وتووێژه‌کانی ناوه‌کی له‌ نێوان ئێران و ئاژانسی وزه‌ی ئه‌تۆمی نێونه‌ته‌وه‌یی ده‌ستپێده‌کاته‌وه‌

به‌ پێی راپۆرتی هه‌واڵده‌رییه‌کان، وتووێژه‌کانی ناوکی نێوان ئێران و ئاژانسی وزه‌ی ئه‌تۆمی نێونه‌ته‌وه‌یی ده‌ستیپێکرده‌وه. ئاژانسی ده‌نگو باسی فه‌رمی ئێران له‌ زاری وته‌بێژێکی ڕێکخراوی وزه‌ی ئه‌تۆمی ئێران وه‌ ده‌ڵێت وتووێژه‌کانی تاران باش و بونیادنه‌ره‌و پێشوه‌چوونی تێدایه‌. بێهروز که‌مالوه‌ندی ڕایگه‌یاند وتووێژ له‌سه‌ر ئاڵوگۆڕی زانیارییه‌کان له‌گه‌ل ئاژانسی ناوه‌کی نه‌ته‌وه‌ یه‌کگرتووه‌کان له‌ ڕۆژی یه‌کشه‌ممه‌شدا به‌رده‌وام ده‌بێت.

ئاژانسی وزه‌ی ئه‌تۆمی نێونه‌ته‌وه‌یی خوازیاره‌  ئێران ئه‌و گومانانه‌ نهێڵێت که‌ هه‌وڵی دروستکردنی بۆمبی ناوه‌کی داوه‌ که‌ چی ئێرانیشه‌ هه‌میشه‌ نکوڵی له‌وه‌ کردووه‌.