حیفازەت ئیتلاعاتی سوپا لە بۆکان، وێنەگرێکی کوردی دەستبەسەر کرد
وێنەگر و وەرزشکارێکی کوردی خەڵکی شاری بۆکان لە شوێنی کارەکەی لەو شارە، لەلایەن حیفازەت ئیتلاعاتی سوپای پاسدارانی شاری بۆکانەوە دەستبەسەر کرا.
وێنەگر و وەرزشکارێکی کوردی خەڵکی شاری بۆکان لە شوێنی کارەکەی لەو شارە، لەلایەن حیفازەت ئیتلاعاتی سوپای پاسدارانی شاری بۆکانەوە دەستبەسەر کرا. بەپێی راپۆرتی هەواڵدەریی کوردپا، فاتێح خوسرەوی، کوڕی محەمەد، رۆژی سێ‌شەممەرێکەوتی ١٠ ی پووشپەڕ، لە دووکانی وێنەگرییەکەی لە شەقامی "ئینقلاب"ی شاری بۆکان دەستبەسەر و بۆ شوێنێکی نادیار راگوێزراوە. جێگه‌‌‌ی باسه که هەتا ئێستا هۆکاری دەستبەسەر کران و شوینی راگیرانی ئەو لاوە کوردە، بە کەسوکاری رانەگەیەندراوە. فاتێح خوسرەوی، مانگی گەلاوێژی ساڵی ١٣٨٩ی هەتاویش، لەلایەن هێزە ئیتلاعاتییەکانی شاری بۆکانەوە دەستبەسەر و بۆ ماوەی ١ مانگ لە دەستبەسەریی هێزە ئیتلاعاتییەکاندا مابوویەوە، کە دواتر بە دانانی بارمتە ئازاد کرابوو.
