lawan

ڕێکخراوی لاوانی خه‌باتی کوردستانی ئێران
Iranian Kurdistan Khabat Youth Organization

ژنێکی تەمەن ٢٤ ساڵەی خەڵکی ناوچەی "سۆما و برادۆست"ی سەربە شاری ورمێ بەهۆی کێشەی بنەماڵەییەوە کۆتایی بەژیانی خۆی هێنا. بەپێی راپۆرتی هەواڵدەریی کوردپا، ژنێک بەناوی "ئادیڤـە دێهقان" کچی رەشیـد و خەڵکی گوندی "پیرانجوق"ی سەربە شاری ورمێ بەهۆی کێشە لەگەڵ هاوسەرەکەی ئاگری لە جەستەی خۆی بەردا و لە ئەنجامدا بووە هۆی گیان دانی. ئەو ژنە چەند رۆژ پێش ئێستا لە یەکێک لە نەخۆشخانەکانی شاری ورمێ بەهۆی سووتانی لەڕادە بەدەرەوە گیانی دا. دەگوترێت کە ئادیڤە ماوەی یەک ساڵ بوو ژیانی هاوبەشی پێکهێنابوو، هەروەها ناوبراو منداڵێکی ساوای لە پاش خۆی بەجێ هێشتوو

بێکاری له‌ کوردستان کرێکاران به‌ره‌و کۆڵبه‌ری ده‌بات

به‌ پێی راپۆرتی هه‌واڵده‌رییه‌کان، چالاکێکی کرێکاری له‌ سه‌قز رایگه‌یاند، زیاتر له‌ ١٥٠ ٠ کرێکاری سه‌ر سنوور له‌ ناوچه‌کانی بانه‌، سه‌قز، مه‌ریوان و سه‌رده‌شت له‌ کاری پر مه‌ترسی کۆڵبه‌ری کار ده‌که‌ن. سید محمد سالح حسینی وتی، سه‌رمایه‌ گۆزاری نه‌کردنی ده‌وڵه‌ت، نه‌بوونی کارخانه‌ و نه‌بوونی سیاسه‌تی هانده‌رانه‌ بۆ سه‌رمایه‌ گۆزاری له‌ کوردستان هۆکاری سه‌ره‌کییه‌ که‌ خه‌ڵکی ئه‌و ناوچانه‌ی ناچار کردووه‌ روو له‌ کاری مه‌ترسیداری کۆڵبه‌ری بکه‌ن. حسینی هه‌روه‌ها وتی، سالانه‌ سه‌دان کۆڵبه‌ر له‌ ناوچه‌ سنوورییه‌کانی کوردستان ده‌کوژرێن له‌ حاڵێکدا ئه‌گه‌ر ئیمکانی کار کردن له‌ رێگه‌ی یاساییه‌وه‌ ببواێت هێزی ئه‌و که‌سانه‌ له‌ رێگه‌ی به‌رهه‌مهێناندا که‌ڵکی لێ وه‌رده‌گیرا. ئه‌م چالاکه‌ کرێکارییه‌ به‌ ئاماژه‌ به‌ ته‌مه‌نی کۆڵبه‌ری له‌ نێوان ١٣ بۆ ٦٠ ساڵ وتی، خه‌ڵکی کوردستان ناچارن بۆ به‌ده‌ست هێنانی پارووێک نان بۆ بنه‌ماڵه‌کانیان بارێکی قورس و گران له‌ رێگه‌ مه‌ترسیداره‌کانه‌وه‌ هه‌ڵبگرن که‌ ده‌وڵه‌ت ده‌بێت بۆ چاره‌سه‌ر کردنی کێشه‌ی کۆڵبه‌ران کارێک بکات.

خۆ کوژیی کچێکی تەمەن گەڕاوە لە شاری جوانرۆ

کچێکی خەڵکی جوانرۆ کە چەند رۆژ پێش ئیستا بەهۆکاریکی ناڕوون ئاگری لە جەستەی خۆی بەردابوو، گیانی لەدەست دا.
بەپێی راپۆرتی ئاژانسی هەواڵدەریی کوردپا، ئەمڕۆ شەممە رێکەوتی ١٦ی خەرمانان کچێک بەناوی "نوسرەت کەریمی" کە پێشتر ئاگری لە جەستەی بەردابوو، پاش چەند رۆژ مانەوە لە نەخۆشخانە، بەهۆی قووڵیی برینەکانییەوە گیانی لەدەست دا.
بە وتەی یەکێک لە نزیکانی ئەو بنەماڵەیە، نوسرەت کە تەمەنی گەڕابوویەوە، هەتا ئیستا لەبەر چاوەدێری کردنی باوک و براکانییەوە شووی نەکردبوو.
بەپێی ئاماری تۆمار کراو لە ناوەندی ئاماری ئاژانسی هەواڵدەریی کوردپا، لە سەرەتای مانگی گەلاوێژەوە هەتا ئێستا ١٣ ژن و کچی کورد لە ناوچە کوردنشینەکانی ئێــران لە ئەنجامی خۆکوژیدا گیانیان لەدەست داوە.
بەپێی ئەو ئامارە و لە کۆی ئەو ١٣ حاڵەتە ٩ کەسیان لە رێگەی خۆ سووتاندنەوە کۆتاییان بە ژیانی خۆیان هێناوە.

خۆسووتاندنی ژنێکی تەمەن ١٨ ساڵ لە ناوچەی نەغەدە

بە خۆسووتاندنی ژنێک لە ناوچەی نەغەدە، ئاماری خۆکوژیی ژنان و کچانی کورد لە ماوەی ٥ مانگی رابردوودا لە ناوچە کوردنشینەکانی ئێــران گەیشتە ٣٦ کەس. بەپێی راپۆرتی ئاژانسی هەواڵدەریی کوردپا، رۆژی یەکشەممەی رابردوو رێکەوتی ٣ی خەرمانان ژنێک بەناوی " ئارەزوو بێهرووزی" لە گوندی "دایماو"ی سەربە شاری نەغەدە بەهۆی کێشەی خێـزانییەوە کۆتایی بەژیانی خۆی هێنـا. دەگوترێت ئەم ژنە خەڵکی گوندی "رکاوێ"ی سەربە پیرانشار بووە و لەگەڵ کەسێکی خەڵکی گوندی "دایماو"ی سەربە شاری نەغەدە ژیانی هاوبەشی پێکهێنابوو، کەبەهۆی کێشە بنەماڵەییەوە ئاگری لەجەستەی خۆی بەرداو بەهۆی قوڵیی برینەکانییەوە پاش ١ رۆژ مانەوە لە نەخۆشخانە، گیانی لەدەست دا. بەپێی ئاماری ئاژانسی هەواڵدەریی کوردپا، لەماوەی ٥ مانگی رابردوودا ١٧ ژن و کچی کورد لە ناوچە کوردنشینەکانی ئێــران تەنیا لە رێگەی خۆسووتاندنەوە کۆتاییان بەژیانی خۆیان هێناوە.

پەیامی ناوەندی لاوانی خەباتی کوردستان ئێران بە بۆنەی 5ی خەرمانان ساڵرۆژی دامەزراندنی سازمانی خەباتی کوردستانی ئێران!

لاوانی خۆراگر و وشیاری کوردستان!
ئەندامان و دۆستانی ناوەندی لاوانی خەباتی کوردستانی ئێران!
5ی خەرمانان ئەو رۆژە پیرۆزەیە لە مێژووی رزگاریخوازانەی گەلی کورد، کە تێیدا سازمانی خەباتی کوردستانی ئێران هاتە ناوو گۆرەپانی ئەو خەباتەوە و بوو بە جێگای ئۆمێد و هیوای لاوان و خەڵکی کوردستان و لە کەمترین ماوەدا توانی جێگای خۆی لە ناوو دڵی کۆمەڵانی خەڵکی کوردستان بکاتەوە و لە بەرانبەر رژێمی داگیرکەری کوردستان و هێزە دواکەوتووەکەی رژێمی ئاخوندی بوەستێتەوە و بە سەدان لاپەرە لە مێژووی قارەمانییەتی خەباتی رزگاریخوازانەی خەڵکی کوردستان بۆ خۆی تۆمار بکات. سازمانی خەبات وەک پێویستیێکی هەنوکەی و بۆ پر کردنەوەی ئەو بۆشاییەی لە ناو خەباتی رزگاریخوازانەی گەلی کورد هاتبوە ئاراوە پێی نایە ناو ریزی خەبات و تێکۆشان دژبە دەسەڵاتدارانی زاڵ بەسەر ئێران و کوردستاندا و بە سیاسەتێکی سەردەمیانە و بوێرانە توانی ببێت بە جێگای متمانەی خەڵکی کوردستان. سازمانی خەباتی کوردستانی ئێران لە ماوەی 33 ساڵ تەمەنی پر لە شانازی خۆی توانیویە بە لەبەر چاوو گرتنی پێویستی کۆمەڵگا و بە هەست کردن بە ئاڵوکۆرەکانی جیهان، ناوچەکەو کوردستان گۆرانکاری و بیری نوێگەری لە ناو سیاسەتەکانی خۆیدا بهێنێتە ئاراوە و لەگەڵ رووداوەکانی رۆژ هەنگاو هەڵبگرێت. بۆ ئێمە جێگای شانازییە کە لە سازمانێکدا درێژە بە خەبات و تێکۆشانی خۆمان دەدەین کە هەمیشە لەگەڵ گۆرانکارییەکاندا خۆی رێک خستووە و بایەخ و گرنگی بە توێژی لاوان لە هەموو بوارەکاندا داوە و لاوان توانیویانە لە ناو ریزەکانی سازمانی خەباتدا جێگای خۆیان بکەنەوە، بۆئێمەی لاو جێگای خۆشحالییە کە دامەزرێنەری سازمانەکەمان ئەو مامۆستا ئایینیە بووە کە بەرژەوەندی نەتەوەکەی و رزگاری میللەتەکەی لە پێش هەموو بەرژەوەندییەکانەوە بووە و تاکوو دوا ساتەکانی ژیانی پر لە شانازی خۆی لەسەر ئەو رێبازە سوور بووە ئەویش مامۆستا سید جەلال حوسێنی بوو.

خنکانی لاوێکی تەمەن ٢٣ ساڵ لە مەریوان

هاووڵاتییەکی خەڵکی ناوچەی مەریوان لە کاتی راوە ماسیدا و بەهۆی کەوتنە نێو ئاوی گۆلی زرێبار و شارەزا نەبوون بە مەلە کردن، گیانی لەدەست دا. بەپێی راپۆرتی ئاژانسی هەواڵدەریی کوردپا، رۆژی رابردوو رێکەوتی ٣١ی گەلاوێژ لاوێکی تەمەن ٢٣ ساڵ بەناوی " ئیدریس کوڕی مەحموود و خەڵکی گوندی "خاو"ی سەربە شاری مەریوان لە کاتی راوە ماسیدا و لە ئەنجامی کەوتنە نێو ئاوی گۆلی زرێبار تووشی خنکان بووە و پاش چەند کاتژمێر تەرمی ناوبرا دۆزراوەتەوە. بەهۆی کەمتەرخەمیی هاووڵاتییان و هەروەها کەمیی ئیمکانات و نەبوونی مەلەوان و هێماکانی ئاگادار کەرەوە لە سەر "بەنداو، چۆم، زەریا و گۆل"ـەکان، ساڵانە دەیان هاووڵاتیی ئێرانی لە ئاوەکاندا دەخنکێن. هەروەها رۆژی رابردوو پیاوێکی تەمەن ٥٠ ساڵەی خەڵکی ورمێ بەهۆی شارەزا نەبوون بە مەلە کردن، لە گۆلی ورمێدا خنکا و دواتر تەرمەکەی لەلایەن هاووڵاتییانەوە لە ئاو هێنرایە دەرەوە.

خنکانی لاوێکی تەمەن ٢٦ ساڵەی سەقزی

لاوێکی خەڵکی ناوچەی سەقز بەهۆی کەوتنە نێو ئاوی چۆمی "ئایەنان" و شارەزا نەبوون بە مەلە کردن، گیانی لەدەست دا.
بەپێی راپۆرتی ئاژانسی هەواڵدەریی کوردپا، رۆژی ٢٨ی گەلاوێژ هاووڵاتییەکی خەڵکی گوندی مەولاناوای سەربە ناوچەی سەرشیوی سەقز لە کاتی راوە ماسیدا کەوتۆتە نێو چۆمی "ئایەنان" و لە ئەنجامدا بووە هۆی گیان لەدەست دانی.
هەواڵنێری کوردپا، ناسنامەی ئەو هاووڵاتییە کوردەی خەڵکی گوندی "مەولاناوا"ی سەربە شاری سەقزی "ئارام هادی" تەمەن ٢٦ ساڵ راگەیاندووە کە پاش چەند کاتژمێر تەرمی ناوبراو دۆزراوەتەوە.
هەروەها و هەر لەو رۆژەدا کچێکی تەمەن ١٢ ساڵ بەناوی "بەیان حوسێنی" بەهۆی کەوتنە نێو چاڵاوی نێو زەوی زاری خۆیان لە گوندی "ئاڵ مەردە"ی بەخشی تیلەکۆ گیانی لەدەت دا.

زیاتر لە ٣ هەزار دوکتورای بێکار لە ئێراندا بوونیان هەیە

بێکاری لە وڵاتی ئێران رۆژ لە دوای رۆژ روو لە زیاد بوون دەکات و لە ماوەی ساڵانی رابردووشدا ئاماری بێکاران لە نێوان چینی خوێندەواردا بەشێوەیەکی سەرسووڕ بەرەو هەڵکشان چووە.

به‌رده‌وامیی خۆکوشتنی هاووڵاتییان له‌به‌ر چاوی خه‌ڵک

ئه‌فسه‌رێکی هێزی ئینتزامیی شاری میانه‌ له‌ ئوستانی ئازه‌ربایجانی رۆژهه‌ڵات، به‌ زه‌بری چه‌ک له‌به‌ر چاوی هاووڵاتییان و له‌ مه‌یدانی "معلم"ی ئه‌و شاره‌ کۆتایی به‌ژیانی خۆی هێنا. به‌پێی هه‌واڵی یه‌کێک له‌ ماڵپه‌‌ڕه‌ ناوچه‌ییه‌کانی شاری میانه‌، ئێواره‌ی رۆژی یه‌کشه‌ممه‌ رێکه‌وتی ٢٠ گه‌لاوێژی ئه‌مساڵ ئه‌فسه‌رێکی هێزی ئینتزامیی شاری میانه‌ به‌ناوی کورتکراوی "سین، عه‌ین"، له‌ به‌ر ده‌م مقه‌‌ڕی هێزی ئینتزامیی ئه‌و شاره‌ له‌ مه‌یدانی"مامۆستا(معلم)" به‌ لێدانی گولـله‌یه‌ک له‌ مێشکی خۆی، گیانی دا. له‌ماوه‌ی چه‌ند مانگی رابردوودا چه‌ند حاڵه‌تی دیکه‌ی خۆکوژی له‌ سه‌ر شه‌قام و شوێنه‌ گشتییه‌کاندا رووی داوه‌ که‌ ده‌کرێ وه‌ک نموونه‌ ئاماژه‌ به‌ خۆ کوشتنی هاووڵاتییه‌کی ته‌مه‌ن ٤٠ ساڵ له‌ مه‌یدان "سپا"ی تاران و خۆکوژیی کچێکی ته‌مه‌ن ١٧ ساڵ له‌ مه‌یدانی "حافز"ی تاران بکه‌ین.

له‌ ناکاو رێژه‌ی بێکاران ٧٠ ٠ هه‌زار که‌س زیادی کردووه‌

به‌ پێی راپۆرتی هه‌واڵده‌رییه‌کان، به‌م نوێیانه‌ دوو راپۆرتی جۆراوجۆر له‌ لایه‌ن ناوه‌ندی ئامار و وه‌زاره‌تی کاری ده‌وڵه‌تی ده‌یه‌مه‌وه‌ له‌مه‌‌ڕ بێکاری له‌و ده‌وڵه‌ته‌دا بلاو کراوه‌ته‌وه‌ که‌ له‌ راپۆرتی یه‌که‌م که‌ له‌ لایه‌ن ناوه‌ندی ئاماره‌وه‌ بلاو بووه‌ته‌وه‌ رێژه‌ی بێکاران له‌ ساڵی پێشوو ٢.٩ میلیون که‌س و له‌ راپۆرتی دووهه‌م که‌ له‌ لایه‌ن وه‌زاره‌تی کاره‌وه‌ بلاو کراوه‌ته‌وه‌ رێژه‌ی بێکاران ٣.٥ میلیون که‌س به‌راورد کراوه‌، به‌ شێوه‌ێکیتر له‌ نێوان ئه‌م دوو راپۆرته‌ ره‌سمییه‌دا ٧٠ ٠ هه‌زار که‌س ناکۆکی ئاماری هه‌یه‌.

خۆکوژیی کچێکی ته‌مه‌ن ٢١ ساڵ له‌ شاری شنۆ

کچێکی ته‌مه‌ن ٢١ ساڵ و دانیشتووی شاری شنۆ به‌هۆی کێشه‌ی بنه‌ماڵه‌ییه‌وه‌ کۆتایی به‌ ژیانی خۆی هێــنا. به‌پێی راپۆرتی هه‌واڵده‌ریی کوردپا، سه‌رله‌ به‌یانی ئه‌مڕۆ شه‌ممه‌ کچێکی دانیشتووی گه‌‌ڕه‌کی پشت مزگه‌وتی جامیعه‌ی شارشنۆ کورتکراوه‌ی ناسنامه‌ی ئه‌و کچه‌ی " خ، م" راگه‌یاندووه‌ که‌ به‌ لێدانی چه‌قۆ له‌ سه‌ر دڵی خۆی بۆته‌ هۆی پچڕانی ده‌ماری "ئائورت" و پاش گه‌یشتن به‌ نه‌خۆشخانه‌ گیانی داوه‌. یه‌کێک له‌ ماڵپه‌‌ڕه‌ ناوچه‌ییه‌کان بڵاوی کردۆته‌وه‌، ئه‌و کچه‌ ته‌مه‌ن ٢١ ساڵه‌یه‌ له‌ ئه‌نجامی کێشه‌ له‌گه‌ڵ دایک و باوکی خۆی کۆتایی به‌ژیانی خۆی هێناوه‌.

پەیامی ناوەندی لاوانی خەباتی کوردستانی ئێران بە بۆنەی 28ی گەلاوێژ

لاوانی خۆراگری کوردستان!
ئەندامان و دوستانی ناوەندی لاوانی خەباتی کوردستانی ئێران!
28ی گەلاوێژ وەبیرهێنەرەوەی فەرمانی جیهادی خۆمەینییە بۆ سەر خەڵکی بێ تاوانی کوردستان و داستانی مەقاومەت و بەرخۆدانی خەڵکی کوردستان و لاوانی شۆرشگیری نەتەوەکەمانە لە دژ کردەوە بەو فەرمانە نامرۆیانە. رژێمی تۆتالیتری ئاخوندی کە لە سایەی سەرکەوتنی شۆرشە گەلانی ئێران لە ساڵی 1357ی هەتاوی هاتبووە سەر کار و دەستی بەسەر ئەو شۆرشەدا گرتبوو هەر زوو ناوەرۆکی دیکتاتۆرانەی خۆی پیشان داو لە یەکەم رۆژەکانی بە دەسەڵات گەیشتنییەوە کەوتە کوشتن و برینی خەڵکی ئێران بە گشتی و خەڵکی کوردستان بە تایبەتی.

راگه‌یاندراوی فیدراسیۆنی رێکخراوه‌کانی لاوانی کوردستانی ئێران به‌ بۆنه‌ی رۆژی جیهانی لاوانه‌وه‌

12 ئاگوست رۆژی جیهانی لاوان له‌ لاوانی کوردستان به‌ گشتی و لاوانی رۆژهه‌ڵات به‌ تایبه‌تی پیرۆزبایی ده‌که‌ین. له‌م بۆنه‌یه‌دا سه‌ری رێز و ئیحتڕام بۆ هه‌موو لاوانی خه‌باتگێڕ و تێکۆشه‌ری کوردستان و لاوانی گیان به‌ختکردوی رێگای ئازادی و به‌رابه‌ری داده‌نوێنین. هه‌روه‌ک ئاگادارن ساڵی 1999 له‌ لایه‌ن رێکخراوی نه‌ته‌وه‌یکگرتووه‌کانه‌وه‌ رۆژی 12 ی ئاگوست به‌ ناوی رۆژی جیهانی لاوانه‌وه‌ ناوزه‌د کراوه‌، تا رێز بگیردرێت له‌و هه‌موو تێکۆشانه‌ که‌ لاوان له‌ پێناو ئازادی و به‌رابه‌ری و پێشکه‌وتندا بوویانه‌ و به‌ تایبه‌ت رۆڵی گرینگی ئه‌و لاوانه‌ی که‌ له‌ بزووتنه‌وه‌ رزگاریخوازه‌کان و دێموکراتییه‌کاندا بوویانه‌. به‌م بۆنه‌ جیهانییه‌وه‌ پیویسته‌ پێداگری و کار له‌ سه‌ر په‌یوه‌ندی و هاوئاهه‌نگی له‌گه‌ڵ لاوانی نه‌ته‌وه‌ جۆراوجۆره‌کاندا بکرێت، هه‌روه‌ها ده‌بێت یادێک له‌ رۆڵی گرینگ و به‌رچاوی لاوانی کوردستان له‌ خه‌باتی چه‌کداری و سیاسی و مه‌ده‌نی له‌ ناو شاره‌کانی کوردستان و له‌ سه‌رده‌می شاخ دا بکرێت و پێداگری له‌سه‌ر هه‌رچی زیاتر لێک نزیک بونه‌وه‌ و بایه‌خدان به‌ یه‌کریزی و یه‌کگرتووی زیاتری لاوان و رێکخراوه‌کانی لاوانی رۆژهه‌ڵات و کوردستان بکرێت بۆ یه‌ک ده‌نگی و کاری هاوبه‌ش. پیرۆز بێت رۆژی جیهانی لاوان یه‌کگرتوو بێت خه‌باتی لاوانی کورد له‌ چوار پارچه‌ی کوردستان

کۆبوونەوەی لێژنه‌ی لاوانی کۆنگره‌ی نه‌ته‌وه‌یی کورد

رۆژی دووشه‌ممه‌ ١٢ی گه‌لاوێژی ١٣٩٢ سه‌عات ٧ی ئێواره‌ی لێژنه‌ی لاوانی کۆنگره‌ی نه‌ته‌وه‌یی کۆبوونه‌وه‌ی خۆیان به‌ به‌شداری به‌رێز کاک فوئاد جه‌عفه‌ری نوێنه‌ری سازمانی خه‌بات له‌و لێژنه‌یه‌ و به‌رپرسی ناوه‌ندی لاوانی خه‌بات به‌رێوه‌ برد. له‌و کۆبوونه‌وه‌یه‌دا وێرای کۆده‌نگی له‌سه‌ر چه‌ندین خاڵی په‌سه‌ند کراوی کۆنگره‌ی دووهه‌م و سێهه‌می لاوانی هه‌ر چوار پارچه‌ی کوردستان بریار درا له‌ کۆبوونه‌وه‌کانی دواتریش راپۆرتی کۆتایی لێژنه‌ی لاوان بۆ کۆنگره‌ی نه‌ته‌وه‌یی ئاماده‌ بکرێ.

پەیامی ناوەندی لاوانی خەباتی کوردستانی ئێران بەبۆنەی رۆژی جیهانی لاوان

بە بۆنەی ١٢ی ئاگۆست رۆژی جیهانی لاوان گەرمترین پیرۆزبایی خۆمان پێشکەش بە سەرجەم ئەندامان و لایەنگرانی ناوەندی لاوان خەباتی کوردستانی ئێران و هەروەها لاوانی جیهان و ئێران بەگشتی و کوردستان بە تایبەتی دەکەین.

سه‌لاسی باوه‌جانی:خۆکوژی ژنێکی ته‌مه‌ن ٢١ ساڵ

ژنێکی ته‌مه‌ن ٢١ ساڵ له‌ یه‌کێک له‌ گونده‌کانی ده‌ورووبه‌ری سه‌لاسی باوه‌جانی ئاگری له‌ جه‌سته‌ی خۆی به‌رداو له‌ ئاکام دا گیانی دا. به‌ پێی هه‌واڵی هه‌والده‌ریی کوردپا، له‌ رۆژانی رابردوودا، ژنێکی لاو به‌ ناوی "به‌هاره‌" و دانیشتووی گوندی "دره‌وه‌ن"ی "ئیزگڵه‌" سه‌ر به‌ شاری سه‌لاسی باوه‌جانی، به‌هۆی کێشه‌ی بنه‌ماڵه‌ییه‌وه‌ ئاگری له‌ جه‌سته‌ی خۆی به‌رداو له‌ ئه‌نجامدا بووه‌ هۆی گیان دانی. ئه‌و ژنه‌ به‌ هۆی فشاری بنه‌ماڵه‌که‌ی بۆسه‌ر ناوبراو به‌ مه‌به‌ستی جیا بوونه‌وه‌ له‌ هاوسه‌ره‌که‌ی هه‌وڵی خۆکوژی داوه‌. ده‌گوترێت "به‌هاره‌" دوای شه‌ش رۆژ مانه‌وه‌ له‌ یه‌کێک له‌ نه‌خۆشخانه‌کانی شاری کرماشان، به‌ هۆی قووڵی برینه‌کانیه‌وه‌ و سووتانی له‌‌ڕاده‌به‌ده‌ری جه‌سته‌ی، گیانی داوه‌.

لاوێکی مەهابادی کۆتایی بەژیانی خۆی هێنا

بەخۆکوژیی لاوێکی کوردی خەڵکی شاری مەهاباد، ئاماری خۆکووژیی هاووڵاتییانی کورد لەناوچە کوردنشینەکانی ئێران، لەسەرەتای ئەمساڵەوە هەتا ئێستا گەیشتە ٥٨ کەس. بەپێی راپۆرتی ئاژانسی هەواڵدەریی کوردپا، چەند رۆژ پێش ئێستا لاوێکی مەهابادی بەناوی "نوورەدین ئارمین" تەمەن ٢٥ ساڵ بەهۆی کێشە کۆمەڵایەتییەوە کۆتایی بەژیانی خۆی هێنا. دەگوترێت نووردەین بەخواردنی "حەب" هەوڵی خۆکوژی داوە کە بەرلە گەیشتن بە نەخۆشخانە بۆتە هۆی گیان لەدەست دانی.

خنکانی لاوێکی کورد لە ئیلام
لاوێکی کوردی خەڵکی شاری "دێهلوڕان"ی سەربە ئوستانی ئیلام، بەهۆی ئاشنا نەبوون بە مەلە کردن لە ئاودا خنکا.

بەشداری شاندێکی ناوەندی لاوانی خەباتی کوردستانی ئێران لەکردنەوەی 7مین کۆنگرەی یەکێتی لاوانی دیموکراتی کوردستانی ئێران

ئێواری رۆژی هەینی رێکەوتی 4 ی گەلەوێژی 1392 شاندێکی ناوەندی لاوانی خەباتی کوردستانی ئێران بەسەرپرشتی بەرێز کاک فواد جعفەری بەرپرسی یەکەمی ناوەندی لاوانی خەبات و بەهاورێیەتی بەرێزان کاک جەمال علی پوور و کاک سەروەر رەسولی و کاک ئالان سلێمانی ئەندامانی ناوەندی لاوانی خەبات لەسەر بانگێشتی یەکێتی لاوانی دیموکراتی کوردستانی ئێرن بەشداریان لە کردنەوەی 7 مین کۆنگرەی یەکێتی لاوانی دیموکراتی کوردستانی ئێران کرد و لەلایەن ئەندامانی ئەو یەکێتی یە بەگەرمی پێشوازی یان لێکرا . شایەنی باسە پەیامی پیرۆزبایی ناوەندی لاوانی خەبات پێشکەش بە بەرێوەبەرانی کۆنگرە کرا .

پەیامی ناوەندی لاوانی خەبات بەبۆنەی سێهەمین سالرۆژی کۆچی دوایی جەنابی مامۆستا سید جەلاالدینی حوسێنی

خه‌ڵکی خۆراگر و ئازادیخوازی کوردستان!
ئه‌ندامان ولایه‌نگر و دۆستانی سازمانی خه‌باتی کوردستانی ئێران!
ئه‌ندامان و دۆستانی ناوه‌ندی لاوانی خه‌باتی کوردستانی ئێران!
سێ ساڵ پێش ئێستا له‌ رۆژی ٣٠ پووشپه‌ر دڵه‌ گه‌وره‌که‌ی مامۆستا سه‌یید جه‌لال حسینی له‌ لێدان که‌وت و به‌ جه‌سته‌ بۆ هه‌میشه‌ ماڵئاوایی لێ کردین،بێگۆمان فه‌وتی جه‌نابی مامۆستا سید جه‌لالی حسینی رێبه‌ر و دامه‌زرێنه‌ری سازمانی خه‌بات خه‌سارێکی گه‌وره‌ بوو که‌ له‌ خه‌باتی رزگاریخوازانه‌ی گه‌لی کورد و سازمانی خه‌بات که‌وت.

سه‌ره‌تا 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49

دوایین هەواڵەکان

پەیامی دەستەی بەڕێوەبەری بەبۆنەی ۱۱بانەمەڕ، ساڵڕۆژی دامەزراندنی رێکخراوی لاوانی خەبات

لاوانی خه‌بات

1 ساڵ و 2 مانگ و 26 ڕۆژ و 10 خوله‌ک له‌مه‌وپێش‌

ژنانی بوێر سەمبولی خۆڕاگری و مزگێنیدەری ئازادین

ڕێکخراوی لاوانی خەباتی کوردستانی ئێران

1 ساڵ و 4 مانگ و 7 ڕۆژ و 17 کاتژمێر و 27 خوله‌ک له‌مه‌وپێش‌

ڕاگەیندراوی ڕێکخراوی لاوانی خەبات, بەبۆنەی ۸ی مارس ڕۆژی جیهانی ژنان

ڕاگەیندراوی ڕێکخراوی لاوانی خەبات

1 ساڵ و 4 مانگ و 19 ڕۆژ و 17 کاتژمێر و 1 خوله‌ک له‌مه‌وپێش‌

ڕاگەیندراوی ڕێکخراوی لاوانی خەبات بەبۆنەی ڕۆژی زمانی زگماگی

1 ساڵ و 5 مانگ و 6 ڕۆژ و 1 کاتژمێر و 6 خوله‌ک له‌مه‌وپێش‌

محەممەد مێهدی کەرمی و محەممەد حوسەینی لەسێدارەدران

لاوانی خه‌بات

1 ساڵ و 6 مانگ و 18 ڕۆژ و 13 خوله‌ک له‌مه‌وپێش‌

ڕاگەیندراوی ڕێکخراوی لاوانی خەبات بەبۆنەی ڕۆژی پێشمەرگەی سازمانی خەبات

لاوانی خه‌بات

1 ساڵ و 8 مانگ و 25 ڕۆژ و 19 کاتژمێر و 37 خوله‌ک له‌مه‌وپێش‌

٢٩هەمین رۆژی شۆرشی ژینا و کاردانەوە جیهانیەکان

1 ساڵ و 9 مانگ و 9 ڕۆژ و 20 کاتژمێر و له‌مه‌وپێش‌

لێره‌‌‌ ده‌‌‌رباره‌‌‌ی خۆتان بنووسن به کورتی

٢/ لینکی یوتوب

٣/ لینکی تویته‌‌‌ر