سه‌ره‌تا   په‌یوه‌ندی
XEBATMEDIA |      

lawan


ڕێکخراوی لاوانی خه‌باتی کوردستانی ئێران
Iranian Kurdistan Khabat Youth Organization
         
بوومەلەرزەیەک لە بوشەهر 37قوربانی لێدەکەوێتەوە
ئاژانسی هه‌واڵی‌ فرانس پرێس بڵاویکردوه‌ته‌وه‌، بومه‌له‌رزه‌یه‌ک به‌گوڕی‌ 6،3 پله‌ی‌ رێخته‌ر له‌ نزیک دامه‌زراوه‌ ئه‌تۆمیه‌کانی بوشه‌هر-ی‌ ئێران رویداوه‌و به‌هۆیه‌وه‌ 7 که‌س گیانیان له‌ ده‌ستداوه‌و 30 که‌س-یش برینداربون. بومه‌له‌رزه‌که‌ ئێواره‌ی‌ رۆژی پێنجشه‌ممه‌ له‌ سه‌عات 5:21 خوله‌ک به‌ کاتی‌ ئه‌و ناوچه‌یه‌ رویداوه‌ له‌ باشوری‌ ئێران و ده‌وروبه‌ری‌ شاری‌ برازجان له‌ ناوچه‌ی‌ ده‌شتیشانی‌ پارێزگای‌ بوشه‌هری‌ گرتوه‌ته‌وه‌.
لاوێکی تەمەن ١٧ ساڵەی سەقزی کۆتایی بەژیانی خۆی هێنا
لاوێکی تەمەن ١٧ ساڵەی خەڵکی ناوچەی خوڕخوڕەی سەقز بەهۆکارێکی نادیار هەوڵی خۆکوژی دا و لە ئەنجامدا بووە هۆی گیان لەدەست دانی. بەپێی راپۆرتی ئاژانسی هەواڵدەریی کوردپا، سەرلە ئێوارێی رۆژی سێ‌شەممە رێکەوتی ٥ی سەرماوەز لاوێکی سەقزی بەناوی ئیدریس شوجاعی، کوڕی عەباس و خەڵکی گوندی "دەرەویانی شێخ"ی سەربە ناوچەی خوڕخوڕەی سەقز لە ماڵی خۆیاندا کۆتایی بەژیانی خۆی هێنا باوکی ئیدریس شوجاعی بە هەواڵنێری کوردپای راگەیاندووە، "ئیدریس لە رێگەی خۆهەڵواسینەوە کۆتایی بەژیانی خۆی هێناوە و پاش دوو رۆژ لە خۆکوژیی ناوبراو، تەرمەکەی لە نەخۆشخانەی شاری سەقز راگیراوە". عەباس شوجاعی باوکی ئەو لاوە کوردە گوتیشیØ› کوڕەکەم هیچ کێشەیەکی درەروونی و کۆمەڵایەتی نەبووە و هەتا ئیستاش هۆکاری خۆکوژیی ئیدریس روون نەبۆتەوە. بەپێی ئاماری تۆمار کراو لەو ئاژانسە لە ماوەی ١٠  رۆژی رابردوودا (٢٧ی خەزەڵوەر هەتا ٧ی سەرماوەز) ٥ هاووڵاتیی کورد لە ناوچە کوردنیشینەکانی ئیران کۆتاییان بەژیانی خۆیان هێناوە.
رژێمی ئێران کوردێکی‌ تری‌ له‌سێداره‌دا‌ کوردستان
حوکمی لەسێدارە دانی هاوڵاتییەکی کوردی خەڵکی ناوچەی ورمێی‌ رۆژهه‌ڵاتی‌ کوردستان، پاش ٥ ساڵ راگیران لە زیندانی ناوەندیی رەشت لە پارێزگای‌ گه‌یلان، جێبەجێ کرا. ئاژانسی هەواڵی کوردپا، بڵاویکرده‌وه‌ رۆژی شەممەی‌ رابردو هاوڵاتیەک بەناوی "مەسعود حەسەن‌پور" خەڵکی گوندی "گردە بلیج"ی سەربە ناوچەی تەرگەوەڕی ورمێ لە زیندانی ناوەندیی شاری رەشت لەسێدارە درا. ئاماژه‌به‌وه‌کراوه‌ مەسعود حەسەن‌پور خێزاندار بوە تا کاتی بڵاوبونەوەی ئەم هەواڵە هۆکاری لەسێدارەدانی ناوبراو نەزانراوە. هەروەها رۆژی پێنج‌شەممەی‌ رابردوش زیندانییەکی دیکەی کوردی خەڵکی گوندی "زێوە"ی سەربە ناوچەی مەرگەوەڕی ورمێ، بەناوی "عەزیزی عەتایی" لە زیندانی ناوەندیی شاری یەزد لەسێدارە درا. بەپێی ئامارێکی‌ ئه‌و ئاژانسه‌ لە ٣٤ رۆژی رابردودا، ٧٩ که‌س لەزیندانەکانی ئێران لەسێدارە دراون کە لەکۆی ئەو رێژەیە ١٧ کەسیان هاوڵاتییانی کورد بوون.
به‌‌ڕێوه‌چوونی پێنجه‌م کۆبوونه‌وه‌ی رێکخراوه‌کانی لاوانی رۆژهه‌ڵات لاوان
له‌ درێژه‌ی کۆبوونه‌وه‌کانی رێکخراوه‌کانی لاوانی رۆژهه‌ڵاتی کوردستان سه‌باره‌ت به‌ گرتنی یه‌که‌م کۆنفڕانسی لاوانی رۆژهه‌ڵات، رۆژی هه‌ینی رێکه‌وتی ١ی سه‌رماوه‌زی ٢٧١٣ی‌ کوردی، کاتژمێر ١٠ ی سه‌رله‌ به‌یانی به‌ ئاماده‌بوونی ئه‌ندامانی لیژنه‌ی ئاماده‌کار، له‌ باره‌گای کۆمه‌ڵه‌ی لاوانی رۆژهه‌ڵات، کۆبوونه‌وه‌یه‌ک به‌‌ڕێوه‌ چوو. له‌م کۆبوونه‌وه‌دا وێڕای باس و تاوتوێکردنی چۆنیه‌تی به‌‌ڕێوه‌چوونی کۆنفرانس، ته‌وه‌ر و... بابه‌ته‌کانی نێو کۆنفرانس دیاری کران. بڕگه‌یه‌کی دیکه‌ی باسی نێو کۆبوونه‌وه‌که‌ بریتی بوو له‌ کۆمه‌ڵێک بڕیار و راسپارده، که‌ له‌ دووهه‌م راگه‌یاندراوی "یه‌که‌م کۆنفڕانسی لاوانی رۆژهه‌ڵات"دا بڵاو ده‌بێته‌وه‌ و به‌ ئاگاداری هه‌موو لایه‌ک ده‌گات. شایانی باسه‌ که‌ کۆبوونه‌وه‌که‌ له‌ کاتژمێر ٤ی ئێواره‌ له‌ که‌شێکی دۆستانه‌دا کۆتایی پێهات.
به‌‌ڕێوه‌چوونی کۆبوونه‌وه‌ی رێکخراوه‌کانی لاوانی رۆژهه‌ڵات
له‌ راستای کۆبوونه‌وه‌کانی پێشووی رێکخراوه‌کانی لاوانی رۆژهه‌ڵاتی کوردستان سه‌باره‌ت به‌ یه‌که‌م کۆنفڕانسی لاوانی رۆژهه‌ڵات، رۆژی سێ‌شه‌ممه‌ ٢٨ی خه‌زه‌ڵوه‌ری ٢٧١٣ی‌ کوردی، سه‌عات١٠ ی سه‌رله‌ به‌یانی، به‌ ئاماده‌بوونی نوێنه‌رانی سه‌رجه‌م ریکخراوه‌کانی لاوانی رۆژهه‌ڵات .
له‌ بنکه‌ی یه‌کیه‌تیی لاوانی دێمۆکڕاتی رۆژهه‌ڵاتی کوردستان، کۆبوونه‌وه‌یه‌کی به‌رفراوان به‌‌ڕێوه‌ چوو. سه‌ره‌تا راپۆڕتی کاری ئه‌م ماوه‌یه‌ی لێژنه‌ی ئاماده‌کردنی یه‌که‌م کۆنفڕانسی لاوانی رۆژهه‌ڵات له‌ لایه‌ن به‌‌ڕێز سه‌ید جه‌لال ساڵحی سه‌رۆکی لێژنه‌ پێشکه‌ش کراو پاشان نوێنه‌رانی رێکخراوه‌کان راو بۆچوون‌و سه‌رنجه‌کانی خۆیانیان به‌ وردی هێنایه‌ گۆڕێ. بڕگه‌ی کۆتایی کۆبوونه‌وه‌که‌ ته‌رخان کرا به‌ لێژنه‌و لێژنه‌ی ئاماده‌کردنی کۆنفڕانس به‌جیا دانیشتن‌و تاوتوێی زیاتری کاروباره‌کانیان کرده‌وه‌و درێژه‌ی به‌رنامه‌ی کاریان بۆ کۆبوونه‌وه‌ی داهاتوو هه‌ڵگرت.
شایانی باسه‌ که‌ کۆبوونه‌وه‌که‌ تا کاتژمێر ٥ی ئێواره‌ درێژه‌ی کێشا.
راگه‌یه‌ندراوی یه‌که‌م کۆنفڕانسی لاوانی رۆژهه‌ڵات (ژماره‌1)


خه‌ڵکی تێکۆشه‌ری رۆژهەڵاتی کوردستان!
لاوانی هێژاو ده‌روه‌ستی نه‌ته‌وه‌که‌مان!

به‌ ئاگاداری هه‌موو لایه‌ک راده‌گه‌یه‌نین، پاش چه‌ندین کۆبوونه‌وه‌و تاوتوێ کردنی باس‌و بابه‌ته‌کان‌و ئاڵ‌وگۆڕی بیروڕا له‌ نێوان نوێنه‌رانی رێکخراوه‌کانی لاوانی رۆژهه‌ڵاتی کوردستان، به‌ خۆشی‌یه‌وه‌ توانرا بۆ ئاماده‌کاری‌‌و گرێدانی یه‌که‌م کۆنفڕانسی لاوانی رۆژهه‌ڵات، له‌ ژێر دروشمی "یه‌کڕیزی لاوان، به‌ره‌و داهاتوویه‌کی گه‌ش"، له‌ نێوان نوێنه‌رانی ریکخراوه‌کانی لاوان‌دا، لێژنه‌ی ئاماده‌کاری کۆنفڕانسه‌که‌ پێک بێ.
سنە/ ١٠ ٠  کرێکاری سنەیی ماوەی ٧ مانگە مووچەیان پێ نەدراوە
بەرپرسانی شیرکەتێکی پەیمانکاری بۆ لێدانی تونێلی گۆڕەپانی "نەبووەت"ی شاری سنە، ماوەی ٧ مانگە لە دانی مووچەی کرێکارانی ئەو شیرکەتە خۆ دەبوێرن.
به‌رێوه‌ چوونی خۆپیشاندانێک بۆ مه‌حکوومکردنی ئیعدامی زیندانیانی سیاسی له‌ شاری هه‌ولێر
رۆژی هـه‌یـنـی رێکه‌وتی ٨/١١/٢٠ ١٣ ، کاتژمێر ٢ی دوانیوه‌‌ڕۆ کۆبوونه‌وه‌یه‌کی ناڕه‌زایه‌تی له‌به‌رده‌م پارکی شانه‌ده‌ری هه‌ولێر بۆ ئێعتراز به‌ شه‌پۆلی نوێی ئێعدامی لاوانی کورد له‌ کوردستانی ئێران به‌‌ڕێوه‌ چوو. کۆبوونه‌وه‌که‌ له‌سه‌ر بانگه‌وازی که‌مپینی "نا بۆ ئێعدامی لاوانی کورد"و "ئه‌نجومه‌نی زێد" به‌به‌شداریئه‌ندامان و لایه‌نگرانی سه‌رجه‌م حیزب و لایه‌نه‌کانی کوردستان و هه‌روه‌ها کورده‌کانی کوردستانی ئێران نیشته‌جێ له‌ شاری هه‌ولێر پێکهاتبوو. هاوکات له‌گه‌ڵ خۆپیشانده‌ران دروشمی دژی رژیمی ئاخوندی و له‌پ شتیوانی له‌ زیندانیانی سیاسی کوردیان به‌رز کرده‌وه‌. له‌و خۆپیشاندانه‌دا په‌یامی هاوبه‌شی که‌مپینی "نا بۆ ئێعدامی لاوانی کورد"و "ئه‌نجومه‌نی زێد" به‌ سێ زمانی کوردی، فارسی‌و ئینگلیسی خوێندرایه‌وه‌. جێگه‌ی باسه‌ پێشتر بریار بوو خۆپیشاندانه‌که‌ ببرێته‌ به‌رده‌م کونسولخانه‌ی رژیمی ئێران له‌ شاری هه‌ولێر به‌لا به‌ هۆی ئیزن نه‌دان له‌ پارکی شانه‌ده‌ر و شه‌قاه‌کانی ده‌وره‌به‌ری به‌رده‌وام بوو.
"راگه‌یاندراوی رێکخراوه‌کانی لاوانی رۆژهه‌ڵاتی کوردستان، بۆ پشتیوانی له‌ خۆپیشاندانه‌کانی ئه‌م دوایانه، سه‌باره‌ت بە شەرمەزار کردنی شەپۆلی نوێی لە سێداره‌دانی لاوانی کورد"
هاونیشتمانە بەڕێزەکان خەڵکی تێکۆشەری کوردستان لاوانی هێژا کۆڕو کۆمه‌ڵه‌ مرۆڤ دۆسته‌کان! رۆژنامه‌نووس‌و چالاکوانانی مه‌ده‌نی‌! بە مەبەستی شەرمەزارکردنی ئێعدامی رۆڵەکانی نەتەوەکەمان لە لایەن کاربەدەستانی کۆماری ئیسلامییەوە، لاوانی کورد لە بەشێک لە شارە کوردنشێنەکان چه‌ند خۆپیشاندانیان ساز کردووه. رۆژی ١٤ی خەزەڵوەری ١٣٩٢ی هەتاوی لە شاری مەریوان، لاوان بە هاتنە سەر شەقام و وتنەوەی کۆمه‌ڵێک دروشمی شۆڕشگێڕانە وەکوو "نا بۆ سێداره‌"، "هەتا کوردێ بمێنێ، کوردستانیش دەمێنێ" ناڕەزایەتی خۆیان بەرانبەر بە لە سێدارەدانی رۆڵەکانی کورد بە دەستی رێژیمی ئێران نیشان دا. رۆژی دواتر و لە رێکەوتی 15ی خه‌زه‌ڵوه‌ری 1392ی هه‌تاوی لە شاری سەقز ، خەڵک هاتنە سەر شەقامەکان و بە دروشمی نەته‌وەیی وەکوو "هەر کورد بووین و هەر کورد ئەبین" پشتیوانی خۆیان لە لاوانی مەریوان بە نیسبەت شەرمەزار کردنی بەڕێوچوونی شەپۆلی نوێی لە سێدرانی لاوانی کورد، دەربڕی. لەم خۆپێشاندانە دا گرژی و ئاڵۆزی لە نێوان خەڵک و هێزە ئەمنیەتییەکان هاتە ئاراوە و بە پێی هێندێک لە سەرچاوەکان ١٥ لاو له‌ شاری سەقز و به‌شێکی دیکه‌ له‌ لاوانی شاره‌کانی دیکه‌، دەستبە سەر کراون، و ئێستا لە زۆربەی شارەکانی کوردستانی ئێران، هێزە ئەمنیەتیی و یەگانی تایبەتی رێژیمی ئێران جێگیر کراون و بە توندی شاره‌کانیان ئەمنیەتی و میلیتاریزە کردووه‌. ئێمـە وەک رێکخراوەکانی لاوانی رۆژهەڵاتی کوردستان وێرای مەحکوم کردنی کۆماری ئیسلامی ئیران بۆ لە سێدارەدانی لاوان وگرتنی خەڵکی کوردستان هاودەنگی خۆمان لە گەڵ خەڵکی رۆژهەڵاتی کوردستان دەردەبرین و رایده‌گه‌یه‌نین لە بەرامبەر ئەو گرتن و ئێعدام کردنانە بێ دەنگ نابین. ئەم کردەوانەی دەوڵەتی روحانی جارێکی دیکه‌ رۆخسار و ماهیه‌تی کۆماری ئیسلامی ئیران بۆ هەموو خەڵکی کوردستان دەرخست ، نیشانیدا که‌ لە گورینی مورەکانی کۆماری ئیسلامی ئیراندا، شتێکی بنه‌‌ڕه‌تی روو نادات و هیچ مافێک بە کورد رەوا نابینن جگە لە کوشتن و بڕیین، بۆیە نەک دەوڵەتی رۆحانی ئەگەر لە باشترین حاله‌تیشدا بێ و هه‌رکام له‌ مۆره‌کانی ئه‌و رێژیمه‌ دژه‌ مرۆڤانه‌یه‌ بێته‌ سه‌رکار، بەشی کورد هەر ژێردەسته‌ییە و لە ژێر ناو به‌ بیانووی جۆراوجۆره‌وه‌، رۆژانه‌ به‌ره‌ورووی زیندان و ئه‌شکه‌نجه‌ و ئیعدام ده‌کرێنه‌وه‌. جێگای ئاماژه‌یه‌ که‌ لە ماوەی ٨٧ رۆژ له‌ پاش هاتنە سەر کاری دەوڵەتی رووحانی هەتا ٨ی خەزەڵوەر، دەزگای قەزایی رێژیمی ئێران لانیکەم 250 کەسیان ئیعدام کردووە، ئەگەر ئەو رەوتە بەو شێوەیە بەردەوام بێت، لە یەکەمین ساڵی دەسەڵاتداریی رووحانیدا ئێران رێکۆردێکی نوێ لە ئیعدام و پەت و سێدارە تۆمار دەکات. بۆ پێش گرتن له‌ زیندان و ئه‌شکه‌نجه‌ و ئیعدامی رۆڵه‌کانی نه‌ته‌وه‌که‌مان و گەرانەوەی سەروەری بۆ خەڵکی خۆشەویستی رۆژهەلاتی کوردستان، یه‌کگروتوویی و یه‌کده‌نگی گه‌له‌که‌مان زامنی پاراستنی گیان وماڵی خەلکی کوردستان ده‌بێت. بۆیه‌ ئێمە وەک رێکخراوه‌کانی لاوانی رۆژهەڵاتی کوردستان، بۆ ئه‌وه‌ی چیتر رۆژهه‌ڵاتی کوردستان له‌سێداره‌ نه‌درێت و به‌هه‌مووان بلێین، پێشه‌وامان فێری کردووین، له‌په‌تی سێداره‌ ناترسین. به‌ده‌نگێکی به‌رز هاوار بکه‌ین، که‌ئێمه‌ تاوانبار نین، داوای مافمان ده‌که‌ین. خه‌ممان، خه‌می رۆڵه‌کانی سه‌ر ئه‌و خاکه‌مان ده‌بێت، پێشتیوانی خۆمان ئاراستەی هاونیشتمانیانی بێ تاوانی خۆمان ده‌که‌ین و رایده‌گه‌یه‌نین که‌ هه‌موومان به‌ یه‌کده‌نگ هاوار ده‌که‌ین "هەتا کوردێ بمێنێ، کوردستانیش دەمێنێ". ناوی رێکخراوەکانی لاوانی رۆژهەڵاتی کوردستان - رێکخراوی لاوانی یه‌کیه‌تیی شۆڕشگێڕانی کوردستان - یه‌کیه‌تیی لاوانی دێموکراتی رۆژهه‌ڵاتی کوردستان - یه‌کیه‌تیی لاوانی دێموکراتی کوردستانی ئێران - ناوه‌ندی لاوانی خه‌باتی کوردستانی ئێران - رێکخراوی لاونی یاری کورد - گرووپی کاری لاوان و قۆتابیانی پارتی ئازادیی کوردستان - لاوانی پارتی سه‌ربه‌خۆیی - رێکخراوی لاوانی پێشڕه‌و - کۆمه‌ڵه‌ی لاوانی رۆژهه‌ڵات
بەڕێوەچوونی دووهەمین کۆبوونەوەی ڕێکخراوەکانی لاوانی رۆژهەڵات
کاتژمێر ١٠ ی سەرلەبەیانی رۆژی چوارشەممە رێکەوتی ١٥ ی خەزەڵوەری ١٣٩٢ی هەتاوی لە بنکەی "بەرێوەبەری گرووپی کاری لاوان و قوتابیانی پارتی ئازادیی کوردستان "، کۆبوونەوەی رێکخراوەکانی لاوانی رۆژهەڵاتی کوردستان بەرێوەچوو
سەرەتای کۆبوونەوەکە بە راگرتنی خولەکێک بێدەنگی بۆ رێزگرتن لە گیانی پاکی شەهیدانی کورد و کوردستان بە تایبەتی شەهیدانی لە سێدارە دراوی ئەم دواییانەی لاوانی کورد لە رۆژهەڵاتی کوردستان دەستی پێکرد.
مەریوان/لەسێدارەدانی زیندانیانی سیاسیی کورد خۆپیشاندانی هاووڵاتییانی لێکەوتەوە
هاووڵاتییانی شاری مەریوان بۆ مەحکووم کردن و ناڕەزایەتی دەربڕین سەبارەت بە لە سێدارەدانی زیندانیانی سیاسیی کورد، خۆپیشاندانێکی ناڕەزایەتییان بەڕێوە برد. بەپێی راپۆرتی ئاژانسی هەواڵدەریی کوردپا،رۆژی سێ‌شەممە ریکەوتی ١٤ی خەزەڵوەر هاووڵاتیانی شاری مەریوان لە چوار رێیانی شەبڕەنگەوە هەتا چوار رێیانی " ئەسڵی" ئەو شارە، خۆپیشاندانێکی ناڕەزایەتییان دژی لە سێدارەدانی زیندانیانی سیاسیی کورد، بەڕێوە برد. بە وتەی شایەتحاڵان، هێزەکانی گاردی تایبەت هێرشیان کردوەتە سەر خۆ پیشاندەران و چەند کەسێکیان دەستبەسەر کردووە و هەنووکە هێزێکی زۆری نیزامی و گاردی تایبەت لە سەرجەم شەقام و شوێنە گشتییەکانی ئەو شارە جێگیر کراون رۆژی ٤ی خەزەڵوەری ئەمساڵ دوو زیندانیی سیاسیی کورد بە ناوەکانی "حەبیبوڵڵا گوڵپەری‌پوور" و "رەزا ئیسماعیلی" لە زیندانەکانی ورمێ و سەڵماس لە سێدارە دران. هەروەها شێرکۆ مەعارفی پاش ٥ ساڵ راگیران لە زیندان، سەرئەنجام رۆژی رابردوو رێکەوتی ١٣ی خەزەڵوەر لە زیندانی ناوەندیی شاری سەقز لە سێدارە درا
نەتەوەیەکگرتوەکان: (40%)ی هاوڵاتیانی سوریا پێویستیان بە هاوکاری مرۆییە
بەرپرسی نوسینگەی کاروباری مرۆیی لە نەتەوە یەکگرتوەکان رایدەگەیەنێت رێژەی (40%) هاوڵاتیانی سوریا پێویستیان بە هاوکاری مرۆیی هەیە.
نەبوونی شوێنی شیاوی خوێندن هەتا وەرگرتنی زۆرە ملیی پارە بۆ قوتابیان
هێندێک لە گوندەکانی ناوچەی سەردەشت لە هەبوونی شوێنی شیاو بۆ خوێندنی قوتابیان بێبەرین و هاوکات قوتابیانی قوتابخانەی گوندی عەلیابادی بۆکان بە زۆرە ملی پارەیان لێ ئەستێندراوە.
به‌رپرسێکی سه‌ربازی سوپاسی پاسداران له‌ سوریا کوژرا
رۆژی دوشه‌ممه‌ له‌ پێکدادانی نێوان رژێمه‌که‌ی ئه‌سه‌د و چه‌کدارانی ئۆپۆزسیۆن له‌ دیمه‌شق، فه‌رمانده‌یه‌کی سوپای پاسدارانی ئێران کوژرا. ئاژانسی میهری ئێرانی بڵاویکرده‌وه‌، که‌ محه‌مه‌د جه‌مالی زاده‌، له‌ فه‌رمانده‌ی سوپای پاسدارانی ئێران له‌سه‌ر ده‌ستی چه‌کدارانی ئۆپۆزسیۆنی سوریا له‌ پێکدادانێکدا له‌ دیمه‌شق کوژرا. ئاماژه‌ی به‌وه‌شکردوه‌، که‌ محه‌مه‌د جه‌مال، له‌ نێوان ساڵانی (١٩٨٠ ) و (١٩٨٨) به‌شداریکردوه‌ له‌ جه‌نگی ئێران-عێراق. به‌پێی هه‌واڵی ئاژانسه‌که‌، ئه‌و فه‌رمانده‌یه‌ی سوپای پاسداران، به‌ناوی سوپای ئێرانه‌وه‌ نه‌چوه‌ته‌ سوریا، به‌ڵکو وه‌کو که‌سێکی شاره‌زا له‌بواری پاراستنی مه‌زارگه‌ی (سه‌یده‌ زه‌ینه‌ب) چوه‌ته‌ دیمه‌شق و له‌وێش له‌ روبه‌‌ڕوبونه‌وه‌ی نێوان سوپای رژێمه‌که‌ی ئه‌سه‌د و چه‌کدارانی ئۆپۆزسیۆن کوژراوه‌.
ترسی رژیم له‌ ناره‌زایه‌تی خه‌لکی بانه‌ سه‌باره‌ت به‌ ئیعدامی شێرکۆ موعارفی
رژیمی ئێران له‌ ترسی ناڕه‌زایه‌تی خه‌ڵکی بانه‌ به‌ ئیعدام کردنی شێرکۆ موعارفی زیندانی سیاسی کورد ، هێزه‌کانی له‌ نه‌خوشخانه‌ی ئه‌و شاره‌ جێگیر کرد . بنه‌ماڵه‌ی ئه‌و زیندانیه‌ له‌ که‌شێکی یه‌کجار ئه‌منیه‌تی دا ته‌رمی کوڕه‌که‌یان ئه‌سپه‌رده‌ی خاک کردووه‌. رژیمی جینایه‌تکاری ئێران روژی دووشه‌ممه‌ زیندانی سیاسی شێرکۆ موعارفی له‌ زیندانی سه‌قز سه‌ر به‌ پارێزگای کوردستان ئیعدام کرد . شێرکۆ موعاره‌فی رۆژی ٩ ی گه‌لاوێژی ساڵی ١٣٨٧ ده‌ست به‌ سه‌ر کرا به‌ تومه‌تی موحاره‌به‌ به‌ ئیعدام مه‌حکوم کرا .
نامه‌ی‌ شێرکۆ مه‌عاریفی‌ که‌ له‌ رۆژهه‌ڵاتی‌ کوردستان له‌ سێداره‌ درا
ده‌قی‌ نامه‌که‌ی‌ شێرکۆ: له‌ زرینگانه‌وه‌ی هه‌ڵاتنی خۆر و له‌ ناڵه‌ی دایک، سروودی ئازادی ده‌ڵێمه‌وه‌ زۆرله‌ مێژه‌ که‌ شه‌و بووه‌ته‌ مۆڵگه‌ی نێچیرڤانه‌ چاوبرسییه‌کان و زرینگانه‌وه‌ی شه‌‌و بانگه‌وازییه‌ بۆ نێچیری گرانبه‌ها و دووره‌ ده‌ست. ئه‌رێ ڕاو و نێچیر له‌م وڵاته‌ بۆ که‌یف و خۆشی نییه‌ ، به‌ڵکوو ته‌نیا بۆ زیاده‌‌ڕۆیی و تێنه‌گه‌یشتن و مه‌یله‌ نابه‌جێکانه. بۆ نێچیرڤانێکی بێ هه‌ست و بێ ئینساف هه‌ر جۆره‌ نێچیرێک ده‌توانێ هه‌ڵخه‌ڵه‌تێنه‌ر بێت. گیره‌م نێچیره‌که‌ له‌ شوێنێ ئه‌سته‌م بێت و خاوه‌ن ویژدان. جه‌وانێک که‌ خۆی به‌ شۆرشگێر، به‌رحه‌‌ق و خاوه‌ن درووشمی مرۆڤدۆستی ده‌‌زانێ، وه‌ک ئه‌و ئاسکه‌ ئه‌ندام ناسکه‌ وایه‌ له‌ چاوی چه‌قه‌ڵه‌ چاوچنۆکه‌‌کاندا. چه‌کێک که‌ له‌ سه‌ر شانی جه‌وانێکی پارێزه‌ری یه‌کییه‌تی و مرۆڤایه‌تییه‌، به‌ هه‌ڵکه‌وت ده‌توانێ پلاپیتکه‌ی تفه‌نگه‌که‌ی له‌ خۆڕاوه‌ چه‌رکاندبێ. به‌ڵێ من شێرکۆ مه‌عارفیم ، ئه‌و تێرۆریسته‌ی تۆمه‌تبار به‌ دژایه‌تی له‌ گه‌ڵ خوا کرام. که‌ بێجگه‌ له‌ خۆشه‌ویستی مرۆڤه‌کان و لاواندنه‌وه‌ی منداڵان، دڵسۆزی ژینگه‌ و خه‌ونی ئاشتی ، ڕامانێکی بۆمب ئاسا له‌ سه‌رمدا و خه‌یاڵی خۆش له‌ سه‌رمدایه‌. ڕاوکردنی من بۆ چه‌قه‌ڵه‌ شه‌و په‌ره‌سته‌‌کان و دوژمنانی ڕووناکی و خۆشه‌ویستی دایک، وه‌ک ته‌پڵی سه‌رکه‌وتن وایه‌ بۆ ئه‌وان ، دیاره‌ ناتوانن له‌ تاریک ترین شه‌ویشدا به‌ر به‌ هه‌ڵاتنی خۆر بگرن. من تێرۆریستترین ڕۆڵه‌ی ئاربابا ، ته‌نانه‌ت له‌و کاته‌ی به‌ دیلیش گیرام مه‌یلی ته‌قه‌‌‌ی چه‌کهم نه‌بوو،هیواکانم تێرۆرنه‌بوو و تووندووتیژیم به‌ خه‌یاڵیشدا نه‌ده‌هات، ئه‌وه‌ی ئه‌‌و ڕۆژه‌ له‌ سه‌رشانم بوو، جانتایه‌کی پڕاوپێ‌ له‌ خۆشه‌ویستی مرۆڤ و کۆڵێک هه‌ستی مرۆڤانه‌. ئه‌و نامه‌یه‌ له‌ لێڵترین شه‌وه‌کاندا ده‌نووسم که‌ هاوکات هیوای هه‌ڵاتنی ڕۆژ سڵاوێکی گه‌رمم لێده‌کات و ئێستا نزیکترین ده‌نگ و ئاشنا ترین ڕووخسار، دایکمه‌ ،که‌ ئێستاش هیوای ئه‌وه‌ له‌ سه‌رمدایه‌ که‌ بۆ جارێکی تر له‌ باوه‌شی گرم ، به‌ڵام مه‌خابن خۆشه‌ویستی بۆ دایک و دایکی وڵات له‌و به‌ندیخانه‌یه‌دا هیچ ده‌رفه‌تێک نادا به‌ من بیانبینم. دره‌وشاوه‌ترین خۆره‌تاو و ئه‌ستێره، به‌رین ترین ده‌ریا و سه‌رکه‌ش ترین کێوه‌کانی ژینگه‌، که‌ باڵیان به‌ سه‌ر چاره‌نووسمدا کیشاوه‌، واده‌کات نه‌ هیواکانم له‌ ئه‌ستێره‌ و نه‌ له‌ ده‌ریای دایکم و نه‌ له‌ خۆڕاگری کێو ناتوان ده‌ست هه‌ڵگرم ، به‌ڵکوو به‌ هیوای باوه‌شی دایک، عه‌شق به‌ ئازادی و به‌ڵینی مرۆڤایه‌تی ، سه‌دان شه‌و و ڕۆژی تر تێپه‌ێ‌ ده‌که‌م و به‌رده‌م من جه‌وانێکی کوردی زه‌حمه‌تکێش، و شۆڕشگێری ده‌ڤه‌ری شه‌و بێداران ده‌مێنمه‌وه‌ و ئێستا ده‌بێ بڵێـم : ئه‌وه‌ی که‌ ده‌بوو ئێمه‌ به‌ ڕاستییه‌کان بگه‌یێنێت خۆی لێی بێ به‌رییه‌ . ته‌نیا ڕاستتیێه‌ که‌ ئازادی مسۆگه‌ر ده‌کات. من نه‌ بۆ له‌بار بردنی ڕاستی و مرۆڤایه‌تی هه‌نگاو ده‌نێم به‌ڵکوو هه‌ر هه‌نگاوێک که‌ ده‌پێوم، له‌ ڕاستی نزیکتر و زیاتر بوومه‌ پێشمه‌رگه‌ی مرۆڤایه‌تی. ئه‌رێ من پێشمه‌رگه‌ی جاویدانی، پێشمه‌رگه‌ی دووربوونه‌وه‌ له‌ وه‌حشیگه‌ری و هاوباوه‌شیم له‌ گه‌ڵ ئازادی و له‌ ناو ئه‌و زاڵمانه‌دا که‌ به‌ خه‌یاڵی خۆیان ده‌توانن به‌ له‌ ناو بردنم له‌ دارستان جیام که‌نه‌وه‌، به‌ بێ هیچ ترس و دڵه‌راوکێیه‌ک ، بڵیند و به‌ژن ڕێک ، به‌ دڵێکی پڕاو پێ‌ له‌ هیوا و هۆمێد دێمه‌وه‌ و ده‌بمه‌ هاوڕێی ئه‌ستیێره‌کانی ئه‌و ئاسمانه‌ خه‌م ڕه‌وێنه‌.
لاوێکی تری کورد به‌ تاوانی سیاسی له‌سێداره‌ درا
له‌ درێژه‌ی ره‌وتی له‌ سیداره‌ دانی زیندانیانی سیاسیی کوردی مه‌حکووم به‌ سێداره‌، شێرکۆ مه‌عارفی له‌ زیندانی ناوه‌ندیی شاری سه‌قز له‌ سێداره‌ درا. ئه‌مڕۆ دووشه‌ممه‌ رێکه‌وتی ١٣ی خه‌زه‌ڵوه‌ حوکمی له‌سێداره‌ دانی شێرکۆ مه‌عارفی زیندانیی سیاسیی کوردی خه‌ڵکی شاری بانه‌، له‌ سالۆنی ملاقاتی نێو زیندانی شاری سه‌قز به‌‌ڕێوه‌چوو. شێرکۆ مه‌عارفی زیندانیی سیاسیی کورد رێکه‌وتی ٩ی گه‌ڵاوێژی ساڵی ١٣٨٧ی هه‌تاوی گوندی گه‌وره‌ قه‌ڵای شاری سه‌قز ده‌ستبه‌سه‌ر و دواتر له‌لایه‌ن لقی ١ی دادگای ئینقلابی شاری سه‌قزه‌وه‌ به‌ سه‌رۆکایه‌تیی "شایه‌ق" به‌ تاوانی ئه‌ندامه‌تی له‌ حیزبێکی ئۆپۆزسیۆنی رژیمی ئێران حوکمی سێداره‌ی بۆ بڕایه‌وه‌. دوایین هه‌واڵه‌کان باس له‌وه‌ ده‌که‌ن که‌ ته‌رمی ناوبراو له‌ رێگه‌ی مه‌ئمورانی ئیداره‌ی ئاگرکوژێنه‌وه‌ی شاری بانه‌ گه‌رێندراوه‌ته‌وه‌ شوێنی له‌دایک بوونی.
گـرینگی کـاری رێـکـخـراوه‌یـی و بـه‌رپـرسـیاریـه‌تی گـشتی کـۆمـه‌ڵـگـا
له‌و کاته‌وه‌ی مرۆڤ ده‌ستی کرد به‌ ژیانی هاوبه‌ش و کۆ له‌گه‌ڵ هاونه‌وعه‌کانی خۆی چه‌مکی رێکخستنی پێوه‌ندیی و پێکه‌وه‌ژیانی مرۆڤه‌کان بوو به‌ فاکته‌رێکی گرینگی به‌رده‌وامی ژیان و ئه‌و ته‌وه‌ره‌ له‌گه‌ڵ به‌ره‌وسه‌ر چوونی حه‌شیمه‌تی جیهان و هه‌ست کردن به‌ به‌رفراوان کردنی ئاستی پێوه‌ندییه‌کان و هه‌وڵ دانی ئورگانیک بۆ خولیا و هیوا و ئاواته‌کان رۆژ له‌دوای رۆژ پێشه‌وه‌چوونی زیاتری به‌ خۆیه‌وه‌ بینیه‌وه‌ و رێگاکار و ئامرازه‌کانی ئاسانتر کردن و شیاو کردنی ئه‌و .
پێوه‌ندییانه‌ ئاڵوگۆری به‌ لایه‌نی پۆزه‌تیڤه‌وه‌ به‌ خۆیه‌وه‌ بینیوه‌. حیزب و سازمان یه‌ک له‌و ئامرازه‌ داهێنه‌رانه‌یه‌ی هزری مرۆڤه‌ له‌پێناو گه‌شه‌ و ئورگانیزه‌کردنی کۆمه‌ڵ. ئه‌مرۆ به‌ رێژه‌یێک دیارده‌ی رێکخراو و حیزب و ته‌شه‌کول و دامه‌زراوه‌ گرینگی هه‌یه‌ له‌ ژیانی مرۆڤه‌کان که‌ به‌ بێ بوونی ئه‌و ئامرازانه‌ کۆمه‌ڵگاکان تووشی بشێوی و ئاڵۆزیێکی به‌ربلاو ده‌بن و ته‌نانه‌ت ده‌توانین بڵێین شیرازه‌ی کۆمه‌ڵگا ده‌شێوێ .
سه‌رهه‌ڵدانی چه‌مکی کۆمه‌ڵگای مه‌ده‌نی و رێکخستنی جه‌ماوه‌ر له‌ NGOکان دیارده‌ی رێکخراو بوون و به‌ کۆکار کردنی کردۆته‌ بابه‌تێکی جیانه‌بۆوه‌ی ژیانی مرۆڤه‌کان و ئه‌مرۆ وه‌لاتێک به‌ بێ بوونی کۆمه‌ڵگای مه‌ده‌نی به‌رانبه‌ر ده‌کرێ به‌ نه‌بوونی دیموکراسی ئه‌گه‌رچی ده‌سه‌لاتێکی دیکتاتۆریش زاڵ نه‌بێ به‌ سه‌ر ئه‌و کۆمه‌ڵگایه‌دا و ئه‌و دووچه‌مک و دیارده‌یه‌ به‌ ته‌واو که‌ری یه‌کدی دێنه‌ ئه‌ژمار. به‌ گشتی هه‌موو تاکێک بۆ جێبه‌جێکردنی خه‌ون و خولیا و ئاواته‌کانی به‌دوای هاوبیر و هاوکار دا ده‌گرێ و هه‌ر کۆمه‌ڵیکیش بۆ به‌هێز کردنی کۆ به‌دوای تاکی هاوبۆچوون و روانگه‌دا وێڵه‌ و زیاتر له‌وه‌ش ئه‌و هاوکاری و هه‌وڵدانه‌ وه‌ک ئه‌رکێکی ئه‌خلاقی و نورم و به‌هاێکی پڕ بایه‌خ ته‌ماشا ده‌کرێ.
په‌یامی پشتیوانی فیدڕاسیۆنی رێکخراوه‌کانی لاوانی کوردستانی ئێران بۆ نیشتمانه‌ ئاڵۆزو ماته‌مباره‌که‌ی رۆژهه‌ڵات
کۆڕو کۆمه‌ڵه‌ مرۆڤ دۆسته‌کان!
رۆژنامه‌نووس‌و چالاکوانانی مه‌ده‌نی‌!
مێژووی 34 ساڵه‌ی ته‌مه‌نی کۆماری ئیسلامی ئێران جیا له‌ کوشت‌و کوشتارو ئێعدامی به‌ کۆمه‌ڵ چی دیکه‌ی بۆ گه‌لانی ئێران‌و به‌تایبه‌تی گه‌لی کورد پێ‌نه‌بووه‌، هه‌ر له‌و پێناوه‌دا ده‌توانین ئاماژه‌ به‌ سنه‌ی خوێناوی، شه‌‌ڕی قاڕنێ‌و قه‌ڵاتان، ئێعدامی به‌ کۆمه‌ڵی زیندانیانی سیاسی ساڵی 67ی‌هه‌تاوی‌و جینایه‌ته‌کانی خاڵخاڵی‌و ته‌نانه‌ت قه‌تڵه‌ زنجیره‌ییه‌کانی‌ زه‌مانی ده‌سه‌ڵاتی خاته‌می که‌ دروشمێکی قه‌به‌ی به‌ناوی وتووێژی شارستانیه‌ته‌کان هه‌ڵگرتبوو، بکه‌ین. هه‌نووکه‌ش که‌ ده‌بینین شه‌پۆلێکی نوێی له‌ ئێعدامه‌کان ده‌ست پێ‌کردوه‌ له‌کاتێک‌دا دروشم‌و به‌ڵێنه‌کانی سه‌رکۆماری نوێ له‌ باره‌ی گرتنه‌به‌ری سیاسه‌تێکی نه‌رم چ پاش‌و پێش هه‌ڵبژاردن ‌و، به‌تایبه‌ت ڕوو به‌ دنیای ده‌ره‌وه‌ گوتارو هه‌ڵوێسته‌کانی نه‌رم کردوه‌ته‌وه‌، له‌حاڵێک‌دا له‌ ناوه‌وه‌و له‌ پێوه‌ندی له‌گه‌ڵ که‌مایه‌تی‌یه‌ نه‌ته‌وه‌کان‌، هه‌روا له‌سه‌ر سیاسه‌تی توندوتیژو سه‌رکوتکه‌رانه‌ی پێشوو هه‌نگاو ده‌نێ.
شه‌پۆلی نوێی ئه‌و ئێعدامانه‌ له‌ کاتێک دایه‌ که‌ ئه‌حمه‌د شه‌هید، راپۆڕتنێری نه‌ته‌وه‌ یه‌کگرتووه‌کان زۆر له‌مێژ نییه‌ نوێترین راپۆڕتی خۆی له‌سه‌ر پێشێل کردنی مافی مرۆڤ له‌ ئێران به‌ تایبه‌تی له‌ پێوه‌ندی له‌گه‌ڵ که‌مایه‌تی‌یه‌ نه‌ته‌وه‌یی‌و ئایینی‌یه‌کان بڵاو کردوه‌ته‌وه‌و سه‌لماندوویه‌ که‌ دۆخی ئه‌وڕۆی ئێران له‌چاو پێشوو له‌ دۆخیکی دڵته‌زێن‌و ئاڵۆز‌تر دایه‌.
ئاغای حه‌سه‌ن رووحانی له‌ جیاتی ئه‌وه‌ی که‌ ئه‌و دروشم‌و به‌ڵێنانه‌ی به‌ نه‌ته‌وه‌و په‌یڕه‌وانی ئایینه‌ جیاوازه‌کانی داوه‌، جێ‌به‌جێ بکاو هه‌روه‌ها له‌ به‌‌ڕێوه‌بردنی کاروباری ناوچه‌کانی خۆیان‌و ته‌نانه‌ت وڵاتیش‌دا به‌شدارییان پێ‌بکاو، ئه‌و هه‌ڵاواردنه‌ نه‌ته‌وه‌یی، زمانی‌و ئایینی‌یانه‌ ئه‌گه‌ر‌ له‌ناویشیان نه‌با، که‌م بکاته‌وه‌، گه‌چی به‌داخه‌وه‌ ئێستا 3 مانگ له‌ سه‌رکۆماری‌یه‌که‌ی تێ‌نه‌‌په‌‌ڕیوه‌ که‌ زیاتر له‌ 170 که‌س ئێعدام کراون‌و‌ ته‌نانه‌ت نیگه‌رانی ئێعدام کردنی ژماره‌یه‌کی دیکه‌ له‌ به‌ندی‌یه‌ سیاسی‌یه‌کانی کوردو به‌لووچ‌و... هتدیش، هه‌یه‌.
کۆڵبەرێکی دیکەی کورد بە تەقەی ‌هێزە نیزامییەکان بووە قوربانی
کۆڵبەرێکی کوردی خەڵکی یەکێک لە گوندەکانی ناوچەی نەوسوود بە تەقەی ‌هێـزە نیزامییەکانی حکوومەتی ئیسلامیی ئێران بریندار کرا.
دوایین هەواڵەکان
پەیامی دەستەی بەڕێوەبەری بەبۆنەی ۱۱بانەمەڕ، ساڵڕۆژی دامەزراندنی رێکخراوی لاوانی خەبات
photo
لاوانی خه‌بات
1 ساڵ و 6 مانگ و 20 ڕۆژ و 9 کاتژمێر و 44 خوله‌ک له‌مه‌وپێش‌
ژنانی بوێر سەمبولی خۆڕاگری و مزگێنیدەری ئازادین
photo
ڕێکخراوی لاوانی خەباتی کوردستانی ئێران
1 ساڵ و 8 مانگ و 2 ڕۆژ و 3 کاتژمێر و 1 خوله‌ک له‌مه‌وپێش‌
ڕاگەیندراوی ڕێکخراوی لاوانی خەبات, بەبۆنەی ۸ی مارس ڕۆژی جیهانی ژنان
photo
ڕاگەیندراوی ڕێکخراوی لاوانی خەبات
1 ساڵ و 8 مانگ و 14 ڕۆژ و 2 کاتژمێر و 35 خوله‌ک له‌مه‌وپێش‌
ڕاگەیندراوی ڕێکخراوی لاوانی خەبات بەبۆنەی ڕۆژی زمانی زگماگی
photo
ڕاگەیندراوی ڕێکخراوی لاوانی خەبات بەبۆنەی ڕۆژی زمانی زگماگی
1 ساڵ و 9 مانگ و 10 کاتژمێر و 40 خوله‌ک له‌مه‌وپێش‌
محەممەد مێهدی کەرمی و محەممەد حوسەینی لەسێدارەدران
photo
لاوانی خه‌بات
1 ساڵ و 10 مانگ و 12 ڕۆژ و 9 کاتژمێر و 47 خوله‌ک له‌مه‌وپێش‌
ڕاگەیندراوی ڕێکخراوی لاوانی خەبات بەبۆنەی ڕۆژی پێشمەرگەی سازمانی خەبات
photo
لاوانی خه‌بات
2 ساڵ و 21 ڕۆژ و 5 کاتژمێر و 11 خوله‌ک له‌مه‌وپێش‌
٢٩هەمین رۆژی شۆرشی ژینا و کاردانەوە جیهانیەکان
photo

2 ساڵ و 1 مانگ و 4 ڕۆژ و 5 کاتژمێر و 34 خوله‌ک له‌مه‌وپێش‌
photo photo
کومیته‌ی فینلاند
کومیته‌ی به‌ریتانیا
کومیته‌ی سوئێد
کومیته‌ی دانمارک
کومیته‌ی سویس
کومیته‌ی ئه‌ڵمان
په‌یڕه‌و پرۆگرام

ده‌رباره‌ی ئێمه به کورتی

لێره‌‌‌ ده‌‌‌رباره‌‌‌ی خۆتان بنووسن به کورتی

په‌یوه‌ندی


[email protected]

+٩٦٤٧٥١٨٨٦٨٢٠٩

فۆرمی په‌یوه‌ندی

تۆڕە کۆمەڵایەتیەکان


٢/ لینکی یوتوب

٣/ لینکی تویته‌‌‌ر