خەڵکی خۆڕاگری کوردستان!
خانەوادەی سەربەرزی شەهیدان!
لاوان و ئافرەتانی خوێنگەرمی ڕیزەکانمان!
بەبۆنەی جێژنی نەتەوەیی نەورۆز گەرمترین پیرۆزبایتان پێشکەش دەکەین. هیوادارین ئەم جێژنە ببێتە مایەی ئاشتی و خۆشگوزەرانی بۆ خەڵک و لاوان و ئافرەتانی تێکۆشەر و خەباتگێڕی کوردستان و گەیشتن بە ئامانج و ئاواتەکانمان......
خەڵکی خۆڕاگری کوردستان!
خانەوادەی سەربەرزی شەهیدان!
لاوان و ئافرەتانی خوێنگەرمی ڕیزەکانمان!
بەبۆنەی جێژنی نەتەوەیی نەورۆز گەرمترین پیرۆزبایتان پێشکەش دەکەین. هیوادارین ئەم جێژنە ببێتە مایەی ئاشتی و خۆشگوزەرانی بۆ خەڵک و لاوان و ئافرەتانی تێکۆشەر و خەباتگێڕی کوردستان و گەیشتن بە ئامانج و ئاواتەکانمان.
لاوان و ئافرەتانی تێکۆشەر!
لە کاتێکدا ئەم یادە مەزنە دەکەینەوە کە خەڵکی بەشەرەفی کوردستان لە سەرەتایترین ماف وئازادیەکان بێ‌بەشن و لە دۆخێکی نالەبار و دژواردا ژیان بەڕێدەکەن.
ڕژێمی ئاخوندی هەلومەرجێکی نا لەبار و نامرۆڤانەی بەسەر لاوان و ئافرەتانی دڵسۆزی کوردستان سەپاندووە و ڕۆژانە تووشی چەندین لەمپەر دەکرێن و بەدەست دەیان ئازارەوە دەناڵێنن.
بارودۆخی خراپی ئابووری، کێشەی کۆمەڵایەتی، مادەی هۆشبەر، هەلومەرجی خراپی خوێندن، زیندان، ئەشکەنجە و ئیعدامی لاوان و ئافرەتانی تێکۆشەر، ئەو کێشانە و دەیان کێشەی تریش بەرۆکی خەڵکی کوردستانی گرتووە و ڕژیمی ئاخوندی بەو پلان و بەرنامە گڵاوانە بە بەردەوامی لە هەوڵی بێ تواناکردنی پێگەی لاوان و ژنانی کوردە.
دەسەڵاتدارانی ڕژێم ئەو ڕاستیە باش دەزانن کە پلانە دزێوەکانیان نە لە ڕابردوودا و نە لە ئێستادا بەهیچ جۆرێک نەیتوانیوە چۆک بە لاوان و ئافرەتان و خەڵکی شۆڕشگێڕی کوردستان دابدا و تا ڕووخان و لەناوچوونی ڕژێمی مرۆڤ کوژی ئاخوندی لە خەبات و تێکۆشان بەردەوام دەبن.
سەرەڕای ئەم بارودۆخە ناهەموارە لە ئێراندا، بە هاتنی جێژنی نەورۆز و بەهار و سەری ساڵی کوردی جۆش و خرۆش لە ناو جەماوەر لە پەرەسەندندایەو بە هومێدەوە لە ئایندە دەڕوانن. دەبێ ئاماژە بەوە بدەین کە ڕژێم دژبە جێژن و دڵخۆشی خەڵکی کوردستانە و لە ژێرناوی پاراستنی ئەمنیەت، سوپا و هێزە ئەمنییەکانی بەردەداتە خەڵک و ڕێگری لە ئاهەنگەکانی نەورۆز و سەری ساڵی تازە دەکات.
بە پێی هەواڵەکان عەلی شەمخانی لەگەڵ ژمارەیەک فەرماندەی سوپای پاسداران کۆبوەتەوە‌و هەڕەشەی لەحیزبە کوردییەکانی کوردستانی ٠۸ێران کردوە بەوەی هەر هەوڵێک بدەن بۆ تێکدانی ئارامی ئێران ئەوا زۆر بەتوندی وەڵام دەدرێنەوە.
هیومیدوارین کە ساڵی تازە، ساڵی سەرکەوتنی خەباتی ڕەوای گەلەکەمان بێ و جێژنی نەورۆزی داهاتوو لە کوردستانی ئازاد و ڕزگارکراودا بکەینەوە و لاوان و ئافرەتانی کورد بگەن بەهەموو مافێکی ڕەوای خۆیان و بە ئازادی بژین، بە ئازادی چالاکی بکەن و بە ئازادی بۆنە و یادەکان بەڕێوەببەن.
جارێکی تر پیرۆزبایی جێژنی نەتەوەیی نەورۆزتان پێدەڵێین و هومێدەوارین ساڵێکی پڕ لە ئارامی و خۆشی بۆ تێکڕای دانیشتوانی ئێران و کوردستان بێ.
بروخێ رژێمی دیکتاتۆری ئاخۆندی
سەرکەوێ خەباتی ڕەوای گەلەکەمان
رێکخراوەکانی ئافرەتان و لاوانی خەباتی کوردستانی ئێران
۲۸ رەشەمەی ۱۳·۹
