lawan

ڕێکخراوی لاوانی خه‌باتی کوردستانی ئێران
Iranian Kurdistan Khabat Youth Organization

11ی بانەمەر ساڵیادی دامەزراندنی ناوەندی لاوانی خەباتی کوردستانی ئێران بەرزوبەرێزبێت

لاوانی خۆراگر و نیشتیمان پەروەر
ئەندامان و دۆستانی ناوەندی لاوانی خەبات
دووساڵ لەمەوبەر لە 11ی بانەمەری 1390دەستەیەک لە لاوانی نیشتیمان پەروەر دوای راوێژو و تاوتوێ‌ کردنی بارودۆخی لاوانی ئێران بەگشتی و لاوانی کوردستان بە تایبەتی دامەزراندنی ((ناوەندی لاوانی خەباتی کوردستانی ئێران) یان راگەیاند. هەڵبەت لاوان ئەو توێژە کۆمەڵایەتیە گرینگەن کە لە کۆمەڵگا جۆراوجۆرەکان زۆرترین شویندانەرییان هەیە بەسەر رەوتی رووداوەکان و پێش کەوتنەکانی مرۆیی و بە هەست کردن بەو راستیە وەڵاتانی پێش کەوتوو زۆرترین بایەخ بە لاوانی وەڵاتەکەیان دەدەن و هەموو دەرفەتیک و بەستینێکی گەشە و پێگەیشتنیان بۆ هەمووار دەکەن. بەداخەوە لاوانی کورد بە هۆی ئەوەی لە ئاستی نەتەوەییدا بێ بەشن لەهەموو مافێکی سەرەتایی بەهەمانشێوەش لە هەر جۆرە دەرفەتێکی پێش کەوتن و گەشە و پێگەیشتنیش بێ بەش کراون. هەر بۆیە گۆرینی ئەو دۆخە وەک ئامانجێکی سەرەکی و وەدیهێهنانی مافە نەتەوەییەکان وەک زەرورەتێکی حاشا هەڵنەگر و ئەرکی هەموو لاوێکی کورد خۆی دەردەخا. لەبەرانبەریش دا لاوان بێ مشوور نەبوونە لە حاست مافی سینفی و توێژییەکەشیان و هاوکات لەگەڵ خەباتە نەتەوەییەکە خەبات بۆ دەستبەر کردنی مافی لاوان پێش دەخەن. بە لەبەرچاو گرتنی ئەو راستیانە دامەزراندنی ناوەندێکی لاوان لە ناو سازمانی خەبات ی کوردستانی ئێران وەک زەرورەتێک خۆی دەرخست و لە سەر دەستی کۆمەلێک لاوی ووشیار و خەباتکار ناوەندی لاوانیان دامەزراند و ئەوە ئێستاش 2 ساڵ بەسەر کاتی دامەزراندنی بە خەرمانێک دەسکەوتوو و چالاکی و هەڵسوورانی جۆراوجۆر تێپەر دەکا و لە ووچانێکدا یادی دووهەم ساڵەمان پیرۆز دەکەین.

راگەێندراوی‌ سێیەمن کۆنفرانسی‌ نەتەوەیی لاوانی‌ هەر چوار پارچەی‌ کوردستان

لە رۆژانی‌ 26-27/4/2013 لە کەمپی‌ دومیز، لە ژێر دروشمی‌ لە پێناو یەکگوتاری‌ نەتەوەیی لاوانی‌ کورد، سێیەمین کۆنفرانسی‌ نەتەوەیی لاوانی‌ چوار پارچەی‌ کوردستان بە ئامادەبوونی‌ 250 ئەندام کە نوێنەرایەتی‌ 76 رێکخراوی‌ لاوانی‌ هەرچوار پارچەی‌ کوردستان دەکەن بەڕێوەچوو، کۆنفرانسەکە تەوەرەکانی‌ بریتی‌ بوون لە روانینی‌ لاوان بۆ شۆڕشی‌ نەتەوەیی کورد، هۆکاری‌ دروستنەبوونی‌ دەوڵەتی‌ کوردی‌ لە روانگەی‌ لاوانەوە، داخوازیەکانی‌ لاوان و ئینتیمای‌ نەتەوەییان، هەوڵدان بۆ بەستنی‌ کۆنگرەی‌ نەتەوەیی‌.

له‌ماوه‌ی ساڵی رابردوو ته‌نیا له‌ پارێزگای کوردستان ٢٩ کرێکاری کورد گیانیان داوه‌

له‌ سه‌ره‌تای ساڵی ١٣٩١ی هه‌تاوییه‌وه‌ هه‌تا کۆتایی مانگی ره‌شه‌مه‌ی ئه‌و ساڵه‌، سه‌رجه‌م ٢٩ کرێکاری کورد ته‌نیا له‌ ئوستانی کوردستان له‌ رووداوی جۆراوجۆردا بوونه‌ته‌ قوربانی. به‌پێی ئاماری تۆمار کراو له‌ ناوه‌ندی ئاماری ئاژانسی هه‌واڵده‌ریی کوردپا ٥ که‌سیان له‌ رێگه‌ی هاتوچۆ کردن بۆسه‌ر کار یان گه‌‌ڕانه‌وه‌ بۆ ماڵه‌وه‌ له‌ رووداوی هاتووچۆدا بوونه‌ته‌ قوربانی و ٢٤ که‌سیش که‌سی دیکه‌ش به‌هۆی روداوی کاره‌وه‌ گیانیان داوه‌. هه‌روه‌ها رۆژی شه‌ممه‌ رێکه‌وتی ٧ی بانه‌مه‌‌ڕ به‌رپرسی ئیداره‌ی "ته‌عاون و ئاسایشی کۆمه‌ڵایه‌تی"ی ئوستانی کوردستان له‌ لێدوانێکدا به‌ هه‌واڵده‌ریی کاری ئێران "ئیرنا"ی راگه‌یاندووه‌، که‌له‌ ماوه‌ی ساڵی ١٣٩١ی هه‌تاویدا ٢٦ کرێکاری کورد به‌هۆی رووداوی کاره‌وه‌ گیانیان له‌ده‌ست داوه‌ که‌ ٦٠ %ی ئه‌و رووداوانه‌ له‌ پرۆژه‌کانی بنیاسازیدا هاتوونه‌ته‌ ئاراوه‌. مسته‌فا باغبان له‌ درێژه‌ی ئه‌و لێدوانه‌دا رایگه‌یاندووه‌، که‌له‌ ئوستانی کوردستاندا سه‌رجه‌م ٢٣٦ حاڵه‌ت رووداوی کار روویداوه‌ که‌له‌ کۆی ئه‌و رێژه‌یه‌ ١٤٩ حاڵه‌تیان له‌ به‌شی بیناسازی هاتوونه‌ته‌ ئاراوه‌ و ٢٦ حاڵه‌تیشیاان مردنی کرێکارانی لێکه‌وتۆته‌وه‌. ئه‌و به‌رپرسه‌ ئه‌وه‌شی خستۆته‌روو که‌ ته‌نیا له‌ شاری سنه‌دا ١٣٠ که‌س تووشی رووداوی کار بوون. باغبان راشیگه‌یاندووه‌، به‌گشتی له‌ ئوستانی کوردستاندا به‌هۆی رووداوی کاره‌وه‌ ٢١ کرێکار تووشی نوقسانی هاتوون و ١٤ کرێکاری دیکه‌ش که‌مئه‌ندام بوون.

سه‌ردانى ناوه‌ندى لاوانى خه‌باتى کوردستانى ئێران بۆ که‌مپى دۆمێز

دوانیوه‌رۆیى ٧ى بانه‌مه‌رى ١٣٩٢ شاندێکى ناوه‌نده‌ى لاوانى خه‌باتى کوردستانى ئێران به‌سه‌رپه‌رشتى به‌رێز فوئاد جعفه‌ریى به‌رپرسى یه‌که‌مى ناوه‌ندى لاوانى خه‌بات به‌ هاورێیه‌تى هه‌ریه‌که‌ له‌ به‌رێزان که‌مال هادى ئه‌ندامى ده‌سته‌یى به‌ر٠ێوه‌به‌رى و کاک موحسین قوربانى (سمکۆ) جه‌مال على پور و مانى مه‌لیک محمدى ئه‌ندامانى ناوه‌ندى لاوانى خه‌بات له‌ کۆتایی کاره‌کانى کۆنفرانس وه‌ک ئه‌رکێکى نه‌ته‌وه‌یی و نیشتمانى سه‌ردانى ئاواره‌کانى که‌مپى دۆمێزیان کرد و په‌یامى هاوخه‌مى و پشتیوانى خۆیانیان به‌ خه‌ڵکى لێقه‌وماوى کوردستانى رۆژئاوا گه‌یاند.

راپۆرتی به‌رێوه‌چوونى سێهه‌مین کۆنفرانسی نه‌ته‌وه‌یی لاوانی هه‌ر چوار پارچه‌ی کوردستان

رۆژانی ٢٦-٢٧ ،٤ ، ٢٠ ١٣ له‌ که‌مپی دۆمێز، له‌ژێر دروشمی "له‌پێناو یه‌کگوتاری نه‌ته‌وه‌یی لاوانی کورد" سێیه‌مین کۆنفرانسی نه‌ته‌وه‌یی لاوانی چوار پارچه‌ی کوردستان به‌ ئاماده‌ بوونی ٢٥٠ ئه‌ندام که‌ نوێنه‌رایه‌تی ٧٦ رێکخراوی لاوانی هه‌ر چوار پارجه‌ی کوردستانیان کرد به‌رێوه‌ چوو.
ده‌ستپێکی یه‌که‌م رۆژى کارى کۆنفرانس.
به‌ سروودی ئه‌ی ره‌قیب ده‌ستی پێکرد. دواییش به‌ خوێندنه‌وه‌ی په‌یامی به‌رێز مه‌سعود بارزانی سه‌رۆکی هه‌رێمی کوردستان له‌لایه‌ن به‌رێز ئومێد خۆشناو سکرتێری یه‌کیه‌تیی لاوانی پارتی دێمۆکراتی کوردستان خوێندرایه‌وه‌. دواتریش په‌یامی لاوانی رۆژئاوای کوردستان ، لاوانی رۆژهه‌لات له‌لایه‌ن به‌رێز ئاوات قوره‌یشى و هه‌روه‌ها لاوانی باکووری کوردستان و لاوانی باشووری کوردستان و هه‌روه‌ها په‌یامی که‌مپی دۆمێز له‌لایه‌ن ره‌مه‌زان مسته‌فا خوێندرایه‌وه‌.
له‌دواى چه‌ندین کارى هونه‌رى گروپی (کۆما ئازادی) و چه‌ند خوله‌ک پشوو، کۆنفرانسه‌که‌ به‌ فه‌رمی له‌لایه‌ن ئه‌ندامانی به‌شدار له‌و کۆنفرانسه‌ ده‌ستی به‌کاره‌کانی خۆی کرد.

بەشداریی ناوەندی لاوانی خەبات لە مەراسیمی کردنەوەی چوارەمین ڤیستیڤالی لاوی ساڵ

سەرلە بەیانی رۆژی چوارشەمە رێکەوتی3ی بانەمەر کاتژمێر 10 لە هۆلی پێشەوا لە شاری هەولێر پایتەختی هەرێمی کوردستان مەراسیمی چوارەمین ڤیستیڤالی لاوی سال لە ژێر دروشمی (( لاوان سمبوولی داهێنانن)) بە ئامادەبوونی پارێزگاریی هەولێر و وەزیریی وەزارەتی رۆشنبیری و لاوان و هونەرمەندان دەستی بەکارەکانی خۆیی کرد . لە سەرەتایی کردنەوەیی مەراسیمەکە لەلایەن وەزیری رۆشنبیری وتەیی بەخێرهاتن پێشکەش بەئامادەبوان کرا و جەختی لە سەر چۆنیەتی بەرێوەبردنی ڤیستیڤالەکە کرد و رایانگەیاند: خۆشبەختانە ئەم ساڵ زۆربەیی ناوچەکانی هەرێمی کوردستان و هەروەها ناوچە دابراوەکان بەشداربوون کە لە 35 بواریی جۆراو جۆر وەک هونەریی و کۆمەلایەتی و سینەمایی و زانستی و میوزیک و وەرزشی و نیگارکێشی و هونەریی شێوەکاریی و کۆمەلەی مەدەنی . خەلاتیان پێشکەش دەکرێت لە کۆیی زیاتر لە 700 بەشداربوو ، بریار وایە ئەمڕۆ 5ی بانەمەر خەلات بەسەر سەرکەوتوانی ئەو ڤیستیڤاڵە پێشکەش بکرێت شەیانی باسە شاندێکی ناوەندی لاوانی خەباتی کوردستانی ئێران کە پێک هاتبوون لە بەرێزان کەمال هادی و ئارام سلێمانی ئەندامانی دەستەیی بەڕێوەبەری لەو رێورەسمەدا بەشداریان کرد.

درێژه‌دان به‌ وتووێژه‌کان به‌ چ مه‌به‌ستیێک

گه‌لاڵه‌ ناوه‌کییه‌که‌ی رژێمی تاران یه‌ک له‌ مه‌ترسیدارترین هه‌ره‌شه‌کانی کۆمه‌ڵگای جیهانی دێـته‌ ئه‌ژمار و سیاسه‌تی ده‌سه‌لاتداران له‌مه‌‌ڕ درێژه‌دان به‌و به‌رنامانه‌ بووه‌ به‌ هۆی نانه‌وه‌ی قه‌یرانێکی زۆر بۆ خه‌ڵکی ئێران و دروست کردنی گرژی و ئالۆزی له‌ ناوچه‌که‌ و جیهان، ماوه‌ی ١٠ ساڵه‌ که‌ ئه‌مریکا و ولاتانی رۆژئاوایی ده‌یانه‌وێت له‌ رێگای وتووێژه‌وه‌ کێشه‌ی ناوه‌کی رژێم چاره‌سه‌ر بکه‌ن و کار نه‌گاته‌ توندوتیژی و ئالۆزی و هێرشی نیزامی، ئه‌و کاره‌ی که‌ له‌ سه‌ره‌تاوه‌ مه‌به‌ستی رژێمی ئاخوندییه‌ له‌ وتووێژه‌کان و تا ئێستاش..
به‌و ئامانجه‌ گه‌یشتووه‌، هه‌ر وه‌ک بینیومانه‌ تاکوو ئێستا زیاتر له‌ ٨ ده‌وره‌ وتووێژ له‌ نێوان رژێمی ئێران و ولاتانی ئه‌ندامی ئاژانسی نێونه‌ته‌وه‌یی وه‌زه‌ی ناوه‌کی به‌رێوه‌ چووه‌ و دوایین ده‌وره‌یشی رێکه‌وتی ١٥ی خاکه‌لێوه‌ ده‌ستی پێ کرد که‌ دوای دوو رۆژ وتووێژ به‌ بێ ئاکام کۆتایی پێ هات. ئه‌وه‌یش ده‌رخه‌ری ئه‌و راستییه‌یه‌ که‌ رژێمی تاران و به‌رپرسانی ده‌وڵه‌تی ئاخوندی ته‌نیا وتووێژه‌کان به‌ مه‌به‌ستی کرینی کات درێژه‌ پێی ده‌ده‌ن تاکوو له‌ ژێر سێبه‌ری ئه‌و وتووێژانه‌ بتوانن به‌رنامه‌ ناوه‌کییه‌که‌ی خۆیان په‌ره‌ پێ بده‌ن و له‌وه‌یش دڵنیا بن که‌ ولاتانی ئه‌مریکا و رۆژئاوا هیچ زه‌ره‌رێکیان پێ ناگه‌ینن، ئه‌وه‌یش که‌ ئه‌و ولاتانه‌ ده‌یانه‌ویت له‌ رێگای گه‌مارۆکان و ته‌نگتر کردنی ئاڵقه‌ی ئه‌و گه‌مارۆانه‌ رژێم ناچار بکه‌ن که‌ ده‌ست له‌و به‌رنامه‌یه‌ی خۆی هه‌ڵبگرێت زۆر ئه‌سته‌مه‌ و زۆربه‌ی ئه‌و ولاتانه‌یش ئێستا به‌و قه‌ناعه‌ته‌ گه‌یشتوون که‌ گه‌مارۆکان ناتوانێت رژێم ناچار بکات ده‌ست له‌ به‌رنامه‌ ناوه‌کییه‌که‌ی خۆی هه‌ڵبگرێت، چوونکوو له‌ راستیدا زه‌ره‌رمه‌ندی یه‌که‌می گه‌مارۆکان خه‌ڵکی ئێرانه‌ نه‌ک حکومه‌تی تاران، خه‌ڵکی ئێرانه‌ که‌ ده‌بێت هه‌ر رۆژه‌ شاهێدی به‌رز بوونه‌وه‌ی نرخی پێداویستییه‌کانی ژیانی رۆژانه‌یان بن و هه‌ر رۆژه‌ سفره‌ی خوانه‌کانیان له‌ رۆژی پێشتر خاڵیتر ببێته‌وه‌. به‌رپرسانی زاڵ به‌سه‌ر ئێراندا هیچ بۆیان گرنگ نییه‌ که‌ نرخی دراو گه‌یشتووه‌ته‌ نزمترین ئاستی خۆی له‌ مێژووی ئێراندا و خه‌ڵک له‌و په‌ری هه‌ژاری و نه‌داریدا ده‌ژین، ئه‌وه‌ی بۆ ئه‌و رژێمه‌ مه‌به‌سته‌ پاراستنی ده‌سه‌لاته‌ سه‌ره‌رۆکه‌یانه‌ که‌ ئه‌ویش به‌ بێ به‌ده‌ست هێنانی چه‌کی ناوه‌کی و مه‌ترسی نانه‌وه‌ بۆ ئه‌منییه‌تی ناوچه‌که‌ و جیهان مسۆگه‌ر نابێت.

بەشداری ناوەندی لاوانی خەباتی کوردستانی ئێران لە کۆنگرەی یەکەمی کۆمەڵەی لاوانی رۆژهەلات

سەرلەبەیانی رۆژی چوارشەمە رێکەوتی 28 ی خاکەلێوە دەستەیەک لە ئەندامانی ناوەندی لاوانی خەبات پێک هاتوو لە بەرێزان موحسین قۆربانی و ئەوین رەحیمی و شەونم و پەریسا سەید ئەفکەن لەسەر بانگێشتی فەرمی کۆمەڵەی لاوانی رۆژهەلات بەشداری رێورەسمی کردنەوەی کۆنگرەی یەکەمی رێکخراوەکەیان کرد. شایانی باسە پەیامی پیرۆزبایی ناوەندی لاوانی خەباتی کوردستانی ئێران لەلایەن بەرێز موحسین قوربانی ئەندامی ناوەندی لاوانی خەبات پێشکەشکرا .

ئێعدامی دوو که‌س له‌ مه‌شهه‌د و له‌وان کرێکارێکی لاو

به‌ پێی راپۆرتی هه‌واڵده‌ری خۆراسان، به‌ پشتڕاستکردنه‌وه‌ی حوکمی ئێعدامی دوو زیندانی له‌ دیوانی بالای ئێران ئه‌و دوو زیندانییه‌ سه‌ر له‌ به‌یانی ئه‌مرۆ له‌ سێداره‌ دران، جێگه‌ی باسه‌ که‌ یه‌کێک له‌ ئێعدام کراوه‌کان لاوێکی ته‌مه‌ن ٢١ ساڵه‌ که‌ کرێکاری شیرینی په‌زی بووه‌ و ئه‌مرۆ له‌ زیندانی خۆراسان ئێعدام کراوه‌.

له‌ ماوه‌ی چوار رۆژدا ٣ی لاوی کورد له‌ رووباره‌کان خنکاون

به‌ پێی راپۆرتی هه‌واڵده‌رییه‌کان، له‌ رۆژی ٢٣ی خاکه‌ لێوه‌، شارۆمه‌ندێکی کورد خه‌ڵکی شاری مه‌ریوان به‌ ناوی مۆسلح بۆ مه‌له‌ کردن رۆیشتووه‌ته‌ به‌نداوی گاران و به‌ هۆی قووڵ بوونی ئه‌و به‌نداوه‌ و شاره‌زا نه‌بوون له‌ مه‌له‌ خنکاوه‌، هه‌ر له‌م چوارچێوه‌یه‌شدا رۆژی ٢٦ی خاکه‌لێوه‌ لاوێکی خه‌ڵکی مه‌هاباد به‌ ناوی دیاکۆ سوور له‌ تاڤگه‌ی شلماشی سه‌رده‌شت خنکاوه‌. جێگه‌ی باسه‌ که‌ لاوێکیتری شاری ماکۆ به‌ هۆی که‌وتنه‌ ناو چۆمی زه‌نگبار خنکاوه‌. جێگه‌ی ئاماژه‌یه‌ که‌ به‌رپرسانی رژێم له‌ هیچ کام له‌م شوێنه‌ سه‌یاحییانه‌ رێنماییان بۆ شارۆمه‌ندان دانه‌ناوه‌

٢ کۆڵبه‌ری دیکه‌ به‌ته‌قه‌ی هێزه‌ نیزامییه‌کان بوونه‌ قوربانیی

٢ کۆڵبه‌ری کوردی خه‌ڵکی ناوچه‌ی ورمێ به‌ته‌قه‌ی راسته‌وخۆی هێزه‌ نیزامییه‌کانی حکوومه‌تی ئێران کوژراون و بریندار بوون. به‌پێی هه‌واڵی هه‌واڵده‌ریی کوردپا، رۆژی یه‌کشه‌ممه‌ رێکه‌وتی ٢٥ی خاکه‌لێوه‌ له‌ ئه‌نجامی ده‌ستڕێژیی هێزه‌ نیزامییه‌کانی حکوومه‌تی ئێراندا کۆڵبه‌رێک به‌ناوی " محه‌ممه‌د ساڵح په‌زیری" ته‌مه‌ن ٢٢ ساڵ، کوڕی عه‌بدولکه‌ریم و خه‌ڵکی گوندی "جۆرنی"ی سه‌ربه‌ ناوچه‌ی "محاڵ ده‌شت"ی ورمێ کوژراوه‌ . هاوکات و له‌ ئه‌نجامی ته‌قه‌ی ئه‌و هێزانه‌دا کۆڵبه‌رێکی دیکه‌ به‌ناوی " محیه‌دین په‌زیری" ته‌مه‌ن ٢٩ ساڵ، کوڕی ئه‌حمه‌د و خه‌ڵکی ئه‌و گونده‌ به‌توندی بریندار بووه‌ و بۆ چاره‌سه‌ریی برینه‌کانی ره‌وانه‌ی نه‌خۆشخانه‌ی شاری ورمێ کراوه‌. ئه‌و کۆڵبه‌رانه‌ له‌ چیای "نه‌سره‌دین و له‌سه‌ر کانیی "مام بوزوو" خه‌ریکی پشوودان و چایی خواردنه‌وه‌ بوون که‌ له‌لایه‌ن هێزه‌ نیزامییه‌کانه‌وه‌ هێرشیان کراوه‌ته‌ سه‌ر و له‌ ئه‌نجامدا ئه‌و ٢ ئامۆزایه‌ بوونه‌ته‌ قوربانی.

سوکایه‌تی رژێمی ئاخوندی دژ به‌ ژنانی کوردستان

به‌ پێی راپۆرتی سایتی ژنانی مه‌ریوان، رۆژی دووشه‌ممه‌ ٢٦ی خاکه‌ لێوه‌، شارۆمه‌ندێکی کورد به‌ ناوی تۆفیق داباشی له‌ لایه‌ن هێزه‌ ئینتزامییه‌کانی رژێم له‌ شاری مه‌ریوان و به‌ حوکمی ده‌زگای قه‌زایی به‌ له‌به‌ر کردنی جلی ژنانه‌ به‌ ناو شاردا گێراویانه‌، ئه‌م کرده‌وه‌ دژه‌ مرۆڤانه‌ی رژیمی ئاخوندی ناره‌زایه‌تی به‌رینی خه‌ڵک و به‌ تایبه‌ت چالاکانی مافی ژنانی لێکه‌وتووه‌ته‌وه‌. چالاکانی مافی ژن ئه‌م کاره‌ی رژێم به‌ سووکایه‌تی به‌ ژنان ده‌زانن و به‌ توندی مه‌حکومی ده‌که‌ن.

رووداوی گاز گرتووی لە سەقز ژن و مێردێکی کردە قوربانیی

٢ هاووڵاتیی کورد لە ناوچەی سەقز بەهۆی رووداوی گاز گرتوویەوە لە ماڵی خۆیاندا بوونە قوربانی.

ئاماری تەلاق لە نێوان تەمەنی ژێر 19 ساڵ تا 14 ساڵ

بە پێی راپۆرتی هەواڵدەرییەکان، چالاکێکی مافی منداڵان رایگەیاند لە ساڵی 85 تاکوو ساڵی رابردوو 85 هەزار و 200 حاڵەتی تەلاق لە نێوان کەسانی ژێر 19 ساڵی ئێران رووی داوە کە 4000 حاڵەتیان لە نێوان منداڵانی ژێر 14 ساڵ بووە. فەرشید یەزدانی وتی، باروودۆخی پێکهێنانی ژیانی هاوسەرێتی لە نێوان کچانی ژێر 14 ساڵ زۆر نابە جێیە و دەبێت بە یاسا پێکهێنانی ژیان لەو تەمەنەدا قەدەغە بکرێت، ناوباوو هەروەها وتی بە پێی مادەی یەکەمی پەیماننامەی جیهانی مافی منداڵان کە لە ئێرانیش قبووڵ کراوە بە هەر کەسێکی ژێر 18 ساڵ دەوترێت منداڵ.

کچێکی مێرمنداڵ لە شنۆ کۆتایی بەژیانی خۆی هێنا

کچێکی تەمەن ١٦ ساڵ لە شاری شنۆ دەستی دایە خۆکوژی و گیانی لەدەست دا. بەپێی هەواڵی ئاژناسی هەواڵدەریی کوردپا: سەرلە ئێوارێی رۆژی هەینی رێکەوتی ٢٣ی خاکەلێوە کچێک بەناوی " ک . م " کچی عەلی و دانیشتووی گەڕەکی "سەلیم ئاوا" لە نێو ماڵی خۆیاندا خۆی هەڵواسیوە و لە ئەجامدا گیانی لەدەست داوە. سەرچاوەیەکی ئاگادار لەو رووداوە، هۆکاری خۆ کوژیی ئەو کچەی کێشەی بنەماڵەیی راگەیاندووە.

حه‌قده‌ستی کرێکاره‌کان به‌ش کرینی نانی وشک ناکات

به‌ پێی راپۆرتی هه‌واڵده‌ری خانووی خه‌ڵک، نادر قازیپوور رایگه‌یاند، زیادکردنی حه‌قده‌ست بۆ کرێکاران له‌ ئه‌مساڵ ٨٠ هه‌زار تمه‌نه‌ و ده‌بێت ئه‌م پرسیاره‌ له‌ سه‌رۆک کۆمار بکرێت که‌ ئایا له‌ بنه‌ماڵه‌ یان خزمه‌کانی خۆت که‌سێکی کرێکار هه‌یه‌ تاکوو بزانی ئه‌م رێژه‌یه‌ به‌شی کرینی نانی وشک و په‌تاته‌که‌یان ناکات. ناوبراو به‌ ئاماژه‌ به‌ وه‌زیری بیهداشت و ده‌رمان رایگه‌یاند که‌ ئاغای وه‌زیر هێشتا نه‌هاتووه‌ته‌ سه‌ر کار نرخی ده‌رمان چه‌ندین به‌رانبه‌ر بووه‌، ئه‌م نوێنه‌ره‌ی مه‌جلیس به‌ ئاماژه‌ به‌ پشت گوێ خستی گۆلی ورمێ وتی، به‌لێنی به‌رپرسان له‌مه‌‌ڕ زیندوو کردنه‌وه‌ی گۆلی ورمێ تا ئێستا به‌ جێ نه‌هاتووه‌ و به‌ داخه‌وه‌ هه‌ر رۆژه‌ شاهێدی له‌ ناوچوونی جوانترین گۆلی ولات ده‌بین.

ده‌ستبه‌سه‌ر کردنی کۆمه‌ڵێک له‌ لاوان له‌ ناوچه‌ی جوانرۆ

به‌ پێی راپۆرتی هه‌واڵده‌رییه‌کان، هێزه‌کانی رژێمی تاران رۆژی رابردوو ٢١ی خاکه‌ لێوه‌ کۆمه‌ڵێک له‌ لاوانی ناوچه‌ی جوانرۆیان ده‌ستبه‌سه‌ر کردووه‌. جێگه‌ی باسه‌ که‌ ته‌نیا له‌ ماوه‌ی سێ مانگی رابردوو ٩٠ که‌س له‌ چالاکانی سیاسی و فه‌رهه‌نگی له‌ کوردستان ده‌ستبه‌سه‌ر کراون.

گه‌لاڵه‌ی کۆکردنه‌وه‌ی ماهواره‌کان له‌ کوردستان درێژه‌ی هه‌یه‌

به‌ پێی راپۆرتی هه‌واڵده‌رییه‌کان، هێزه‌ ئینتزامییه‌کانی رژێم رۆژی چوارشه‌ممه‌ ٢١ی خاکه‌لێوه‌، له‌ شاری مه‌ریوان و له‌ گه‌ره‌که‌کانی ترخان ئاوا و کووره‌ی مووسه‌وی رۆیشتوونه‌ته‌ سه‌ر بانی ماڵه‌کان و ئانتینی ماهواره‌ی خه‌ڵکیان کۆ کردووه‌ته‌وه‌، جێگه‌ی باسه‌ که‌ ئه‌م کاره‌ی رژێم و رۆیشتن بۆ سه‌ر بانی ماڵه‌کان به‌ بێ ئیزنی ساحێب خانووه‌کان بووه‌، کۆکردنه‌وه‌ی ماهواره‌ له‌ کوردستان له‌ کاتێکدا درێژه‌ی هه‌یه‌ که‌ ئێستا له‌ جیهان بووه‌ به‌ به‌شێک له‌ ئیمکاناتی ژیانی خه‌ڵک.

رژێمی تاران لە پلەی دووهەمی بەرێوەبردنی حوکمی ئێعدام لە جیهان

بە پێی راپۆرتی رادیو فەرانسە، سازمانی لێبۆردنی نێونەتەوەیی لە نوێترین راپۆرتی خۆی لە مەڕ بەرێوە بردنی حوکمی ئێعدام، لە کەم بوونەوەی بەرێوە بردنی حوکمی ئێعدام لە جیهان خەبەری داوە و ئێران بە رێژەی 314 ئێعدام لە پلەی دووهەمی وڵاتانی بەرێوەبەری حوکمی ئێعدام لە جیهاندایە. و بە پێی ئەم راپۆرتی وڵاتی چین لە پلەی یەکەمدایە. هەروەها ئەم سازمانە رایگەیاندووە کە رێژەی واقعی ئێعدام لە ئێران زۆر زیاتر لەو رێژەیە کە لە لایەن بەرپرسانی رژێمەوە راگەێندراوە.

خوێنکارێکی کوردی خەڵکی شاری جوانڕۆ لە ئاستی جیهاندا پلەی یەکەمی بەرنامەنووسیی کۆمپیوتێری بۆ خۆی مسۆگەر کرد.

بەپێی راپۆرتی بەشی راگەیاندنی ئیدارەی پەروەردە و بارهێنانی شاری جوانڕۆ، "سۆران سەلیمیان" تەمەن ١٨ ساڵ و خوێندکاری قۆناغی پێش دانیشگاهی لە زانکۆی "ئەدیب"ی ئەو شارە لە رکابەریی بەرنامەنووسیی کۆمپیوتێردا کە لە شاری فرانکفۆرتی وڵاتی ئاڵمان بەڕێوە چوو لە ئاستی جیهاندا پلەی یەکەمی بەدەست هێنا.
پێشتریش لە گەلاوێژی ساڵی ١٣٩٠ ی هەتاویدا لە رکابەرییە ئوستانیەکانی رۆژئاوای ئێران، توانیبووی پلەی یەکەمی لە بواری بەکارهێنانی نەرماڵەی کۆپیوتێردا بەدەست بێنێت.
هەروەها لە رکابەرییە جیهانییەکاندا کە لەلایەن رێکخراوی نەتەوە یەکگرتووەکانەوە بەڕێوەچوو، پلەی دووەمی جیهانی و بوورسیەی زانکۆی هارواردی ئامریکای بەدەست هێنابوو.

سه‌ره‌تا 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49

دوایین هەواڵەکان

پەیامی دەستەی بەڕێوەبەری بەبۆنەی ۱۱بانەمەڕ، ساڵڕۆژی دامەزراندنی رێکخراوی لاوانی خەبات

لاوانی خه‌بات

1 ساڵ و 6 مانگ و 20 ڕۆژ و 9 کاتژمێر و 37 خوله‌ک له‌مه‌وپێش‌

ژنانی بوێر سەمبولی خۆڕاگری و مزگێنیدەری ئازادین

ڕێکخراوی لاوانی خەباتی کوردستانی ئێران

1 ساڵ و 8 مانگ و 2 ڕۆژ و 2 کاتژمێر و 54 خوله‌ک له‌مه‌وپێش‌

ڕاگەیندراوی ڕێکخراوی لاوانی خەبات, بەبۆنەی ۸ی مارس ڕۆژی جیهانی ژنان

ڕاگەیندراوی ڕێکخراوی لاوانی خەبات

1 ساڵ و 8 مانگ و 14 ڕۆژ و 2 کاتژمێر و 28 خوله‌ک له‌مه‌وپێش‌

ڕاگەیندراوی ڕێکخراوی لاوانی خەبات بەبۆنەی ڕۆژی زمانی زگماگی

1 ساڵ و 9 مانگ و 10 کاتژمێر و 33 خوله‌ک له‌مه‌وپێش‌

محەممەد مێهدی کەرمی و محەممەد حوسەینی لەسێدارەدران

لاوانی خه‌بات

1 ساڵ و 10 مانگ و 12 ڕۆژ و 9 کاتژمێر و 40 خوله‌ک له‌مه‌وپێش‌

ڕاگەیندراوی ڕێکخراوی لاوانی خەبات بەبۆنەی ڕۆژی پێشمەرگەی سازمانی خەبات

لاوانی خه‌بات

2 ساڵ و 21 ڕۆژ و 5 کاتژمێر و 4 خوله‌ک له‌مه‌وپێش‌

٢٩هەمین رۆژی شۆرشی ژینا و کاردانەوە جیهانیەکان

2 ساڵ و 1 مانگ و 4 ڕۆژ و 5 کاتژمێر و 27 خوله‌ک له‌مه‌وپێش‌

لێره‌‌‌ ده‌‌‌رباره‌‌‌ی خۆتان بنووسن به کورتی

٢/ لینکی یوتوب

٣/ لینکی تویته‌‌‌ر