سه‌ره‌تا   په‌یوه‌ندی
XEBATMEDIA |      

lawan


ڕێکخراوی لاوانی خه‌باتی کوردستانی ئێران
Iranian Kurdistan Khabat Youth Organization
         
پێ شێلکردنی مافی ئافره‌تان له‌ ئێراندا له‌ راپۆرتی کومیته‌ی ناوه‌ندی سازمانی خه‌بات ی کوردستانی ئێران بۆکۆنگره‌ی پێنجه‌م (کۆنگره‌ی وه‌فاداری بۆ رێبازی مامۆستا سه‌یید جه‌لال حوسه‌ینی)
بێگومان ده‌سه‌ڵاتی ئاخوندی له‌ یه‌که‌مین ووڵاتانی سه‌رکوتگه‌ری مافی ئافره‌تانه‌، ئه‌و ده‌سه‌ڵاته‌ دواکه‌وتووه‌ به‌ چه‌سپاندنی قانوونی غه‌یره‌ ئینسانی و غه‌یره‌ ئیسلامی به‌ شێوه‌ییکی زۆر درندانه‌ مافی ئافره‌تان پێ شێل ده‌کات و سیاسه‌تی چه‌وساندنه‌وه‌ و ماف زه‌وتکردنی ژنانی کردۆته‌ یه‌کێک له‌ سه‌ره‌کی ترین به‌رنامه‌و کاره‌کانی حکومه‌ت. گه‌وره‌ترین پێشێلکاریی ده‌سه‌لاتی ئاخوندی له‌به‌رانبه‌ر ژنان له‌ بواری سیاسیه‌وه‌یه‌، به‌شێوه‌یێک که‌ ژنان که‌مترین به‌شدارییان له‌ کاروباری سیاسی حکوومه‌ت پێده‌کرێ و ئه‌و مه‌یدانه‌ له‌ ده‌ستی ئاخوندان مۆنۆپۆل کراوه‌. پرۆژه‌و گه‌ڵاڵه‌کان و ره‌وتی نوێ له‌فشارهێنان بۆ سه‌ر ژنان له‌ شۆێنه‌ گشتیه‌کان له‌ دانشگاکان و مه‌دره‌سه‌کان و ته‌نانه‌ت له‌ ناو حه‌ریمی خسوسیدا، جیاکردنه‌وه‌ی ژنان و پیاوان له‌ دانشگاکان و ته‌نانه‌ت جوداکردنه‌وه‌ی ئوتوبووسی ژنان له‌ گه‌ڵ پیاوان و ریگه‌دان به‌ پیاوانی بێ به‌زیی ودواکه‌وتوو بۆ هێرش کردنه‌ سه‌ر ژنان له‌ کۆمه‌ڵگادا به‌ ناوی پاراستنی ئاسایشی کۆمه‌ڵایه‌تییه‌وه‌، سووکایه‌تییه‌کی سیستماتیک به‌ ژنان ، که‌ زۆر جار فیلمی ئه‌و سه‌رکوتو بێ ره‌حمیانه‌ له‌ لایه‌ن تلویزیون و هۆکانی راگه‌یاندن بڵاو ده‌بنه‌وه‌,وه‌ک کوشتنی ئافره‌تان به‌ شێوه‌ی (سه‌نگسار)که‌ نمونه‌ییکی زۆر قێزه‌ون و نائینسانیه‌. سه‌رکووتکردن و سووکایه‌تیپێکردنی ئافره‌تان له‌ لایه‌ن ناوه‌نده‌ ئه‌منیه‌تیه‌کانه‌وه‌،ده‌رخه‌ری ئه‌و حه‌قیقه‌ته‌ن که‌ رژیمی ئاخوندی وه‌ک سه‌ره‌کی ترین دوژمنی ئافره‌تان و مافه‌کانیان بناسرێ. جێگه‌ی داخه‌ که‌ ژماره‌یه‌ک ئافره‌تی شۆێن که‌وتووی سیستم و ده‌سه‌ڵاتی ئاخوندی به‌ پشتگیری کردن له‌ سیاسه‌تی سه‌رکوت به‌رانبه‌ر به‌ هاونه‌وعه‌کانیان بوونه‌ هۆی زیاتر گه‌رم داهێنانی سه‌رکوت وبێره‌حمی به‌رانبه‌ر به‌ ئافره‌تان له‌ ئێراندا. ئاخوندانی ده‌سه‌ڵاتدار ته‌نیا له‌و کاتانه‌ باس له‌ ژنان و مافه‌کانیان ده‌که‌ن که‌ بازاری شانۆی به‌ ناو هه‌ڵبژاردنه‌کانیانیان گه‌رم دابێنن, وبه‌ مه‌به‌ستی چاوبه‌ست کردن و راکێشانی سه‌رنجی رای گشتی جیهانی وهه‌روه‌ها خه‌ڵک،وا نیشان بده‌ن که‌ ئافره‌تانیش له‌ ئێران به‌شیان هه‌یه‌و خاوه‌ن پێگه‌ی سیاسی و نه‌زه‌رن. دیاره‌ ژنانی کورد زیاتر ده‌که‌ونه‌ به‌ر سته‌م و زیاتر چه‌وسانه‌وه‌یان له‌ به‌رانبه‌ردا په‌یره‌و ده‌کرێ,و سه‌ره‌‌ڕای ئه‌و هه‌موو سته‌مه‌ی که‌ به‌ بۆنه‌ی ژن بوون لێیان ده‌کر ێ، له‌ به‌ر ئه‌وه‌ی کوردن سته‌می چه‌ندقاتیان له‌سه‌ره‌.به‌ڵام به‌ خۆشیه‌وه‌ ئافره‌تانی کوردستان سه‌ره‌رای ئه‌وه‌ی به‌ شێوه‌یه‌کی زۆر بێ به‌زه‌ییانه‌ فشاریان ده‌خرێته‌سه‌ر و ده‌گیرێن و شکه‌نجه‌ و ئازار ده‌درێن زۆر ئازایانه‌ و به‌رپرسانه‌ له‌ مه‌یدانه‌ سیاسی و راگه‌یاندنه‌کاندا تێکۆشاون ده‌ورێکی گرینگیان له‌ خه‌باتی ماف خوازانه‌و یه‌کسانی خوازانه‌ گێراوه‌. به‌شێک له‌ کاری رژیم اخوندی له‌ پێوه‌ند به‌ ئافره‌تان له‌ ٧ی ره‌شه‌ممه‌ی ساڵی ١٣٥٧کۆچی خۆری،ته‌نیا دوو حه‌وتوو به‌ سه‌ر سه‌رکه‌وتنی شۆرشی خه‌ڵکی ئێران له‌ به‌رانبه‌ر رژیمی شاهه‌نشاهی، ده‌فته‌ری خومه‌ینی رایگه‌یاند,که‌ قانونی دیفاع و حیمایه‌ت له‌ خانه‌واده‌ هه‌ڵوه‌شاوه‌ته‌وه‌.به‌ پێ ئه‌و قانوونه‌، تایبه‌تمه‌ندی سنووردار له‌ مافه‌کانی ناو خانه‌واده‌ به‌ ژنان ده‌درا. روژێک له‌ دوای ئه‌وه‌, واته‌ له‌ ٨ی ره‌شه‌ممه‌دا,خزمه‌ت گوزاریه‌ کۆمه‌ڵایه‌تیه‌کان بۆ ژنان به‌ ته‌واوی هه‌ڵوه‌شایه‌وه‌و له‌ دوای سێ رۆژ وله‌ ١١ی ره‌شه‌ممه‌ی ٥٧: قازی (حاکم)ه‌ ئافره‌ته‌کان له‌ قه‌زاوه‌ت کردن دوور خرانه‌وه‌. ته‌نیا له‌ ماوه‌ی ساڵی ١٣٨٥، زیاتر له‌ ٦٠  حوکمی ئیعدام و سه‌نگسار له‌ به‌رانبه‌ر ژنان له‌ ئێراندا به‌رێوه‌ چووه‌. به‌ پێ سه‌رژمێرییه‌ ره‌سمیه‌کان، ژماره‌ی کچانی هه‌ڵاتوو له‌ ساڵی ١٣٨٥ گه‌یشتۆته‌ زیاتر ٣٠ ٠  هه‌زارکه‌س. مه‌لاحه‌سه‌نی نوینه‌ری ولی فقیه‌ و ئیمام جومعه‌ی رژیم له‌شاری ورمێ له‌ سیهه‌می به‌فرانباری ١٣٨٦:“ووتی من نازانم چۆن تا ئیستاش وله‌ دوای تێ په‌رینی ۲۸ ساڵ به‌ سه‌ر ئینقلابی ئیسلامی، ژنانی به‌دحیجاب زیندوون. ئه‌و ژنانه‌ی که‌ حیجابی ئیسلامی په‌یره‌و ناکه‌ن، ده‌بێ خویان، مێرده‌کان و باوکه‌کانیان بمرن“. خومه‌ینی له‌,کتێبی:تحریرالوسیله :به‌رگی دووهه‌م سه‌فحه‌ی ٣٢٧ مه‌سه‌له‌ی ٨: نوسیویه‌ «له‌ کاتی ته‌ڵاقداندا پێویست نیه‌ ژن ئاگادار بێ ، جا چ بگا به‌وه‌ی که‌ رازی بێ “. خومه‌ینی هه‌ر له‌ کتێبی :تحریرالوسیله: جڵدی دوهه‌م سه‌فحه‌ی ١٣ مه‌سه‌له‌ی ٥:نوسیویه‌ «به‌رپرسایه‌تی کردن خاوه‌نداریه‌تی سه‌رمایه‌ی منداڵ … بۆ باوک و باپیره‌ ده‌گه‌رێته‌وه‌و دایک و نه‌نک واته‌ دایکی دایک هیچ مافێکی خاوه‌نداریه‌تیان نیه‌». ئاخوند خامنه‌ یی ولی فقیه‌ رژیم له‌ ٣٠ ی په‌شپه‌ر,تیر ٧٦. ووتی «ئه‌م مه‌سه‌له‌یه‌, که ده‌بێ ژنانیش له‌ ناوه‌ندو بواره‌ کۆمه‌ڵایه‌تیه‌کان به راده‌ی پیاوه‌کان بوونیان هه‌بێ،خاڵێکی لاواز، بۆچونێکی کاڵ،بێ بایه‌خ و منداڵانه‌یه‌». گالیندوپل،راپۆرت نووسی تایبه‌تی نه‌ته‌وه‌ یه‌کگرتوه‌کان له‌ پێوه‌ند به‌ مافی مروف له‌ ئێران ،له‌ مانگی‌ ژانویه‌ی ١٩٩٢: ووتی«ابوالفزل موسه‌وی تبرێزی، دادستان گشتی ووڵات، ووتویه‌ هه‌ر که‌س بنه‌ره‌تی حیجاب پێ شێلبکا کافره‌و حوکمی کافرێکیش مه‌رگه‌». به‌ پێ سه‌رژمێریه‌ رسمیه‌کان « خودکوشتن له‌ ئێران به‌ شێوه‌ی مام ناوه‌ند ٢٥ تا ٣٠  له‌ سه‌د که‌سه‌». ئه‌و سه‌رژمێریه‌ به‌رزترین سه‌رژمێری خۆکوشتنه‌ له‌ جیهان ، چونکه‌ رێژه‌ی مام ناوه‌ندی خۆکوشتن له‌ جیهان نزیک به‌ ١١ تا ١٢ له‌ هه‌ر یه‌ک سه‌دهه‌زار که‌سدایه‌». هه‌ر له‌و پێوه‌نده‌دا ژنان چوار به‌رابه‌ری پیاوان خۆده‌سوینن. به‌رزبوونه‌وه‌ی ١٠  تا ١٥ ته‌نانه‌ت ٣٠  له‌ سه‌دی ژنانی خیابانی و کچانی هه‌ڵاتوو، گه‌یشتنی ته‌مه‌نی له‌ش فرۆشی ئافره‌تان بۆ ژێر ٢٠ ساڵ له‌ به‌رهه‌مه‌ قێزنه‌ونه‌کانی حاکمیه‌تی ئاخوندیه‌. هه‌ر له‌ماوه‌ی مانگه‌کانی رابردوو یاسایێکی نوێی قێزه‌ون په‌سه‌ند کراوه‌ که‌ رێ به‌ سه‌رپه‌رشتی منداڵه‌ هه‌ڵگیراوه‌کان ده‌دا له‌ داهاتوو ژیانی هاوبه‌شیان له‌گه‌ڵ پێک بێنن که‌ ئه‌وه‌ش ته‌وژمێکی به‌ربلاو له‌ ناره‌زایه‌تی به‌دواوه‌ بوو.
لاوان و بزوتنەوەی خوێندکاری لە راپۆرتی کومیته‌ی ناوه‌ندی سازمانی خه‌بات ی کوردستانی ئێران بۆکۆنگره‌ی پێنجه‌م (کۆنگره‌ی وه‌فاداری بۆ رێبازی مامۆستا سه‌یید جه‌لال حوسه‌ینی)

له‌ سه‌ره‌تای هاتنه‌سه‌رکاری ده‌سه‌ڵاتی ئاخوندی خوێندکاران و لاوان به‌رده‌وام له‌ ژێر هه‌‌ڕشه‌و بێ مافیدان، هه‌ر له‌ سه‌ره‌تادا خومه‌ینی رێبه‌ری رژیم رایگه‌یاند که‌ زانستگامان ناوێ و ده‌بێ دانشگاکان داخرێن به‌ کرده‌وه‌ ده‌سه‌ڵاتی نۆێ که‌وته‌ دژایه‌تی لاوان وخوێندکارانی دانشگاکان و مه‌دره‌سه‌کان. ئه‌گه‌رچی خومه‌ینی و رژیمه‌که‌ی نه‌یانتوانی دانشگاکان دابخه‌ن، به‌ڵام به‌ به‌رده‌وامی له‌ هه‌وڵدا بوون ده‌ست به‌ سه‌ر دانشگاکان وناوه‌نده‌کانی خوێندندا بگرن, وده‌رسه‌کان و کتێبه‌کان به‌ شێوه‌یه‌ک بن که‌ له‌ دایره‌ی بیروبۆچوون وسیاسه‌تی خۆیاندا بێ، به‌ڵام سه‌ره‌‌ڕای توندو تیژی و فشاره‌کان و دروست کردنی به‌سیجی دانشجویی و ناوه‌ندی ئوموری ته‌ربیه‌تی بۆ چاودێری کردنی مه‌دره‌سه‌کان و فریو دانی ژماره‌یه‌ک دانشجو و خوێندکار بۆ چاودێری کردنی دانشجوه‌کان و خوێندکاره‌کانی مه‌دره‌سه‌کان به‌ خۆشیه‌وه‌ نه‌یتوانیوه‌ به‌و ئامانجه‌ گڵاوه‌ی بگات و به‌ ته‌واوی دانشگاکان و ناوه‌نده‌کانی خوێندن بخاته‌ ژێر رکێفی خۆیه‌وه‌. ئه‌و کات که‌ خومه‌ینی رایگه‌یاند اقتصاد مال خر است و هه‌روه‌ها له‌ ساڵی ١٣٥٩ له‌ ژێر ناوی شۆڕشی فه‌رهه‌نگی، زانکۆکانی داخست...
پەتی جۆلانە گیانی منداڵێکی سەقزی ستاند
منداڵێکی تەمەن ١٠  ساڵەی سەقزی لەکاتی جۆلانە کردندا، ملی بە پەتی جۆلانەکەوە بووە و بەو هۆیەوە خنکاوە. بەپێی راپۆرتی هەواڵدەریی کوردپاØ› دانیال باقری تەمەن ١٠  ساڵ و دانیشتوی گەڕەکی "حەماڵاوای سەروو" لە کاتی جۆلانە کردندا، پەتی جۆلانە لە ملی ئاڵاوە و لە ئەنجامدا بۆتە هۆی گیان لەدەست دانی. دەگوترێت، دانیالی تەمەن ١٠  ساڵ قوتابیی پۆلی چواری سەرەتایی بووە، کە رۆژی دووشەممە رێکەوتی ٢٢ی بەفرانبار لە کاتی جۆلانە کردندا لە ژێرخانی ماڵەکەین تووشی ئەو رووداوە بووە. نەبوونی شاری یاری و شوێنی کات بەسەر بردن بۆ منداڵان لە زۆربەی شارەکانی کوردستان، بوونەتە هۆی ئەوەی کە زۆربەی منداڵان پەنا بۆ یاریی ناستاندارد ببەن، کە زۆر جار گیان لەدەست دان و برینداربوونی منداڵانی لێ دەکەوێتەوە. هەروەها ئەو پارک و شوێنانەی کە لەو شارانە هەن، هیچ ستانداردێکیان تێدا رەچاو نەکراوە و منداڵان لە کاتی یاری کردندا تووشی رووداوی دڵتەزێن دەبنەوە. لە ناوەڕاست مانگی هاوینی ئەمساڵیشدا کچێکی تەمەن ١١ ساڵەی ئیلامی لەکاتی جۆلانە کردندا، لە یەکێک لە پارکەکانی شاری ئیلام، بەهۆی بەربوونەوە لە جۆلانە تووشی خوێنڕێژی هاتبوو کە بەو هۆیەوە گیانی لەدەست دا
هەڕەشەی بەرپرسانی قوتابخانەیەکی مەریوان لە قوتابیان بەهۆی نەدانی پارە
دوابەدوای ئەوەی کە قوتابییانی یەکێک لە قوتابخانەکانی شاری مەریوان نەیانوێستوە بڕە پارەی داواکراوی بەرپرسانی قوتابخانە دابین بکەن، بەرەوڕووی فشار و هەڕەشە بوونەوە. بەپێی راپۆرتی هەواڵدەریی کوردپاØ› بەرپرسانی قوتابخانەی "سادقی" لە شاری مەریوان بەهۆی ئەوەی کە قوتابییان لە دانی پارە بە قوتابخانە خۆیان بواردووە، هەڕەشەیان لە قوتابییان کردووە، کە " دەبێ چاوەڕوانی هەڵوێست و هەڕەشەی توند" بن. پێشتریش لە سەرەتای مانگی بەفرانباری ئەمساڵدا قوتابییانی هونەرستانی "عیفەت"ی شاری سەوڵاوا بەهۆی نەدانی پارە بە قوتابخانە، لەلایەن بەرپرسانی قوتابخانەوە ئیزنی بەشداری کردنیان لە تاقیکردنەوەدا پێ نەدرابوو.ئەستاندنی زۆرەملی پارە لە قوتابییان لە کاتێک دایە، کە هەر قوتابییەک ساڵانە بڕە پارەیەکی بە ناوی "هەزینەی ساڵانەی قوتابی" لەئێراندا هەیە و پێویستە لێپرسراوانی قوتابخانەکان بۆیان خەرج بکەن، بەڵام نە تەنیا ئەو بڕە پارەیە بە قوتابیان نادرێت، بەڵکوو زۆر جار قوتابیان بەهۆی نەدانی پارە، لە قوتابخانە دەرکراون یان بە ناچاری دەستیان لە خوێندن هەڵگرتووە. بەپێی یاسای بنەڕەتیی وڵاتی ئێران، خوێندن بۆ منداڵانی "(واجب تحصیل)" بەخۆڕاییە، بەڵام لە کردەوەدا قوتابخانە دەوڵەتییەکان بە بیانووی جۆراوجۆر لە پرۆسەی خوێندندا و لەژێر ناوی بەڕێوەبردنی خوڵی فێرکاریی غەیرە دەرسی، پارە لە قوتابییان ئەستێنن. لە ماوەی ئەمساڵدا قوتابخانەی نزیک بە تێکڕای ناوچە کوردنشینەکانی ئێران بڕی ٥٠  هەتا ١٠ ٠  هەزار تمەن پارەیان بە بیانووی دابین کردنی سووتەمەنی و کەلوپەلی قوتابخانە، لە قوتابیان ئەستاندووە.
خۆکوژیی دوو لاوی تەمەن ١٥ و ١٣ ساڵەی سەردەشت
دوو لاوی کوردی خەڵکی شاری سەردەشت بەهۆکاری ناڕوون کۆتاییان بە ژیانی خۆیان هێنا.
راپۆرتی پێشێلکاری مافی مرۆڤ له‌ ئێران _ تایبه‌ت به‌ ساڵی ٢٠ ١٣
به‌ پێی راپۆرتی هه‌واڵده‌ری هێرانا، کۆمه‌ڵێک له‌ چالاکانی مافی مرۆڤ له‌ ئێران، راپۆرتی سالانه‌ی پێشێلکاری مافی مرۆڤیان له‌ ئێران له‌ ماوه‌ی ساڵی ٢٠ ١٣، به‌م شێوه‌یه‌ بلاو کردووه‌ته‌وه‌.
رێگری له‌راگواستنی ژنه‌ زیندانییه‌کی سیاسیی کورد بۆ زیندانی شاری ماکۆ
زه‌ینه‌ب جه‌لالیان له‌لایه‌ن به‌رپرسانی زیندانی دیزڵ‌ئابادی کرماشان و ناوه‌نده‌ ئه‌منییه‌کانه‌وه‌ رێگری له‌چوونی بۆ گرتووخانه‌ی ناوه‌ندیی شاری ماکۆ کرا. به‌پێی هه‌واڵی هه‌واڵده‌ریی کوردپا، زه‌ینه‌ب جه‌لالیان زیندانی سیاسی کورد که‌ ماوه‌ی زیاتر له‌ ٥ ساڵه‌ له‌زیندانی دیزڵ ئابادی کرماشانه‌، هه‌تا ئێستا بۆ چه‌ندین جار داوای راگواستنی بۆ زیندانی ماکۆ کردووه‌، به‌ڵام ئه‌و داواکارییه‌ له‌لایه‌ن ناوه‌نده‌ پێوه‌ندیداره‌کانه‌وه‌ ره‌ت کراوه‌ته‌وه‌. ئه‌و چالاکه‌ سیاسییه‌ کورده‌ ساڵی ١٣٨٦ له‌شاری کرماشان ده‌ستبه‌سه‌رکراوه‌ و له‌و کاته‌وه‌ هه‌تا ئێستا مافی چاپێکه‌وتنی له‌گه‌ڵ بنه‌ماڵه‌که‌ی پێ نه‌داروه‌. له‌وپێوه‌ندییه‌دا هه‌واڵده‌ریی "هرانا" بڵاوی کردبۆوه‌، زه‌ینه‌ب جه‌لالیان له‌لایه‌ن به‌رپرسانی ئه‌منیه‌تیی زیندانه‌وه‌ فشاری خراوه‌ته‌ سه‌ر و ماوه‌یه‌ک له‌مه‌وبه‌ریش که‌ تووشی نه‌خۆشی ببوو، ئیزنی چاره‌سه‌ریی له‌ده‌ره‌وه‌ی زیندانی پێ‌‌نه‌درا. ده‌گوترێت، لێپرسراوانی ئه‌منیه‌تیی داوایان له‌ زه‌ینه‌ب جه‌لالیان کردووه‌، "که‌ ده‌بێ‌ئێعترافی ته‌له‌ویزیونی بکات". ئه‌و چالاکه‌ سیاسییه‌ دوای ده‌ستبه‌سه‌رکرانی، به‌ تاوانی "محاربه‌" و ئه‌ندامه‌تیی له‌یه‌کێک له‌حیزبه‌ کوردییه‌کان حوکمی سێداره‌ی بۆ بڕایه‌وه‌ و دواتر ئه‌و حوکمه‌ بۆ زیندانی هه‌تاهه‌تایی گۆڕدرا.
دوو لاوی کورد بەدەستی هێزە ئینتزامییەکانی رژێمی ئێران کوژران
دوو لاوی کوردی خەڵکی شارەکانی سەقز و شائاباد لەلایەن هێزە ئینتزامییەکانی رژێمی ئاخوندی تەقەیان لێکراوە و گیانیان لەدەست دا.
پەیامی ناوەندی لاوانی خەباتی کوردستانی ئێران بە بۆنەی هاتنی ساڵی نوێ زایینی
بەبۆنەی هاتنی ساڵی نوێ و جێژنی لەدایک بوونی حەزرەتی عیسا گەرمترین پیرۆزبایی پێشکەش بە سەرجەم خەلکی جیهان بەگشتی و کوردستان و ئێران بەتایبەتی دەکەین. هیوادارین ساڵی نوێ ساڵی هاتنەدی خەونەکانمان بێت و کۆتایی بە دەسەلاتی ئاخوندی ئێران بێت.
به‌رێوه‌چوونی یه‌که‌مین کۆنفه‌رانسی لاوانی رۆژهه‌لات
رۆژی هه‌ینی ٢٩ی سه‌رماوه‌زی ١٣٩٢ی هه‌تاوی یه‌که‌مین کۆنفرانسی لاوانی رۆژهه‌لات به‌ به‌شداری زۆربه‌ی رێکخراوه‌کانی لاوانی رۆژهه‌لات و که‌سایه‌تییه‌ سه‌ربه‌خۆکان و به‌شداری نوێنه‌رانی ئه‌حزابی سیاسی رۆژهه‌لاتی کوردستان ده‌ستی به‌ کاره‌کانی کرد.
کۆنفرانس له‌ کاتژمێر ٩ی سه‌ر له‌ به‌یانی به‌ مارشی ئه‌ی ره‌قیب و ساتێک بێده‌نگی بۆ گیانی پاکی هه‌موو شه‌هیدانی لاوی کوردستان.
ده‌ستی پێ کرد. دوایی په‌یامی کردنه‌وه‌ی کۆنفرانس له‌ لایه‌ن به‌رێز فوئاد جه‌عفه‌ری به‌رپرسی ناوه‌ندی لاوانی خه‌باتی کوردستانی ئێران خوێندرایه‌وه‌ و بڕگه‌ی دوایی خوێندنه‌وه‌ی په‌یامی کۆنفرانس بۆ لاوانی رۆژهه‌لات له‌ لایه‌ن به‌رێز جه‌لال ره‌وانگه‌رد جیئ٠Žگری سکرتێری یه‌کێتی لاوانی دیموکراتی کوردستانی ئێران بوو.، په‌یام بۆ لاوانی چوارپارچه‌ی کوردستان له‌ لایه‌ن کارۆ که‌نکاش و په‌یام بۆ خه‌ڵکی کوردستانی رۆژهه‌لات له‌ لایه‌ن خاتوو ته‌وار شه‌ریفی خوێندرایه‌وه‌.
له‌دوای رێوره‌سمی کردنه‌وه‌ی کۆنفرانس کاریی ره‌سمی له‌ چوارچێوه‌ی ٥ پانێل ده‌ستی پێکرد.
له‌هه‌رکام له‌و پانێلانه‌ ئه‌و باس و بابه‌تانه‌ پێش که‌ش کران.
له‌ پانێلی یه‌که‌می کۆنفرانسه‌که‌دا، باسێک له‌ پێوه‌ندی له‌گه‌ڵ "دیارده‌ی کۆچی لاوانی کوردستانی ئێران بۆ ده‌ره‌وه‌ی وڵات له‌لایه‌ن له‌یلا محه‌ممه‌دی پێشکه‌ش کرا.
له‌ به‌شی دووهه‌می پانێلی یه‌که‌می ئه‌و کۆنفرانسه‌دا "کۆسپه‌کانی وه‌ده‌سهێنانی دادپه‌روه‌ریی کۆمه‌ڵایه‌تی له‌ کوردستانی ئێران" له‌ چۆارچێوه‌ی باسێکدا له‌لایه‌ن "کاوه‌ که‌ریمی"یه‌وه‌ پێشکه‌ش به‌ ئاماده‌بوان کرا.
باسێک له‌ پێوه‌ندی له‌گه‌ڵ 'رۆڵی لاوان له‌ خه‌باتی ئازادیخوازانه‌ له‌ کوردستانی ئێران" له‌لایه‌ن 'ئه‌میر عه‌بدوڵڵازاده‌"وه‌ پێشکه‌ش کرا.
"ئیعدام و ده‌سبه‌سه‌رکردنی لاوان له‌ کوردستانی ئێران" له‌لایه‌ن "هۆزان ساره‌وان"ـه‌وه‌ پێشکه‌ش کرا.
"ئیسلامی سیاسی و ئاکامه‌کانی له‌ کوردستانی ئێران" له‌ لایه‌ن رێباز که‌ریمییه‌وه‌ پێش که‌ش کرا.
ئه‌نفالی سپی و کاردانه‌وه‌کانی له‌سه‌ر لاوانی کوردستانی ئێران" له‌ لایه‌ن "هۆگر محه‌ممه‌دی" ئه‌ندامی ناوه‌ندی لاوانی خه‌باتی کوردستانی ئێران پێشکه‌ش کرا.
"بریارنامه‌کان و راسپارده‌کانی" یه‌که‌مین کۆنفرانسی لاوانی دێموکراتی کوردستانی ئێران له‌لایه‌ن "فوادخاکی‌به‌یگی" سکرتێری گشتی یه‌کییه‌تی لاوانی دێموکراتی کوردستانی ئێرانه‌وه‌ پێشکه‌ش کرا.
له‌پاشاندا په‌یامی کۆنفرانس سه‌باره‌ت به‌ حیزب و لایه‌نه‌ سیاسییه‌کان له‌لایه‌ن "هه‌ڵگورد کامیارانی" خوێندرایه‌وه‌.
هه‌روه‌ها په‌یامی کۆنفرانسی لاوانی کوردستانی ئێران بۆ "کۆمه‌ڵگای جیهانی" له‌لایه‌ن "فیرووز مامۆیی"پێشکه‌ش کرا.
"ویست و داخوازییه‌کانی لاوانی کوردستانی ئێران" له‌لایه‌ن "ته‌وار شه‌ریفی"یه‌وه‌ پێشکه‌ش کرا.
باسێک له‌مه‌‌ڕ "چۆنییه‌تی پێشه‌کی ئاماده‌کردن بۆ کۆنفرانسی نه‌ته‌وه‌یی لاوانی هه‌ر چوار پارچه‌ی کوردستان" له‌لایه‌ن "سامان فه‌قێ نه‌بی" پێشکه‌ش کرا.
له‌ کۆتایی کۆنفرانسه‌که‌دا په‌یامی کۆتایی کۆنفرانس له‌لایه‌ن "سه‌ید جه‌لال ساڵحی" خوێندرایه‌وه‌.
جێگه‌ی باسه‌ که‌ کاری یه‌ک رۆژه‌ی کۆنفرانسی لاوانی رۆژهه‌لات به‌ په‌سه‌ند کردنی چه‌ندین خاڵ و راسپارده‌ به‌ سه‌رکه‌وتوویی له‌ کاتژمێر ١٠ ی شه‌و به‌ شادی و هه‌ڵپه‌رکێ کۆتایی به‌ کاره‌کانی هێنا.
خۆکوشتنی دایکێکی کورد له‌دوای ئیعدامی رۆڵه‌که‌ی
دایکێکی ٥٢ ساڵه‌ له‌دوای ئیعدامی کوره‌ ته‌مه‌ن ٤٠  ساڵه‌که‌ی له‌ زیندانی دیزڵئاوای کرماشان به‌ ته‌ناف خۆی خنکاند. به‌ پێی راپۆرتی هه‌واڵده‌ری هێرانا په‌روین گراوه‌ن ژنه‌ کوردی خه‌ڵکی کرماشان له‌ رێکه‌وتی ١٧ی سه‌راوه‌ز له‌دوای تێپه‌رینی ٣ رۆژ به‌سه‌ر ئیعدامی رۆڵه‌که‌ی به‌ناوی فه‌ریدوون خه‌نجه‌ری به‌هۆی فشاری روحی خۆی هه‌ڵواسی و کۆتایی به‌ ژیانی خۆی هێنا.
گیان له‌ده‌ستدانی کرێکارێکی کوردی ناوچه‌ی هه‌ورامان
کرێکارێکی کوردی ناوچه‌ی سه‌وڵاوا له‌شارۆچکه‌ی "شمشک"‌ی تاران به‌ هۆی نه‌خۆشییه‌وه‌ کۆچی دوایی کرد. به‌پێی هه‌واڵی هه‌واڵده‌ریی کوردپا، عه‌بدوڵڵا غونچه‌ ته‌مه‌ن ٣٨ ساڵ و خه‌ڵکی ئاوایی پایگه‌لانی سه‌ر به‌ ناوچه‌ی سه‌وڵاوا رێکه‌وتی ٢٢ی سه‌رماوه‌ز گیانی دا. ئه‌و کرێکاره‌ کورده‌ ماوه‌ی ١٥ ساڵه‌ دانیشتووی شارۆچکه‌ی "شمشک" بوو و سه‌رقاڵی کرێکاری کردن بوو. به‌وته‌ی که‌سێکی ئاگادار عه‌بدوڵڵا غونچه‌ له‌ئه‌نجامی کاری قورس و تاقه‌ت پڕوکێنه‌ره‌وه‌ تووشی نه‌خۆشی ببوو و سه‌رچاوه‌که‌ ئه‌وه‌شی خسته‌‌ڕوو، ئه‌و کرێکاره‌ کورده‌ به‌ هۆی هه‌ژاری نه‌یتوانیبوو سه‌ردانی پزیشکی پسپۆڕ بکات. رۆژی شه‌ممه‌ رێکه‌وتی ٢٣ی سه‌رماوه‌ز ته‌رمی عه‌بدوڵڵا غونچه‌ له‌"گۆڕستانی وه‌راوه‌ر"‌ی پایگه‌لان به‌خاک سپێردراوه‌.
ته‌قینه‌وه‌ی مین له‌قه‌سری‌شیرین گیانی لاوێکی ته‌مه‌ن ١٨ ساڵه‌ی ستاند
به‌ کوژرانی هاوڵاتییه‌کی کوردی خه‌ڵکی ناوچه‌ی قه‌سری شیرین له‌ئوستانی کرماشان، ئاماری قوربانیانی ته‌قینه‌وه‌ی مین له‌ سێ مانگی رابردوودا و له‌ ناوچه‌ کوردنشینه‌کانی ئێران گه‌یشته‌ ١٣ که‌س. به‌پێی راپۆرتی هه‌واڵده‌ریی کوردپاØ› جه‌هانبه‌خش رۆسته‌می ته‌مه‌ن ١٨ ساڵ و کوڕی نه‌زه‌ر، له‌کاتی له‌وه‌‌ڕاندنی مه‌‌ڕوماڵات، به‌هۆی ته‌قینه‌وه‌ی مین له‌ پاسگای چۆڵکراوی "یه‌که‌ شان" گیانی دا. ئه‌و رووداوه‌ رۆژی یه‌کشه‌ممه‌ رێکه‌وتی ٢٤ی سه‌رماوه‌ز له‌ به‌رزاییه‌کانی چیای "ئاق داخ" له‌ ناوچه‌ی قه‌سری شیرین هاتۆته‌ ئاراوه‌ که‌ ده‌ستبه‌جێ گیان له‌ده‌ست دانی ئه‌و لاوه‌ کورده‌ی لێکه‌وتۆته‌وه‌. هاوکات و له‌هه‌مان رۆژدا کۆڵبه‌رێکی کوردی خه‌ڵکی ناوچه‌ی سه‌لاسی باوه‌جانی له‌ ئوستانی کرماشان به‌ناوی فه‌رید قادری ته‌مه‌ن ٢٦ ساڵ، له‌خاڵی سنووریی شێخ سه‌ڵه‌، به‌هۆی ته‌قینه‌وه‌ی مین لاقێکی له‌ده‌ست دابوو.
راگەیه‌ندراوی یەکەم کۆنفڕانسی لاوانی رۆژهەڵات ژمارە (3)
خەڵکی تێکۆشەری کوردستان!
لاوانی هێژا!
رۆژی دووشه‌ممه‌ 25ی سەرماوەز لە پرێس کۆنفڕانسێک‌دا بە ئاگاداری هەموو لایەک راگەیه‌ندرا کە پاش هەوڵ‌و تێکۆشانی هەموو رێکخراوەکانی لاوانی رۆژهەڵات‌و بەبێ‌ ره‌چاوکردنی بەرژەوەندی تەسکی رێکخراوەیی‌و لە دەرەنجامی چەندین کۆبوونەوەی یەک لە دوای یەک بە خۆشی‌یەوە یەکەم کۆنفڕانسی لاوانی رۆژهەڵات رۆژی هه‌ینی رێکەوتی 29ی سەرماوەزی 2713ی کوردی لە شاری هەولێری پایتەختی حکوومەتی هەرێمی کوردستان بەڕێوە دەچێ. لەم کۆنفڕانسەدا لاوانی رۆژهەڵات لەسەر چەندین تەوەری جیاواز وێڕای رێزدانان بۆ بیر‌و‌‌ڕای جیاوازی یەکتر وەک:
لاوانی رۆژهەڵات پرێس کۆنفڕانسێکیان لە هەولێر بەڕێوەبرد
رۆژی دووشه‌ممه‌ 25ی سه‌رماوه‌زی 2713ی کوردی، رێکخراوه‌کانی لاوانی رۆژهه‌ڵات له‌ پرێس کۆنفڕانسیک‌دا سه‌باره‌ت به‌ به‌ستنی یه‌که‌م کۆنفڕانسی لاوانی رۆژهه‌ڵات لە رێستۆڕانتی زێوێ له‌ هه‌ولێر، دواین لێدوانیان له‌مه‌ر ئامانج‌و شێوازی کاری کۆنفڕانس بۆ رای گشتی هێنایه‌ به‌ر باس. دیاره‌ سه‌رله‌ به‌یانی نوێنه‌ری رێکخراوه‌کان کۆبوونه‌وه‌یه‌کی به‌رینیان له‌سه‌ر کاروباری کۆنفڕانس.به‌‌ڕێوه‌بردو پاشان کاتژمێر 3ی پاش نیوەڕۆ لێژنەی ئامادەکاریی یه‌که‌م کۆنفڕانسی لاوانی رۆژهەڵات پرێس کۆنفڕانسێکی بە مەبەستی راگەیاندنی شوێن‌و کات‌و شێوازی بەڕێوەچوونی کۆنفڕانسه‌که‌ بەڕێوەبرد.
تەقینەوەی مین لەقەسری‌شیرین گیانی لاوێکی تەمەن ١٨ ساڵەی ستاند
بە کوژرانی هاوڵاتییەکی کوردی خەڵکی ناوچەی قەسری شیرین لەئوستانی کرماشان، ئاماری قوربانیانی تەقینەوەی مین لە سێ مانگی رابردوودا و لە ناوچە کوردنشینەکانی ئێران گەیشتە ١٣ کەس. بەپێی راپۆرتی ئاژانسی هەواڵدەریی کوردپاØ› جەهانبەخش رۆستەمی تەمەن ١٨ ساڵ و کوڕی نەزەر، لەکاتی لەوەڕاندنی مەڕوماڵات، بەهۆی تەقینەوەی مین لە پاسگای چۆڵکراوی "یەکە شان" گیانی لەدەست دا. ئەو رووداوە رۆژی یەکشەممە رێکەوتی ٢٤ی سەرماوەز لە بەرزاییەکانی چیای "ئاق داخ" لە ناوچەی قەسری شیرین هاتۆتە ئاراوە کە دەستبەجێ گیان لەدەست دانی ئەو لاوە کوردەی لێکەوتۆتەوە. هاوکات و لەهەمان رۆژدا کۆڵبەرێکی کوردی خەڵکی ناوچەی سەلاسی باوەجانی لە ئوستانی کرماشان بەناوی فەرید قادری تەمەن ٢٦ ساڵ، لەخاڵی سنووریی شێخ سەڵە، بەهۆی تەقینەوەی مین لاقێکی لەدەست دابوو.
کوژران و برینداربوونی دوو هاووڵاتیی کرماشانی به‌ ته‌قه‌ی هێزه‌ ئینتزامییه‌کان
دوو هاووڵاتیی کوردی خه‌ڵکی کرماشان له‌ ناوچه‌ی هه‌مه‌دان به‌ ته‌قه‌ی هێزه‌ ئینتزامییه‌کانی حکوومه‌تی ئێران کوژراو و بریندار بوون. به‌پێی راپۆرتی هه‌واڵده‌ریی کوردپا ، هاووڵاتییه‌کی کوردی خه‌ڵکی کرماشان به‌ناوی بێهزاد یاری ته‌مه‌ن ٢٤ ساڵ و کوڕی فه‌ره‌یدوون به‌ ته‌قه‌ی راسته‌وخۆی هێزه‌ نیزامییه‌کانی حکوومه‌تی ئیران کوژرا. رووداوه‌که‌ رۆژی دووشه‌ممه‌ رێکه‌وتی ١٨ی سه‌رماوه‌ز له‌نزیک گوندی "نه‌هاوه‌ند"ی سه‌ربه‌ شاری "ره‌زن" له‌ ئوستانی هه‌مه‌دان هاتۆته‌ ئاراوه‌ و بێهزاد یاری به‌هۆی به‌رکه‌وتنی دوو گولـله‌ گیانی داوه‌.
لاوێکی ته‌مه‌ن ٢٤ ساڵه‌ی کورد له‌گرتووخانه‌ی ورمێ‌ له‌سێداره‌ درا
به‌رپرسانی حکوومه‌تی ئێران له‌گرتووخانه‌ی ورمێ‌حوکمی له‌سێداره‌دانی هاووڵاتییه‌کی کوردیان به‌‌ڕێوه‌ برد. به‌پێی هه‌واڵی هه‌واڵده‌ریی کوردپا، لاوێکی کورد به‌ناوی "بهزاد خه‌لیلی ئیگدیر" ته‌مه‌ن ٢٤ ساڵ و کوڕی محه‌ممه‌دره‌زا سه‌رله‌ به‌یانیی رۆژی سێ‌شه‌ممه‌ له‌لایه‌ن لێپرسراوانی گرتووخانه‌ی ناوه‌ندی ورمێه‌وه‌ له‌سێداره‌ درا. ئه‌و هاووڵاتییه‌ خه‌ڵکی شاری شنۆ بووه‌ و ده‌وتریت که‌ به‌ تاوانی "قه‌تل" له‌سێداره‌ دراوه‌. دوای ئه‌وه‌ی له‌تێکهه‌ڵچوونێکدا که‌سێک کوژراوه‌، بهزاد وه‌کوو بکووژه‌که‌ دادگای و حوکمی سێداره‌ی بۆ بڕابوویه‌وه‌، به‌ڵام بنه‌ماڵه‌ی کوژراوه‌که‌ ده‌یانهه‌ویست ئه‌و لاوه‌ کورده‌ عه‌فوو بکه‌ن که‌ به‌ داخه‌وه‌ ده‌زگا قه‌زایی و رێکخراوی زیندانه‌کان له‌و باره‌یه‌وه‌ که‌مته‌ر خه‌مییان نواندووه‌. له‌لایه‌کی دیکه‌وه‌ رۆژی شه‌ممه‌ رێکه‌وتی ١٦ی سه‌رماوه‌ز لاوێکی بۆکانی به‌ناوی "یونێس باپیری" ته‌مه‌ن ٢٥ ساڵ له‌ زیندانی ورمێ‌له‌سێداره‌ درابوو. به‌پێی ئاماری تۆمار کراو له‌ناوه‌ندی ئاماری ئاژانسی کوردپا، له‌ ماوه‌ی ٢٠  رۆژی رابردوودا نزیک به‌ ٦٠  هاووڵاتیی له‌ئێران له‌سێداره‌ دراون.
بەرێوەچوونی کۆبوونەوەی لیژنەی ئامادەکاری کۆنفڕانسی لاوانی رۆژهەڵات
رۆژی سێشەممە 19ی سه‌رماوه‌زی 1392ی هه‌تاوی، لە درێژەی کۆبوونەوەکانی لێژنەی ئامادەکاری کۆنفەرانسی لاوانی رۆژهەڵات، ئەندامانی لێژنە لە بارەگای ناوەندی لاوانی خەباتی کوردستانی ئێران لە تۆبزاوا کۆبوونەوە.
ئیعدامی ١٥ زیندانی تر له‌ زیندانی کرماشان و ئیلام
سه‌ر له‌ به‌یانی رۆژی پێنچ شه‌ممه‌ی حه‌ووتوی رابردوو ١٥ که‌س له‌ زیندانی دیزڵ ئاوای کرماشان و زیندانی ناوه‌ندی ئیلام ئیعدام کران. رۆژی پێنچ شه‌ممه‌ ١٤ ی سه‌رماوه‌ز ٧ زیندانی به‌ تۆمه‌تی په‌یوه‌ندیدار به‌ ماده‌ی هۆشبه‌ر له‌ زیندانی دیزڵ ئاوای کرماشان له‌ سێداره‌ درا، سه‌باره‌ت به‌ ناسنامه‌ی ئه‌و زیندانیه‌ هیچ زانیاریه‌ک له‌به‌ر ده‌ست دا نییه‌ . هه‌روه‌ها له‌ هه‌مان رۆژدا ٨ زیندانی تر له‌ زیندانی ناوه‌ندی ئیلام له‌ سێداره‌ دران له‌ ناسنامه‌ی ئه‌و زیندانیه‌ش هیچ زانیاریه‌ک له‌ به‌ر ده‌ست دا نییه‌ . جێگای باسه‌ تا ئێستا له‌ هیچ کام له‌ راگه‌یاندنه‌کانی ره‌سمی رژیم هه‌واڵی ئیعدامی ئه‌و زیندانیانه‌ رانه‌گێندراوه‌ .
دوایین هەواڵەکان
پەیامی دەستەی بەڕێوەبەری بەبۆنەی ۱۱بانەمەڕ، ساڵڕۆژی دامەزراندنی رێکخراوی لاوانی خەبات
photo
لاوانی خه‌بات
1 ساڵ و 5 مانگ و 27 ڕۆژ و 22 کاتژمێر و 42 خوله‌ک له‌مه‌وپێش‌
ژنانی بوێر سەمبولی خۆڕاگری و مزگێنیدەری ئازادین
photo
ڕێکخراوی لاوانی خەباتی کوردستانی ئێران
1 ساڵ و 7 مانگ و 9 ڕۆژ و 15 کاتژمێر و 59 خوله‌ک له‌مه‌وپێش‌
ڕاگەیندراوی ڕێکخراوی لاوانی خەبات, بەبۆنەی ۸ی مارس ڕۆژی جیهانی ژنان
photo
ڕاگەیندراوی ڕێکخراوی لاوانی خەبات
1 ساڵ و 7 مانگ و 21 ڕۆژ و 15 کاتژمێر و 33 خوله‌ک له‌مه‌وپێش‌
ڕاگەیندراوی ڕێکخراوی لاوانی خەبات بەبۆنەی ڕۆژی زمانی زگماگی
photo
ڕاگەیندراوی ڕێکخراوی لاوانی خەبات بەبۆنەی ڕۆژی زمانی زگماگی
1 ساڵ و 8 مانگ و 7 ڕۆژ و 23 کاتژمێر و 38 خوله‌ک له‌مه‌وپێش‌
محەممەد مێهدی کەرمی و محەممەد حوسەینی لەسێدارەدران
photo
لاوانی خه‌بات
1 ساڵ و 9 مانگ و 19 ڕۆژ و 22 کاتژمێر و 45 خوله‌ک له‌مه‌وپێش‌
ڕاگەیندراوی ڕێکخراوی لاوانی خەبات بەبۆنەی ڕۆژی پێشمەرگەی سازمانی خەبات
photo
لاوانی خه‌بات
1 ساڵ و 11 مانگ و 27 ڕۆژ و 18 کاتژمێر و 9 خوله‌ک له‌مه‌وپێش‌
٢٩هەمین رۆژی شۆرشی ژینا و کاردانەوە جیهانیەکان
photo

2 ساڵ و 11 ڕۆژ و 18 کاتژمێر و 32 خوله‌ک له‌مه‌وپێش‌
photo photo
کومیته‌ی فینلاند
کومیته‌ی به‌ریتانیا
کومیته‌ی سوئێد
کومیته‌ی دانمارک
کومیته‌ی سویس
کومیته‌ی ئه‌ڵمان
په‌یڕه‌و پرۆگرام

ده‌رباره‌ی ئێمه به کورتی

لێره‌‌‌ ده‌‌‌رباره‌‌‌ی خۆتان بنووسن به کورتی

په‌یوه‌ندی


[email protected]

+٩٦٤٧٥١٨٨٦٨٢٠٩

فۆرمی په‌یوه‌ندی

تۆڕە کۆمەڵایەتیەکان


٢/ لینکی یوتوب

٣/ لینکی تویته‌‌‌ر