25ی خاکەلێوە 26 ساڵ بەسەر پرۆسەی کارەساتباری بە ناو ئەنفال دژ بە گەلی کورد لە کوردستان تێدەپەرێت. 26 ساڵ لەمەوبەر و لە وەها رۆژێکدا رژێمی گۆربەگۆری سەدام کەوتە قرکردنی خەڵکی کورد و لە 8 قۆناغ و لە شەش ناوچەی کوردستانی عێراق زیاتر لە 182 هەزار کەس لە خەڵکی مەدەنی و بێتاوانی کوردی زیندە بە گۆر کرد و هەزاران کەسیتریشی بۆ ئۆردوگا زۆرەملێکان گواستەوە و بە سەدان گۆند و ناوچەی وێران کرد.
خۆڵقانی ئەو کارەساتە لە لایەن رژێمی لە ناوچووی بەعسەوە بە مەبەستی سرینەوەی نەتەوەی کورد و زاڵ کردنی دەسەڵاتە دیکتاتۆرانەکەی لە بێدەنگی تەواوی جیهان و بەرگریکارانی مافی مرۆڤ بەرێوە چوو و هیچ کەس لە ئاست ئەو جینایەتە نەهاتە دەنگ و وڵاتانی زلهێزی دۆنیا چاویان لە ئاست ئەو کارەساتە داخست. گەلی کورد نابێت قەد ئەو زامە کە لە جەستەیدایە فەرامۆش بکات و نابێت هەرگیز ئیجازەی دووبارە بوونەوەی وەها کارەساتێک بدات . ئەرکی حکومەتی هەرێمی کوردستانە کە ئاور لە کەس و کاری قوربانیانی ئەنفال بداتەوە و بە هەوڵدان بۆ بە جینۆساید ناسینی ئەو تاوانە لە سازمانی نەتەوەیەکگرتووەکان و ناوەندەکانی بریاردەری مافی مرۆڤ تۆزێک لە ئازاری کەس و کاری قۆربانیان کەم بکاتەوە.
ناوەندی لاوانی خەباتی کوردستانی ئێران لەم رۆژەدا سڵاو ودرود دەنێرێت بۆ رۆحی پاکی هەموو شەهیدانی کوردستان و بە تایبەتی شەهیدانی بێتاوانی کارەساتی ئەنفال و سەری رێز و نەوازشیان بۆ دادەنەوێنێت.
مەرگ و نەمان بۆ داگیرکەرانی کوردستان!
سەرکەوێت شۆرشی ئازادیخوازانەی نەتەوەی کورد!
ناوەندی لاوانی خەباتی کوردستانی ئێران
دەستەیی بەرێوەبەری
25ی خاکەلێوەی 1392
25ی خاکەلێوە 26 ساڵ بەسەر پرۆسەی کارەساتباری بە ناو ئەنفال دژ بە گەلی کورد لە کوردستان تێدەپەرێت. 26 ساڵ لەمەوبەر و لە وەها رۆژێکدا رژێمی گۆربەگۆری سەدام کەوتە قرکردنی خەڵکی کورد و لە 8 قۆناغ و لە شەش ناوچەی کوردستانی عێراق زیاتر لە 182 هەزار کەس لە خەڵکی مەدەنی و بێتاوانی کوردی زیندە بە گۆر کرد و هەزاران کەسیتریشی بۆ ئۆردوگا زۆرەملێکان گواستەوە و بە سەدان گۆند و ناوچەی وێران کرد.
