lawan

ڕێکخراوی لاوانی خه‌باتی کوردستانی ئێران
Iranian Kurdistan Khabat Youth Organization

جاکوب زوما سه‌رۆکی باشوری‌ ئه‌فریقا مردنی نێلسۆن ماندێلای لە تەمەمی ٩٥ ساڵیدا راگەیاند.
له‌ چه‌ند مانگی‌ رابردوودا باری‌ ته‌ندروستی‌ نیلسۆن ماندێلا سه‌رۆکی‌ پێشووی‌ باشووری‌ ئه‌فریقا و خاوه‌نی‌ خه‌ڵاتی‌ نۆبڵی‌ ئاشتی‌ تێکچوو، به‌ مه‌ترسیدار وه‌سف کرا، دواتر ره‌وانه‌ی‌ نه‌خۆشخانه‌ی‌ شاری‌ بریتۆریا کرا و چاره‌سه‌ری‌ هه‌ورکردنی‌ درێژخایه‌نی‌ سییه‌کانی‌ وه‌رگرت، ئێوارەی رۆژی پێنچ شەممە جاکوب زوما سه‌رۆکی باشوری‌ ئه‌فریقا مردنی نێلسۆن ماندێلای راگەیاند لە تەمەمی ٩٥ ساڵیدا.

خۆکوشتنی لاوێکی ته‌مه‌ن ٢٢ ساڵ له‌ پیرانشار

لاوێکی کوردی خه‌ڵکی یه‌کێک له‌ ئاواییه‌کانی ناوچه‌ی پیرانشار به‌هۆی کێشه‌ی خێزانییه‌وه‌ کۆتایی به‌ژیانی خۆی هێنا. به‌پێی راپۆرتی هه‌واڵده‌ریی کوردپا، سه‌رله‌ به‌یانیی رۆژی چوارشه‌ممه‌ رێکه‌وتی١٣ی خه‌زه‌ڵوه‌ر لاوێکی ٢٢ ساڵ به‌ناوی "یاسین ره‌حمه‌تی" کوڕی مه‌لا ته‌ها به‌ خواردنی ژه‌هر، هه‌وڵی خۆکوشتنی دا و له‌ ئه‌نجامدا بووه‌ هۆی گیان دانی. یاسین ره‌حمه‌تی خه‌ڵکی گوندێ سێلوێی سه‌ربه‌ پیرانشار بووه‌ که‌ رۆژی رابردوو چۆته‌ خوار گونده‌که‌یان و به‌ خواردنه‌وه‌ی ژه‌هر کۆتایی به‌ ژیانی خۆی هێناوه‌. ده‌گوترێت که‌ ته‌رمی یاسین ره‌حمه‌تی به‌ مه‌به‌ستی پشکنین ره‌وانه‌ی پزیشکی دادوه‌ریی شاری ورمێ کراوه‌ و هه‌تا کاتی بڵاوبوونه‌وه‌ی ئه‌م هه‌واڵه‌ ته‌رمی ناوبراو راده‌ستی بنه‌ماڵه‌که‌ی نه‌کراوه‌ته‌وه‌.

رووداوی کار گیانی کرێکارێکی کوردی ورمێی ستاند

کرێکارێکی کوردی خه‌ڵکی ورمێ‌به‌هۆی به‌ربوونه‌وه‌ له‌ به‌رزایی گیانی دا. به‌پێی هه‌واڵی هه‌واڵده‌ریی کوردپا، سه‌ر له‌به‌یانی رۆژی چوارشه‌ممه‌ رێکه‌وتی ١٣‌ی سه‌رماوه‌ز کرێکارێک به‌ناوی خوسره‌و مرواریدی له‌کاتی کارکردن له‌بینایه‌کدا که‌وتۆته‌ خوار و گیانی داوه‌. خوسره‌و مرواریدی له‌ پڕۆژه‌کانی بیناسازیی "گوڵشه‌هر"‌ی ورمێ‌سه‌رقاڵی کارکردن بووه‌ و به‌وته‌ی شایه‌تحاڵان ئه‌و کرێکاره‌ کورده‌ له‌کاتی کارکردن به‌ "باڵابه‌ر" له‌ جۆری "تاوێر" تووشی ئه‌و رووداوه‌ بووه‌. خوسره‌و مرواریدی له‌ پڕۆژه‌کانی بیناسازیی "گوڵشه‌هر"‌ی ورمێ‌سه‌رقاڵی کارکردن بووه‌ و له‌کاتی کارکردن به‌ "باڵابه‌ر" له‌ جۆری "تاوێر" تووشی ئه‌و رووداوه‌ بووه‌ خوسره‌و چه‌ند مانگ پێش ئێستا ژیانی هاوبه‌شی پێک هێنابوو و به‌ مه‌به‌ستی دابین کردنی بژێوی ژیانی رووی له‌کرێکاری کردبو

به‌‌ڕێوه‌چوونی کۆبوونه‌وه‌ی لێژنه‌ی ئاماده‌کاری یه‌که‌م کۆنفڕانسی لاوانی رۆژهه‌ڵات

دوێنێ چوارشەممە 13ی سەرماوەز، لە درێژەی کۆبوونەوەکانی لێژنەی ئامادەکاری بۆ "یەکەم کۆنفڕانسی لاوانی رۆژهەڵات" کۆبوونەوەیەکی دیکە لە ناوەندی بەڕێوبەرایەتی "رێکخراوی لاوانی پێشڕەو" لە بانەگەورە بەڕێوەچوو.

هێزه‌ ئیتلاعاتییه‌کان لاوێکی ته‌مه‌ن ٢٢ ساڵه‌ی سه‌قزییان ده‌ستبه‌سه‌ر کرد

له‌درێژه‌ی ده‌ستبه‌سه‌ر کردنی هاووڵاتیانی کورد له‌لایه‌ن ‌هێزه‌ ئه‌منییه‌کانه‌وه‌، لاوێکی سه‌قزی له‌لایه‌ن هێزه‌ ئه‌منییه‌کانی حکوومه‌تی ئیسلامیی ئێرانه‌وه‌ ده‌ستبه‌سه‌ر کرا. به‌پێی راپۆرتی هه‌واڵده‌ریی کوردپا، سه‌رله‌ به‌یانیی رۆژی یه‌کشه‌ممه‌ رێکه‌وتی ١٠ ی سه‌رماوه‌ز کوورش ئه‌میری ته‌مه‌ن ٢٢ ساڵ و خه‌ڵکی شاری سه‌قز له‌لایه‌ن هێزه‌ ئه‌منیه‌کانی ئه‌و شاره‌وه‌ ده‌ستبه‌سه‌ر و بۆ شوێنێکی نادیار راگوێزرا. هیزه‌ ئه‌منییه‌کان له‌ کاتی ده‌ستبه‌سه‌ر کرانی کوورش ئه‌میریدا، ناوبراویان داوه‌ته‌ به‌ر لێدان که‌ به‌ شێوه‌یه‌ک هه‌موو ده‌م و لووتی له‌ خوێن هه‌ڵکشاوه‌. هۆکاری ده‌ستبه‌سه‌رکرانی کوورش ئه‌میری، کوڕی حه‌سه‌ن و دانێشتووی گه‌‌ڕه‌کی سیلۆی شاری سه‌قز، نه‌زانراوه‌. له‌ رۆژانی رابردووشدا سێ هاووڵاتیی سه‌قزی به‌ناوه‌کانی کامیل شه‌ریف‌زاده‌، غه‌ریب شه‌ریف‌زاده‌ و عیرفان مه‌جیدی سه‌رجه‌م به‌ ٩ ساڵ زیندانیی ته‌عزیری مه‌حکووم کران.

شه‌مه‌نده‌فه‌رێک 67 که‌س ده‌کاته‌ قوربانی‌

به‌ره‌به‌یانی‌ ئه‌مڕۆ له‌ولایه‌تی‌ نیویۆرک ، به‌هۆی‌ ده‌رچونی‌ شه‌مه‌نده‌فه‌رێک له‌ هێڵه‌که‌ی‌ به‌ ده‌یان که‌سی‌ کرده‌ قوربانی‌. به‌پێی‌ هه‌واڵێکی‌ پێگه‌ی‌ "ده‌یلی‌ مه‌یل"ی‌ به‌ریتانی‌، له‌ روداوێکدا شه‌مه‌نده‌رفه‌رێک له‌ سه‌ر هێڵی‌ ئاسنیه‌که‌ی‌ ده‌رده‌چێت و چه‌ندین که‌س ده‌کاته‌ قوربانی‌. روداوه‌که‌ له‌ کاتژمێر 7:30 خوله‌کی‌ به‌یانی‌ بووه‌ و کاتێک به‌و خێراییه‌ له‌ هێڵه‌که‌ی‌ ده‌رچووه‌ ده‌ستبه‌جێ چوار که‌س گیانیان له‌ ده‌ستدا. له‌ درێژه‌ی‌ ئه‌و هه‌واڵه‌دا هاتووه‌، له‌و روداوه‌دا 63 که‌سی‌ دیکه‌ش برینداربوون و ره‌وانه‌ی‌ چوار نه‌خۆشخانه‌ی‌ نزیکی‌ رووداوه‌که‌ کراون و هه‌روه‌ها شه‌ش که‌س له‌وانه‌ ته‌ندروستیان ناجێگیره‌. له‌ لایه‌کی‌ دیکه‌وه‌ به‌ پێی‌ هه‌واڵێکی‌ که‌ناڵی‌"ئێن بی‌ سی‌" هه‌شت فارگۆنی‌ شه‌مه‌نده‌فه‌ر له‌ هێڵه‌که‌یان ده‌رچوون. پێگه‌ی‌ "سی‌ ئێن ئێن"ی‌ ئه‌مریکیش بڵاویکردۆته‌وه‌، شایه‌تحاڵه‌کان باس له‌وه‌ ده‌که‌ن، ئه‌و شه‌مه‌نده‌فه‌ره‌ کاتێک له‌ هێڵه‌که‌ی‌ ده‌رچووه‌، به‌ شێوه‌یه‌کی‌ خه‌یاڵی‌ خێرا بووه‌.

سپای پاسداران له‌ناوچه‌ی سه‌رده‌شت ٣٠ ٠ بنکه‌ی به‌رهه‌مهێنانی مادده‌ی هۆشبه‌ری شیشه‌ی ئاوا کردووه‌

ژوماره‌یه‌کی به‌رچاو له‌ ئه‌ندامانی سوپای پاسداران له‌ شاری سه‌رده‌شت و ناوچه‌کانی "ره‌به‌ت و نه‌ڵاس"ی سه‌ربه‌و شاره‌، له‌ ٣٠ ٠ بنکه‌دا مادده‌ی شیشه‌ به‌رهه‌م دێنن. سه‌رجه‌می ئه‌و که‌سانه‌ که‌ له‌و بنکانه‌دا کاری به‌رهه‌م هێنان ده‌که‌ن، چه‌کی سوپای پاسدارانبیان پییه‌ و هاووڵاتییان به‌ هێچ شێوه‌یه‌ک ناتوانن رێگرییان لێ بکه‌ن و ته‌نانه‌ت سکاڵاشیان له‌سه‌ر تۆمار بکه‌ن. دروست کردنی مادده‌ی هۆشبه‌ر له‌ ئاستێک دایه‌ که‌ ته‌نانه‌ت له‌ شاری سه‌رده‌شته‌وه‌ له‌لایه‌ن ئه‌ندامانی سپای پاسدارانه‌وه‌ بۆ شار و ناوچه‌کوردنشینه‌کان و ته‌نانه‌ت سه‌رجه‌م ئێرانیش هه‌نارده‌ ده‌کرێت. ئه‌م کرده‌وه‌ی سوپای پاسدارانی حکوومه‌تی ئێران نیگه‌رانی و ترسی له‌ راده‌به‌ده‌ری هاووڵاتییانی خه‌ڵکی شاری سه‌رده‌شتی لێکه‌وتۆته‌وه‌ و ته‌نانه‌ت سه‌رجه‌م ناوه‌نده‌ حکوومه‌تییه‌کانیش له‌مه‌‌ڕ ئه‌و دیارده‌یه‌ بێ ده‌نگییان نواندووه‌.

ده‌رکران له‌ خوێندنگه‌، خۆکوژیی کچێکی مه‌هابادی لێکه‌وته‌وه‌

کچه‌ خوێندکارێکی مه‌هابادی دوابه‌دوای ئه‌وه‌ی له‌ خوێندنگه‌ ده‌رکرا، هه‌وڵی خۆکوژی دا و له‌ ئه‌نجامدا بووه‌ هۆی گیان دانی. به‌پێی راپۆرتی هه‌واڵده‌ریی کوردپا ، له‌یه‌کێک له‌ قوتابخانه‌ دواناوه‌ندییه‌کانی شاری مه‌هاباد کچه‌ خوێندکارێک به‌ناوی "ژاڵه‌" پاش ئه‌وه‌ی به‌ره‌وڕووی ده‌رکران له‌ خوێندنگه‌ بوویه‌وه‌، کۆتایی به‌ژیانی خۆی هێنا. ئه‌و کچه‌ خوێندکاره‌ی خوێندنگه‌ی دواناوه‌ندیی "فه‌رزانگان"ی شاری مه‌هاباد به‌هۆی ئه‌وه‌ی که‌ کتێبێکی سه‌باره‌ت به‌ ژیان هاوبه‌ش (ژن و مێردایه‌تی) پێ بووه‌، له‌لایه‌ن به‌رپرسانی ئه‌و خوێندگه‌یه‌وه‌ به‌ره‌وڕووی ده‌رکران بۆته‌وه‌. به‌رپرسانی خوێندنگه‌ی "فه‌رزانه‌گان" بنه‌ماڵه‌ی ئه‌و کچه‌ خوێندکاره‌یان سه‌باره‌ت به‌ پێ بوونی ئه‌و کتێبه‌ ئاگادار کردۆته‌وه‌ و له‌ ئه‌نجامدا ژاڵه‌ به‌هۆی زه‌خت و فشاری ده‌روونییه‌وه‌، هه‌وڵی خۆکوژیی داوه‌.

زیندانیه‌ک له‌دوای سه‌کته‌ی مه‌غزیی له‌ سێداره‌ ده‌درێ

رژیمی ئاخوندی سه‌رله‌به‌یانی رۆژی شه‌مه‌ له‌ زیندانی ناوندی زاهیدان زیندانیه‌کی نه‌خۆشی له‌ سێداره‌ دا. ئه‌و زیندانیه‌ ه‌حکووم به‌ ئیعدامه‌ ئیبراهیم عه‌بدوڵلاهی ناو بووه‌ و ته‌مه‌ن نزیک به‌ ٣٠ ساڵ بووه‌. ناوبراو رۆژی هه‌ینی له‌دوای گواستنه‌وه‌ی بۆ ژووری تاکه‌که‌سی سه‌کته‌ی مه‌غزیی لێی ده‌دا و به‌و حاڵه‌ش هێزه‌کانی رژیم بۆ رۆژی داهاتوو حوکمی ئیعدامه‌که‌ی له‌سه‌ر به‌رێوه‌ ده‌به‌ن.

شه‌پۆلی نوێی ئیدز له‌ ئێران

به‌ پێی راگه‌یاندنی وه‌زاره‌تی بێهداشت ٨٦.٦ له‌سه‌د له‌ ژماره‌ی تووشبووان به‌ ئیدز پیاو و ١٠ .٤ له‌سه‌دیش ژنن. به‌ پێی سه‌رژێرییه‌کان له‌ مانگی پووشپه‌ری ئه‌مساڵ سه‌رجه‌م تووشبووان به‌ HIV ٢٦ هه‌زار و ٥٥٦ که‌سن. به‌لام له‌ ژاره‌ی ٢٦ هه‌زار و ٥٥٦ که‌سی هه‌ڵگری ویرۆسی ئیدز، تا ئێستا ٤ هه‌زار و ٧٩٦ که‌س چوونه‌ته‌ ناو قۆناغی نه‌خۆشی ئیدز. هه‌روه‌ها ویرووسی ئیدز تا ئێستا ٥ هه‌زار و ٣٤٥ که‌سی کردۆته‌ قوربانی. له‌ راستی دا ده‌توانری بوترێ نیوه‌ی لاوان گیرۆده‌ی ئه‌و نه‌خۆشیه‌ن و ٤٦.١ له‌سه‌د له‌ ته‌مه‌نی ٢٥-٣٤ ساڵن. لێکۆڵینه‌وه‌کان باس له‌ هاتنی شه‌پۆلی سێهه‌می ئیدز له‌ وه‌لاتی ئێران ده‌که‌ن. هه‌وره‌ها سه‌رۆکی ئه‌نجوومه‌تی یارمه‌تیده‌رانی کۆمه‌لایه‌تی ئێران باس له‌ په‌ره‌سه‌ندنی ١٣ به‌رانبه‌ری سه‌رژێریی تووشبووان به‌ نه‌خۆشی ئیدز ده‌کات.

دوو کۆڵبه‌ری کوردی ناوچه‌ی ورمێ‌به‌زیندان مه‌حکووم کران

دوو کۆڵبه‌ری کورد پاش ئه‌وه‌ی‌که‌ به‌ ته‌قه‌ی هێزه‌ نیزامییه‌کانی حکوومه‌تی ئێران بریندار کراون، سزای نه‌ختی و زیندانی کردنیشیان بۆ بڕاوه‌ته‌وه‌. به‌پێی هه‌واڵی کوردپا ، شه‌هاب عه‌ره‌بی کوڕی له‌تیف و خه‌ڵکی ئاوایی "ئه‌نبێ‌"‌ی ناوچه‌ی ترگه‌وه‌‌ڕی ورمێ‌به‌ تاوانی کۆڵبه‌ری کردن له‌سه‌ر سنوور به‌ ٦ مانگ زیندان حوکم دراوه‌. ئه‌و کۆڵبه‌ره‌ کورده‌ سه‌ره‌‌ڕای زیندانی کردن، حوکمی ٥ میلیۆن تمه‌ن سزای نه‌ختیشی بۆ بڕاوه‌ته‌وه‌. له‌لایه‌کی دیکه‌وه‌ کۆڵبه‌رێکی دیکه‌ی خه‌ڵکی ئه‌و ئاواییه‌ به‌ناوی که‌ریم عه‌ره‌بی که‌ ماوه‌یه‌ک له‌مه‌وبه‌ر به‌ته‌قه‌ی هێزه‌ نیزامییه‌کان بریندار کرابوو، پێی راگه‌یه‌ندراوه‌ ده‌بێ‌به‌مه‌به‌ستی تێپه‌‌ڕانی حوکمی زیندانییه‌که‌ی خۆی به‌ ناوه‌نده‌ پێوه‌ندیداره‌کان بناسێنێت.

کچه‌ خوێندکارێکی بۆکانی پاش دوو حه‌فته‌ ده‌ستبه‌سه‌ری چاره‌نووسی ناڕوونه‌

خوشک و برایه‌کی بۆکانی پاش دوو حه‌فته‌ ده‌ستبه‌سه‌ر کران، هه‌تا ئیستا چاره‌نووسیان به‌ ناڕوونیی ماوه‌ته‌وه‌. به‌پێی راپۆرتی هه‌واڵده‌ریی کوردپا، ئه‌فسانه‌ بایزیدی خوێندکاری زانکۆی په‌یام نوور له‌ شاری بۆکان که‌ هاوڕێ له‌گه‌ڵ براکه‌ی به‌ناوی "شاهۆ بایزیدی" رێکه‌وتی ٢٥ی خه‌زه‌ڵوه‌ر ده‌ستبه‌سه‌ر کران، پاش ٢ حه‌فته‌ له‌ ده‌ستبه‌سه‌ری، هیچ هه‌واڵێک له‌ چاره‌نووسیان له‌به‌ر ده‌ستدا نییه‌. بنه‌ماڵه‌ی بایزیدی له‌ ماوه‌ی ئه‌و ٢ حه‌فته‌یه‌دا به‌ به‌رده‌وامی سه‌ردانی ئیداره‌ی ئیتلاعاتی شاری بۆکانیان کردووه‌، به‌ڵام له‌لایه‌ن هێزه‌ ئیتلاعاتییه‌کان پێیان راگه‌یاندوون که‌ رۆڵه‌کانیان بۆ ئیداره‌ی ئیتلاعاتی شاری مه‌هاباد راگوێزراون. سه‌ره‌‌ڕای ئه‌وه‌ی که‌ که‌سووکاری ئه‌فسانه‌ و شاهۆ بایزدی سه‌ردانی ئیتلاعاتی شاری مه‌هابادیشیان کردووه‌، هێزه‌ ئیتلاعاتییه‌کانی مه‌هاباد بێ ئاگایی خۆیان له‌ چاره‌نووسی ئه‌فسانه‌ و شاهۆ بایزیدی ده‌ربڕیوه‌.

نادیار بوونی چاره‌نووسی خوێندکارێکی مه‌هابادی

له‌ چاره‌نووسی خوێندکارێکی خه‌ڵکی ه‌هاباد هیچ هه‌واڵیک له‌به‌رده‌ست دا نییه‌. به‌ پێی راپۆرتی که‌مپه‌ینی داکۆکی له‌ زیندانیانی سیاسی و مه‌ده‌نی، رۆژی یه‌کشه‌مه‌ ١٢ی خه‌زه‌ڵوه‌ری ١٣٩٢ ، ئامانج په‌رویزی برای زیندانی سیاسی کوردی مه‌حکووم به‌ ئیعدام ئارمان په‌رویزی له‌ شاری ه‌هاباد له‌ لایه‌ن هێزه‌ ئه‌منیه‌یتیه‌کانه‌وه‌ ده‌ستبه‌سه‌ر کراوه‌ و هیچ هه‌واڵێک له‌شوێنی راگرتنی نییه‌. جب٠Žگه‌ی وه‌بیر هێنانه‌وه‌یه‌ که‌ ئامان په‌رویزی کۆتاییه‌کانی سیاڵی رابردوو له‌ لایه‌ن چه‌ند که‌سێکی چه‌کداره‌وه‌ ده‌ستبه‌سه‌ر کرا و به‌ تۆمه‌تی کرده‌وه‌ دژی ئه‌منیه‌تی نه‌ته‌وه‌یی و هاوکاری له‌گه‌ڵ یه‌کێک له‌ حیزبه‌ کوردییه‌کان به‌ ئیعدام مه‌حکووم کرا.

به‌‌ڕێوه‌چوونی کۆبوونه‌وه‌ی لێژنه‌ی ئاماده‌کاری یه‌که‌م کۆنفڕانسی لاوانی رۆژهه‌ڵات

له‌ درێژه‌ی کۆبوونه‌کانی لێژنه‌ی ئاماده‌کاری یه‌که‌م کۆنفڕانسی لاوانی رۆژهه‌ڵات سه‌باره‌ت به‌ گرتنی یه‌که‌م کۆنفڕانس، رۆژی هه‌ینی رێکه‌وتی 8ی سەرماوەزی 2713ی‌ کوردی، کاتژمێر 10ی سه‌رله‌ به‌یانی به‌ ئاماده‌بوونی ئه‌ندامانی لێژنه‌ی ئاماده‌کار، له‌ بنکه‌ی گرووپی کاری لاوان و قوتابیانی پارتی ئازادیی کوردستان له‌ هه‌ولێر، کۆبوونه‌وه‌ی خۆی به‌‌ڕێوه‌ برد. لەم کۆبوونەوەدا وێڕای باس‌و تاوتوێ کردن‌و پێداچوونه‌وه‌ به ئه‌رک‌و راسپارده‌کانی کۆبوونه‌وه‌ی پێشوو ‌و هه‌روه‌ها پێ‌سپاردنی کۆمه‌ڵێک ئه‌رکی دیکه‌ی کۆنفڕانس تا کۆبوونه‌وه‌ی داهاتوو کۆتایی به‌ کاره‌کانی ئه‌مڕۆی خۆی هێنا. شایانی باسه‌ که‌ کۆبوونه‌وه‌که‌ له‌ که‌شێکی دۆستانه‌دا لە کاتژمێر ٤ی ئێوارە کۆتایی پێ‌هات. لێژنه‌ی ئاماده‌کاری یه‌که‌م کۆنفڕانسی لاوانی رۆژهه‌ڵات 8ی سەرماوەزی ٢٧٠ ١٣ی‌ کوردی 29 ی نۆڤامبری 2013 زایینی

سیاسـه‌تـی رۆحـانی ، راسـت یـان درۆ?

هۆگر
ماشینی ئیعدام له‌ ئێران به‌ خێرایی که‌وتۆته‌ جووڵه‌. نه‌یاران، رخنه‌گران و بیرجیاوازان به‌ره‌ورووی هه‌‌ڕه‌شه‌، زیندان و له‌سێداره‌ دان بوونه‌ته‌وه‌. تیرۆری نه‌یاران و ره‌خنه‌گرانی سیاسی و باوه‌ره‌ندان، هه‌ر له‌ کاتی به‌ تالان بردنی شۆڕشی گه‌لانی ئێران له‌ لایه‌ن ئاخونده‌ توندره‌وکان به‌ یه‌کێک له‌ رێوشوێنه‌کانی چاره‌سه‌رکردنی کێشه‌کانی ولات له‌ هه‌موو بواره‌کاندا چاولێکراوه‌. هه‌موو تاکێک له‌ ئێران و کوردستاندا پێویسته‌ چوارچێوه‌کانی حوکمرانی و رێوشوێنه‌ .
تایبه‌تیه‌کانی رژیمی فاشیستی رژیمی ئاخوندی له‌ به‌رێوه‌بردنی حکوومه‌ت و هه‌لس و که‌وتی له‌گه‌ڵ خه‌ڵک و وه‌لات و جیهاندا بناسێ. به‌ بێ ناسینی وردی چوارچێوه‌کانی ده‌سه‌لاتداری ئه‌و رژیمه‌، ناوه‌رۆکی ئیدئۆلۆژی فاشلی ئاخوند و پاسداره‌کانی قوتابخانه‌ی "خومه‌ینیسم" ناتوانین به‌ شێلگێری و به‌ به‌رده‌وامی له‌ رێی خه‌بات و له‌ناو رووداو و ئه‌گه‌ره‌کانی سیاسی و هه‌ل و مه‌رجی ناوچه‌یی بمێنینه‌وه‌.

پانتایی جێگه‌ی سه‌رسوورمانی جیناته‌کانی رژیم له‌ سنووره‌کانی کوردستان

ب.رۆژین
ساڵیانێکی دوردرێژه‌ که‌ ده‌سه‌لاتی دیکتاتۆری ئاخوندی لاوان و خه‌ڵکی به‌ش مه‌ینه‌تی کورد له‌ سنووره‌کانی کوردستان ده‌داته‌ به‌ر گولله‌ و رۆژانه‌ شاهیدی هه‌واڵ و راپۆرتی کوژرانی هاوه‌لاتیانی کوردین. رژیمی ئاخوندی له‌ ریشه‌وه‌ له‌سه‌ر بناغه‌ی جینایه‌ت و کوشتار و دروست کردنی ترس و توقاندن .
درێژه‌ی به‌ده‌سه‌لاتداریی خۆی داوه‌ و میلیتاریسم و سه‌پاندنی دۆخی شه‌ر سیاسه‌تی زاڵی ده‌سه‌لات به‌سه‌ر ناوچه‌ی کوردستان بووه‌.
له‌کاتێکدا که‌ ماوه‌ی ٣٥ ساڵه‌ به‌کرێگیراوانی رژیم سینگی کاسبکاران و کۆڵبه‌رانی کورد به‌ گولله‌ کون کون ده‌که‌ن، باس کردن له‌و باره‌وه‌ و شیکردنه‌وه‌ی پانتایی و چۆنیه‌تی روودانی ئه‌و جینایه‌تانه‌ ره‌نگه‌ بابه‌تێکی نوێ نه‌بێ، به‌لام له‌ماوه‌ی رۆژانی رابردوو له‌درێژه‌ی ئه‌و ره‌وته‌ جارێکی دیکه‌ شاهیدی روودانی دوو جینایه‌تی که‌م پێشوونه‌ و تا راده‌یێک جێگه‌ی سه‌رسوورمان و دژوار بۆ باوه‌رکردن بووین.
هه‌واڵی کوژرانی گه‌نجێکی نه‌وسوودی سه‌ره‌‌ڕای بوونی کارتی سه‌وزی هاتوچوو له‌ ناوچه‌ سنوورییه‌کان و هه‌روه‌ها هه‌واڵی کوژرانی کچێکی ته‌مه‌ن ١٧ ساڵه‌ی کورد خه‌ڵکی بانه‌ به‌ بیانووی بوونی باری قاچاخ زۆر هه‌ژێنه‌ر و جێگه‌ی داخ بوو.
هێزه‌ چه‌کداره‌کانی پاسگای مه‌لانده‌ر ٢ لاوی نه‌وسوودیان به‌ بێ هیچ ئاگادارکردنه‌وه‌ و هۆکارێک دایه‌ به‌ر ره‌گباری گولله‌ و به‌و هۆیه‌وه‌ ئیحسان په‌یام لاوی ٢٢ ساڵه‌ی نه‌وسوودی هه‌ر له‌وێ گیانی دا و کاروان حه‌یده‌ریش به‌ سه‌ختی بریندار بووه‌. ئه‌وه‌ له‌ کاتێکدابوو که‌ هه‌ردووکیان کارتی سه‌وزیان پێ بووه‌ که‌ له‌ لایه‌ن خودی ده‌سه‌لاته‌وه‌ به‌ هێندێک مه‌رج ده‌درێته‌ کۆڵبه‌ران تا له‌و ناوچانه‌ به‌ ئازادی هاتووچۆ بکه‌ن. له‌دوای ئه‌و جینایه‌ته‌ له‌وپه‌‌ڕی بێ شه‌رمی دا رژیم سه‌ردانی خانه‌واده‌ی ئیحسان ده‌کات و داوایان لێده‌کات سه‌باره‌ت به‌و رووداوه‌ بێ ده‌نگ بن و هه‌واڵه‌که‌ی بلاو نه‌که‌نه‌وه‌ و له‌هه‌مان کاتیشدا به‌ڵینی پێراگه‌یشتن به‌و بابه‌ته‌ ده‌ده‌ن به‌ خانه‌واده‌ی په‌یام . ئه‌و به‌ڵین و وه‌عده‌یه‌ش له‌کاتێکدایه‌ که‌ ماوه‌ێک له‌مه‌وپێش له‌کاتی روودانی جینایه‌تێکی هاوشێوه‌ و دانی به‌ڵینی پێراگه‌یشتن به‌ رووداو و به‌سزاگه‌یاندنی بکوژانی کوڕی ماڵی میدحه‌ت نیا که‌سی بکوژ ته‌نیا به‌ ٢٠ ٠ هه‌زار تمه‌ن سزا درا و پاشان ئازاد کرا و په‌روه‌نده‌که‌ش داخرا.

لاوێکی تەمەن ٢٨ ساڵەی خەڵکی شاری کامیاران لەلایەن کەسانیکی نەناسراوەوە بە زەبری چەقۆ کوژرا. .

بەپێی راپۆرتی ئاژانسی هەواڵدەریی کوردپاØ› سەرلە بەیانیی رۆژی پێنج‌شەممە رێکەوتی ٧ی سەرماوەز تەرمی لاوێکی تەمەن ٢٨ ساڵەی کامیارانی بەناوی "جەواد سۆهرابی دزگرانی" کوڕی قاسم لە ژێر پردی "مەسووراخەیی"ی بەخشی شاهۆی سەربە شاری روانسەر دۆزرایەوە. هەتا ئێستا هۆکاری کوژرانی ئەو هاووڵاتییە کوردە و هەروەها شوناسی بکوژەکان نەزانراوە و لەو پەیوەندییەشدا هیچ‌کەسێک دەستبەسەر نەکراوە. بەوتەی هاووڵاتییانی ئەو ناوچەیە، جەواد سۆهرابی کە کارتی پێناسی لە گیرفاندا بووە، بە زەبری چەقۆ کوژراوە و بکوژ یان بکوژەکان جلوبەرگیشیان لەبەردا نەهێشتووە.

بوومەلەرزەیەک لە بوشەهر 37قوربانی لێدەکەوێتەوە

ئاژانسی هه‌واڵی‌ فرانس پرێس بڵاویکردوه‌ته‌وه‌، بومه‌له‌رزه‌یه‌ک به‌گوڕی‌ 6،3 پله‌ی‌ رێخته‌ر له‌ نزیک دامه‌زراوه‌ ئه‌تۆمیه‌کانی بوشه‌هر-ی‌ ئێران رویداوه‌و به‌هۆیه‌وه‌ 7 که‌س گیانیان له‌ ده‌ستداوه‌و 30 که‌س-یش برینداربون. بومه‌له‌رزه‌که‌ ئێواره‌ی‌ رۆژی پێنجشه‌ممه‌ له‌ سه‌عات 5:21 خوله‌ک به‌ کاتی‌ ئه‌و ناوچه‌یه‌ رویداوه‌ له‌ باشوری‌ ئێران و ده‌وروبه‌ری‌ شاری‌ برازجان له‌ ناوچه‌ی‌ ده‌شتیشانی‌ پارێزگای‌ بوشه‌هری‌ گرتوه‌ته‌وه‌.

لاوێکی تەمەن ١٧ ساڵەی سەقزی کۆتایی بەژیانی خۆی هێنا

لاوێکی تەمەن ١٧ ساڵەی خەڵکی ناوچەی خوڕخوڕەی سەقز بەهۆکارێکی نادیار هەوڵی خۆکوژی دا و لە ئەنجامدا بووە هۆی گیان لەدەست دانی. بەپێی راپۆرتی ئاژانسی هەواڵدەریی کوردپا، سەرلە ئێوارێی رۆژی سێ‌شەممە رێکەوتی ٥ی سەرماوەز لاوێکی سەقزی بەناوی ئیدریس شوجاعی، کوڕی عەباس و خەڵکی گوندی "دەرەویانی شێخ"ی سەربە ناوچەی خوڕخوڕەی سەقز لە ماڵی خۆیاندا کۆتایی بەژیانی خۆی هێنا باوکی ئیدریس شوجاعی بە هەواڵنێری کوردپای راگەیاندووە، "ئیدریس لە رێگەی خۆهەڵواسینەوە کۆتایی بەژیانی خۆی هێناوە و پاش دوو رۆژ لە خۆکوژیی ناوبراو، تەرمەکەی لە نەخۆشخانەی شاری سەقز راگیراوە". عەباس شوجاعی باوکی ئەو لاوە کوردە گوتیشیØ› کوڕەکەم هیچ کێشەیەکی درەروونی و کۆمەڵایەتی نەبووە و هەتا ئیستاش هۆکاری خۆکوژیی ئیدریس روون نەبۆتەوە. بەپێی ئاماری تۆمار کراو لەو ئاژانسە لە ماوەی ١٠ رۆژی رابردوودا (٢٧ی خەزەڵوەر هەتا ٧ی سەرماوەز) ٥ هاووڵاتیی کورد لە ناوچە کوردنیشینەکانی ئیران کۆتاییان بەژیانی خۆیان هێناوە.

رژێمی ئێران کوردێکی‌ تری‌ له‌سێداره‌دا‌ کوردستان

حوکمی لەسێدارە دانی هاوڵاتییەکی کوردی خەڵکی ناوچەی ورمێی‌ رۆژهه‌ڵاتی‌ کوردستان، پاش ٥ ساڵ راگیران لە زیندانی ناوەندیی رەشت لە پارێزگای‌ گه‌یلان، جێبەجێ کرا. ئاژانسی هەواڵی کوردپا، بڵاویکرده‌وه‌ رۆژی شەممەی‌ رابردو هاوڵاتیەک بەناوی "مەسعود حەسەن‌پور" خەڵکی گوندی "گردە بلیج"ی سەربە ناوچەی تەرگەوەڕی ورمێ لە زیندانی ناوەندیی شاری رەشت لەسێدارە درا. ئاماژه‌به‌وه‌کراوه‌ مەسعود حەسەن‌پور خێزاندار بوە تا کاتی بڵاوبونەوەی ئەم هەواڵە هۆکاری لەسێدارەدانی ناوبراو نەزانراوە. هەروەها رۆژی پێنج‌شەممەی‌ رابردوش زیندانییەکی دیکەی کوردی خەڵکی گوندی "زێوە"ی سەربە ناوچەی مەرگەوەڕی ورمێ، بەناوی "عەزیزی عەتایی" لە زیندانی ناوەندیی شاری یەزد لەسێدارە درا. بەپێی ئامارێکی‌ ئه‌و ئاژانسه‌ لە ٣٤ رۆژی رابردودا، ٧٩ که‌س لەزیندانەکانی ئێران لەسێدارە دراون کە لەکۆی ئەو رێژەیە ١٧ کەسیان هاوڵاتییانی کورد بوون.

سه‌ره‌تا 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49

دوایین هەواڵەکان

پەیامی دەستەی بەڕێوەبەری بەبۆنەی ۱۱بانەمەڕ، ساڵڕۆژی دامەزراندنی رێکخراوی لاوانی خەبات

لاوانی خه‌بات

1 ساڵ و 2 مانگ و 26 ڕۆژ و 51 خوله‌ک له‌مه‌وپێش‌

ژنانی بوێر سەمبولی خۆڕاگری و مزگێنیدەری ئازادین

ڕێکخراوی لاوانی خەباتی کوردستانی ئێران

1 ساڵ و 4 مانگ و 7 ڕۆژ و 18 کاتژمێر و 8 خوله‌ک له‌مه‌وپێش‌

ڕاگەیندراوی ڕێکخراوی لاوانی خەبات, بەبۆنەی ۸ی مارس ڕۆژی جیهانی ژنان

ڕاگەیندراوی ڕێکخراوی لاوانی خەبات

1 ساڵ و 4 مانگ و 19 ڕۆژ و 17 کاتژمێر و 42 خوله‌ک له‌مه‌وپێش‌

ڕاگەیندراوی ڕێکخراوی لاوانی خەبات بەبۆنەی ڕۆژی زمانی زگماگی

1 ساڵ و 5 مانگ و 6 ڕۆژ و 1 کاتژمێر و 47 خوله‌ک له‌مه‌وپێش‌

محەممەد مێهدی کەرمی و محەممەد حوسەینی لەسێدارەدران

لاوانی خه‌بات

1 ساڵ و 6 مانگ و 18 ڕۆژ و 54 خوله‌ک له‌مه‌وپێش‌

ڕاگەیندراوی ڕێکخراوی لاوانی خەبات بەبۆنەی ڕۆژی پێشمەرگەی سازمانی خەبات

لاوانی خه‌بات

1 ساڵ و 8 مانگ و 25 ڕۆژ و 20 کاتژمێر و 18 خوله‌ک له‌مه‌وپێش‌

٢٩هەمین رۆژی شۆرشی ژینا و کاردانەوە جیهانیەکان

1 ساڵ و 9 مانگ و 9 ڕۆژ و 20 کاتژمێر و 41 خوله‌ک له‌مه‌وپێش‌

لێره‌‌‌ ده‌‌‌رباره‌‌‌ی خۆتان بنووسن به کورتی

٢/ لینکی یوتوب

٣/ لینکی تویته‌‌‌ر