فێدراسیونی رێکخراوه‌کانی لاوانی کوردستانی ئێران پێکهات
لاوان ئینفۆ
له پێناو به دیهاتنی یه‌کگوتاری و به هێز کردنی رۆحی هاوخه‌باتی له نێوان لاوانی کوردستاندا، پاش چه‌ندین کۆبونه‌وه و راوێژ و لێکدانه‌وه له نێوان رێکخراوه‌کانی لاوانی رۆژهه‌لاتدا، فێدراسونی تایبه‌تی خۆیان راده‌گه‌یه‌نێن.
ئه‌و فێدراسیونه پێکهاتنی خۆی به ده‌رئه‌نجامی ته‌بایی و لێکنزیک بوونه‌وه‌ی بیر و بۆچونه هاوبه‌شه‌کان سه‌باره‌ت به پرسی نه‌ته‌وه‌یی...
و خه‌باتی رزگاریخوازانه‌ی خه‌ڵکی کوردستان و کێشه کۆمه‌لایه‌تی و سیاسی و که‌لتورییه‌کانی لاوانی کوردستان و هه‌روه‌ها گرینگایه‌تی لێکهه‌ڵپێکرانی وزه و توانا و لێهاتوییه‌کانی لاوان و رۆڵیان له به هێز کردنی خه‌باتی خه‌ڵکی کوردستان له بواره جیاجیاکاندا ده‌زانێت.
هه‌روه‌ها له کۆبونه‌وه‌ی کۆتاییدا له رێکه‌وتی ٣/٣/١٣٩١ به‌رامبه‌ر به ٢٣/٥/٢٠ ١٢ پاش رێکه‌وتن و په‌سه‌ند کردنی به‌رنامه و پێر٠ه‌وی ناوخۆی فێدرسیونه‌که له لایه‌ن ده‌سته‌ی دامه‌زرێنه‌ره‌وه، ده‌سته‌ی به‌ر٠ێوه‌به‌ری هه‌ڵبژێردراو پاشان له یه‌که‌م کۆبونه‌وه‌ی ده‌سته‌ی به‌ر٠ێوه به‌ریدا، هاور٠ێیان فوئاد خاکی به‌یگی و عه‌لی به‌هرامی وه‌ک سکرتێر و وته‌بێژی ده‌وره‌یی و ئاوات قوره‌یشی به‌شی پێوه‌ندییه‌کان، مه‌نسور سه‌مار، راگه‌یاندن و ئه‌نوه‌ر عه‌باسی بۆ به‌شی ئیداریی فێدراسیونه‌که هه‌ڵبژێردران له ده‌سته‌ی به‌رێوه‌به‌ریدا.
ده‌سته‌ی دامه‌زرێنه‌ر بریتین له:
١: کۆمه‌ڵه‌ی لاوانی رۆژهه‌لات
٢:یه‌کییه‌تی لاوانی دێموکراتی کوردستانی ئێران
٣: ناوه‌ندی لاوانی پێشر٠ه‌و
٤: ناوه‌ندی لاوانی خه‌باتی کوردستانی ئێران
٥: یه‌کییه‌تی لاوانی دێموکراتی رۆژهه‌لاتی کوردستان
٦: لاوانی یه‌کییه‌تی شور٠شگێرانی کوردستان
٧: لاوانیی یه‌کییه‌تی دێموکراتی کوردستان
