lawan


ڕێکخراوی لاوانی خه‌باتی کوردستانی ئێران
Iranian Kurdistan Khabat Youth Organization
         

٢٢ی گه‌لاوێژ ڕۆژی جیهانی لاوان به‌رزو به‌رێزبێت

٢٢ی گه‌لاوێژ ڕۆژی جیهانی لاوان به‌رزو به‌رێزبێت
.

لاوانى ئازادیخواز و فیدکارى کوردستان!
لاوەێتی پڕ بایەخترین دەورانی ژیانی هەر مرۆڤێکە، لاوان سەرمایەی هەر نەتەوەیێکن، هەر بۆیە سەرکەوتن و بەرەو پێشچوونی هەر کۆمەڵگایێک پێوەندە بە هێزی لاوانەوە. بەڵام لەگەڵ ئەو راستیانە، لە کۆمەڵگای مرۆڤایەتی و بەتایبەت کۆمەڵگا دیکتاتۆر لێدراوەکان هەر دەم لاو وەک ئامرازێک بۆ خزمەت بە سیستەمی دیکتاتۆری و مانەوە و بیمە کردنی ئەو جۆرە سیستەمانە کەڵکیان لێ وەرگیراوە و هیچ کات دەور و نەقشی ئەو توێژە ئەساسیەی کۆمەڵ لە بەرچاو نەگیراوە. هەر بۆیە ١٢ سال له‌مه‌وبه‌ر و له‌ سالی ٢٠ ٠ ٠ دا رێکخراوی نه‌ته‌و یه‌گرتوه‌کان٢٢ی گه‌لاوێژ بەرامبەر بە ١٢ی ئاگۆستی یان وه‌ک ڕۆژی جیهانی لاوان دیاری کرد. ئه‌م هه‌نگاوه‌ له‌ زۆربه‌ی ولاتان به‌ ئه‌رێ نی له‌ قه‌لام درا و پێشوازی زۆری لێکرا به‌تایبه‌ت له‌لایه‌ن لاوانه‌وه‌ ، ئامانج له‌ دیاری کردنی ئه‌و ڕۆژه‌ ها‌ندانی لاوانه‌ بۆ بڕیاردان له‌ داهاتوو و دەرفەتێکە بۆ ناسینی هۆویەت و کەسایەتی خۆی، لاوان که‌ چینێکی سه‌ره‌کی کۆمه‌لگان و هێز و بازووی داهاتوون،ده‌بێت زیاتر گرینگیان پێ بدرێت و کێشه‌ و گرفته‌کانیان بۆ چاره‌سه‌ر بکرێت.دیاری کردنی ڕۆژێکی وه‌ها جێگه‌ی دڵخۆشی و ده‌ست خۆشی یه‌ له‌ ڕێکخراوی نه‌ته‌وه‌ یه‌گرتووه‌کان و تێکڕای دڵسۆزانی ئەو توێژە.

بەداخەوە لە ئێران دا بەبوونی رژیمی دیکتاتۆری ئێستا لاوان بە جێ گوومان چاویان لێ دەکرێ، بەتایبەت ئەو لاوانەی بە چاوێکی کراوە و بە بیرێکی رۆشن لە داهاتووی خۆیان و وەڵاتەکەیان دەروانن، هەر بۆیە هەر لە سەرەتای هاتنە سەرکاری ئەو دەسەڵاتەوە بیر و هزری لاوان کرایە ئامانج، بە شێوەیێک کە بە پیلان و بەرنامەی جۆراوجۆر ویستیان مەرامەکانی خۆیان بسەپێنن بە سەر لاواندا و یا خود لە سەر ئەو بەرنامانە رۆیشتن کە لاوان دوور خەنەوە لە بیرکردنەوە لە وەڵات و لە حاست مەسەلە گرینگەکانی ئێران بێ دەربەست بن. 

لە کوردستاندا کە هەر لە بەرێ ڕا لاوان پێشڕەو بوون، هۆی بەرەو پێشچوونی کۆمەڵی کوردەواری بوون و هەر چی ئاڵووگۆری فکری و فەرهەنگی و سیاسیە لە سەر دەستی لاوان کراوە، بەڵام به‌داخه‌وه‌ لاوان له‌ کوردستانی ئێران بوونه‌ته‌ قوربانی سیاسه‌ته‌ نادروست و دژمنکارانەکانی ڕژێمی ئێران، ئەو رژیمە بە بەرنامەوە دەستیان دایە بە لارێدا بردنی لاوان و بە برسی هێشتنەوەی کۆمەڵگای کوردستان و بایەخ نەدان بە ژێرخانی ئابووری ئەو ناوچە فشارێکی ئابووری خستە سەر لاوی کورد، هەروەها لە درێژەی ئەو فشارانەدا دیاردە کۆمەڵایەتی و فەرهەنگیەکان وای لە لاوانی کورد کردوە کە ئەو توێژە گرینگەی کۆمەڵگای کوردستان گیرۆدەی دەیان دیاردە بنەوە، بۆ ئەوەی لاوانی کورد نەتوانن بیر لە مەسەلە نەتەوایەتیان و مافەکانیان بکەنەوە. 

ناوه‌ندی لاوانی خه‌باتی کوردستانی ئێران وێڕای پیرۆزبایی ٢٢ی گەلاوێژ له‌ سه‌رجه‌م لاوانی جیهان و ئێران به‌گشتی و لاوانی کوردستانی ئێران به‌تایبه‌تی، داوا له‌سه‌رجه‌م لاوانی خه‌باتکار و شۆڕشگێڕی کوردستان ده‌کات که‌ ڕیزه‌کانیان یه‌کبخه‌ن و زیاتر له‌ جاران لە به‌رامبه‌ر سیاسته‌ نادروست و دزێوەکانی ڕژێمی ئێران بوه‌ستنەوە، چوونکە بە هاتنی شنەبای ئازادی لە ناوچەکە، ئەرکی لاوان لە رابردوو قورستر دەبێ. هەر بۆیە پێویستە لاوان بە شێوەیێکی بەرین ریزەکانی خۆیان یەکخەن و ئامادە بن بۆ ئاڵووگۆڕی بنەڕەتی لە ئێران و راماڵینی پێگەی داگیرکەران و دەسەڵاتی دیکتاتۆری ئاخوندی لە کوردستان.

سەرکەوێ خەباتی نەتەوەی کورد

هەر بژی لاوی کورد پێشڕەوی بزوتنەوەی مافخوازانەی خەڵکی کوردستان

ناوەندی لاوانی خەباتی کوردستانی ئێران

دەستەی بەرێوەبەری

٢٢ی گەلاوێژی ١٣٩١

nawandi lawani khabatnawandi lawani khabat






11 ساڵ و 6 مانگ و 12 ڕۆژ و 9 کاتژمێر و 57 خوله‌ک له‌مه‌وپێش‌

٢٢ی گه‌لاوێژ ڕۆژی جیهانی لاوان به‌رزو به‌رێزبێت

٢٢ی گه‌لاوێژ ڕۆژی جیهانی لاوان به‌رزو به‌رێزبێت


ده‌رباره‌ی ئێمه به کورتی


لێره‌‌‌ ده‌‌‌رباره‌‌‌ی خۆتان بنووسن به کورتی

په‌یوه‌ندی


تۆڕە کۆمەڵایەتیەکان



٢/ لینکی یوتوب

٣/ لینکی تویته‌‌‌ر