هێزه لیباس شه‌خسییه‌کان له رێگای به‌کارهێنانی گازی فرمێسک رێژ لاوێکی کوردیان ده‌ستبه‌سه‌ر کرد
.
هێزه‌کانی ئیداره‌ی ئیتلاعات له شاری سه‌لاسی باوه‌جانی له رێگای به‌کارهێنانی گازی فرمێسک رێژه‌وه هاووڵاتییه‌کیان له‌ناو ماڵه‌که‌یدا ده‌ستبه‌سه‌ر کرد.به‌پێی هه‌واڵی هه‌واڵده‌ریی کوردپا، رۆژی دووشه‌ممه رێکه‌وتی ٢٣ی گه‌لاوێژ سامان عه‌لی وه‌یسی ته‌مه‌ن ٢٢ ساڵ و کور٠ی ئه‌مین له‌لایه‌ن هێزه ئه‌منیه‌تییه‌کانه‌وه له ماڵی باوکیدا له "تازئاوا"ی سه‌لاسی باوه‌جانی ده‌ستبه‌سه‌ر و بۆ شوێنێکی نادیار راگوێزرا.
هێزه ئه‌منیه‌تییه‌کان به‌رله چوونه ژووره‌وه گازی فرمێسک هێنه‌ریان به‌کار هێناوه و ئه‌و هه‌وڵه بۆته هۆی درووست بوونی ترس و دڵه‌ر٠اوکێی ئه‌و بنه‌ماڵه‌یه. له درێژه‌ی راپورته‌که‌دا هاتووه، هێزه ئه‌منیه‌تییه‌کان به‌شێک له که‌لوپه‌لی ئه‌و بنه‌ماڵه‌یه‌یان فر٠ی داوه‌ته ده‌ره‌وه و ئه‌ندامانی ئه‌و بنه‌ماڵه‌شیان داوه‌ته به‌ر لێدان و کوتان. هه‌تا بڵاو بوونه‌وه‌ی ئه‌و هه‌واڵه له هۆکاری ده‌ستبه‌سه‌ر کردن و شوێنی راگیرانی ئه‌و لاوه کورده زانیارییه‌ک له‌به‌ر ده‌ست دا نیه.
