سه‌ره‌تا   په‌یوه‌ندی
XEBATMEDIA |      

lawan


ڕێکخراوی لاوانی خه‌باتی کوردستانی ئێران
Iranian Kurdistan Khabat Youth Organization
         
ڕێژەی لەسێدارەدان لەئێران‌و عێراق لەزیادبووندایە

بەپێی ڕاپۆرتێکی ڕێکخراوی لێبوردنی نێودەوڵەتی ساڵی ڕابردوو لەهەریەک لەئێران‌و عێراقدا ڕێژەی لەسێدارەدان بەشێوەیەکی بەرچاو زیادیکردووە. بەپێی ڕاپۆرتەکە لەساڵی (٢٠ ١٣) (٧٧٨) حاڵەتی لەسێدارەدان لەجیهاندا تۆمارکراوە، بەراورد بەساڵی (٢٠ ١٢) لەسەدا (١٥) زیادیکردووە، بەشێوەیەک لەساڵی (٢٠ ١٢) (٦٨٢) حاڵەتی لەسێدارەدان تۆمارکراوە. لەڕاپۆرتەکەدا ئاماژە بەوەکراوە کە لەساڵی ڕابردوودا ڕێژەی لەسێدارەدان لەهەریەک لەئێران‌و عێراق زیادیکردووە، بەجۆرێک لەئێران (٣٦٩) کەس‌و لەعێراقدا (١٦٩) کەس لەسێدارەدراوە. هەروەها لەسعودیە (٧٩) کەس‌و ئەمەریکا (٣٩) کەس لەسێدارەدراوە. لەئێستادا لەسەر ئاستی جیهان نزیکەی (٢٢) وڵات سزای لەسێدارەدان جێبەجێدەکەن. بەردەوام لەلایەن ڕێکخراوەکانی مافی مرۆڤ لەسەرئاستی جیهان داوادەکرێت کە سزای لەسێدارەدان ڕابگیرێت.
ئاماری لەسێدارەدانی هاووڵاتییانی کورد لەساڵی ٩٢
بەپێی راپۆرتیهەواڵدەریی کوردپاØ› لە سەرەتای مانگی خاکەلێوەی ساڵی ١٣٩٢ی هەتاوییەوە هەتا کۆتایی مانگی رەشەمەی ساڵی ١٣٩٢ی هەتاوی ٦٥ هاووڵاتیی کورد لە زیندانەکانی ئێراندا بە تاوانی جۆراوجۆری وەک بازرگانی بە ماددەی هۆشبەر، کوشتن، دەستدرێژیی جنسی و کەسیش سیاسی لەسێدارە دراون و ٤ هاووڵاتیی دیکەش بەو تاوانانە بە سێدارە مەحکووم کراون. بەپێی ئەو ئامارە، ٢٠  هاووڵاتی بە تاوانی بازرگانی بە ماددەی هۆشبەر، ٢٠  هاووڵاتی بە تاوانی ئەنجامدانی "قەتڵ" و ٤ کەسی دیکە بە تاوانی "قەتڵ و دەستدرێژیی جنسی"، ٢ کەسی دیکە بە تاوانی "دەستدرێژیی جنسی" لە سێدارە دراون. هەروەها لە کۆی گشتیی ئەو ٦٥ کەسەی کە لە سێدارە دراون، تاوانی ٩ کەسیان روون نەبۆتەوە و ٩ کەسیشیان ئەندامی "باندی هیواتاب" بوونە.
هاوکات لەساڵی ١٣٩٢ی هەتاویدا، لەکۆی گشتیی ئەو ٦٥ کەسە، ٤ کەسیان لەبەر چاوی خەڵک لەسێدارە دراون و ٣ کەسیش لەو لەسێدارە دراوانە، لەکاتی ئەنجامدانی تاوانەکەیاندا تەمەنیان لەژێر ١٨ ساڵدا بووە، کە تەمەنەکەیان (١٢، ١٥ و ١٦ ساڵ) بووە. هەروەها لە ماوەی ساڵی ١٣٩٢ی هەتاویدا ٨٠  هاووڵاتیی دیکە لە زیندانی ناوچە کوردنشینەکانی ئێران لە سێدارە دراون کە لە کۆی گشتیی ئەو رێژەیە ٥ کەسیان ژن بوون، کە هەتا ئیستا شوناسی ئەو ٨٠  کەسە روون نەبۆتەوە، کە سەربە کام یەک لە نەتەوەکانی ئێران بوونە. لەلایەکی دیکەوه‌ لە ساڵی ١٣٩٢ی هەتاویدا، ٣ زیندانیی سیاسیی کورد بە ناوەکانی حەبیبوڵلا گوڵپەری‌پوور، رەزا ئیسماعیلی (مامەدی) و شێرکۆ مەعارفی لە سێدارە دراون. سامان نەسیم، سابیر موخەلید ماوانە و محەمەد عەبدوڵڵاهی سێ کەس لەو زیندانییە سیاسییە کوردانە بوون، کە بە تۆمەتی لایەنگری و ئەندامەتی لە حیزبە کوردییەکانی ئۆپۆزیسیۆنی حکوومەتی ئێران، لە ساڵی ١٣٩٢ی هەتاویدا حوکمی لەسێدارە درانیان بۆ بڕاوەتەوە. هاوکات لە ماوەی ساڵی رابردووی هەتاویدا ١١ زیندانیی مەزهەبیی کورد، بە تۆمەتی ئەندامەتی لە گروپە سەلەفییەکان، لەلایەن دەزگای قەزایی رژێمی ئاخوندی ێرانەوە حوکمی لەسێدارە درانیان بۆ براوەتەوە. جێگه‌ی باسه‌ که‌ لە ساڵی ١٣٩١ی هەتاویدا، سەرجەم ٥٦ هاووڵاتیی کورد لە زیندانەکانی ئێراندا و بە تاوانی جۆراوجۆر لە سێدارە دران، کە ئاماری ساڵی ١٣٩٢ بە بەراورد لەگەڵ ساڵی ١٣٩١ی هەتاوی ٩ کەس زیادبوونی بە خۆیەوە بینیوە.
ئێعدامی زیندانیێکیتر له‌ سه‌ره‌تای ساڵی نوێ

به‌ پێی راپۆرتی هه‌واڵده‌رییه‌کان، جینایه‌تکارانی رژێمی ئاخوندی له‌ درێژه‌ی ره‌وتی ئێعدامه‌کانی زستانی ئه‌مساڵ و له‌ سه‌ره‌تای ده‌ستپێکی ساڵی نوێ زیندانیێکیتریان له‌ زیندانی ناوه‌ندی سمنان له‌ سێداره‌ دا. به‌ پێی ئه‌م راپۆرته‌ به‌کرێگیراوانی رژێم له‌ زیندانی سمنان سه‌ر له‌ به‌یانی یه‌کشه‌ممه‌ ٢٤ی ره‌شه‌مه‌ زیندانیێکیان له‌و زیندانه‌ ئێعدام کرد.جێگه‌ی باسه‌ که‌ به‌ هاتنه‌ سه‌ر کاری حسن رۆحانی وه‌ک سه‌رۆک کۆماری نوێی رژێم، رێژه‌ی ئێعدامکردن زیندانیان له‌ ئێران به‌رز بوونه‌وه‌ێکی به‌رچاوی به‌ خۆوه‌ بینیوه‌.
رێژەی تووشبووانی نەخۆشیی دەروونی لە ئێراندا گەیشتووەتە ئاستی لەسەدا ٢٥
به‌ پێی راپۆرتی هه‌واڵده‌رییه‌کان، رێژەی تووشبووانی نەخۆشیی دەروونی لە ئێراندا گەیشتووەتە ئاستی لەسەدا ٢٥، ناوه‌ندی زانستی دەروونناسانی ئێرانیش فشارە ئابووری، سیاسی و کۆمەڵایەتییەکان بە گرینگترین هۆکارەکانی تووشبوونی خەڵک بە نەخۆشی دەروونی ناو دەبات و رایدەگەیەنێت، ئەگەر رێگەچارەیەک بۆ پێشگرتن لەو نەخۆشییە نەدۆزرێتەوە، زیانی گەورە بە ژیانی خەڵک دەگەیەنێت. ئاماری نەخۆشییە دەروونییەکان لە ئێراندا گەیشتووەتە ٢٥ لەسەد، واتا لە هەر ٤ کەس لە ئێران یەکێکیان نەخۆشیی دەروونی هەیە، ئەوە ئامارێکە کە سەرۆکی ناوه‌ندی زانستی دەروونناسانی ئێران رایگەیاندووە. بە وتەی ئەحمەد جەلیلی، ٢٥ لەسەدی گەورە ساڵەکان واتا ئەو کەسانەی لەنێوان ١٥ تا ٦٤ ساڵدان، بە دەست نەخۆشیی دەروونییەوە ئازار دەکێشن. ئەو ئامارە بە بەراوەرد لەگەڵ ساڵی رابردوو ٣ لەسەد زیادیکردووە. ئەحمەد جەلیلی هەروەها دەڵێت، تاوەکو ٥٠  ساڵ لەمەوبەر خەڵکی ئێران پێیانوابوو تەنیا کەسانێک نەخۆشیی دەروونییان هەیە کە بەشێوەیەکی بەرچاو تووشی ناجێگیری باری دەروونی بوون و کەسانێک بوون کە وڕێنەیان دەکرد، لە وەهمدابوون و پەیوەندییان بە راستییەکانەوە پچرابوو. هەروەها تووشی هەڵسوکەوتی نەگونجاو و گۆشەنشینی دەبوون. ئەو جۆرە نەخۆشانە تەنیا ١٠  لەسەدی کۆمەڵگان و پێیان دەگوترێ "نەخۆشیی رۆحی". جێگه‌ی باسه‌ که‌ سەرۆکی ناوه‌ندیز انستی دەروونناسانی ئێران هەروەها فشارە سیاسی و کۆمەڵایەتییەکان وەکوو یەکێک لە گرینگترین هۆکارەکانی تووشبوونی خەڵک بە نەخۆشی دەروونی ناودەبات و دەڵێت ئەو جۆرە نەخۆشییە ئەگەر چارەسەر نەکرێت زیانی گەورە بە ژیانی خەڵک دەگەیەنێت و ئاستی خۆشبژێوی ژیانیان دادەبەزێنێت.
سوریا برسێتی وه‌ک چه‌کی جه‌نگی بەکاردێنێت
به‌ پێی راپۆرتی هه‌واڵده‌رییه‌کان، رێکخراوی لێبوردنی نێوده‌وڵه‌تی رژیمی سوریای به‌ به‌کارهێنانی "برسێتی خەڵک" وه‌ک چه‌کی جه‌نگ تۆمه‌تبارکرد به‌ تایبه‌تی پاش گه‌مارۆکه‌ی که‌مپی یه‌رموک که‌ ئاواره‌ فه‌له‌ستینییه‌کانی تێدایه‌.
لە قوتابخانەکانی ئازەربایجانی رۆژئاوا بانگەشە بۆ مەزهەبی شیعە دەکرێت

وەزارەتی پەروەردەی حکوومەتی ئاخوندی ئێران لە قوتابخانەی ناوچە کوردنشینەکان‌دا، بانگەشە بۆ مەزهەبی شیعە دەکات.
بەپێی راپۆرتی هەواڵدەریی کوردپاØ› ئیدارەی پەروەردەی ئوستانی ئازەربایجانی رۆژئاوا بە مەبەستی برەو دان بە مەزهەبی شیعە لە قوتابخانەکانی ئەو ئوستانە، تاقیکردنەوەیەکی لە ژێر ناوی "حکوومەتی مەهدەوی" بەڕێوە برد. ئەو تاقیکردنەوەیە لە کۆتایی مانگی رێبەندان و دەستپێکی مانگی رەشەمەی ئەمساڵدا، لە نێو مامۆستای قوتابخانەکانی ئوستانی ئازەربایجانی رۆژئاوادا بەڕێوەچوو.
پرژانە سەر ٨ حاڵەت پێشێلکردنی مافەکانی ژنان لە حەفتەی رابردوودا
راپۆرتی ئەم حەفتەیەی بەرموور، ٥ حاڵەتی پێشێلکردنی مافی ژنان لە کوردستان کە بریتییە لە خۆکوژی ژنێکی لاو، دەستبەسەرکردنی دوو چالاکی ژن و هەڕەشەی دەستبەسەر کردنی لە دوو کەستی دیکە لە شاری سنە و ٣ حاڵەت پێشێلکردنی مافی چالاکانی ژن لە شوێنەکانی دیکەی ئێراندا کە بریتیە لە دەرکرانی دوو کچە خوێندکاری بەهایی لە زانکۆ و بانگهێشتکرانی کچە خوێندکارێک بۆ حەراسەتی ئەو زانکۆ لە خۆ دەگرێت.
راپۆرتی نوێی ئەحمەد شەهید لە رووی ئامارییەوە
راپۆرتی ئەحمەد شەهید بەپێی دیمانە و گفتوگۆ لەگەڵ ١٣٣ هاووڵاتیی ئێرانی لەماوەی ٦ مانگی رابردوودا، رۆژی پێنج‌شەممە رێکەوتی ٢٢ی رەشەمە لە دووتوێی ٧٤ لاپەڕەدا بڵاو بوویەوە. بەپێی راپۆرتی هەواڵدەریی کوردپاØ› ئەحمەد شەهید رۆژی رابردوو لە کۆنفڕانسێکی رۆژنامەوانیدا باسی لە چۆنیەتیی راپۆرتی نوێی پێشێلکاریی مافی مرۆڤ لە حکوومەتی ئاخوندی ئێراندا کرد و نیگەرانیی خۆی لە " جیاوازیی یاسا میللی – ناوخۆییەکانی حکوومەتی ئێران لەگەڵ بەڵێن‌نامە نێونەتەوەییەکان و پابەندنەبوونی ئەو حکوومەتە بە یاسا نێونەتەوەییەکان" دەربڕی.
چالاکیی ژینگەپارێزی و کردنەوەی پیشانگەی خۆشنووسی لەشارەکانی مەهاباد و مەریوان
ژمارەیەکی بەرچاو لە لایەنگرانی ژینگە، لەهەوڵێکی خۆرسکدا شاری مەهابادیان خاوێن کردەوە و هاوکات پیشانگەیەکی خۆشنووسیش لە شاری مەریوان و مەهاباد کراوەتەوە. بەپێی راپۆرتی هەواڵدەریی کوردپا، رۆژی هەینی رێکەوتی ٢٣‌ی رەشەمە شاری مەهاباد لە زبڵ و پاشماوەکان، بە دروشمی " پاراستنی ژینگە، پاراستنی ژیانە" لەلایەن ژمارەیەک هاووڵاتی و لایەنگرانی ژینگەوە خاوێن کرایەوە. ئەو هەوڵەی لایەنگرانی ژینگەپارێز لەشاری مەهاباد، بە بۆنەی نزیک بوونەوە لە سەری ساڵی تازە و لەدوایین هەینی ساڵی ٩٢‌دا ئەنجام دراوە. لەلایەی دیکەوە رێوڕەسمی کردنەوەی پیشانگەیەکی خۆشنووسی لەژێر ناوی " بۆنی باران" بە سەرپەرەستیی ئازاد مەحمودی بەڕێوە چوو. لەو پیشانگەیەدا بەرهەمی خۆشنووسیی هونەرمەندانی وەک عەلی عەبداڵی، لەیلا نادری، سارا ئاقایی، حەسەن قەرەنی، جەماڵ عەبدوڵڵاهی، دڵشاد ئوسلووب، سارا فەخری راد، ئیسماعیل عێزەت‌خا، یووسف بەهرامی، تاهیر دەروێش‌زادە، شەبنەم عەبدوڵڵاهی، رەحمان بەیگی پوور و سعید گولابی ئازەر خراوەتە بەر دیدی ئۆگرانی هونەری خۆشنووسی. هەر لەو پەیوەندییەدا لەشاری "مەریوان"‌یش پیشانگەیەکی خۆشنووسی هونەرمەند "کورووش مورادی" بەڕێوە چوو، کە بۆ ماوەی ٥ رۆژ بەردەوام بووە و زیاتر لە ٢٠  بەرهەمی خۆشنووسی لەخۆ گرتبوو. پیشانگەی خۆشنووسی هونەرمەند کورووش مورادی بە هاوکاری زانکۆی پەیام نووری مەریوان کرابوویەوە و ئەو هونەرمەندە کوردە لە رشتەی ئەدەبیانی زمانی ئینگلیزیدا لەو زانکۆیە سەرقاڵی خوێندنە و لەساڵی ١٣٨٠ وە کاری خۆشنووسی دەستی پێکردووە
ماددە هۆشبەرەکان هەر دوو کاتژمێرێک ١٥ خێزان لێک جیا دەکه‌نه‌وه‌
به‌ پێی راپۆرتی هه‌واڵده‌رییه‌کان، دیاردەی “تەڵاق” لە وڵاتی ئێراندا تا دێت زیاتر پەرەدەستێنێت، بە وتەی “عەبدولرەزا رەحمانی‌فەزلی”وەزیری ناوخۆی رژێم، ٥٠ %ی جیابونەوەکان بەهۆی کاریگەری ماددە هۆشبەرەکان و توشبوون بەو ماددانەوەیە. بە پێی راپۆرتێکی هه‌واڵده‌ری حکومه‌تی“همشهری ێ‌نلاین”، ئەو وتانەی وەزیری نێوخۆ لە کاتێکدایە کە بە وتەی “محەممەد نازمی‌ئەردەکانی” سەرۆکی رێکخراوی تۆمارکردنی باری کەسێتی ئێران، لەو وڵاتەدا لە بەرانبەر هەر جیابونەوەیەک ٥ حاڵەتی پێکهێنانی ژیانی هاوبەش تۆمار دەکرێت و لە هه‌ندێک لە شارەکان وەکوو تاران و کەرەج ئەو رێژەیە یه‌ک حاڵەت بەرانبەر بە ٣ حاڵەت تۆمار کراوە.هاوکات “سەعید مونتەزر ئەلمەهدی” جێگری کۆمەڵایەتی هێزە ئینتزامییەکانی ئێران وتویەتی “لە هەر ١١ حاڵەتی تۆمارکردنی تەڵاق لە ئێراندا و لە هەر ٨ حاڵەت لە شاری تاران لانیکم یەک حاڵەتیان پەیوەندی راستەوخۆی بە مادە هۆشبەرەکانەوە هەیە کە لە هەر ٨ خولەکدا دەبێتە هۆی هەڵوەشانەوەی خێزانێک”. هەروەها بە پێی ئەو راپۆرتە، رۆژانە ٩ کەس بە هۆی بە کارهێنانی ماددە هۆشبەرەکانەوە لە ئێراندا گیان لە دەستدەدەن.
چێشتی مجێور
چێشتی مجێور ژینامەی خۆنوسی مامۆستا هەژار (عەبدولڕەحمان شەرەفکەندی)یە که‌ تێیدا باسی سه‌رگوزشته‌کانی ژیانی خۆی ده‌کات. ئەمە یەکێک لە دەگمەن پەڕتووکی ئۆتۆبیۆگرافی بە زمانی کوردییە کە مامۆستا هەژار بە زمان و گێڕانەوەیەکی شیرین باسی خۆی و بەسەرهاتەکانی کردوە.

هۆکاری ناو لێنان

جاران مجێوری مزگەوت برماوەی خواردنی خەڵکی کۆ ئەکردەوە و لە مەنجەڵێکی ئەنا و تێکەڵی ئەکردن کە پێیان ئەوت "چێشتی مجێور ".مامۆستا هەژار ئەڵێ چیڕۆکی ژیانی وەک چێشتی مجێور وایە . هەر وەها ئەڵێ نە دەمی رودانی بەسەر هاتەکانی لە بیر ماوە نە ئەتوانێ یەک بە دوای یەکا بە زنجیر بیانگێرێتەوە کەواتە وەک چێشتی مجێور تێکەڵاو گێڕاونیەوە . ئەم بەسەرهاتانە و باسانەی ناو پەڕتوکەکە یان بەسەر هاتی مامۆستا هەژار هی خۆیەتی یان لە دەمی دوستان و برادەرانی قۆزتۆتەوە . مامۆستا هەژار سەرەتا ویستویەتی ناوی بابەتەکەی بنێ "قانگ لاشک " ، "با بردەڵە" یان "بۆت برێم" بەڵام دوای ناوی "چێشتی مجێور" ی داناوە کە بە وتەی خۆی : پڕ بە پێستیەتی.
سێ‌ کچه‌ کورد خۆیان بۆ ئه‌نجومه‌نی‌ شاره‌وانییه‌کانی‌ هۆڵه‌ند کاندید کردووه‌
به‌ پێى راپۆرتى هه‌واڵده‌رییه‌کان، ڕۆژی ١٩ی ئه‌م مانگه‌ له‌هۆڵه‌ند هه‌ڵبژاردنی ئه‌نجوومه‌نی شاره‌وانیه‌کانه‌، ژماره‌یه‌ک پارتی سیاسی له‌‌ڕێی کاندیده‌کانیانه‌وه‌ له‌‌ڕکابه‌ری یه‌کداده‌بن، له‌نێو کاندیدی پارته‌ سیاسیه‌کان ژماره‌یه‌ک کوردی چالاکوان وگه‌نج ولێهاتوو هه‌ن له‌هه‌موو پارچه‌کانی کوردستاندا، ئه‌و کوردانه‌ ده‌یانه‌وێ ببنه‌ ئه‌ندام له‌و ئه‌نجومه‌نانه‌دا به‌و مه‌به‌سته‌ی له‌پاڵ خزمه‌تکردن به‌کۆمه‌ڵگه‌ی هۆڵه‌ندیدا له‌بواره‌کانی خزمه‌تگوزاری وکۆمه‌ڵایه‌تی، پێگه‌ی کورد له‌و ئه‌نجوومه‌نه‌ لۆکاڵیانه‌ به‌هێز بکه‌ن بۆ چوونه‌ ناو ئه‌نجوومه‌ن وپه‌رله‌مان وده‌زگا گرنگه‌کاندا. کچه‌ کورده‌کان بریتین له‌ سۆما سورینی‌ کچه‌ کوردی باشوری کوردستان کاندید له‌سه‌رلیستی پارتی دیموکرات D٦٦ ، شه‌م شه‌هاب کاندیدی کاری هۆڵه‌ندی PvdA( سۆسیالدیموکرات)، بیرگوڵ ئوزمه‌ن کچه‌کوردی کوردستانی تورکیا و ئه‌ندامی پارتی دیموکرات وکاندیدی ئه‌وپارته‌ بۆ شاره‌وانی لاهای. ده‌رباره‌ی بوونی ئه‌ندامی کورد له‌ناو ئه‌و ئه‌نجوومه‌نانه‌دا سۆماش بۆ PUKmedia ئه‌وه‌ی دووپاتکرده‌وه‌ که‌ ئه‌مه‌کاریگه‌ری زۆری هه‌یه‌، چونکه‌ ئه‌و ئه‌نجوومه‌نه‌ وێستگه‌یه‌که‌ له‌ وێستگه‌کانی خه‌بات، رێژه‌ی کورد چه‌ند زۆربێت، ئه‌وه‌نده‌ کاریگه‌ری ده‌بێت، له‌سه‌ر خزمه‌تی زیاتر به‌ کوردستانیانی هۆڵه‌ند، وه‌له‌ هه‌مان کاتدا کورده‌کانی ئه‌و ئه‌نجوومه‌نانه‌ ده‌توانین ببن به‌ پردی په‌یوه‌ندی نێوان شاره‌وانیه‌کانی هۆڵه‌ندا و شاره‌وانیه‌کانی کوردستان،
هێزە نیزامییەکانی مەریوان دەستیان بەسەر ژمارەیەکی بەرچاو مەڕ و ماڵاتدا گرت
١٠ ٠  سەر مەڕی هاووڵاتییەکی مەریوانی لەلایپەن هێزە نیزامییەکانی سەر سنوورەوە دەستی بەسەردا گیرا. بەپێی هەواڵی هەواڵدەریی کوردا، رۆژی سێ‌شەممە رێکەوتی ٢١‌ی رەشەممە لەخاڵی سنووریی پیران ـ حەوزی کانی کەوە، ئەو ١٠ ٠  سەر مەڕ و ماڵاتە زەوت کراوە. بەوتەی سەرچاوەیەکی ئاگادار ئەو مەڕ و ماڵاتە زەوتکراوانە بە مەبەستی سەربڕین رەوانەی کوشتارگا کراون و خاوەنی ئەو ئاژەڵانە سەرەڕای بەدواداچوونی هیچ وڵامێکی وەرنەگرتۆتەوە. سەرچاوەکە ئەوەشی خستەڕوو، ئەو مەڕ و ماڵاتانە بەمەبەستی لەوەڕاندن بردرابوونە خاڵی سنووریی پیران و لەلایەن هێزەکانی هەنگی مەرزیی مەریوانەوە دەستیان بەسەردا گیراوە. زۆرجار هێزە نیزامییەکان بەتایبەت سپای پاسداران بەبیانووی نزیک بوونەوەی مەڕ و ماڵاتی هاووڵاتییان لە سنوورەکان یان بەزاندنی سنوور، دەست بەسەر ئەو ئاژەڵانەدا دەگرن
وانەی هاوپۆلەکانی ماهان بووە بە نمونە بۆ ئێرانییەکان
به‌ پێی راپۆرتی هه‌واڵده‌رییه‌کان، قژتاشینی مامۆستا و هاوپۆلەکانی “ماهان رەحیمی” لە شاری مەریوانی کوردستانی ئێران، بوەتە نمونە بۆ قوتابیانی قوتابخانەکانی دیکەی ئێران. بەپێی ئه‌م هه‌واڵه‌، لە ماوەی رۆژانی رابردودا ٢٣ قوتابی پۆلی یەکی سەرەتایی شاری “تەفت” لە پارێزگای یەزد، بە مەبەستی پشتگیری و هاوخەمی لە گەڵ یەکێک لە هاوپۆلییەکانیان بە ناوی “عەلی ‌رەزا” کە توشی شێرپەنجە بوە و قژی وەریوە، پێکەوە قژی سەریان تاشی. جێگه‌ی باسه‌ که‌، ماڵپەڕی “یەزد نیوز” رایگەیاندوە کە ئەو ٢٣ قوتاببییە لە سەر داوای دایک و باوکیان و بۆ پشتگیری لە هاوپۆلییەکەیان دەستیان داوەتە ئەو کارە. ئەمە کردەوەی قوتابیانی قوتابخانەی “رەجایی” شاری تەفت لە کاتێکدایە کە نزیک دوو مانگ بەر لە ئێستا ژمارەیەک لە قوتابیانی قوتابخانەی “شێخ شەڵتووت”ی شاری مەریوان بە مەبەستی هاوخەمی لە گەڵ “ماهان رەحیمی” پێکەوە قژی سەریان تاشی کە دەنگدانەوەی زۆری لە ناو میدیاکانی ئێران و جیهاندا بەدواوە بوو.
لاوێکی پیرانشاری بەهۆی سەرما و سۆڵەوە رەق هەڵات
هاووڵاتییەکی پیرانشاری لە ناوچە سنوورییەکانی کوردستان بە هۆی سەرما و سۆڵەوە گیانی لەدەست دا. بەپێی راپۆرتی هەواڵدەرییکوردپا، شەوی رابردوو رێکەوتی ١٩ی رەشەمە لاوێک بەناوی "سالار بیک‌شۆ"، تەمەن ٢٨ ساڵ و کوڕی عوسمان و خەڵکی پیرانشار بەهۆی سەرماوە رەق هەڵاتووە و لە ئەنجامدا بۆتە هۆی گیان لەدەست دانی. ئەو لاوە لەشوێنێک بەناوی "کانی خودا" لەسنووری کوردستانی ئێران و هەرێمی کوردستان تووشی ئەو رووداوە بووە و تەرمەکەی لەلایەن خزم و کەسەکانی دۆزراوەتەوە. هەتا بڵاو بوونەوەی ئەو هەواڵە تەرمی "سالار" رادەستی بنەماڵەکەی نەکراوەتەوە و لەنەخۆشخانەی پیرانشار راگیراوە. هاووڵاتیان و کۆڵبەرانی کورد بە بەردەوامی لەکاتی سەرما و سۆڵەدا تووشی رووداوی لەم چەشنە دەبن و هێندیک جاریش بۆ ماوەی چەندین رۆژ تەرمەکانیان نەدوزراوەتەوە.
ئەمنیەتیی کردنی دۆخی شاری سنە و برینداربوونی لاوێکی کورد بە تەقەی هێزە نیزامییەکان
ماوەی چەند رۆژە دۆخی شاری سنە بە هێزێکی زۆری نیزامی و لیباس شەخسی ئەمنیەتی کراوە و لاوێکی کوردی خەڵکی ئەو شارەش بە تەقەی ئەو هێزانە بریندار کراوە.بەپێی هەواڵی هەواڵدەریی کوردپا، رۆژی دووشەممە رێکەوتی ٢٠ ‌ی رەشەممە هێزە نیزامییەکانی حکوومەتی ئیسلامیی ئێران لەناو شاری سنە بەبێ‌ هۆکارێکی روون تەقەیان لەماشێنێک کردبوو، کە شۆفێری ماشێنەکە تووشی برینداری هاتبوو. بەوتەی شایەتحاڵان، ئەو لاوە کوردەی خەڵکی شاری سنە پاش ئەوەیکە بریندار کرابوو، ماشێنەکەی بەجێهێشتووە و لەدەست مەئموورەکان هەڵاتووە.
چاوپێکه‌وتنی کۆمه‌ڵێک له‌ فه‌رهه‌نگییانی شاری سنه‌ له‌گه‌ڵ په‌یمان نه‌ودینیان
به‌ پێی راپۆرتی هه‌واڵده‌رییه‌کان، کۆمه‌ڵێک له‌ فه‌رهه‌نگییانی شاری سنه‌ رۆژی دووشه‌ممه‌ ١٩ی ره‌شه‌مه‌ سه‌ردانی په‌یمان نه‌ودینییان ئه‌و مۆعه‌لمه‌ی که‌ له‌ لایه‌ن به‌کرێگیراوانی رژێمه‌وه‌ قامچی لێ درابوو کرد. به‌ پێی ئه‌م راپۆرته‌، حوکمی ٢٠  زه‌ربه‌ قامچی ئه‌و ئه‌ندامه‌ی ئه‌نجۆمه‌نی سنفی مۆعه‌لمانی کردستان، حه‌فته‌ی رابردوو له‌ دادگۆسته‌ری شاری سنه‌ به‌ رێوه‌ چوو. جێگه‌ی باسه‌ که‌ فه‌رهه‌نگییان و لایه‌نگرانی مافی مرۆڤ و مافی ژنان به‌ رۆیشتن بۆ مه‌دره‌سه‌ی شوێنی کاری نه‌ودینییان ناوبراویان به‌سه‌ر کرده‌وه‌ و به‌رێوه‌ بردنی ئه‌و حوکمه‌یان له‌ لایه‌ن ده‌زگای قه‌زایی رژێمه‌وه‌ به‌ توندی مه‌حکوم کرد.
به‌‌ڕێوه‌چوونی کۆبوونه‌‌وه‌ی لێژنه‌ی هاوئاهه‌نگیی رێکخراوەکانی لاوانی رۆژهەڵات!

سه‌رله‌به‌یانی رۆژی دووشه‌ممه، رێکه‌وتی ١٠ ی مارسی ٢٠ ١٤، به‌رامبه‌ر به ١٩‌ی ر‌ه‌شه‌مه‌ی ١٣٩٢ی هه‌تاوی، کۆبوونه‌وه‌ی لێژنه‌ی هاوئاهه‌نگیی رێکخراوه‌کانی لاوانی رۆژهه‌ڵات له بنکه‌ی رێکخراوی لاوانی پێشڕه‌و به‌‌ڕێوه‌ چوو.
ده‌ستبه‌سه‌ر کردنی ٨٠  ژن له‌ ده‌راوێشان
به‌ پێی راپۆرتی هه‌واڵده‌رییه‌کان، ٨٠  که‌س له‌ ژنانی ده‌راوێش که‌ به‌ مه‌به‌ستی ناره‌زایه‌تی له‌ به‌رانبه‌ر دادستانی رژێم له‌ شاری تاران کۆبوونه‌ته‌وه‌ له‌ لایه‌ن هێزه‌ ئه‌منییه‌تییه‌کانی رژێمه‌وه‌ ده‌ستبه‌سه‌ر کراون. به‌ پێی راپۆرتی سایتی مه‌جزووبانی نوور سه‌ر به‌ ده‌روێش نیعمه‌تۆلاهی، هێزه‌ ئه‌منییه‌تییه‌کان که‌ پێشتر له‌مه‌ ته‌نیا پیاوانیان ده‌ستبه‌سه‌ر ده‌کرد، به‌ بینینی حه‌شیمه‌تی ژنانی نارازی له‌ به‌رانبه‌ر دادستانی رژێم ده‌ستیان دایه‌ ده‌ستبه‌سه‌ر کردنی ئه‌و ژنانه‌ و گواستنه‌وه‌یان بۆ که‌لانته‌ری و ناوه‌نده‌ ئه‌منییه‌تییه‌کان.
خۆکوژیی لاوێکی کورد لەناوچەی ورمێ‌

لاوێکی کوردی تەمەن ٣١ ساڵ لەیەکێک لە ئاواییەکانی سەر بە شاری ورمێ‌کۆتایی بە ژیانی خۆی هێنا. بەپێی راپۆرتی هەواڵدەریی کوردپا، رۆژی هەینی رێکەوتی ١٦‌ی رەشەمە هاووڵاتییەک بە ناوی مەهدی قاسمی کوڕی ئیسماعیل و خەڵکی ئاوایی "بالا"‌ی ناوچەی ورمێ‌بە زەبری چەک کۆتایی بەژیانی خۆی هێناوە. مەهدی قاسمی خێزاندار و باوکی دوو کچ بووە، کە بە چەکی تاپڕ هەوڵی خۆکوژی داوە لە ئەنجامدا بۆتە هۆی گیان لەدەست دانی. هەر لەدرێژەی بەردەوامیی خۆکوژیی لاوانی کوردا، شەوی دووشەممە رێکەوتی ١٢ی رەشەمە لاوێک بەناوی عارف قادری، تەمەن ٢٠  ساڵ و کوڕی لوقمان قادری، کە خەڵکی پیرانشار بوو، لەناو ماڵەکەی خۆیاندا خۆی هەڵواسی و کۆتایی بە ژیانی خۆی هێنا.
دوایین هەواڵەکان
پەیامی دەستەی بەڕێوەبەری بەبۆنەی ۱۱بانەمەڕ، ساڵڕۆژی دامەزراندنی رێکخراوی لاوانی خەبات
photo
لاوانی خه‌بات
1 ساڵ و 6 مانگ و 20 ڕۆژ و 9 کاتژمێر و 12 خوله‌ک له‌مه‌وپێش‌
ژنانی بوێر سەمبولی خۆڕاگری و مزگێنیدەری ئازادین
photo
ڕێکخراوی لاوانی خەباتی کوردستانی ئێران
1 ساڵ و 8 مانگ و 2 ڕۆژ و 2 کاتژمێر و 29 خوله‌ک له‌مه‌وپێش‌
ڕاگەیندراوی ڕێکخراوی لاوانی خەبات, بەبۆنەی ۸ی مارس ڕۆژی جیهانی ژنان
photo
ڕاگەیندراوی ڕێکخراوی لاوانی خەبات
1 ساڵ و 8 مانگ و 14 ڕۆژ و 2 کاتژمێر و 3 خوله‌ک له‌مه‌وپێش‌
ڕاگەیندراوی ڕێکخراوی لاوانی خەبات بەبۆنەی ڕۆژی زمانی زگماگی
photo
ڕاگەیندراوی ڕێکخراوی لاوانی خەبات بەبۆنەی ڕۆژی زمانی زگماگی
1 ساڵ و 9 مانگ و 10 کاتژمێر و 8 خوله‌ک له‌مه‌وپێش‌
محەممەد مێهدی کەرمی و محەممەد حوسەینی لەسێدارەدران
photo
لاوانی خه‌بات
1 ساڵ و 10 مانگ و 12 ڕۆژ و 9 کاتژمێر و 15 خوله‌ک له‌مه‌وپێش‌
ڕاگەیندراوی ڕێکخراوی لاوانی خەبات بەبۆنەی ڕۆژی پێشمەرگەی سازمانی خەبات
photo
لاوانی خه‌بات
2 ساڵ و 21 ڕۆژ و 4 کاتژمێر و 39 خوله‌ک له‌مه‌وپێش‌
٢٩هەمین رۆژی شۆرشی ژینا و کاردانەوە جیهانیەکان
photo

2 ساڵ و 1 مانگ و 4 ڕۆژ و 5 کاتژمێر و 2 خوله‌ک له‌مه‌وپێش‌
photo photo
کومیته‌ی فینلاند
کومیته‌ی به‌ریتانیا
کومیته‌ی سوئێد
کومیته‌ی دانمارک
کومیته‌ی سویس
کومیته‌ی ئه‌ڵمان
په‌یڕه‌و پرۆگرام

ده‌رباره‌ی ئێمه به کورتی

لێره‌‌‌ ده‌‌‌رباره‌‌‌ی خۆتان بنووسن به کورتی

په‌یوه‌ندی


[email protected]

+٩٦٤٧٥١٨٨٦٨٢٠٩

فۆرمی په‌یوه‌ندی

تۆڕە کۆمەڵایەتیەکان


٢/ لینکی یوتوب

٣/ لینکی تویته‌‌‌ر