سێ چالاکی ئینتێرنێتی لە مەریوان رەوانەی زیندان کران
دەزگای قەزایی رژێمى ئاخوندى ئێران پاش ئەوەی سێ چالاکی فەرهەنگیی کوردی بانگهێشت کرد، حوکمی زیندانی کرانی بۆ بڕینەوە.
بەپێی راپۆرتی هەواڵدەریی کوردپا، ئەمڕۆ سێ‌شەممە رێکەوتی ١٠ ی پووشپەڕ، سێ هاووڵاتیی کوردلە مەریوان، پاش ئەوەی خۆیان بە لقی ٢ی دادوەری لێکۆڵینەوە دادگای ئینقلاب ناساند، دەستبەسەر کران. دوو رۆژ پێش ئێستا، کافی‌نێتی (رۆژ)ی عوبەید زارعی، کافی‌نێتی "دانشجو(خوێندکار)"ی جەمیل مۆئمینی و کافی‌نێتی (کانێکت)ی فاتێح جیهانی لەلایەن پۆلیسی (فەتا)وەو بە بڕیاری دادگای ئینقلاب داخران. بەپێی ئەم راپۆرتە، ئەم سێ چالاکە میدیاییە، ئەمڕۆ سێ‌شەممە بانگهێشتی دادگا کرابوون و بە بڕیاری دادوەر (خزرلوو) دادوەری لێکۆڵینەوە لە دادگای ئینقلاب. رەوانەی زیندانی ناوەندیی مەریوان کران. بەبڕوای چالاکانی ئینتێرنێتی، سوپای پاسداران لەماوەی سێ ساڵی رابردوودا چاوەدێری و کۆنترۆڵی بەسەر ئینتێرنێت و ماڵپەڕەکاندا زیاد کردووە و چالاکانی میدیای و ئینتیرنێتیش بە فەرمانی بەرپرسانی ئەمنی و حیفازەتی دەستبەسەر دەکرێن.
