له ماوه‌ی دوو رۆژی رابردوودا له شاری سنه، ورمێ و ئیسلام ئابادی غه‌رب سێ لاوی کورد له کاتی مه‌له کردندا له به‌نداوه‌کانی کوردستان خنکاون. به‌پێی راپۆرتی هه‌واڵده‌ریی کوردپا، سێ لاوی کورد به‌ناوه‌کانی فه‌ردین قووشچی کور٠ی فرووته‌ن، ته‌مه‌ن ١٨ ساڵ خه‌ڵکی سنه و له به‌نداوی گاوشان، موسلیم (مورتزا) شه‌هسه‌واری ته‌مه‌ن ١٦ ساڵ و خه‌ڵکی ئیسلام ئاباد غه‌رب له به‌نداوی شیانی ئه‌و شاره و و لاوێکی ته‌مه‌ن ٢٨ ساڵ له به‌نداوی شه‌هرچایی ورمێ له ماوه‌ی دوو رۆژی رابردوودا به‌هۆی ناشاره‌زایی له مه‌له گیانیان داوه.
فه‌ردین قووشچی رۆژی هه‌ینی ٢٠ ی گه‌لاوێژ ر له‌گه‌ڵ چه‌ند هاور٠ێیه‌کی بۆ مه‌له سه‌ردانی به‌نداوی "گاوشان" هه‌ڵکه‌وتوو له نێوان سنه و کامیاران کردبوو، به‌هۆی ناشاره‌زایی له مه‌له‌کردن له‌و به‌نداوه‌دا خنکاوه. له رووداوێکی دیکه‌دا لاوێکی ته‌مه‌ن ١٦ ساڵه‌ی کورد به‌ناوی موسلیم شه‌هسه‌واری خه‌ڵکی ئیسلام ئابادی کرماشان رێکه‌وتی ٢١ی گه‌لاوێژ له به‌نداوی "شیان"ی ئه‌و شاره به‌هۆی گیرکردنی لاقه‌کانی له قه‌وزه و قور٠ای ناو به‌نداوه‌که خنکاوه. له‌لایه‌کی دیکه‌وه هه‌مان رۆژ له به‌نداوی شه‌هرچایی له ده‌ورووبه‌ری ورمێ سێ لاوی کورد که‌وتونه‌ته ناو ئه‌و به‌نداوه‌وه و سه‌ره‌نجام یه‌ک له‌و لاوانه که ته‌مه‌نی ٢٨ ساڵ بووه به‌هۆی نه‌بوونی شاره‌زایی له مه‌له گیانی له‌ده‌ست داوه
