ساڵی رابردوو به‌هۆی ته‌قینه‌وه‌ی مین ٥٢ که‌س له‌ کوردستانی ئێران بوونه‌ قوربانی

ته‌‌‌قینه‌‌‌وه‌‌‌ی مین هه‌‌‌ڕه‌‌‌شه‌‌‌یه‌‌‌کی گه‌‌‌وره‌‌‌یه‌‌‌ له‌‌‌سه‌‌‌ر ژیانی دانیشتووانی ناوچه‌‌‌ سنوورییه‌‌‌کانی کوردستانی ئێران یان ئه‌‌‌و که‌‌‌سانه‌‌‌ی به‌‌‌و شوێنانه‌‌‌دا هاتووچۆ ده‌‌‌که‌‌‌ن. له‌‌‌ ساڵی رابردوو ٥٢ که‌‌‌س به‌‌‌هۆی ته‌‌‌قینه‌‌‌وه‌‌‌ی مین له‌‌‌ کوردستان بوونه‌‌‌ته‌‌‌ قوربانی، که‌‌‌ له‌‌‌ونێوه‌‌‌دا ١٧ که‌‌‌سیان کوژراون و ٣٥ که‌‌‌سی دیکه‌‌‌ش بریندار بوون. له‌‌‌ کۆی ئه‌‌‌و رێژه‌‌‌یه‌‌‌ زۆرترین حاڵه‌‌‌ت له‌‌‌ پارێزگای ئیلام تۆمار کراوه‌‌‌ که‌‌‌ ١٦ جار مین به‌‌‌ دانیشتووانی ئه‌‌‌و پارێزگایه‌‌‌دا ته‌‌‌قیوه‌‌‌ته‌‌‌وه‌‌‌. هه‌‌‌روه‌‌‌ها له‌‌‌ پارێزگای کرماشان ٧ حاڵه‌‌‌ت، له‌‌‌ پارێزگای سنه‌‌‌ ١٤ حاڵه‌‌‌ت و له‌‌‌ پارێزگای ورمێ ١٥ حاڵه‌‌‌تی ته‌‌‌قینه‌‌‌وه‌‌‌ی مین تۆمارکراوه‌‌‌. له‌‌‌ماوه‌‌‌ی شه‌‌‌ڕی ٨ ساڵه‌‌‌ی نێوان عێراق و ئێراندا زۆربه‌‌‌ی ناوچه‌‌‌کانی نێوان باشوور و رۆژهه‌‌‌ڵاتی کوردستان مینرێژ کراون. حکومه‌‌‌تی ئێران له‌‌‌ساڵی ١٩٨٧ه‌‌‌وه‌‌‌ ده‌‌‌ستی به‌‌‌ هه‌‌‌ڵگرتنه‌‌‌وه‌‌‌ی مین کردووه‌‌‌. کارناسان ناوچه‌‌‌ مینڕێژکراوه‌‌‌کانی ئێران و رۆژهه‌‌‌ڵاتی کوردستان به‌‌‌ ٣ ملیۆن هێکتار واتا ١٢ ملیۆن دۆنم زه‌‌‌وی به‌‌‌راورد ده‌‌‌که‌‌‌ن. به‌‌‌ پێی ئاماره‌‌‌ فه‌‌‌رمییه‌‌‌کان له‌‌‌نێوان ساڵه‌‌‌کانی ١٩٨٨ بۆ ٢٠ ٠ ٤ له‌‌‌ ئێران و رۆژهه‌‌‌ڵاتی کوردستان ٨٠ ٠  که‌‌‌س به‌‌‌هۆی ته‌‌‌قینه‌‌‌وه‌‌‌ی مین گیانیان داوه‌‌‌ که‌‌‌ له‌‌‌و نێوه‌‌‌دا هاونیشتمانیانی مه‌‌‌ده‌‌‌نی پشکی شێریان به‌‌‌رکه‌‌‌وتووه‌‌‌