شوێنە گشتییەکانی شاری سنە کراون بەمەیدانی تیرهاوێژی
بوونی مەیدانی تیرهاوێژیی پادگانە نیزامییەکانی رژێمی ئاخوندی ئێران لە شوێنە گشتییەکان و دەورووبەری شاری سنە مەترسیی بۆ سەر هاووڵاتییان دروست کردووە وخەڵکی لەو کارە نیگەرانن. بەپێی هەواڵی هەواڵدەریی کوردپا، لەشکری ٢٨ی پیادەی کوردستان لە سنە ماوەیەکە چەندین مەیدانی تیرهاوێژی بە مەبەستی راهێنان و مەشقی نیزامی لە نزیک شوێنە گەشتیارییەکان دروست کردووە و دەنگی تەقە و هەرا و هوریای سەربازەکان خەڵکی نیگەران کردووە و ناڕەزایەتیی لێکەوتۆتەوە. بە پێی ئەم راپۆرتە هاووڵاتیان رایگەیاندووە، شوێنەکانی وەکوو ئاویەر و (خەیرە زنە"خدری زیندوو") بوونەتە مەیدانی تیرهاوێژیی لەشکری ٢٨ی کوردستان و هیچ ئەمنیەتیەکی گیانیش بۆ ئەو مەبەستە لەبەر چاو نەگیراوە. ئەو هاووڵاتیانە باسیان لەوەش کردووە، سەرەڕای دەنگی تەقە، زۆر جار پاشماوە و ئاشغاڵی پادگانەکەش بەشێوەی ناتەندروست لە نزیک ئەو شوێنە گەشتیاریانە لەناو دەبردرێن. لەحاڵی حازردا بە هۆی بەرین بوونەوەی شار ئەو شوێنە تیرهاوێژیانە کەوتوونەتە شوێنی نیشتەجێ‌بوونی هاووڵاتیانی شاری سنە و ئەوەش مەترسی بۆ دروست کردوون.
بوونی مەیدانی تیرهاوێژیی پادگانە نیزامییەکانی رژێمی ئاخوندی ئێران لە شوێنە گشتییەکان و دەورووبەری شاری سنە مەترسیی بۆ سەر هاووڵاتییان دروست کردووە وخەڵکی لەو کارە نیگەرانن. بەپێی هەواڵی هەواڵدەریی کوردپا، لەشکری ٢٨ی پیادەی کوردستان لە سنە ماوەیەکە چەندین مەیدانی تیرهاوێژی بە مەبەستی راهێنان و مەشقی نیزامی لە نزیک شوێنە گەشتیارییەکان دروست کردووە و دەنگی تەقە و هەرا و هوریای سەربازەکان خەڵکی نیگەران کردووە و ناڕەزایەتیی لێکەوتۆتەوە. بە پێی ئەم راپۆرتە هاووڵاتیان رایگەیاندووە، شوێنەکانی وەکوو ئاویەر و (خەیرە زنە"خدری زیندوو") بوونەتە مەیدانی تیرهاوێژیی لەشکری ٢٨ی کوردستان و هیچ ئەمنیەتیەکی گیانیش بۆ ئەو مەبەستە لەبەر چاو نەگیراوە. ئەو هاووڵاتیانە باسیان لەوەش کردووە، سەرەڕای دەنگی تەقە، زۆر جار پاشماوە و ئاشغاڵی پادگانەکەش بەشێوەی ناتەندروست لە نزیک ئەو شوێنە گەشتیاریانە لەناو دەبردرێن. لەحاڵی حازردا بە هۆی بەرین بوونەوەی شار ئەو شوێنە تیرهاوێژیانە کەوتوونەتە شوێنی نیشتەجێ‌بوونی هاووڵاتیانی شاری سنە و ئەوەش مەترسی بۆ دروست کردوون.
