به‌رهه‌می هونه‌رمه‌ندی گرافیستی کورد له ڤێستیفاڵی نێوده‌وڵه‌تیی لهێستان به‌شداری ده‌کات
amir
یه‌کێک له‌و به‌رهه‌مانه‌ی که ئه‌مساڵ له شاری "تورن" له لێهستان نمایش ده‌کرێ، به‌رهه‌می گرافیست کاری کوردی خه‌ڵکی شاری سنه‌یه. به‌پێی هه‌واڵی ئاژانسی هه‌واڵده‌ریی کوردپا، به‌رهه‌می گرافیستکاری کورد سه‌ید مێهران زارع له‌و به‌رهه‌مانه که رێگای پێدراوه بچێته وڵاتی لێهستان و له پیشنگای شاری "تورن" نمایش بدرێت.
.ئه‌مساڵ له کۆی ١٤٥٠ به‌رهه‌م که له‌لایه‌ن ٧٨٤ هونه‌رمه‌ند و له ٦٢ وڵات و بۆ وێنه "باشوور و باکووری ئه‌مریکا، ئورووپا، ئه‌قیانووسیه، ئه‌فریقا و ئاسیا به فێستیفاڵ گه‌یشتوون، ته‌نیا کۆمه‌ڵێک به‌رهه‌م گه‌یشتوونه‌ته قۆناغی پێشبر٠کێی ئه‌و فێستیفاڵه. به‌رهه‌می سه‌ید مێهران زارع ته‌مه‌ن ٢٥ ساڵ و کارناسی گرافیک رێکه‌وتی ٢٤ی خه‌رمانان نمایش ده‌کرێت.
