چه‌ند رۆژ له‌مه‌وبه‌ر کچه خوێندکارێکی کورد خه‌ڵکی ماکۆ که‌له شاری خۆی سه‌رقاڵی خوێندن بووه، به‌ده‌ستی ٢برا پاش ئه‌وه‌ى ده‌سدریچژى ده‌که‌نه سه‌رى کوژراوه.
به‌پێی هه‌واڵی ئاژانسی هه‌واڵده‌ریی کوردپا، مه‌هناز قه‌ندکانلوو کچی محه‌ممه‌د خوێندکارێکی کوردی خه‌ڵکی گوندی "میلان"ی سه‌ر به شاری ماکۆ که‌له زانکۆی سه‌ڵماس سه‌رقاڵی خوێندن بووه . سه‌رچاوه‌یه‌کی ئاگادار له‌و رووداوه به هه‌واڵنێری ئاژانسی کوردپای راگه‌یاندووه، ئه‌و که‌سانه پاش رفاندنی ئه‌و کچه خوێندکاره دستدرێژییان کردۆته سه‌ری و پاره و زێر٠ه‌کانیان به‌تاڵان بردووه و دواتر کوشتوویانه. هه‌مان سه‌رچاوه ئاماژه‌ی به‌وه‌ش کردووه بکوژه‌کان به هۆى زێر٠ه‌کانی که بایی ٢٠ میلیۆن تمه‌ن بووه، ناوبراویان کوشتوه. ته‌رمی بێ گیانی ئه‌و کچه خوێندکاره ٢ رۆژ له‌مه‌وپێش له ژێر پردێک له جاده‌ی نێوان خۆی بۆ سه‌ڵماس له‌لایه‌ن خه‌ڵکه‌وه بینراوه‌ته‌وه. بکوژانی ئه‌و کچه خوێندکاره ده‌ستبه‌سه‌ر و راده‌ستی ده‌زگای قه‌زایی کراون. سه‌رچاوه‌که ئاماژه‌ی به‌وه‌ش داوه له ماوه‌ی دوو حه‌فته‌ی رابردوودا ته‌نیا له شاری ماکۆ دوو ژنی دیکه کوژراون.
