رژێمی ئاخوندی دوای دەست بەسەردا گرتنی بەرهەمی شۆرشی خەڵکی ئێران کەوتە لە ناوو بردنی دەنگە جیاوازەکان و سرینەوەی کەش و هەوای ئازادی، بۆیە لە یەکم رۆژانی دەسەڵاتی ئەو رژێمەوە خەڵکی کوردستان ماهییەتی ئەو رژێمەیان بۆ دەر کەت و زانییان کە بەرهەمی رەنج و ماندووبوونیان بە خەسار چووە. خەڵکی کوردستان وێرای زانیینی ئەو راستییە کە وەها رژێمێک نایەوێت جگە لە خۆی ، دەنگ و بیرێکی جیاواز لە ئێران و کوردستان بوونی هەبێت سەرەرای ئەوەش بە پەیامی ئاشتی و وتووێژ هەوڵیان دا کە بە مافە سەرەتاییەکانی خۆیان بگەن، بەڵام خومەینی و داروودەستەکەی کەوتنە پیلان گێری و لە ماوەی چەند مانگی سەرەتایی دەسەڵاتەکەیان بە شێوەگەلی جۆراوجۆر ویستیان کات بۆ خۆ تەیار کردن و سەقامگیری دەسەڵاتەکەیان بکرن . تاکوو لە رۆژی 28ی گەلاوێژ خومەینی فەرمانی جیهادی دژ بە گەلی کورد و بیری ئازادیخوازی دەر کرد و فەرمانی بە هێزە سەرکوتگەرەکانی خۆی کرد کە تاکوو کوردستان داگیر نەکەن پۆتین لە پێ دانەکەنن و خەڵخالیشی وەک قازی شەرع بۆ قڕ کردنی خەڵکی بێ تاوانی کوردستان دیاری کرد کە ئەو گۆرگە درندەیە بۆ بە هۆی تۆمار کردنی بەڵگەێکی رەش و درندانە لە مێژووی پڕ لە تاوان و جینایەتی رژێمی ئاخوندی. سەرەرای فەرمانی خۆمەینی و هێرشی هێزە بەکرێگیراوەکانی بۆ سەر کوردستان لە کاتێکدا کە خەڵکی کوردستان چاوەروانی وەها تاوانێکیان نەدەکرد، بەڵام هەر زوو هێزی پێشمەرگەی کوردستان و خەڵکی گوند و شارەکانی کوردستان کەوتنە مەقاومەت و بەرخۆدان لە بەرانبەر ئەو هێرشانەدا و سەدان داستانیان لە خۆراگری و چاونەترسی لە مێژووی رزگاریخوازانەی گەلەکەماندا تۆمار کرد. بە شێوەێکە خۆمەینی و دارودەستەکەی ناچار کرد کە پەیامی راگرتنی شەڕ بە خەڵکی کوردستان بدات و بڵێت خەڵکی کوردستان من دەنگی ئێوەم بیست، بەڵام هەرچەندە ئەو ئارامییە زۆری نەخایاند و داگیر کردنی کوردستان درێژەی هەبوو خەڵکی کوردستانیش تاکوو ئێستا کۆڵیان لە خەبات و مبارزە نەداوە و بە پێشکەش کردنی سەدان رۆڵەی تێکۆشەری گەلەکەمان تا ئەمرۆ لە بەرامبەر وەها رژێمێکی دیکتاتۆر و داگیرکەر درێژەیان بە مۆبارزەی ئازادیخوازانەی خۆیان داوە و تاکوو گەیشتن بە مافە رەواکانی گەلەکەمان ئەو رێگەیە درێژە دەدەن.
سەرکەوێت خەباتی رزگاریخوازانەی گەڵی کورد
مەرگ و نەمان بۆ رژێمی دیکتاتۆری ئاخوندی
ناوەندی لاوانی خەباتی کوردستانی ئێران
دەسنەیی بەرێوەبەری
27ی گەلاوێژی 1392
