیته‌ى ناوندى له لایه‌ن ناوه‌ندى لاوانى خه‌بات ى کوردستانى ئێران رێکخرا. ئه‌و سیمیناره که به‌ئاماده‌بوونى به‌رێز کاک بابه‌شێخ حوسه‌ینى سکرتێرى گشتى سازمانى خه‌بات و به‌شێک
له سه‌رکردایه‌تى و خانه‌واده‌ى پێشمه‌رگه‌کان به‌رێوه چوو، به ده‌قیقه‌یه‌ک بێده‌نگى بۆ رێز گرتن له شه‌هیدان ده‌ستى پێکرد. پاشان به‌رێز کاک عه‌لى به‌هرامى بابه‌تێکى تێر و ته‌سلى سه‌باره‌ت به جه‌نابێ مامۆستا که ژیان و خه‌بات و ره‌هه‌نده سیاسی و ئه‌ده‌بی و ئاینیه‌کانى رێبه‌رى تێکۆشه‌رى سازمانى خه‌باتى له‌خۆ گرتبوو پێش که‌ش کرد. به‌رێز به‌هرامى له قسه‌کانى دا ووتى پێویسته له سه‌ر ئه‌و رێبه‌ره بلیمه‌ت و فیداکاره‌ى گه‌له‌که‌مان به شێوه‌یێکى ئاکادیمى تووێژینه‌وه بکرێ چوونکه ژیان و خه‌باتى مامۆستا باسى زۆر هه‌ڵده‌گرێ. هه‌ڵه‌یه مامۆستا ته‌نها وه‌ک ره‌هبه‌ر و پێشره‌وى میلله‌ت ناوببرێ به‌ڵکوو مامۆستا له چه‌ندین باردا تێکۆشه‌ر بووه، چه‌نده‌ى شاره‌زایی هه‌بووه له سه‌ر کار و بارى سیاسی، ئه‌ونده‌ش ئه‌دیب و شاعیر بووه، ئه‌ونده‌ش شاره‌زا بووه له سه‌ر دین و تاریخى ئیسلام، ئه‌ونده‌ش شاره‌زا بووه له جوغرافیاى کوردستان و مێژووى کورد هه‌ر بۆیه هه‌ر کام به‌و مه‌سه‌لانه‌ى باسم کردن باس و توێژینه‌وه‌ى زۆرى ده‌وێ.
له‌دواى ئه‌وه‌ى که کاک عه‌لى به‌هرامى ئه‌ندامى کومیته‌ى ناوه‌ندى سازمانى خه‌بات باسه‌که‌ى له سه‌ر جه‌نابی مامۆستا سه‌یید جه‌لال حوسه‌ینى رێبه‌ر و دامه‌زرێنه‌رى سازمانى خه‌بات کۆتایی پێهێنا، به پرسیار و تێبینی ئاماده‌بووان و وه‌لامى به‌رێزیان سیمیناره‌که به‌رده‌وام بوو.
ده‌قى قسه‌کانى به‌رێز عه‌لى به‌هرامى دواتر بلاو ده‌کرێته‌وه.
http://khabatmedia.com/upload/2007/09/Picture_161.jpg
