lawan

ڕێکخراوی لاوانی خه‌باتی کوردستانی ئێران
Iranian Kurdistan Khabat Youth Organization

هێزە ئیتلاعاتییەکان لاویکی دیکەیان لە بۆکان دەستبەسەر کرد

لە درێژەی بەرین بوونەوەی رەوتی سەرکوت و دەستبەسەر کردنی لاوانی کورد لە کوردستان، لاوێکی دیکەی کورد لەلایەن هێزە ئیتلاعاتییەکانەوە لە شاری بۆکان دەستبەسەر کرا. بەپێی راپۆرتی هەواڵدەریی کوردپا، لاوێکی کوردی خەڵکی گوندی گامێشگۆلیی سەربە ناوچەی ئاڵەشینی بۆکان، کە هاوڕێ لەگەڵ کەسێکی دیکەی خەڵکی ئەو گوندە لەلایەن ‌هێزە ئیتلاعاتییەکانەوە دەستبەسەر کراوە، چارەنووسی نادیارە. میلاد عەبدی کوڕی مەجید ئەو لاوە کوردەیە، کە شەش رۆژ پێش ئێستا هاورێ لەگەڵ کەسێکی دیکەی خەڵکی گوندی گامێشگۆلی بەناوی (قاسم سپاهی) دەستبەسەر کراوە. هەتا ئێستا و سەرەڕای بەدواداچوونی بنەماڵەی ئەو دوو لاوە کوردە لەمەڕ چارەنووسی رۆڵەکانیان، هیچ زانیارییەکیان لەمەڕ هۆکار و شوینی دەستبەسەر کرانیان پێ رانەگەیاندراوە. بەپێی ئامارەکان تەنیا لە ماوەی ٨ رۆژی رابردوودا ١٠ هاووڵاتیی کورد لە شارە جیاجیاکانی کوردستان و لەلایەن هێزە ئەمنی و ئیتلاعاتییەکانەوە دەستبەسەر کراون و چارەنووسیان نادیارە.

هـــەڵمەتـــێکی نـــوێ بـــە نـــاوی پـــرژانـــدنی تێزاب لــەناو دەزگــــای ئــاخـــوندی

لەماوەی دەسەڵاتداریی ئاخوندانی ئێران شاهیدی سەدان دیاردە و پیلانی دزێو و دوور لە ئەخلاق و ئینسانیەت بووینە و ئەو رژیمە ماکەی سەرهەڵدان و وەدیهێنەری کردەوەی قێزەون و ئاکاری نەشیاوە. خەڵکی ئێران بە هەموو گەلانیەوە لە پێناو سەرکووت کردن و کۆنترۆڵکردنیان لە لایەن دەزگای دەسەڵاتداریەتی هیچ رێگەیێک نەماوە لەسەریان تاقی نەکرێتەوە. لەناو گەلانی ئێرانیش ژنان وەک توێژی زیندووی کۆمەڵگا زۆرترین ئازار و خەساریان لەلایەن ئەو نیزامە دیکتاتۆرەوە بەر کەوتووە و لە رێگەی جۆراوجۆرەوە لەهەوڵی کپ کردن و نەهێشتنی ئازادییە تاکەکەسیەکانیان دان. لەماوەی مانگەکانی رابردوو شاهیدی...

هەڵمەتێکی جینایەتکارانەی نوێین کە ئەویش بابەتی ئەسید پاشی بۆ سەر دەم و چاوی ژنانە و بە پلانەوە لە لایەن خودی دەسەڵاتەوە بەرێوە دەچێ و ئەگەری ئەوەی هەیە پەل و پۆ بهاوێ‌ بۆ باقی شار و ناوچەکەکانی ئێران و یەک لەوان کوردستان. هەر چەند پێشتریش ئەو دیاردەیە بوونی هەبووە و بە پێی سەرژمێرییەکانی خودی رژیم لەماوەی ساڵی رابردوو 360 حاڵەتی تێزاب پرژاندن تۆمار کراوە، بەڵام ئەوەی لەماوەی مانگی رابردوو بیندرا جیاوازیی زۆری هەیە و لەلایەن خودی دەسەلاتەوە بەرنامەرێژی بۆ کراوە. بابەتی حیجابی ئیجباری و جۆری داسەپاوی جلی ژنان بە بەردەوامی یەکێک لە خەمە گەورەکانی دەسەڵات بووە و لەو پێناوەش دا دەیان رێگەکاری نوێی بۆ بەرپەرچدانەوەی ئەو حاڵەتە پەیرەو کردووە، بەڵام خەبات و خۆراگری ژنان بۆ بە دەست هێنانی مافەکانیان تا هەنووکە ئەو هەوڵە نزۆکانەی دەسەڵاتی لەگەڵ شکست رووبەروو کردووە. لە ئاکامی خۆراگری ژنان لەبەرانبەر زۆر و ستەمی ئاخوندان لە ئێستادا رێگەیێکی دیکە بە کاردەبردێ‌ و ئەویش تێزاب کردن بەسەروچاوی ژنانە لە کۆچە و شەقامەکان و لەو رێگەیەوە لە هەوڵدان ترس و دڵەراوکێ لە نێو ژنان دروست بکەن و بە قوربانی کردنی ئەو ژنانە بە ئامانجە نگریسەکانیان بگەن. ئەو هەڵمەتە نوێیە لە شاری ئیسفهان دەستی پێکردووە و تەنیا لەماوەی یەک مانگ دا 30 ژنی ئەو شارە کەوتنە بەر هەڵمەتی تێزاب پرژاندن و بەم جۆرە داهاتوو و چارەنووسیان لەناو برا. ئەوەش لەدوای ئەوەوە هات کە بەرنوێژی هەینی ئەو شارە بە ئاشکرا فەتوای دەرکرد بۆ پێشگرتن لەو ژنانەی بە قەوڵی ئەو بێ حیجاب دێنە سەر شەقامەکان و رێگەی چوونە بەهەشتی خەڵک دەگرن و رایگەیاند کە نابێ ئیزن بدرێ‌ کەسانێک بە ئاکارەکانیان رێگەی چوونە بەهەشتی خەڵکی تر بگرن و پێویستە چارەسەر بکرن و خەڵک قبووڵی نەکەن. هەر لەو پێوەندییەشدا فەرماندەی بەسیجی ئێران رایگەیاندبوو کە هاندان بۆ چاکە و نەهێشتنی خەراپە(امر بە معروف و نهی از منکر) یەکێک لە کارە سەرەکیەکانی بەسیجە و ئەو کارەش لە لایەن خوداوە خراوەتە ئەستۆی بەسیج. رژیمی دژە ژنی ئاخوندی کە ئیتر ترسی لەوە هەیە بە ئاشکرا بەربینگ بە ژنان و کچان بگرێ‌ بە بیانووی حیجابەوە و لەوەش گرینگتر بە خۆراگری ژنانی ئازادیویست شکستی هێناوە لە بەرێوەبردنی ئەو پرۆژەیە، ئێستا لە پڵانێکی بەرنامە بۆدارێژراو لە رێگەی بەکرێگیراوانیەوە تێزاب بە دەم و چاوی ژنان دا دەکات و دەیهەوێ‌ لەم رێگەیەوە پاشەکشێ بکات بە ویست و داوا سەرەتاییەکانی ژنان. زۆر گرینگە کەس لەبەرانبەر ئەو هەڵمەتە نوێیە بێدەنگ نەبێ و چوونکە ئەگەر ئەمرۆ ئەو پڵانە لە ئیسفەهانەوە دەستی پێکردووە بە بێدەنگبوون و پاشەکشە پەل و پۆ دەهاوێ‌ بۆ باقی شار و ناوچەکانی ئێران و دەبێتە مێتۆدێک بۆ بەرەنگاربوونەوەی ژنان لە لایەن سیستەمی ئاخوندییەوە. هەر چەند تەوژمێک لە نارەزایەتی و بیزاری لە لایەن خەڵکەوە دەستی پێکرد و تا رادەیێک دەسەلاتی لەمەڕ کردەوە دزێوەکانی ئاگادار کردەوە بەڵام لەگەڵ ئەوەش دا پێویستە بە تایبەتی ژنان کۆڵ نەدەن و لەبەرانبەر کردەوە ترسنۆکەکانی ئەو دەسەلاتە پاشەکشێ نەکەن و پارێزگاری لە کەرامەتی ئینسانیان بکەن و لە لایێکی دیکەوە پێویستە ئەو جینایەتە لە ئاستی نێودەوڵەتیش شەرمەزار بکرێ‌ و پێش بە هەوڵەکانی رژیم بۆ دێزەبەردەرخۆنە کردنی ئەو پیلانە گڵاوەی بگیردرێ‌ و رێگەی دووبارە بوونەوەی کردەوەی لەم چەشنە بەتەواوی بەربەست بکرێ‌.

بەشداری ناوەندی لاوانی خەباتی کوردستانی ئێران لە سمینارێک بە ناوی رۆژهه‌ڵات مێحوه‌ری پره‌نسیبێک بۆ بووژاندنه‌وه‌و یه‌کخستنی خه‌بات له‌رۆژهه‌ڵاتی کوردستان

رۆژی سێشەمە رێکەوتی 4ی سەرماوەرز لە هۆتێل چوار چرای شاری هەولێر بە ئامادەبوونی بەشێک لە نوێنەرانی رێکخراوە س٠Šاسى و مەدەنیەکان سمینارێک کەلەلایەن رێکخراوی نەتەوەی خوێندکارانی کورد رێکخرابوو به‌‌ڕێوه‌ چوو. لەسەر داوای یەکێتی نەتەوەی خوێندکارانی کورد شاندێکی ناوەندی لاوانی خەباتی کوردستانی ئێران کە پێکهاتبوون لە بەرێزان کاک فواد جەعفەری بەرپرسی ناوەندی لاوان و ئارام سلێمانی و بەیان ئەحمەدی ئەندامانی دەستەی بەرێوەبەری بەشداریان لەو سمینارەدا کرد.

لەسەدا ٢٥ی لاوانی سەڵتی ئیلام، تووشبووی ماددە هۆشبەرەکانن"

زیاتر ٢٥ هەزار کەسی تووشبوو بە ماددە هۆشبەرەکان لە ئوستانی ئیلامدا هەیەو ئەمەش وەکوو دیاردەیەکی مەترسیداری کۆمەڵایەتی رووی لە پەرە سەندنە. بەپێی راپۆرتی هەواڵدەریی کوردپا، لە ئوستانی ئیلام کە هەتا چەند ساڵ پێش ئێستا ژمارەی تووشبوان بە ماددە هۆشبەرەکان، لە "قامکەکانی دەست" تێنەدەپەڕی، لە ئیستادا زیادبوونی ژمارەی تووشبوان بە ماددە هۆشبەرەکان بۆ تە زەنگی مەترسییەک بۆ بنەماڵەکان. بە گوتەی بەرپرسی شۆرای بەرنگاربوونەوە لەگەل ماددە هۆشبەرەکان لە ئوستانی ئیلام، بە لایەنی کەمەوە ٢٥ هەزار تووشبوو بە ماددەی هۆشبەر لەو ئوستانەدا هەیە، کە پێدەچێ بەرۆکی ماڵی هەموو کەسێک بگرێ". رەزا سادقیان رایگەیاندووە، کە زۆرەبی تووشبوان ماددەی بێهۆشکەری تریاک بەکار دێنن و لەو پەیوەندییەدا لە ماوەی ٦ مانگی یەکەمی ئەمساڵدا ٨٢٠ کەس دەستبەسەر کراون. سەرەتای ئەم مانگەش بەهۆی زیادبوونی ژمارەی تووشبوان بە ماددەی هۆشبەر، کە ئەو ژمارەیە تەنیا لە نیو ژناندا ٥ هەزار کەسی تێپەڕاندووە، بەردی بناغەی کردنەوەی کەمپێکی تایبەت بە وەلانانی ماددەی هۆشبەر داندرا. سەرەڕای ئەوەیکە ئوستانی ئیلام ١٠ ٢ هەزار لاوی سەڵتی تێدایە، کە رۆژانە بەرەوڕووی زۆربەی خەسارە کۆمەلایەتیەکان دەبنەوە، ناوەندە حکوومەتییەکان کەمترین ئەرک و رۆڵیان لە کۆنتڕۆڵ کردنی قەیران و خەسارەکاندا لە ئەستۆدا بووە.

تەرمێ ژنێکی تەمەن ٢٧ ساڵ لە سەقز، بە سووتاوی دۆزرایەوە

ژنێکی تەمەن ٢٧ ساڵەی کوردی خەڵکی ناوچەی دیواندەرە، کە هاوسەری مەلایەکی ئایینیی خەلکی شاری سەقز بوو بە شێوەەی گوماناوی گیانی لەدەست دا. بەپێی راپۆرتی هەواڵدەریی کوردپا، رۆژی سێ‌شەممە رێکەوتی ٨ی رەزبەر ژنێکی تەمەن ٢٧ ساڵەی خەڵکی گوندی (کەڵەکان)ی سەر بە بەخشی کەرەفتووی دیواندەرە، بە ناوی هایدە نووری کچی ئەمین نووری هۆرەجی تەرمەکەی بە سووتاوی لە ماڵی خۆیان لە شاری سەقز دۆزرایەوە. جێگەی باسە کە هایدە نووری سێ ساڵ پێش ئێستا لەگەڵ مەلا ئایینیی شاری سەقز و لە کاتێکدا ١٥ ساڵ تەمەنی لەو مەلا ئایینییە کەمتر بوو، ژیانی هاوبەشی پێکهێنابوو. هەتا کاتی بڵاوبوونەوەی ئەم هەواڵە تەرمی هایدە نووری، لە پزیشکی دادوەریی شاری سەقز بە مەبەستی پشکنین و لێکۆڵینەوە راگیراوەو رادەستی بنەماڵەکەی لە گوندی کەڵەکان نەکراوەتەوە.

کـــوردســتانی ئــێران و هـــەنـــگــاوی نــوێی خەبات

دوژمنی ئێمە ،، رژیمی ئاخوندی ،، دۆستی کەمی هەیە. ئێران بە دەلیلی ئەوەی بۆتە ناوەندی بارهێنان و مۆڵگەی ترۆریستان و پشتیوانی گروپە توندڕەوەکانی جیهان، بۆ هەموو دنیا بۆتە هەڕەشەیەکی گەورە. ڕووخانی ئەم ڕێژیمە نەک بۆ قازانجی کورد و دۆزی کورد لە ئیران، بەڵکو بۆ هەموو مرۆڤایەتی گرنگە. ئێمە کە هەڵقوڵاوی ناو ئەو واقیعیەتە جوغرافیاییەین و لەگەڵ ئەم ڕێژیمە خوێنڕێژ و دیکتاتۆرە روو بە ڕووین، گرنگە یەکگرتوانە وەک بزوتنەوەی کورد لە ڕۆژهەڵاتی کوردستان لە جاران زیاتر هەوڵ و تێکۆشانمان هەبێ و ئەو تێکۆشان و خەباتەش راستە و راست لە خزمەتی دۆزی رەوای نەتەوەکەمان لە رۆژهەلاتی کوردستان بێ وبە دوور بێ ....

لە هەر چەشنە خۆ بەستنەوە و کاریگەری هیچ لایەن و هێزێکی دەرەکی لەسەر نەبێ .خۆکۆکردنەوە و دامەزراندنی هێزیکی هاوبەش لە نێوان حزبەکانی ڕۆژهەڵاتی کوردستان دا پێویستێکی هەنوکەیی و گرنگە کە دەبێ بە وردی بخرێتە بەر باس و شرۆڤەکردن و لە هەل و مەرجی ئێستادا وەک خالێکی سەرەکی هاوکاری و هاو هەڵوێستی زەق بکرێتەوە. ئەم هاوکاری و تێکۆشانە هاوبەشەش تەنها پێویستی بە یەک خاڵی هاوبەش هەیە، ئەویش هەوڵدان و تێکۆشان لە پێناو یەک خستن و رێکخسنی شۆڕشێکی هاوبەشی سەردەمیانە لە نێوان هێز و لایەنەکاندا کە بتوانێ لەم سۆنگەوە وێڕای بەرزکردنەوەی ورەی کزبووی خەباتی رەوای گەلەکەمان و بەرز راگرتنی هەستی نەتەوە خوازی و فیداکاری و گیان بازی لەم بوارانەدا، ئازادی خاکی کوردستان و ڕزگارکردنی جەماوەری کوردستانی ئێرانە لە دەستی زوڵم و چەوسانەوەی ڕێژیمی ئاخوندی. کە باشترین هەنگاو لەم بارەوە هەوڵدانە بۆ ڕۆخانی بێ قەید و شەرتی ئەو ڕێژیمە کە لەسەر بنەما و ئەساسی چەوسانەوە و دیکتاتۆری دامەزراوە و باوەڕی بە ماف و ئازادی گەلان نەبوە و نیە و بۆتە سەر چاوی هەموو کێشە ناو خۆیی و ناوچەیی و جیهانیەکان.
حزبەکانی ڕۆژهەڵاتی کوردستان خۆیان ئەوە باش دەزانن، چوون هەم لە ماوەی خەبات دا ئەزموونیان لە کردار و جنایەتەکانی ئەم ڕێژیمە هەیە و دەزانن کە ڕێژیمی ئاخوندی هیچ کاتێکیش ناتوانین نە بە ئاشتی وە نە بە زۆر گەلی خۆمان لە چوارچێوەی ئەم ڕێژیمەدا ئیدارە بکەین و هەوڵ بۆ دیموکراسی و ئازادی بدەین.
شوعاری بێ کردەوە و بەرژەوەندی تەسکی حیزبایەتی و خۆبەزلزانی، سێ دەردی کوشەندەی ناو هەندێک لە حزبەکانی ڕۆژهەڵاتن و بە هۆی ئەم ڤیروس و پەتایەوە بە چەشنێک زەرورەتی لە بەرچاوگرتنی بەرژەوەندی گشتی و یەک خستنی هیزی لازم لە پێناو هاوکاری و دەستنیشان کردنی خاڵە هاوبەشە کان‌یان لە پێناو گەیشتن بە رزگاری و ئازادی ئەم خاک و میللەتەیە لە دەستی زوڵم و چەوسانەوەی دژمنی هاوبەش لە بیر چۆتەوە کە گەورەترین زەربەی لە پەرستیژی خەباتی هاوبەش و متمانەی سیاسی و باوەر بە کۆدەنگی و هاو هەنگاوی لە پێناو پێشخستنی بزاڤی نەتەوایەتیمان داوە.
هەندێک دروشم زیاتر لە ‌دنیای فەنتازی و خەیاڵەوە نزیکترە، وەک لە واقع و مەنتیق وپێویستە لە سیاسەتی ڕۆژ نزیک بێ. گرنگترین و باشترین هەنگاو بەڕای من گەڕانەوەیە بۆ ئەو خاڵە هاوبەشەی کە لەسەرەوە ئاماژەم پێدا.مادام دروشمی مافی چارەی خۆنووسین یەکێکە لەو دروشمانەیە کە نزیک بە هەموو لایەنەکان دەتوانن لەسەری کۆک بن و هەموو داوای مافی نەتەوایەتی بۆ کورد و ئازادی و ئاوەدانی کوردستان دەکەن، ئیتر شەڕی دەسەڵات و کورسی و تاقم و دەستەبەندی لە پێناوی چی دا? بۆکێ و بۆ چی?. هەندێک لە حزبەکان دەبێ بە جیدی و لە ماوەیەکی کورت دا کار بۆ خەباتی هەوبەش بکەن و خۆیان یەکلا بکەنەوە. یا ئەوەتا دەڕۆنەوە لەسەر هەمان باوەڕ و ئایدلۆژیای تەک رەوی و بەرنامەی خۆیان پیادە دەکەن، یا ئەوەتا بە ڕەسمی گۆڕانکاری لە خەت و ڕێبازی خۆیان دەکەن و خەت و رێبازێکی گشتگیر و نوێ دادەمەزرێنن. تەنها گۆڕان بەسەر کەسایەتی و پۆست و کورسی دا هاتوە، کە بەم رەویە و ئاکارانە تاکو ئێستا نەیانتوانیو‌ە ببنە بنەما بۆ هێنانە ئارای ئایدلۆژی و فکرێکی نوێ بۆ ناو شەقام و شۆڕشی سەردەمیانەی کوردی. ئەم هێز و لایەنانە ئەگەر لە خەم مێژووی خەباتی حیزبەکەشیان نەبن، دەبێ بیر لە بەرژەوەندی گشتی بکەنەوە و لەو ڕوانگەوە هەوڵ بۆ چارەسەری کێشەکانی نێوانیان بدەن. نەرمی نواندن ئاخاوتنی لێزانانە وهەست کردن بە پێویستی هاو هەڵوێستی و هاو خەباتی بۆ یەکخستنی خالە هاوبەشەکان لە پێناو ئامانج و ئاواتی گشتی ، لە نێوان سەرکردەکان دا زۆر گرنگە و هەوڵدان بۆ هەنگاونانی لێک تێگەیشتن و چارەسەری کۆتایی لەم بارەوە نەک هەر بۆ خۆیان بەڵکو بۆ تەواوی خەباتی سیاسی و بزاڤی رەوای کوردی و شێوازی کارکردنی هاوبەش لەنێوان هەموو لایەنەکان دا گرنگە.
بەسەراحەت پێم خۆشە بیڵێم کە ئەو هەوڵ و تێکۆشانەی ئێمە دەیکەین لە ئاست پێویستی نەتەوەکەماندا نیە و زۆر کەمە. هەوڵدان و دامەزراندنی بەرە یان پلاتفۆڕمێکی سیاسی- چەکداری، زەرورە. دروسکردنی بەرەیەک وەک بەرەی هاوبەشی ساڵەکانی پێش ڕاپەڕین و چەند ساڵ دوای ڕاپەڕینەبەشکۆکەی گەلی کوردمان لە کوردستانی عێراق دا زۆر پیویستە.
دروستبوون ودامەزراندنی بەرەیەکی هاوبەشی لەو چەشنە لە شاخەو بۆ شار بە چەند دەلیل زۆر گرنگ و بەجێیە وەک‌:

١. دامەزرانی هێزێکی تۆکمە و پێکهاتوو لە هێزی پێشمەرگەی هەموو حیزب و لایەنەکانی ڕۆژهەڵات، کە بتوانێ بە ڕەسمی یان ناڕەسمی پشتیوانی لە خەباتی سیاسی ڕۆژهەڵاتی کوردستان بکات لە بەرامبەر ‌ ڕێژیمی ئاخوندی دا.
٢. بەرەی هاوبەش دەبێتە زامنی یەکگرتن و زیاتر پێکەوە کارکردن ، لەناو هێزی سیاسی و چەکدای هەموو لایەنەکاندا.
٣. ئەگەر بەرەیەکی لەو شێوە پێک بێ هەموو حزبە بەژداربووەکان خۆی بەخاوەنی دەزانن و هەوڵی بۆدەدەن. کەسیان هێزێکی لەو شێوە لەبەر خاتری ئەوی تریان ڕەت ناکاتەوە.
٤. شادبوونەوەی جەماوەری ڕۆژهەڵات بە ڕۆڵەکانی خۆی و هەوڵدان بۆ چالاکی ڕاستەوخۆ لە ناوخۆی کوردستان دا.
٥. بەرەوپێشچوون و مۆدێرنیزەکردنی هێزی پێشمەرگە لە فێرگەیەکی سیاسی نیزامی دا کە لە هەموو هەلوو مەرجێک دا بتوانێ پشتیوانی لە کوردستان و بزوتنەوەی کورد بکات لە کوردستانی گەورە بەگشتی و ڕۆژهەڵاتی کوردستان بە تایبەتی.
کوردستانی ئێران پێویستی بە هەنگاوی نوێی خەباتکردن هەیە. هەوڵ و هیمەتی هەموومانی دەوێ. ڕۆحی هاوکاریکردن و لێک تێگەیشتن لەیەک و هەنگاوی بوێرانەی دەوێ. هێز لە یەکگرتن دایە. بەو هیوایەی هەموومان پێکەوە کار بکەین لەپێناو بەرژەوەندی کوردی ڕۆژهەڵات و ڕزگارکردنیان لە زوڵم و چەوسانەوەیان ڕێژیمی ئاخوندی.

شکستی وتووێژە ناوەکیەکانی نیۆیۆرک

وتووێژە ناوەکیەکەی رژێمی ئاخوندی و وڵاتانی 5+1 کە زیاتر لە یەک حەفتە لە نیۆیۆرک بەرێوە چوو بە بێ هیچ ئاکامێک کۆتایی پێهات. بە پێی راپۆرتی هەواڵدەریەکان، بەرپرسێکی رژێمی ئاخوندی کە نەیویستووە ناوی بڵاو بکرێتەوە رایگەیاندووە کە، ئەم وتووێژانە پێشکەتنی تێدا نەبووە بە تایبەت لەو بوارانەی کە کێشەیان لەسەر بووە. هەروەها هەر دوو لایەن بریاریان داوە کە لە داهاتووێکی نزیکدا وتووێژەکان درێژە پێ بدەن. جێگەی باسە کە ئەم وتووێژانە بۆ ماوەی هەشت رۆژ لە پەراوێزی کۆبوونەوەی گشتی نەتەوەیەکگرتووەکان بەرێوە چوو کە تێیدا چەندین کۆبوونەوەی دوو لایەنە و چەند لایەنەی تێدا بەرێوە چووە.

مەرگی لاوێکی جوانڕۆیی لەرێگەی خۆکوژییەوە

لاوێکی شاری جوانڕۆ بە هۆی کێشەی بنەماڵەییەوە لەناوی ماڵەکەی خۆیاندا کۆتایی بەژیانی هێناوە. بەپێی راپۆرتی هەواڵدەرییکوردپا، رۆژی هەینی رێکەوتی ٤‌ی رەزبەر لاوێک بەناوی "یاسر حۆسینی" لەشاری جوانڕۆ دەستی داوەتە خۆکوژی و لەئەنجامدا گیانی لەدەست داوە. ماوەیەک لەمەوبەریش لاوێکی دیکەی جوانڕۆیی بەناوی "یاسر مەحموودی" بە هۆی کێشەی کۆمەڵایەتی و دەروونییەوە کۆتایی بەژیانی خۆی هێنابوو. ئەو لاوە لەبەردەرگای ماڵەکەیان ئاگری لەجەستەی خۆی بەردابوو. بەپێی ئامارە نافەرمیەیکان رۆژانە بەشێوەی نێوەنجی ١٣ کەس لەئێران لەرێگەی خۆکوژییەوە کۆتایی بەژیانی خۆیان دێنن و نێوەنجی تەمەنیشیان ٢٩ ساڵ راگەیەندراوە.

کـــرانەوەی مـــەدرەسەکان و کــێشە و گـــرفتی خــوێندکاران

چوار تا پێنج هه‌زار ئافره‌ت ‌و منداڵی‌ ئێزیدی‌ نادیارن"

سه‌رۆکی‌ لیژنه‌ی‌ کاروباری‌ ژنان له‌په‌رله‌مانی‌ کوردستان رایگه‌یاند که‌ به‌پێی‌ ئاماره‌ نافه‌رمییه‌کان، تائێستا نزیکه‌ی‌ چوار تا پێنج هه‌زار ئافره‌ت‌و منداڵی‌ ئێزیدی‌ نادیارن که‌ به‌شێکی‌ زۆریان لای‌ داعشن‌و هه‌ندێکی‌ دیکه‌شیان خۆیان کوشتووه‌‌و به‌شێ٠Žکی‌ دیکه‌ش شوێنیان نادیاره‌. ئێڤار ئیبراهیم به‌ خه‌ندانی‌ وت: "هه‌رچه‌نده‌ تائێستا ئاماری‌ ورد‌و ته‌واو نییه‌ سه‌باره‌ت به‌ ونبوونی‌ ئافره‌تان ‌و منداڵی‌ ئێزیدی‌، به‌ڵام به‌پێی‌ ئه‌و به‌دواداچوونانه‌ی‌ کردوومانه‌ له‌نێو خێزانی‌ ئه‌و ئاوارانه‌، ده‌رکه‌وتووه‌ تائێستا له‌نێوان چوار بۆ پێنج هه‌زار ئافره‌ت ‌و منداڵی‌ ئێزیدی‌ نادیارن". ئاماژه‌شی‌ به‌وه‌دا که‌ وه‌ک لیژنه‌که‌یان به‌رده‌وام به‌دواداچوون بۆ ئه‌و که‌یسه‌ ده‌که‌ن،

مەترسی لە سێدارەدانی زیندانیێکە سیاسی کورد

ئەگەری لە سێدارەدانی زیندانی سیاسی کورد، سامان نەسیم کە لە تەمەنی 17 ساڵەیەوە بە تۆمەتی پەیوەندی لەگەڵ یەکێک لە حیزبە کوردییەکانی نەیاری رژێمی ئاخوندی دەستبەسەر کرابوو، کۆمەڵگای مافی مرۆڤی نیگەران کردووە. بە پێی راپۆرتی هەواڵدەری هێرانا، سامان نەسیم زیندانی سیاسی کورد لە رێکەوتی 26ی پووشپەری 1390 لە تەمەنی 17 ساڵەگیەوە بە تۆمەتی پەیوەندی لەگەڵ یەکێک لە حیزبە کوردیەکان دەستبەسەر و لە لقی 1ی دادگای شۆرشی مەهاباد بە تۆمەتی مۆحاربە بە ئێعدام مەحکوم کرا و حوکمەکەی لە لایەن دیوانی باڵای نیزامەوە پشتراست کرایەوە. جێگەی باسە کە سامان لە ئێستادا لە بەندی 12ی زیندانی ورمێ دەستبەسەر و چاوەروانی بەرێوەچوونی حوکمی لە سێدارەکەیەتی. هەروەها بە پێی کۆنوانسیۆنی نێونەتەوەیی مافی منداڵان کە رژێمی ئاخوندیش یەکێکە لە واژۆکارانی، لە سێدارەدانی کەسانێکە لە ژێر تەمەنی 18 ساڵەیەوە تاوانێک ئەنجام دەدەن قەدەغەیە.

بەرەو کۆنگرەى دووەمى ناوەندى لاوانى خەباتى کوردستانى ئێران

لە سێدارەدانی 13 زیندانی لە رۆژێکدا

سەر لە بەیانی ئەمرۆ پێنجشەممە 27ی خەرمانان، 8 زیندانی لە زیندانی شەهابی کرمان لە سێدارە دران.

کوردەکان لەدوای بەلووچەکان زۆرترین رێژەی نەخوێندەواریان هەیە

کچ و کوڕێک لە مەریوان و سەوڵاوا، ئاگریان لە خۆیان بەردا

لە دوو رووداوی جیاجیادا کچ و کوڕێک ناوچەکانی مەریوان و سەوڵاوا ئاگریان لە جەستەی خۆیان بەردا و کۆتاییان بەژیانی خۆیان هێنا. بەپێی راپۆرتی هەواڵدەریی کوردپا، کچێکی تەمەن ٢٠ ساڵ بەناوی فەریدە و کچی حەبیبوڵڵا، کە خەڵکی گوندی "ئاڵمانە"ی سەربە شاری مەریوان بووە، بەهۆی فشاری کۆمەڵایەتییەوە ئاگری لە جەستەی خۆی بەرداو لە ئەنجامدا بووە هۆی گیان لەدەست دانی. بە گوتەی سەرچاوەیەکی ئاگادار، ئەو کچە تەمەن ٢٠ ساڵەیە، بەهۆی ئەوەیکە لەلایەن بنەماڵەکەیەوە بۆ پێکهێنانی ژیانی هاوبەش لەگەڵ خۆشەویستەکەی بەرەوڕووی ئاستەنگ ببوویەوە، حەفتەیەک پێش ئێستا ئاگری لەجەستەی خۆی بەردابوو، کە سەرئەنجام رۆژی سێ‌شەممە لە نەخۆشخانەی مەریوان و بەهۆی سووتانی لەسەدا ٩٠ ی جەستەی گیانی لەدەست دا. لەلایەکی دیکەوە کوڕێکی لاوی خەڵکی گوندی بێسارانی سەربە شارستانی سەوڵاوا، بەهۆی کێشەی خێزانییەوە بەنزینی بەسەرخۆیدا کردووەو ئاگری لەجەستەی خۆی بەرداوە، کە بەو هۆیەوە گیانی لەدەست داوە. سەرچاوەیەکی ئاگادار رایگەیاند، ئەو کوڕە، ویستوویەتی لەگەڵ خۆشەویستەکەی ژیانی هاوبەش پێک بێنێ، بەڵام باوکی ئەو کوڕە بەناوی "محەمەد یەعقوبی"، چوون بۆ سەربازیی کوڕەکەی کردووەتە مەرجی پێکهێنانی ژیانی هاوبەشی و لە ئەنجامدا کوڕەکەی خۆی سوتاندووە.

پەیامی ناوەندی لاوانی خەباتی کوردستانی ئێران بە بۆنەی 5ی خەرمانان 34مین ساڵرۆژی دامەزراندنی سازمانی خەبات ی کوردستانی ئێران!

دۆستان و ئەندامانی ئازادیخوازی سازمانی خەبات!
لاوان و ئەندامانی ناوەندی لاوانی خەباتی کوردستانی ئێران !

200 تۆن هاوکاری مرۆڤدۆستانه‌ی خه‌ڵکی کرماشان ڕه‌وانه‌ی ئاواره‌کانی هه‌رێم کرا

له‌ لایه‌ن خه‌ڵکی کرماشانه‌وه‌ 200 تۆن هاوکاری و یارمه‌تی بۆ ئاواره‌کانی هه‌رێمی کوردستان و شه‌نگال کۆ کرایه‌وه‌ و ڕاده‌ستی ئیداره‌ی قایمقامی هه‌ڵه‌بجه‌کرد. به‌پێی راپۆرتی هەواڵدەرییەکان به‌ دوای هێرشه‌کانی گروپی توندڕه‌وی ده‌وڵه‌تی ئیسلامی عێراق و شام(داعش) بۆ سه‌ر ناوچه‌کانی عێراق و هه‌رێمی کوردستان، ژماره‌یه‌کی زۆری ئاواره ‌له‌و ناوچانه‌ وبه‌تایبه‌ت کوردانی ئێزدی خه‌ڵکی شه‌نگال، ڕوویان کرده‌ هه‌رێمی کوردستان و که‌وتنه‌ دۆخێکی دژوار و مه‌ترسیدار. له‌ لایه‌ن زۆربه‌ی شاره‌کوردنشینه‌کانی ئێران و له‌وان، سنه‌، کرماشان، مه‌هاباد، جوانڕوو، مه‌ریوان و دیکه‌ی شاره‌کان خه‌ڵک هه‌ستان به‌ کۆ کردنه‌وه‌ی یارمه‌رتی بۆ هاوکاری کردنی ئاواره‌کانی هه‌رێم و که‌م کردنه‌وه‌ی زام و ئازاره‌کانیان. بە پێی ئەم راپۆرتە، لە لایەن خەڵکی کرماشانەوە زیاتر له‌ 3 میلیاردو 500 ڕیاڵ هاوکارییان بۆ ئاواره‌کانی هه‌رێم کۆ کردۆته‌وه‌. جێگەی باسە یارمه‌تییه‌کان بریتین له‌ خۆراک له‌وان، برنج، ماکارۆنی، قه‌ند و شه‌کر، زیت و ....به‌ کێشی 200 تۆن له 17 لۆری بارکراوه‌ و له‌ ڕێگای سنووری شۆشمێ شاری پاوه‌ ڕه‌وانه‌ی هه‌رێمی کوردستانی عێراق کراوه‌.

پیاوێکی بەتەمەن لە پردێکەوە خۆی هەڵواسی

پیاوێکی تەمەن ٥١ ساڵەی خەڵکی پیرانشار، بەهۆکارێکی ناڕوون هەوڵی خۆکوژی داو لە ئەنجامدا بووە هۆی گیان لەدەست دانی. بەپێی راپۆرتی هەواڵدەریی کوردپا، هاووڵاتییەکی خەڵکی گەڕەکی شەهرەکی فەرهەنگییانی (١) لە پیرانشار، بەناوی فەتاح عەلی‌مورادی و تەمەن ٥١ ساڵ، رۆژی هەینی رێکەوتی ٣١ی گەلاوێژ کۆتایی بەژیانی خۆی هێنا. بە وتەی سەرچاوەیەکی ئاگادار لەو رووداوە، فەتاح عەلی‌مورادی لە پردی "قەڵاتێ"ی پیرانشارەوە خۆی هەڵواسیووەو بەوهۆیەوە گیانی لەدەست داوە. هەر لەو رۆژەدا (٣١ی گەلاوێژ)، پیاوێکی تەمەن ٤٦ ساڵەی خەڵکی گوندی "قەڵاکۆن"ی سەربە ناوچەی فەیزوڵڵا بەگیی شاری سەقز بەهۆی کێشەی بنەماڵەییەوە کۆتایی بەژیانی خۆی هێنا.

5ی خەرمانان یادی 34 سالەی دامەزراندنی سازمانی خەباتی کوردستانی ئێران پیرۆزبێت

دوو لاوی دیواندەرەیی حوکمی زیندانی کرانیان بۆ برایەوە

ەزگای قەزایی رژێمی ئاخوندی ئێران لە شاری سنە، دوو لاوی کوردی بە زیندانی تەعزیری مەحکووم کرد. بەپێی راپۆرتی هەواڵدەریی کوردپا، دوو لاوی کوردی خەڵکی شارستانی دیواندەرە لە ئوستانی کوردستان بەناوەکانی "ئەمجەد عەلیزادە و عەبدوڵڵا، لەلایەن دادگای ئینقلابی شاری سنەوە بە زیندانیی تەعزیری مەحکووم کران. دادگای ئینقلابی شاری سنە، عەبدوڵڵای بە ٣ مانگ زیندانیی تەعزیری مەحکووم کردووەو هەتا ئێستاش روون نەبۆتەوە، کە دادگا چ حوکمێکی بۆ ئەمجەد عەلیزادە بڕیوەتەوە. ئەو دوو لاوە کوردە تۆمەتی "ئەندامەتی لە یەکێک لە حیزبە کوردییەکانی ئۆپۆزیسیۆنی رژێمی ئاخوندی ئێران"یان درابوویە پاڵ و بەو تۆمەتەش دادگایی کراون.

سه‌ره‌تا 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49

دوایین هەواڵەکان

پەیامی دەستەی بەڕێوەبەری بەبۆنەی ۱۱بانەمەڕ، ساڵڕۆژی دامەزراندنی رێکخراوی لاوانی خەبات

لاوانی خه‌بات

1 ساڵ و 7 مانگ و 2 ڕۆژ و 14 کاتژمێر و 5 خوله‌ک له‌مه‌وپێش‌

ژنانی بوێر سەمبولی خۆڕاگری و مزگێنیدەری ئازادین

ڕێکخراوی لاوانی خەباتی کوردستانی ئێران

1 ساڵ و 8 مانگ و 14 ڕۆژ و 7 کاتژمێر و 21 خوله‌ک له‌مه‌وپێش‌

ڕاگەیندراوی ڕێکخراوی لاوانی خەبات, بەبۆنەی ۸ی مارس ڕۆژی جیهانی ژنان

ڕاگەیندراوی ڕێکخراوی لاوانی خەبات

1 ساڵ و 8 مانگ و 26 ڕۆژ و 6 کاتژمێر و 56 خوله‌ک له‌مه‌وپێش‌

ڕاگەیندراوی ڕێکخراوی لاوانی خەبات بەبۆنەی ڕۆژی زمانی زگماگی

1 ساڵ و 9 مانگ و 12 ڕۆژ و 15 کاتژمێر و له‌مه‌وپێش‌

محەممەد مێهدی کەرمی و محەممەد حوسەینی لەسێدارەدران

لاوانی خه‌بات

1 ساڵ و 10 مانگ و 24 ڕۆژ و 14 کاتژمێر و 7 خوله‌ک له‌مه‌وپێش‌

ڕاگەیندراوی ڕێکخراوی لاوانی خەبات بەبۆنەی ڕۆژی پێشمەرگەی سازمانی خەبات

لاوانی خه‌بات

2 ساڵ و 1 مانگ و 2 ڕۆژ و 9 کاتژمێر و 31 خوله‌ک له‌مه‌وپێش‌

٢٩هەمین رۆژی شۆرشی ژینا و کاردانەوە جیهانیەکان

2 ساڵ و 1 مانگ و 16 ڕۆژ و 9 کاتژمێر و 55 خوله‌ک له‌مه‌وپێش‌

لێره‌‌‌ ده‌‌‌رباره‌‌‌ی خۆتان بنووسن به کورتی

٢/ لینکی یوتوب

٣/ لینکی تویته‌‌‌ر