lawan

ڕێکخراوی لاوانی خه‌باتی کوردستانی ئێران
Iranian Kurdistan Khabat Youth Organization

سەقز بەشانۆ پێشوازیی لە میوانانی نەورۆزیی خۆی کرد

هونەرمەندانی شاری سەقز شانۆیەکیان سەبارەت بە کێشەکانی ناو کۆمەڵگا بەڕێوە برد.بە پێی راپۆرتی هەواڵدەرییەکان، لە ماوەی پشووی نەورۆزدا، شانۆی "باوکم" لە لایەن کۆمەڵێک لە هونەرمەندانی سەقز لە پارکی مەولەویی ئەو شارە بەڕێوە دەچێت.

رێکخراوی لێبوردنی نێونەتەوەیی سەبارەت بە ئێعدامی لاوێکی کورد وریایی دا

خوێندکارانی زانکۆکانی ئێران لەبەردەم مەترسیەکی گەورەدا !

ئالان سلێمانی
هەروەک دەزانین خوێندنگا و زانکۆکان لە جیهاندا رۆلێکی زۆر گەورە و گرینگ دەبینن لە پێشخستی کۆمەڵگا وبەرزکردنەوەی حاستی زانیاری و رۆشنبیرکردنی تاکەکان و رۆلێکی گرینگ دەبینن لە چۆنیەتی بەرێوەبردنی کۆمەڵگا و نەتەوەدا. لە زانکۆدا سەرجەم ئەو شتانەی کە ئێمەی مرۆڤایەتی پێویستمان پێیەتی دەخوێندرێت بێگومان هەر خوێندکارێک بارێکی تایبەت تەرخان دەکات بۆ ئەوەی تێدا بخوێنێت وشارەزایی تەواو پیدابکات لەو کارەی کە بۆیی دەخوێنێ‌ کە لە داهاتوودا ببێتە هۆیی سود گەیاندن بە وڵاتەکەی ،لە بەر ئەم هۆیانە لە سەرجەم ولاتانی دنیا گرینگیەکی زۆر دەدرێت بە زانکۆ و خوێندنگاکان و بێ شک ئاستی بەرزی زانکۆکان لە وڵاتێک بۆ وڵاتێکی تر جیاوازی هەیە. بەلام هەر ولاتێک ئاستی...

خوێندنی لە زانکۆکانی بەرز بێت دەبێتە هۆی ئەوەی کە خوێندکاران لە ولاتانی دیکەی جیهان بەمەبەستی بەدەست هێنانی بروانامەیەکی بەرز رووی تێبکەن وئەمەش بۆ ئەو وڵاتە دەبێتە هۆی پێش کەوتن و بەرزبوونەوەی پێوەرەکانی داهاتی نەتەوەیی و بوژانەوەی ئابووری و بەدەست هێنانی سەرمایەیکی زۆر و خۆشگوزەرانی بۆ نەتەوەکەی ولە کۆتایشدا بەدەست هێنانی بروانامەیەکی متمانە پێکراو بۆ ئەو خوێندکارە .
لە ئێستادا زانکۆکانی ئێران سەرەڕای ئەوە بارودۆخەی کە لەو ولاتەدا هەیە لە جیاتی ئەوەی زانست و مەعریفەتی تێدا دەستاودەست بکرێت، بوونەتە جێگای دەستاودەست کردنی مەوادی هۆشبەر . بە پێی ئەو هەوال و زانیاریانەی کە لە لایەن دەزگا پەیوەندی دارەکانی رژێم بلاو بوونەتەوە رۆژ بە رۆژ خوێندکارانی توشبوو بە مادەی هۆشبەر زیاتر دەبێت کە ئەمەش جێگەی نیگەرانیە کە توێژێکی گرینکی ئەم کۆمەلگایە لە جیاتی خۆ خەریککردن بە خوێندن و بەدەست هێنانی پلەی بەرز توشی نەخۆشیەک دەبن کە چارەسەرێکی یەکجار دژوارە و پرۆسەێکی مالوێرانەکەرە. بە پێی ئەو ئامارە کە گومان لە راستی دەکرێت و پێشبینی زیاتری دەکەن راگەێندراوە کە لە سەدا 20 ی خوێندکارانی زانکۆکانی ئێران توشی مادەی هۆشبەرە بوون کە ئەم ئامارە رێژەیەکی زۆرە و جێگەی نیگەرانیە و زەنگێکی مەترسیدارە بۆ داهاتووی ئەو لاوانەی کە دەخوێنن.
ئەوەی جێگەی سەرنجە بلاوبوونەوەی ئەم ئامارە لەکاتێکدایە کە ولاتی ئێران بە یەکێک لەو ولاتانە دادەنرێت کە زۆرترین رێژەی مادەی هۆشبەری تێدایە کە بە شێوەیەکی تایبەتی لاوان قوربانی ئەو مادانەن و رژێمیش بە هیچ شێوەیەک مەبەستیی چارەسەرکردنی ئەو پرسەی نیە و نایەوێت کە لاوان لەو مادانە دوورکەونەوە! بێگومان هەموومان ئەو راستیە دەزانین کە رژێم بە هۆی ئەو سیاسەت و بەرنامەیەی کە پەیرەوی دەکات پێویستی بەو پلانەیە بۆ ئەوەی وەڵات لە بێ ئاگایی دا بێلێتەوە و سیاسەتی نادروستی خۆی درێژە پێبدات . هەر بەپێی ئەو ئامارانەی کە بلاوبوونەتەوە بەرپرسێکی بەرنگاربوونەوەی مادە سڕکەرەکانی رژێمی ئاخوندی رایگەیاندووە، 9% کوڕان و 11% کچانی خوێندکار لەزانکۆ دەوڵەتییەکان ماددە سڕکەرەکان بەکار دێنن.ئەو بەرپرسە رایگەیاندووە، زیاتری خوێندکاران جۆری ماددەی â€œحەشیش و کۆدۆئینâ€ بەکار دێنن . دوومادەی زۆر مەترسیدارن بۆسەر ژیانی مرۆڤ بەتایبەتی حەشیش. جێگەی داخە کە وا بڵاو بۆتەوە کە حەشیش نابێتە هۆی گیرۆدەبوون، کە ئەم قسەیە بەپێی ئەو لێکۆلینەوانەی لەسەر ئەم مادەیە کراوە ئەم زانیاریانە رەت دەکاتەوە .
بە پێی قسەی زۆرێک لە شارەزایان بڵاوبوونەوەی ئەم مادانە بەو شێوە بەربلاوە زیاتر دەگەرێتەوە بۆ بارودۆخی کۆمەڵایەتی و سیاسی و ئابووری. بێگومان ئەو بارودۆخەی کە لە ئێراندا هەیە و ئەو رێوشوێنە ئەمنیەتیەی کە سەرانی رژێم سەبارەت بەلاوان و خوێندکاران پەیرەوی دەکەن دەبێتە هۆی ئەوەی کە لاوان و خوێندکاران رووبکەنە کێشانی ئەو موادە. هەر بەپێی ئەو راپۆرتانەی کە بڵاونەتەوە لە ماوەی ساڵی 1392ی هەتاوی، دوو هەزار و 957 کەس بەهۆی بەکارهێنانی ماددە هۆشبەرەکان لە وڵاتی ئێران گیانیان داوە کە لەم ئامارەدا 2 هەزار و 727 کەس پیاوان و 230 کەسیان ژنان پێکیان هێناوە. هەربۆیە پێویستە سەرجەم خوێندکاران لەوە تێبگەن کە ئەو مادانە هیچ کات سودی نیە و ئەگەر هەشیبێت هەرگیز لە زیانەکەی زۆرترنیە.
لە کۆتایی ئەم باسەدا ئەوەمان بۆ ئاشکرا دەبێت کە خوێندکارانی زانکۆکانی ئێران رووبەروو مەترسیەکی گەورەبوونەتەوە و پێویستە خوێندکاران هەول بدەن کە خۆیان لەو بەڵایە رزگار بکەن و ویست و هیواکانی رژێم لە هەوڵدان بۆ پەرەسەندنی ئەم دیاردەیە لە گۆر بنێن و هەولی بەرەنگاربوونەوەی بدەن .ئەمە ئەرکە لەسەر شانی هەمووکەسێک کە بۆ نەهێششتنی ئەو دیاردەیە هەوڵبدات بە تایبەتی خێزان کە رۆلێکی زۆر دەبینێت لە وشیارکردنەوەی رۆلەکەیان بۆ دوورکەوتنەوە لەم مادە زیان بەخشانە.

پەیامی رێکخراوی لاوانی خەباتی کوردستانی ئێران بەبۆنەی دەستپێکردنی سالی نوێی خوێندن لە ئێران و کوردستان

پێک هێنانی کۆبوونەوەیەک لەلایەن رێکخراوی لاوانی خەباتی کوردستانی ئێران

ژنێکی کورد لە شاری شنۆ بە هۆی خۆکوژییەوە گیانی دا

ژنێکی کوردی خەڵکی ناوچەی شنۆ لە رێگای خۆهەڵواسینەوە دەستی دایە خۆکوژیی و لەو رێگایەوە گیانی دا.بەپێی راپۆرتی سەرچاوەکانی هەواڵ، ژنێک بە ناوی â€œزارا مەجیدیâ€ تەمەن 40 سال و خەڵکی یەکێک لە ئاواییەکانی سەر بە شاری شنۆ بەهۆی کێشەی بنەماڵەییەوە دەستی داوەتە خۆکوژیی و لە ئاکامدا گیانی داوە.ئەو ژنە ماوەی یەک ساڵ لەمەوبەر لە هاوسەرەکەی جیا بووەتەوە و لە ماڵی باوکی دەژیا و دەوترێت کە لەم دواییانەدا ئەو ژنە ویستبووی بگەڕێتەوە لای مێردەکەی، بەڵام ماڵی باوکی â€œزاراâ€ دژایەتیان لەگەڵ گەڕانەوەی بۆ لای مێردەکەی کردووە و چەندین جار لێیان داوە و هەر بەو هۆیەوە زۆر کەوتووەتە ژێر زەخت و گوشار و شەوی رابردوو کۆتایی بە ژیانی خۆی هێناوە.جێگای ئاماژەیە، نەهامەتیی و کێشەکانی ژیان لە رۆژهەڵاتی کوردستان و ئێران وای لە ژیانی هاوڵاتییان کردووە، کە چەندەها گیر و گرفتی جیاجیا بەرۆکی پێیان گرتووە و زۆر جار بە هۆی ئەم گرفتانە و نەریتی بوونی کۆمەڵگا، پەنا بۆ دیاردەی نەشیاوی خۆکوژیی دەبەن و لەم نێوەشدا کچان و ژنان یەکەم قوربانییانی ئەم دیاردەیەن.

%20ی خوێندکاران لە ئێران ماددە سڕکەرەکان بەکاردەهێنن

زۆرانبازێکی کورد میداڵی بورۆنزی جیهانی بە دەستهێنا

وەرزشکارێکی کورد بە سەرکەوتن بەسەر وەرزشکارێکی خەڵکی قەزاقستان توانی پلەی سێهەمی لە کێبڕکێی زۆرانبازیی فەرەنگی جیهان لە وڵاتی ئامریکا(٢٠ ١٥)بۆ خۆی دەستبەر بکات.یووسف قادریان لە کێشی ٨٠ کیلۆ لە ئێران لەگەڵ وەرزشکارێکی خەڵکی قەزاقستان بەرەووڕو ببووە و لە ئەنجامدا توانی دوو بە سیفر بەسەر زۆرانبازی قەزاقی سەرکەوێت و میداڵی بورۆنزی ئەو کێبرکێیە بەدەست بێنێت.ئەو وەرزشوانە کوردە لەگەڵ ٢٧وەزشوانی دیکە لە وڵاتانی جیهان لە کێشی ٨٠ کیلو چوونەتە سەر قەپان.یووسف قادریان کە لاوترین وەزشوانی ئێرانی بەشدار لەو کێبڕکێیانە دێتە ئەژمار بە بردنەوەی میداڵی بورۆنزی لە لاسوێگاسی ئامریکا، پلەی نۆیەمی لەئاست جیهان مسۆگەر کرد.یوسف قادریان خەڵکی شاری سەقز لە رۆژهەڵاتی کوردستانە و چەند ساڵێکە لە شاری تاران نیشتەجێیە.یانەی زۆرانبازی فەرهەنگی ئێران لە کۆتایی رۆژی دووهەمی کێبرکێی زۆرانبازی جیهان لە لاسوێگاسی وڵاتی ئامریکا بە بردنەوە دوو میداڵی زێو و بورۆنز و بە دەستهێنانی ٢٣ ئیمتیاز دوای وڵاتانی روسیە، ئازەربایجان و ئۆکراین پلەی چوارم لە جیهاندا بۆ خۆی دەستەبەر کرد.وڵاتی ئیڕان لە کێبڕکێ‌کانی ساڵی رابردوو لە زۆرانبازی فەرەنگی بوو بە پاڵەوانی ئەو کێبڕکێیە و لە زۆرانبازی ئازادیشدا پلەی دووهەمی بۆ خۆی دەستبەر کرد.

بەڕێوەچوونی چالاکیی ژینگەپارێزی لە شاری بانە

خاوێنکردنەوەی سەیرانگا و شوێنە سروشتی و گەشتیارییەکان لە لایەن چالاکانی ژینگەپارێزی و رێکخراو خەڵکییەکانەوە لە کوردستان درێژەی هەیە.
بەپێی هەواڵی ئاژانسی هەواڵدەریی کوردپا رۆژی هەینی رێکەوتی ٢٠ ی خەرمانان لە سەر بانگەوازی ئەنجومەنی "پاژین"ی شاری بانە بەشێک لە لاوانی خەڵکی شاری بانە لەگەڵ خەڵکی گوندی "ساوان" سەر بە بەخشی ناوەندی ئەو شارە بە دروشمی
"پاراستنی ژینگە، پاراستنی ژیان و ئەرکی ئەخلاقی‌یە" چالاکی ژینگەپارێزییان بەڕێوە بردووە و تێیدا دەورووبەری گوندەکەیان خاوێن کردووەتەوە. ژنان و منداڵانیش بە هەڵگرتنی نووسراوەی تایبەت پشتیوانی خۆیان لەو چالاکییە ژینگە پارێزییە دەربڕیبوو.
گوندی ساوان و دەشتاییەکانی دەورووبەری بە یەکیک لە شوێنە دڵڕفێن و گەشتیارییەکانی کوردستان دێتە ئەژمار.

35 خەباتى بێ ووچان لە پێناو گەل و نیشتمان

سـیاسەتــێکی دیـــکەی رژێــم لـــەدژی لاوانـــی کـــوردســـتان

لەچەند دەیەی دەسەڵاتی رژێمی ئێران زووڵم و زۆرییەکانی لەسەر گەلانی ئێران بۆ هەموو کەس ئاشکرایە و لە پێناو درێژە پێدان بە سیاسەتی ترس و تۆقاندنی خەڵک و زیاتر جێگیرکردنی دەسەڵاتی نارەوای خۆی، دەستی لەهیچ زەبرو زەنگ و ترس و دڵەڕاوکێ و شکەنجەی جەستەیی و دەروونی لەسەر خەڵکی ئێران و بەتایبەتی خەڵکی کوردستان نەپاراستووە و هەموو هەوڵێکی داوە بۆ توواندنەوەی بیری شۆڕشگێڕی و هەوڵی ئازادیخوازی گەلانی ئێران. لەسەرووی هەمووشیانەوە سیاسەتە دژی گەلیەکانی رژیمی ئاخوندی زیاتر لە کوردستان رەنگی داوەتەوە و لە رەهەندەکانی سیاسی و کۆمەڵایەتی و ....

ئابووری و فەرهەنگی هەوڵی لەخشتە بردنی شیرازەی کۆمەڵگای کوردستانی داوە، ئەوەش بۆ ئەوە دەگەرێتەوە کە رژیمی ئاخوندی ئێران ساڵیانێکە بەو قەناعەتە گەیشتووە کە کوردستان و خەڵکەکەی بەتێکڕا، باوەریان بەو رژێمە لە ئێران نەماوە و بە تێکرا بێزاری لەو دەسەلات و سیاسەتە لە کوردستان رەنگی داوەتەوە. لە پێوەند بە سیاسەتە چەپەڵەکانی رژیم لە کوردستان دواترین زانیارییەکان باس لە پیلانێکی کۆن بەلام لە ئاستێکی بەرفراوانتر دەکەن، ئەویش بە ئامانجی بە لارێدابردنی لاوانی خوێن گەرم و شۆڕشگێڕ کە هەموو کات پشتیوانی راستەقینەی خەباتی نەتەوایەتی کوردستان بوونە. بەم پێیە، سیاسەتەکانی ئەمجارەی رژیم لە شارەکانی کوردستان، خۆی لە قەبارەیەکی نوێ و بەرفراوانتر دەبینێتەوە و بەشێوەیەکی زیرەکانە دەیهەێت بیری خەڵک لە رێبازی ئازادیخوازانە دووربکاتەوە و لە رێگای ماددەهۆشبەرەکان و هەروەها هێنانی ژنانی ((بازاری)) لەش فرۆش لە پاڕێزگاکانی دیکەی ئێران خەڵک تووشی گەندەڵی و نەخۆشی و هەزاران نەهامەتی گرێدراوی ئەو خەسارە کۆمەڵایەتیانە بکات. بە پێی زانیارییەکانی ناوخۆی کوردستان ، رژیم بە کردنەوەی ماڵ و بینای سەربە ئیتڵاعات لە ناو شەقامە قەڕەباڵەغەکان و هەروەها لەلای زانکۆکان، لەهەوڵدایە لاوان بەشێوەی جۆراوجۆری سیاسی و سۆزداری و رێگەی ترەوە لەلایەن ئەو لەشفرۆشانەوە رابکێشێ بۆ ناو ئەو ماڵانە و دواتریش باقی کێشە و نەهامەتیەکانی ئەو رەوشە بەرۆکی کۆمەڵگای کوردستان و بە تایبەتیشی چینی لاوان بگرێتەوە. ئەوسیاسەتانەی رژیمی ئێران تەنیا بەوە راوەناستێت و کاتێکیش لاوان بەرەو ئەو داوە دەبات، دەیەوێت لەناو ئەو ماڵە ترسناکانەەوە لاوان پەلکێشی ماددەی هۆشبەر بکات. دەسەڵاتدارانی رژیم زۆر بێشەرمانە و بە ئاشکرا ئەو پیلانگیرییە دەبەنە پێش و ئاسانکاریی تەواو بۆ راکێشانی سەرەنجی زۆرترین تاک لە لایەن دەسەڵاتەوە بەرێوە دەچێ. بۆ نمونە لەشاری مەهاباد یەکێک لەو کەسانەی کە بەرپرسی هێنانی لەشفرۆش لە پاڕێزگاکانی دیکەی ئێران بۆ کوردستانە، ژنێکە کە بەرەچەڵەکی خەڵکی سەنتەری ئێران و پەروەردەیەکی تایبەتی لەو رووەوە لەلایەن رژیمی ئێرانەوە بینیوە، ئەو ژنە بە بەکرێگرتنی خەڵکی خۆفرۆش ، بە چاپ و بڵاوکردنەوەی ژمارە رەقم و وێنەی ورووژێنەر لەسەر کارتی تایبەت بەو ژنانەی لەشفرۆشن لەسەر شەقامەکان و هەروەها لە کۆڵانەکان و زانکۆکانی کوردستان لەهەوڵدایە بیری زۆرترین خەڵک ڕابکشێت. ئەوە لە کاتێکدایە کە ئەگەر دەسەڵات بخوازێ زۆر بە سانایی دەتوانێ ئەو ماڵانە کۆ بکاتەوە و شارەکان لەو جۆرە ژنانە پاک بکاتەوە. لێرەدایە کە پێویستە ووشیاری کۆمەڵایەتی خێزانەکان پەرەی پێ بدرێ و هەروەها لاوانی نیشتمانپەروەری کوردستان لەو داو و پیلانە شەرئەنگێزانەیەی دەسەڵاتدارانی جینایەتکاری رژیم ئاگادار بکرێنەوە و بە خێرایی جڵەوی ئەو هێرشە درندانەیە بگرین ئەگینا بۆ چەند ساڵی داهاتوو تەوژمێک نەخۆشی جۆراوجۆری کوشندە روو لە کوردستان دەکات کە مایەی سەرسوورمان دەبێ. هەروەها زیان و خەسارەتی بەردەوامی و پێشنەگرتنی ئەو رەوشە دوورکەوتنەوەی بیری شۆڕشگێڕانە لە لاوانی کورد و رووکردنە کۆمەڵیک بابەتی زیانباری ترسناک دەبێ و دواجار دەستی بەکرێگیراوانی رژیم بۆ بردنە پێشەوە سیاسەتە دژی گەلیەکانیان لە کوردستان ئاوەڵەتر دەبێ و پانتایی زیانەکانیش بەرفراوانتر و قەربووکردنەوەی دژوار دەبێ. یەکێک لەو هۆکارە گرینگانەی کە رژێم دەستی بەو سیاسەتە لە شکل و چوارچێوەی نوێ لەهەمبەر خەڵکی کوردستان و بە تایبەتیش لاوان کردووە، بۆ ئەوە دەگەڕێتەوە کە بەدرێژایی هاتنە سەرکاری رژیمی ئاخوندی زیاتری هەوڵەکانی بۆ دابراندنی خەڵکی کوردستان لە شۆڕش و دوورکردنەوەی لاوان لە پەیوەست بوون بە ریزەکانی شۆڕش و بیری نەتەوەخوازی شکستی هێناوە و تەنانەت سێدارە و شکەنجە و بێبەش کردنی خەڵکی کوردستان لە مافە سەرەتاییەکانی ژیان، نەیتوانیوە ئەو خەڵکە لەو بیرە پیرۆزە دوور بکاتەوە بۆیە هەموو هەوڵەکانی خۆی خستووەتە گەڕ بەڵکو بەوشێوەیە و شێوەکانی دیکە بتوانێت خەڵکی کوردستان تووشی سەرلێشێوان و هەروەها لە پێشمەرگەو پارتەسیاسیەکان دابرێ‌، بەڵام بە دڵنیاییەوە ئەو جۆرە سیاسەتانە ناتوانێ وورە و ئیرادەی قایمی گەلی کورد و لاوانی کورد لەرزۆک بکات و ئیتر فریوخواردنی دەست وپەیوەندییەکانی رژیم لە لایەن گەلەوە مەحاڵە و رێبازی شەهیدان و پێشمەرگەی کوردستان تا گەیشتن بە ئامانجە بەرزەکانی نەتەوەکەمان و رووخانی یەکجارەکی رژیمی ئێران بیری ئازادیخوازی بیری زاڵ بەسەر تاکەکانی کۆمەڵگای کوردستان دەبێت.

کـــــــۆمــــاری ســێــدارە

ئیعدام لە ئێران پێشوونەیێکی بە درێژایی هاتنە سەرکاری رژیمی ئاخوندی هەیە و بە بەردەوامی وەکوو سزایێکی رەوا، بۆ تاوانی عەقیدەتی و سیاسی و ئابووری و مادەی هۆشبەر و تەعدا بۆسەر پیرۆزییەکان و کوشتن بە کار هاتووە، بەڵام ئەوەی بەرچاوە پەرەسەندن و بەرەوسەر چوونی بەرێوەبردنی ئەو جۆرە حوکمە لە ساڵەکانی رابردوودایە. بە پێی راپۆرتی لێبووردنی نێونەتەوەیی لە 6 مانگی رابردوو دا لە رێکەوتی 1ی ژانویە تا 1ی ژوئیە 694 حوکمی ئیعدام لە ئێران بەرێوە چووە بە واتایێکی تر لە هەر رۆژێکدا بە نێوەنجی سێ کەس لەسێدار دراون.

لە زمان بی بی سیەوە ئەو 694 حاڵەتە لە 6 مانگی رابردوو دا لەچاو 743 حاڵەتی ئیعدامی هەموو ساڵی رابردووی زایینی مەودایێکی ئەوتۆیان نییە. لەو ژمارەیەش 289 حاڵەت لە مێدیاکانی فەرمی راگەێندراون و 454 حاڵەتیش بە پێی سەرچاوەکانی باوەرپێکراوی دیکە تۆمار کراون.

سەعید بومەدووحە، جێگری کاروباری رۆژهەلاتی ناوین و باکووری ئەفریقا لە لێبووردنی گشتی دەڵێ: ئەگەر لێپرسراوانی ئێرانی کۆتایی بەو رەوتە ترسێهێنەرەی ئیعدامەکان نەهێنن بە ئەگەری زۆر تا کۆتایی ساڵ شاهیدی زیاتر لە 1000 حاڵەتی کوشتنی هاوەلاتیان بە دەستی حکوومەتەکەیان دەبین.

بە هۆی بوونی سەرکووتی توندنی مەدەنی، سانسۆر، نەبوونی ئازادی راگەیاندن و نەبوونی شەفافیەتی نیزامی دادوەری ئێران و نەبوونی راگەیاندن لەسەر دۆخی زیندایان بە هیچ جۆرێک ناتواندرێ‌ سەرژمێرییەکی ورد و دروست لە کۆی سزاکانی ئیعدام لە نێو نەتەوەکانی غەیرە فارس لە وەڵاتی ئێران بوونی هەبێ و ئەو هۆکارە تێچووی ئیعدام لەنێو نەتەوەکانی غەیرە فارسی بۆ دەسەڵات کەم کردۆتەوە و دەستی رژیمی ئاخوندی ئاوەڵاتر کردووە. لەم نووسینە ا ئامانج و بناغەی کار، دەرخستنی ئەو راستیەیە کە ئێران نەتەنیا زۆرترین رێژەی ئیعدامی لەسەرانسەری جیهاندا هەیە بەڵکو ئەو ئیعدامانە رووی لە ئەو نەتەوانەشە کە بۆ گەیشتن بە ئامانجە نەتەوەیی و زمانی و شوناسیان لە رووبەرووبوونەوەدان لەگەڵ نیزامی ئاخوندیدا. سەرەڕای هەوڵەکان سەرژمێرییەکی ورد و دروست لە ئیعدامەکانی چالاکانی ئەو نەتەوانە نەدۆزرایەوە، بەڵام ئەگەر مەبەست ئەوە بێ کە هاوسەنگیەکی سەرژمێریی لە نێو رێ٠‘ژەی ئیعدامەکانی کۆماری خەڵقی چین لەگەڵ یەکێک لە نەتەوەکانی وەک عەرەب یان بەلووچ و کورد لە جوغرافیای ئێران دروست بکەین، دەردەکەوێ‌ کە رێژەی ئیعدامەکان لە نێو ئەو نەتەوانە بە سەرەنج دان بە رێژەی حەشیمەت نەتەنیا رێژەی ئیعدامی ئەو نەتەوانە زۆر لەسەرترە بەڵکو دەیان جار زیاترە.

ئامار و ژمارەی رەسمی حکوومەت و چالاکانی مافەکانی مرۆڤـ بەرێوەبردنی حوکمی ئیعدام لە ئێران دەریدەخات کە هەموو ساڵیک لەچاو ساڵی رابردوو، بە تایبەتی لە ماوەی 2 ساڵی رابردوو، رێ٠‘ژەی سزای ئیعدام پەرەی سەندووە، بەڵام بۆ? هۆی جیاواز بۆ شی کردنەوەی ئەو بابەتە بوونی هەیە لە هۆی سیاسی و عەقیدەتی تا هۆی دروونناسانە، لە پەرەگرتنی هەژاری و پەرەسەندنی رێژەی تاوان و جینایەت تا قەیرانی روحی و خەمۆکی لە نێو جیلی لاو و پەلکێش بوون بەرەو توندتێژی... و هتد. حوکمی ئیعدام وەکوو کردەوە و سزایێکی بێ بەزییانە، نائەخلاقی و پڕ لە سووکایەتی ناوەندە. هەل و مەرجی ترسێنەری لە چاوەروانی مانەوە بۆ مردن دەبێتە هۆی سەپانی ئێش و ئازارێکی زۆری روحی و دەروونی و بەرێوەبردنی حوکمی ئیعدام تەعدا بۆسەر روح و جەستەیە.

نەتەنیا زیندانیان لە هەل و مەرجی جەستەیی بێ بەزییانە و نائینسانی دا رادەگیرێن، بەڵکو بیر و زەینیشان بە توندی دەکەوێتە ژێر کاریگەری، بە شێوەیێک کە زۆرێک لە زیندانیان لە چاوەروانی مردن بە دەست نەخۆشی روحی و رەوانی و لاوازیی زەینی کە لە ئاکامی دەرکردنی حوکمی ئیعدامەکەیانە دەناڵێنن.

بێگومان ئەگەر رژیم بیتوانیبا و هەل و مەرجی نێودەوڵەتی رێگەی پێبدایە زیندانیانی سیاسی لەبەرچاوی گشتی دا ئیعدام دەکرد، بەڵام ئیعدامی زیندانیانی سیاسی بە هۆی سیاسی و نێونەتەوەیی بۆ رژیم تێچوویەکی زۆری دەبێ. هەر بەو هۆیەوە بە ئامانجی دروست کردنی کەشی ترساندن و خەفەقان، زیندانیانی ئاسایی ئیعدام دەکەن و دیسان ئەگەر لەقاودانەکانی ئۆپۆزسیۆن نەدەبوو، پێیان باشتر بوو کە هەموو ئیعدامەکان لەبەرچاوی گشتی بەرێوە ببەن کە بتوانن بە خەیاڵی خۆیان خەڵکی زیاتری پێ چاوترسێن بکەن.

هەروەها زۆرێک لەو کەسانەی کە لەو شەپۆڵەی ماوەێک لەمەوبەر کەوتنە بەر شاڵاوی ئیعدامەکانی رژیمی ئاخوندی تەنانەت لە چوارچێوەی یاساکانی خودی رژیمیش بێ تاوان ئەژمار دەکران یان خود سزاکەیان ئیعدام نەبووە. بە پێی زانیارییەکان هێندێک لەو کەسانەی کە ئیعدام کراون، تاوانەکەیان تەنیا نارەزایەتی لە دژی ئیعدامی هاوزیندانی و هاوبەندییەکانیان بووە.

بەڵام بە هۆی ئەو زەرورەتەی کە رژیم بۆ دروست کردنی کەشی ترس پێویستیەتی، چەندەش قەیران دەوربەری داگرتبێ زیاتر و زیاتر روو دەکاتە ئیعدام، چەندەی ئەو بازنەیەی ناو ملی دەسەڵاتداران تەنگ تر ببێتەوە زیاتر حوکمی لەسێدارەدان بەرێوە دەچێ، چوونکە بە خەیاڵی دەسەڵات و بە رواڵەت ئیعدام خێراترین ئامرازی دەستی دەسەڵات بۆ دروست کردنی ترس و تۆقاندنە. بێگومان بارودۆخ و ئەو بازنە شوومە هەروەک چارەنووسی دیکتاتۆرەکانی مێژوو دەریخستووە سەرئەنجام لە شوێنێک دا دەشکێ و ئەو راستیە کاتێکە کە بتواندرێ‌ وەک ئیعدامی زیندانیانی سیاسی تێچووی ئیعدامی زیندانیانی ئاسایش بۆ دەسەلات بەرز بکرێتەوە و ئەو دەسەڵاتە هەست بکات کە ئیعدامەکان تێچووی زۆر گەورەی بۆ بەدی دێنێ‌ و لەوانەیە ببێتە هۆی تەقینەوەی کۆمەلایەتی.

دۆخی خۆکوژیی لە ئیلام قەیراناویە

بەرپرسانی رژیمی ئاخوندی لە پارێزگای ئیلام رایانگەیاندووە ئاماری خۆکوژی لەو پارێزگایە جێگای نیگەرانییە و لەئاستێکی مەترسیدار دایە.بارودۆخی کۆمەڵایەتی ئێران لەجیهاندا لەئاستێکی خراپ دایه و لێپرسروانی حکومەتیش هیچ بەرنامەیەکیان سەبارەت بە چارەسەری کێشەکۆمەڵایەتییەکاندا نییه.بە پێی راپۆرتی سەرچاوە هەواڵنێرییە حکومەتییەکان، رۆژی شەممە رێکەوتی ١٤ی خەرمانانی ١٣٩٤ی هەتاوی بڵاویان کردەوە، ئامارەکانی خۆکوژی لەپارێزگای ئیلام بە بەراوردلەگەڵ ساڵانی پێشوو کەمتر بووەتەوە بەڵام دیسان دۆخی خۆکوژی لەو پارێزگایە زۆر جێگای نیگەرانییە.ئەوەش لەکاتێک دایە کە بەرپرسانی حکومەت ئاماری راستی لەبارەی خۆکوژی و زیانە کۆمەڵایەتییەکان بڵاو ناکەنەوە.بەپێی ئامارەکانی وەزارەتی رفاەی ئێران، پارێزگای ئیلام پلەی یەکەمی لەبواری بێکاریدا هەیە و حەشیمەتی ئەو پارێزگایە لەژێر هێڵی هەژاری وڵات دان.پارێزگای ئیلام سەرجەم 585 هەزار کەس حەشیمەتی هەیە کە لەئاستی ئێراندا پلەی یەکەمی خۆکوژی هەیە و تەنیا لەماوەی یەک ساڵدا 2 هەزار کەس لەو پارێزگایە خۆکوژیان کردووە.تەمەنی خۆکوژی لە ئیلام کەمتر لە 30 ساڵ راگەیەندراوە و ژنان زیاتر دەست بۆ خۆکوژی دەبەن.ئاماری خۆکوژییەکان لە ئێران بۆ بێکاری، جیابوونەوەی ژن ومێرد، دابڕان لەشوناس â€œێ‌نومیâ€، خەمۆکی، هەژاری و چەندین هۆکاری دیکە دەگەڕێتەوە.بەپێی ئاماری پزشکی دادوەری ئێران لە ماوەی ساڵەکانی 1380 هەتا 91١ی هەتاوی زیاتر لە 30 هەزار کەس لە ئێران بەهۆی خۆکوژی گیانیان داوە.

سەرکەوتنی کچانی کاراته‌کاری کوردستانی لە ئاستی ئێراندا

کچانی کاراتەکاری کوردستان، 12 میدالیای جۆراوجۆریان لە ئاستی ئێران وەدەست هێنا. بە پێی راپۆرتی هەواڵدەرییەکان، له‌گه‌ڵ‌ کۆتایی پێهاتنی پێشبڕکێیه‌کانی کاراته‌ی به‌شی شۆتۆکان SKIی ئێران، وه‌رزشوانانی کوردستانی 12 میدالیای جۆراوجۆرییان له چه‌ند‌ ڕێنجی ته‌مه‌نی جۆراوجۆر وه‌ده‌ست هێنا. به‌پێی ئەم راپۆرتە، پێشبڕکێیه‌کانی کاراته‌ی کچانی به‌شی شۆتۆکان SKIی ئێران بۆ‌ ماوه‌ی سێ ڕۆژ له‌ شاری به‌نده‌ر ئه‌نزه‌لی به‌‌ڕێوه‌چوو. کە، 450 کاراته‌کای 12 پارێزگای ئێران له‌ کێشه‌ جۆراوجۆره‌کان له قه‌باره‌ی 17 هه‌ڵبژارده‌دا‌ له‌ ڕۆژانی 7 تا 9ی خه‌رمانان پێکه‌وه‌ ڕکابه‌رییان کردووه‌. جێگەی باسە کە، نینا ئه‌حمه‌دی و مه‌رزییه‌ مه‌جیدی، سه‌رپه‌‌ڕه‌شت و ڕاهێنه‌ری هه‌ڵبژارده‌ی پارێزگای کوردستانیان له‌م پێشبڕکێیانه‌ له‌ ئه‌ستۆ بووه‌.

پارێزگای کرماشان زیاتر لە 90 هه‌زار بێکاری هه‌یه‌

بە پێی وتەی بەرپرسێکی رژێمی ئاخوندی لەپارێزگای کرماشان،/ ئەو پارێزگایە زیاتر لە 90 هەزار بێکاری هەیە.بە پێی راپۆرتی هەواڵدەرییەکان"، سه‌رپه‌رشتی کاروباری ئابووری و گه‌شه‌ی ناوچه‌یی ئیدارەی پارێزگای کرماشان "هیدایه‌ت حاته‌می" له‌ کۆبوونه‌وه‌ی شۆڕای ئیداریی پارێزگا به‌ ئاماژه‌دان به‌ پێگه‌ی تایبه‌تی جوگرافیایی پارێزگا و هه‌ڵکه‌وتنی له‌ ناوه‌ندی رۆژئاوای وڵات و دراوسێیه‌تیی له‌گه‌ڵ وڵاتی عێراق و بوونی بازارێکی بەرفراوانی سنووری هاوبه‌ش له‌گه‌ڵ وڵاتی عێراق رایگەیاند کە، زیاتر لە 90 هەزار بێکار لەم پارێزگایە بوونیان هەیە.حاته‌می ئه‌وه‌شی راگه‌یاند: له‌گه‌ڵ هه‌بوونی ئه‌م دەفرایەتییە به‌ داخه‌وه‌ پێوه‌ر و تایبه‌تمه‌ندییه‌ ئابوورییەکانی گه‌شه‌ی پارێزگا بارودۆخێکی شیاو و گونجاویان نییه‌. له‌ دوو میلیۆن که‌س جه‌ماوه‌ری پارێزگا به‌ رێژه‌ی 612 هه‌زار که‌س جه‌ماوه‌ری چالاکن که‌ به‌ رێژه‌ی 523 هه‌زار که‌سی ئه‌وانه‌ کار و پیشه‌یان هه‌یه‌ و به‌ رێژه‌ی 90 هه‌زار که‌س بێکار له‌ پارێزگادا هه‌یه‌.

لەسێدارەدانی لاوانی کورد محکوم دەکەین

بەداخەوە رۆژی چوارشەمە 4ی خەرمانانی 1394 جارێکیتر رژێمی ئاخوندی دژە مرۆڤ یەکێکی تر لە لاوانی نەتەوەکەمانی بە ناوی بێهرووز ئاڵخانی خەلکی شاری سەڵماس بە تاوانی هاوکاری کردن لەگەل یەکێک لە حیزبە نەیارەکانی رژێمی ئاخوندی لە زیندانی دەریا لە شاری ورمێ‌ لە سێدارە درا.
لە سێدارەدانی ئەم لاوە کوردە لەکاتێکدایە کە لەلایەن ناوەندە نێودەوڵەتیەکانەوە داواکرابوو کە حکومی ئەو زیندانیە سیاسیە راگیرێت، بەڵام رژێم گوێی بۆ ئەو داواکاریانە نەدا و بە لە سێدارەدانی بێهروز ئالخانی تاوانێکی دیکەی خستە پاڵ تاوانە قێزەون و گەورەکانی نیزامی ئاخوندییەوە . رژێمی ئاخوندی لە ماوەی چەند سالی رابردوودا زۆرترین رێژەی لە سێدارەدانی لاوانی کوردی تۆمارکردووە کە بۆتە هۆی نیگەرانی بەشێکی زۆری ناوەند و رێکخراوە جیهانیەکان بەگشتی و هەوەرها بیزاری و تورەیی زیاتری خەلکی کوردستانی . هەرچەندە تاوانەکانی رژێم رۆژبەرۆژ زیاد دەکەن و بە خەیالی خاوی خۆی دەتوانێت لە رێگای لەسێدارەدان و شکەنجە و زیندانی کردن و دانانی تۆمەتی نارەوا و دور لە راستی لاوانی کورد لە داوا و تێکۆشان بۆ گەیشتن بە مافەکانیان رابگرێ‌ بەڵام بە دڵنیاییەوە نەتەوەکەمان تا رزگاری یەکجارەکی دەست لە هەوڵ و ماندووبوون لەو پێناوەدا هەڵناگرن .
رێکخراوی لاوانی خەباتی کوردستانی ئێران وەک رێکخراوێکی سنفی و سیاسی تایبەت بە توێژی لاوان بە هەستکردن بە بەرپرسیارێتی لەسەر ئەرک و چالاکیەکانی خۆی لە دژی رژێمی ئاخوندی بەردەوام دەبێ و هەروەها سەرجەم تاوانەکانی رژێمی ئاخوندی دەرهەق بە لاوان و گەلەکەمان محکوم دەکات.
رێکخراوی لاوانی خەباتی کوردستانی ئێران
دەستەیی بەرێوەبەری
5ی خەرمانانی 1394

پەیامی رێکخراوی لاوانی خەبات بە بۆنەی رۆژی جیهانی لاوان

لاوانی ئازادیخوازی کوردستان
لاوانی تێکۆشەری ریزەکانی رێکخراوی لاوان و سازمانی خەبات
رێکخراوی لاوانی خەباتی کوردستانی ئێران بەبۆنەی 12 ی ئۆگۆست ، رۆژی جیهانی لاوان پیرۆزبایی خۆی پێشکەش دەکات بە هەموو لاوانی شۆڕشگێڕ و زەحمەتکێشی کوردستان و ئێران و هیوادارین بە لە ناوچوونی رژێمی دیکتاتۆری ئاخوندی مافی خەڵکی ئێران و چینی لاوان بە تایبەتی دەستەبەر ببێت.
لاوانی ئازادیخوازی کوردستان ،ڕۆژی جیهانی لاوان بیرۆکەی کۆمەڵێک لاوی وڵاتی ئۆتریشە و لە ساڵی 1991 کۆڕی جیهانی لاوان داوایکرد ڕۆژەکە رابگەیەنرێت و دوای هەشت ساڵ لە 1999 دا 12 ئۆگۆست بە فەرمی وەک رۆژی جیهانی لاوان دیاریکرا و ئەمەش رۆژێکی مێژوویی بوو بۆ گشت لاوانی جیهان.
لاوان لە گشت وڵاتانی دونیا هێزی لە بن نەهاتوون و چینێکی گرینگ و هەڵسووڕی کۆمەڵگاکەیانن و داینەمۆ و وزەی گەڕان و بەردەوام بوونی ژیانن ، بەڵام بەداخەوە لە کوردستانی ئێران بە هۆی سیاسەتە دواکەوتووەکانی رژێمی داگیرکەری ئاخوندی دژ بە لاوان زۆربەی لاوان بە لاڕێدا دەبرێن و ئاسمیلە دەکرێن و رژێم بە سیاسەتە چەپەلەکانی خۆی هەوڵی لەبار بردنی ئەو وزە و پوتانسیلە لەبن نەهاتووەی گۆران لە ناو کۆمەڵگا دەدا. لە کوردستان و ئێران بە هەزاران لاوان گیرۆدەی ئیعتیاد و فەساد و بێکاری و هەلاوسانی ئابووری و دەیان نەهامەتی دیکە بوونەتەوە.. . ، رێکخراوی لاوان لە بڕوایەدایە بە بێ لە ناوچوونی رژێمی دیکتاتۆری ئاخوندی ئەستەمە لاوان بگەنە مافەکانیان.
رێکخراوی لاوانی خەباتی کوردستانی ئێران جارێکی تر پیرۆزبایی خۆی پێشکەش بە سەرجەم لاوانی جیهان و ئێران بەگشتی و کوردستان بەتایبەتی دەکات و داواکاری یەکڕیزی و یەک دەنگین لە گشت رێکخراوەکانی لاوانی کوردستانی ئێران بۆ گەیشتن بە مافەکانمان و هیوادارین کە لە داهاتوویەکی نزیکدا ئەم یادە لە خاک و نیشتمانی خۆمان بکەینەوە.
رێکخراوی لاوانی خەبات ی کوردستانی ئێران
دەستەی بەرێوەبەری
12ی ئۆگۆستی 2015

زیاتر لە 9 ملیۆن نەخوێندەوار لە ئێران بوونی هە یە

لە نوێترین راپۆرتی بانکی ناوەندی رژێمی ئاخوندی پشتراست کراوەتەوە کە زیاتر لە 9 ملیۆن نەخوێندەوار لە ئێران بوونیان هەیە. بە پێی راپۆرتی هەواڵدەرییەکان، بانکی ناوەندی رژێمی ئاخوندی رۆژی دووشەممە 5ی گەلاوێژ بە بڵاوکردنەوەی راپۆرتێک رایگەیاند کە، 11.2، لەسەد لە کەسانی شەش ساڵ بۆ سەرەوە لە ئێران نەخوێندەوارن کە هیچ سەوادێکیانه نهییە. یەک نیو لەسەد تەنیا دەتوانن بخوێنن و بنووسن، 21 لەسەد مەدرەکی سەرەتاییان هەیە و نزیک بە 43 لەسەد خاوەنی مەدرەکی ناوەندین و 22 لەسەد خوێندنی زانکۆیان هەیە. هەر بە پێی ئەم راپۆرتە، عەلی باقرزادە بەرێوەبەری نێهزەتی سەوادئامووزی، رێژەی ئەو کەسانەی کە هیچ سەوادێکیان نییە 9 ملیۆن و 456 هەزار کەس راگەیاندووە و وتی، منداڵانی کرێکار، منداڵانی کەمئەندام و بێ سەرپەرستان ئەو کەسانەن کە ناتوانن لە ئێران بخوێنن.

بەردەوامیی کوژرانی لاوانی کورد لەنێو گرووپی داعشدا

لاوێکی خەڵکی شاری سنە کە بە مەبەستی بەشداریی لەچالاکییەکانی گرووپی چەکداریی داعش رووی لەو ناو ئەو رێکخراوەیە کردبوو، لەشەڕ و تێکهەڵچوونێکدا کوژراوە. بەپێی راپۆرتی هەواڵدەریی کوردپا، لاوێکی خەڵکی ئاوایی "ئاساوڵە"ی سەر بە شاری سنە کە پەیوەست بە گرووپی داعش ببوو لەناوچەکانی ژێر دەسەڵاتی ئەو رێکخراوەیەدا لەسووریە کوژراوە. لەو بارەیەوە سەرچاوەیەکی ئاگادار شوناسی ئەو لاوە کوردەی " محەممەدی" راگەیەندووە و ئەوەشی خستەڕوو کە ئەو لاوە سنەییە رێکەوتی ٧ی گەلاوێژ کوژراوە. پاش تێپەڕینی نزیک بە دوو ساڵ لەسەرهەڵدانی چالاکییەکانی داعش لەعێراق و سووریە، ژمارەیەکی بەرچاو لەلاوانی کوردستانی ئێران پەیوەست بەو رێکخراوەیەوە بوون و ژمارەیەکیشیان کوژراون.

یاریزانێکی مێرمنداڵی کورد پێشەنگی تۆرنۆمنتی ٢٠ ١٥ی نوروێژ

مێرمنداڵێکی کوردلە تۆرنۆمێنتی( یاری چەند لایەن) کاپی ٢٠ ١٥ کە لە وڵاتی نوروێژ بەڕێوەدەچێت، وەکوو باشترین یارێزان دەست نیشان کرا. بەپێی راپۆرتی هەواڵدەریی کوردپا،تیمی مێرمنداڵانی تەمەن ژێر ١١ ساڵی ئێران لەگەڵ دوو تیم لە کاپی نوروێژ بەشداری کردبوو، توانی لە دوو یاری جیاوازدا لە بەرامبەر تیمی نوروێژ سەرکەوتن بە دەست بهێنێت. تیمی مێرمنداڵانی ئێران لە یاری یەکەم توانی ١٦گوڵ و لە یاری دووهەم ١٥گوڵ تۆمار بکات. لە کۆتایی ئەو یارییانەدا، یادگار رۆستەمی یاریزانی کوردی خەڵکی شاری مەریوان بە تۆمارکردنی ٨گوڵ وەکوو یەکێک لە باشترین گوڵکارەکانی ئەو کێبڕکێیە هەڵبژێردرا. یارییەکانی کاپی نوروێژ ، بە گەوەرترین تۆرنۆمێنت فووتباڵ دونیا دێتە ئەژمار، بەبەشداری ٥٢وڵات، ١٦٣٩تیم ٣٢هەزار تماشاچی بەشدرابووی هەیە ئێستا لە وڵاتی نوروێژ بەرێوە دەچێت. مێهدی مەهدەوی‌کیا بەپرسی هەڵبژاردنی مێرمنداڵانی ژێر ١١ ساڵی ئێران، نازناوی "مێسیی ئاسیا'ی بە یادگار رۆستەمی بەخشی. یادگار رۆستەمی قوتابیی قۆناخی پێنجەمی سەرەتایی و خەڵکی گوندی "ساواجێ" سەربە ناوچەی خاومیرئاوای مەریوانە.

سه‌ره‌تا 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49

دوایین هەواڵەکان

پەیامی دەستەی بەڕێوەبەری بەبۆنەی ۱۱بانەمەڕ، ساڵڕۆژی دامەزراندنی رێکخراوی لاوانی خەبات

لاوانی خه‌بات

1 ساڵ و 2 مانگ و 25 ڕۆژ و 23 کاتژمێر و 11 خوله‌ک له‌مه‌وپێش‌

ژنانی بوێر سەمبولی خۆڕاگری و مزگێنیدەری ئازادین

ڕێکخراوی لاوانی خەباتی کوردستانی ئێران

1 ساڵ و 4 مانگ و 7 ڕۆژ و 16 کاتژمێر و 27 خوله‌ک له‌مه‌وپێش‌

ڕاگەیندراوی ڕێکخراوی لاوانی خەبات, بەبۆنەی ۸ی مارس ڕۆژی جیهانی ژنان

ڕاگەیندراوی ڕێکخراوی لاوانی خەبات

1 ساڵ و 4 مانگ و 19 ڕۆژ و 16 کاتژمێر و 2 خوله‌ک له‌مه‌وپێش‌

ڕاگەیندراوی ڕێکخراوی لاوانی خەبات بەبۆنەی ڕۆژی زمانی زگماگی

1 ساڵ و 5 مانگ و 6 ڕۆژ و 6 خوله‌ک له‌مه‌وپێش‌

محەممەد مێهدی کەرمی و محەممەد حوسەینی لەسێدارەدران

لاوانی خه‌بات

1 ساڵ و 6 مانگ و 17 ڕۆژ و 23 کاتژمێر و 13 خوله‌ک له‌مه‌وپێش‌

ڕاگەیندراوی ڕێکخراوی لاوانی خەبات بەبۆنەی ڕۆژی پێشمەرگەی سازمانی خەبات

لاوانی خه‌بات

1 ساڵ و 8 مانگ و 25 ڕۆژ و 18 کاتژمێر و 37 خوله‌ک له‌مه‌وپێش‌

٢٩هەمین رۆژی شۆرشی ژینا و کاردانەوە جیهانیەکان

1 ساڵ و 9 مانگ و 9 ڕۆژ و 19 کاتژمێر و له‌مه‌وپێش‌

لێره‌‌‌ ده‌‌‌رباره‌‌‌ی خۆتان بنووسن به کورتی

٢/ لینکی یوتوب

٣/ لینکی تویته‌‌‌ر