رۆژی شه‌مه ١٠ ی ره‌شه‌مه‌ی ١٣٩٢ی هه‌تاوی، کاتژمێر ٤ی ئێواره شاندێکی ناوه‌ندی لاوانی خه‌باتی کوردستانی ئێران به سه‌رپه‌رشتی به‌رێز کاک فواد جه‌عفه‌ری به‌ر پرسی ناوه‌ندی لاوانی خه‌باتی کوردستانی ئێران پێشوازیان له شاندی کۆمه‌له‌ی جه‌وانانی کۆما جفاکێن کوردستان به سه‌رپه‌رشتی به‌رێز کاک جه‌مال کرد .
له‌و دیداره‌دا چه‌ندین باس و ته‌وه‌ر سه‌باره‌ت به بارودۆخی ناوچه‌که به‌گشتی وهه‌ل و مه‌رجی سیاسی له هه‌رکام له پارچه‌کانی کوردستان به‌تایبه‌تی گفتوگۆیی له‌سه‌ر کرا و هه‌روه‌ها له به‌شێکی دیکه‌ی دیداره‌که‌دا سه‌باره‌ت به کۆنفرانسی نه‌ته‌وه‌ی لاوانی هه‌رچوارپارچه‌ی کوردستان که ئه‌م سال ئه‌رکی به‌رێوه‌به‌ری له ئه‌ستۆی رێکخراوه‌کانی لاوانی رۆژهه‌لاتی کوردستانه ئاوری لێ درایه‌وه و و هه‌ردوو شاند ته‌ئکیدیان له‌وه کرده‌وه که ده‌بێت ئه‌م سال هه‌وڵ بدرێت یه‌ک کۆنفرانس به‌رێوه بچێت و ناکۆکیه‌کان وه‌لا بنرێت و یه‌کریزی لاوان پته‌وتربێت چونکوو په‌یامی کۆنفه‌رانس کۆده‌نگی و یه‌کریزی لاوانه و ده‌بێت له‌و چوارچێوه‌دا هه‌نگاو هه‌ڵبگرین.
له کۆتای دیداره‌که‌دا ناوه‌ندی لاوانی خه‌باتی کوردستانی ئێران و کۆمه‌له‌ی جه‌وانانی کوردستان پێداگیریان له سه‌ر دۆستایه‌تی و په‌یوه‌ندی به‌رده‌وام کرده‌وه و کاتژمێر ٦ی ئێواره کۆبوونه‌وه‌که کۆتایی پێهات.
