lawan

ڕێکخراوی لاوانی خه‌باتی کوردستانی ئێران
Iranian Kurdistan Khabat Youth Organization

ژنه‌ گه‌شتیارێکی‌ به‌ریتانی‌ له‌ ترسی‌ ئه‌وه‌ی‌ له‌ لایه‌ن چه‌ند که‌سێکه‌وه‌ ده‌ستدرێژی‌ سێکسی‌ نه‌کرێته‌ سه‌ر، له‌ په‌نجه‌ره‌ی‌ هوتێلێکه‌وه‌ خۆی‌ فڕیده‌داته‌ خواره‌وه‌.

ژنێکی کورد لە شاری تاران کۆتایی بەژیانی خۆی هێنا

ژنێکی تەمەن ٢٣ ساڵی خەڵکی شاری مەهاباد لە ئەنجامی خۆکوژیدا گیانی لەدەست دا.
بەپێی هەواڵی ئاژانسی هەواڵدەریی کوردپا، شەوی یەکشەممە رێکەوتی ٢٧ی رەشەمە ژنێک بەناوی" سه‌یران عیسەوی" کچی عه‌لی و خەڵکی شاری مەهاباد لە شاری تاران کۆتایی بەژیانی خۆی هێنا.
تەمەنی ٢٣ ساڵ و خاون منداڵێکی ٤ ساڵ تەمەن بووە و ماوەی مانگ و نیوێک پێش ئێستا لە هاوسەرەکەی جیا ببۆوە کە هەتا کاتی بڵاوبوونەوەی ئەم هەواڵە چۆنیەتی خۆکوشتنی ناوبراو نەزانراوە.

پەیامی ناوەندی لاوانی خەباتی کوردستانی ئێران بەبۆنەی 25مین ساڵرۆژی کیمیا بارانکردنی هەڵبجە

بەداخەوە لە رۆژی شەممە رێکەوتی 16ـ3 ـ 1988 کاتژمێر 11:30 دەقیقەی پێش نیوەرۆ رژێمی گۆربەگۆری بەعس کیمیابارانی شاری خۆشەویستی هەلەبجەی کرد و بەهەزاران منداڵ و ژن و لاو و پیریان شەهید و بریندار کرد و ئەوانەی کە ئێستا لە کارەساتەکە دەربازیان بووە لەحالەتێکی دەروونی خراپدان . بە بیستنی کیمیابارانکردنی هەڵبجە بە جارێک خەم و پەژارە هەموو تاکێکی بەویژدان و نیشتمان پەروەری تاساند. ئەگەر چی 25 ساڵ بەسەر تێپەربوونی ئەم کارەساتە دڵتەزێندا تێدەپەرێت بەلام پانتایی ئەو جینایەتە وای کردووە زام و ئازارەکانی هێشتا لەبیر نەکرێن و ساڵ بەدوای ساڵ ئەم زامە لە سەر جەستەی میللەتی کورد نوێ‌ دەبێتەوە. ناوەندی لاوانی خەباتی کوردستانی ئێران بەم بۆنەوەیە درود و سڵاو بۆ گیانی پاکی شەهیدانی کوردستان بەگشتی وشاری هەلبجە بەتایبەتی دەنێرین و هیوادارین برینداران بەزووترین کات چارەسەر بکرێن و ئاورێکی جیدی لە کەس و کاری قوربانیان بدرێتەوە. ناوەندی لاوانی خەباتی کوردستانی ئێران دەستەی بەرێوەبەری 26 ی ڕشەمەی 1391

بەرێوەچوونی یەکەم کۆری گشتی ناوەندی لاوانی خەباتی کوردستانی ئێران

سەرلە بەیانی رۆژی هەینی رێکەوتی 24ی رەشەمەی 1391 لە بارەگای ناوەندی لاوانی خەبات بە ئامادەبوونی بەرپرسی یەکەم و ئەندامانی دەستەی بەرێوەبەری و کادر و ئەندامانی ناوەندی لاوان یەکەمین کۆری گشتی ناوەندی لاوان بەرێوە چوو.
سەرەتای کۆبوونەوەکە بە دەقیقەیێک بێ دەنگی بۆ رێز گرتن لە روحی پاکی شەهیدانی هەلەبجە و سەرجەم شەهیدانی کوردستان دەستی پێکرد.
لەپاشاندا بەرێز کاک فوئاد جەعفەری بەرپرسی یەکەمی ناوەندی لاوانی خەبات راپۆرتێکی گشتی لەسەر بارودۆخی ناوچەکە و ئێران کوردستان بەگشتی و کارو چالاکیەکانی ناوەندی لاوان لە 6 مانگی رابردوو تا ئێستای پێش کەش کرد.

هیندستان: بەبەرچاوی هاوسەرەکەیەوە، چوار کەس دەستدرێژی دەکەنە سەر ژنێکی سویسری

ئەمڕۆ شەممە پۆلیسی هیندستان ئاشکرایکرد، کە چوار کەس دەستدرێژی سێکسیان کردوەتە سەر ژنە گەشتیارێکی سویسری بە بەرچاوی هاوسەرەکەیەوە.
بەپێی بەیاننامەیەکی پۆلیسی ئەو وڵاتە، روداوەکە شەوی رابردو لە ویلایەتی (مادهیا برادش) لە ناوەڕاستی هیندستان رویداوە لە کاتێکدا ئەو ژنە سویسریە و هاوسەرەکەی لە چاردگەیەکدا پشویان داوە.
ئاماژە بەوەشدراوە: لە روداوەکەدا (7) کەس هێرشیان کردوەتە سەر ئەو ژن و پیاوە و چواریان دەستدرێژی سێکسیان کردوەتە سەر ژنەکە، ئەمە جگە لەوەی سەرجەم کەلوپەلەکانیان دزیون و لەئێستاشدا ژنەکە لە نەخۆشخانەیە و هیچ کەسێکیش بەو تۆمەتە دەستگیرنەکراوە.

رێکخراوی نه‌ته‌وه‌ یه‌کگرتووه‌کان راگه‌یندراوی قه‌ده‌غه‌بوونی توندوتیژی دژی ژنانی په‌سه‌ند کرد

وه‌لاتانی موسڵمان و رۆژئاوایی راگه‌ێنداروێکی نوێیان له‌ رێکخراوی نه‌ته‌وه‌ یه‌کگرتووه‌کان په‌سه‌ند کرد که‌ به‌ پێی ئه‌و دژی توندوتیژی ژنان و کچان به‌به‌رکانێ ده‌کرێ. به‌ پێی راپۆرتی هه‌واڵده‌رییه‌کان ئه‌و راگه‌ێندراوه‌ به‌ کۆی ده‌نگی کومیسیۆنی سازمانی نه‌ته‌وه‌کان سه‌باره‌ت به‌ دۆخی ژنان په‌سه‌ند کراوه‌. ئه‌و راگه‌ێندراوه‌ ده‌ڵێ توندوتیژی دژی ژنان نابێ به‌ پێی هیچ داب و نه‌ریت و تێبینیه‌کی مه‌زه‌هه‌بی فه‌رامۆش بکرێ. واتیکان، ئێران و روسیه‌ له‌و وه‌لاتانه‌ن که‌ ده‌نگی موسبه‌تیان به‌و گه‌لاڵه‌یه‌ داوه‌. میسر رایگه‌یاندووه‌ که‌ ئه‌و راگه‌ێندراوه‌ ده‌بێته‌ هۆی رووخانی کۆمه‌ڵگا.

٢ هاووڵاتیی کورد له‌ شاری ورمێ ده‌ستبه‌سه‌ر کران

هێزه‌ ئیتلاعاتیه‌کانی شاری ورمێ، ٢ هاووڵاتیی خه‌ڵکی ئه‌و شاره‌یان به‌هۆیه‌کی ناروون ده‌ستبه‌سه‌ر و بۆ شوێنێکی نادیاریان راگواستووه‌. به‌پێی هه‌واڵی هه‌واڵده‌ریی کوردپا، چه‌ند رۆژ پێش ئێستا ٢ هاووڵاتیی به‌ناوه‌کانی "حه‌سه‌ن جه‌لالی" ناسراو به‌(حه‌سه‌ن ماکۆیی) و "خالس عه‌بدی" ته‌مه‌ن ٣٩ ساڵ و کوڕی محه‌ممه‌د و خه‌ڵکی شاری ورمێ، له‌لایه‌ن هێزه‌ ئیتلاعاتییه‌کانی حکوومه‌تی ئیسلامیی ئێرانه‌وه‌ ده‌ستبه‌سه‌ر کران. هه‌تا کاتی بڵاوبوونه‌وه‌ی ئه‌م هه‌واڵه‌ سه‌ره‌رای بدواداچوونی بنه‌ماڵه‌ی ئه‌و هاووڵایانه‌ له‌مه‌‌ڕ چاره‌نووسی رۆڵه‌که‌یان، هیچ زانیارییه‌ک له‌مه‌‌ڕ هۆکاری ده‌ستبه‌سه‌ر کردن و شوێنی راگیرانی ئه‌و هاووڵاتییه‌ کوردانه‌ له‌به‌ر ده‌ستدا نییه‌.

چاره‌نوسی چالاکێکی خوێندکارێ کورد نادیاره‌

له‌دوای تێپه‌رینی ١٠ رۆژ به‌سه‌ر گیرانی چالاکێکی خوێندکاری و مه‌ده‌نی له‌ چاره‌نووسی هیچ زانیاریێک نییه‌. به‌ پێی راپۆرتی ماڵپه‌ری خوێندکار چاره‌نووسی مه نوچێر پووردڵ نووسه‌ر و وه‌رگیری کورد نادیاره‌. ناوبارو خوێندکاری زانسته‌ سیاسیه‌کانی زانستگای ورمێ بوو که‌ له‌ لایه‌ن هێزه‌ ئه‌منیه‌تیه‌کانه‌وه‌ له‌ زانستگا ده‌رکرا. مه‌نوچیر پووردڵ ١٦ی ئه‌شه‌ممه‌ له‌شاری مه‌هاباد وێرای چه‌ند چالاکێکی مه‌ده‌نی ده‌ستبه‌سه‌ر کراوه‌ و تا ئێستا نه‌زانراوه‌ له‌کوێ راگیراوه‌.

ته‌مه‌نی ئیعتیاد له‌ ئێران گه‌یشتووه‌ته‌ ١٠ ساڵیی

به‌ پێی راپۆرتی هه‌واڵده‌ری حکومه‌تی مێهر، کارناسێکی پێشگیری له‌ ئێعتیاد رایگه‌یاند، ته‌مه‌نی به‌ کارهێنه‌رانی ماده‌ هۆشبه‌ره‌کان له‌ ئێستادا گه‌یشتووه‌ته‌ ١٠ ساڵی و ئه‌مه‌ ده‌توانێت مه‌ترسیێکی گه‌وره‌ بێت بۆ نه‌وه‌ی لاوان، مه‌حه‌مه‌د دیهقان وتی، له‌ ساڵی ٨٤ دوو له‌سه‌ر سێی ماده‌ی به‌کارهێنراو له‌ ده‌ره‌وه‌ی ولات ده‌هات، به‌لام ئێستا به‌شێکی زۆری ئه‌و مه‌واده‌ له‌ ناوخۆی ئێران درووست ده‌کرێت و نیوه‌ی تووشبووانی ئێمی کراک و هێرۆئین به‌ کار ده‌هێنن، دێهقان وتی، له‌ ئێستادا یه‌ک میلیون مۆعتاد له‌ ئێران بوونی هه‌یه‌ که‌ هه‌ر دوو کاتژمێر مۆعتادێک ده‌مرێت.

کچە خوێندکارێک لە کرماشان پاش ئازاد کران لە زیندان خۆی کوشت

کچە خوێندکارێکی خەڵکی "شاه ئاباد"ی کرماشان، پاش ئازاد کران لە زیندانی ئیدارەی ئیتلاعاتی رژێمی ئێران، کۆتایی بەژیانی خۆی هێنا.

خەڵکی "شیناوێ" بۆ هەڵ کردنی ئاگری نەورۆز لە نزیک قوتابخانە سووتاوەکە، رێگرییان لێ دەکرێت

لە کاتێکدا کە خەڵکی گوندی شیناوێ خۆیان بۆ هەڵ کردنی ئاگری نەورۆز لە نزیک قوتابخانە سووتاوەکەی ئەو گوندە ئامادە کردبوو، هێزە ئیتلاعاتیەکانی حکوومەتی ئیسلامیی ئێران لەمەڕ بەێوەبردنی ئەو رێوڕەسمە هەڕەشەیان لە هاووڵاتیانی ئەو گوندە کرد.
بەپێی هەواڵی ئاژانسی هەواڵدەریی کوردپا، ئەمڕۆ پێنجشەممە رێکەوتی ٢٤ی رەشەممە چەند کەس لە هاووڵاتیانی گوندی شیناوێ بانگهێشتی حیفازەت ئیتلاعاتی شاری پیرانشار کراون و پێیان راگەیەندراوە کە بۆیان نییە بەهێچ جۆرێک بۆ بەڕێوەبردنی جەژنی نەورۆز کۆببنەوە.

راگەیاندراوی هەڵسووڕاوانی ژن و رێکخراوەکانی ژنانی رۆژهەڵاتی کوردستانسەبارەت بە خۆسووتاندنی کچێکی تەمەن 13 ساڵ لە مەریوان

هەواڵی خۆسووتاندنی پەریا رەحمەتی کچە منداڵێکی تەمەن 13 ساڵی خەڵکی شاری مەریوان یەکێک لە دڵتەزێنترین رووداوەکان بوو کە لە چەند رۆژی رابردوودا هەمووانی تووشی خەم وپەژارە کرد.خۆسووتاندنی ژنان و کچان یەکێک لەو خەسارە کۆمەڵایەتیانەیە کە لە ئێران بە گشتی و کوردستان .
بە تایبەتی بە رادەیەکی بەرچاو پەرەی سەندووە. لە هەمووی دڵتەزێنتر ئەوەیە کە تەمەنی خۆسووتاندن دابەزیوە بۆ ئاستی 13 ساڵ کە ئەمەش مەترسییەکی جیدییە کە دەبێت لەبەرامبەریدا کەمتەرخەم نەبین.

رێکخراوی‌ منداڵان رزگار بکه‌ن: له‌ سوریا منداڵان به‌ سه‌رباز ده‌کرێن

رێکخراوێکی‌ نێوده‌وڵه‌تی‌ تایبه‌ت به‌ به‌رگریکردن له‌ منداڵ له‌ راپۆرتێکی‌ تازه‌یدا ئاماژه‌ به‌وه‌ ده‌کات، به‌هۆی‌ به‌رده‌وامبوونی‌ شه‌‌ڕ له‌ سوریا، ژماره‌یه‌کی‌ زۆری‌ منداڵ به‌ سه‌رباز ده‌کرێن.

میسرØ› توندوتیژیه‌کان‌ سه‌ریهه‌ڵدایه‌وه‌و ژماره‌یه‌ک خۆپیشانده‌ریش کوژران

بڕیاری‌ دادگای‌ میسر بۆ سه‌پاندنی‌ سزای‌ له‌سێداره‌دان به‌سه‌ر ٢١ که‌س له‌تۆمه‌تبارانی‌ روداوی‌ یاریگه‌که‌ی‌ پۆڕسه‌عید ناڕه‌زایه‌تی‌ لێده‌که‌وێته‌وه‌‌و به‌هۆی‌ پێکدادانه‌وه‌ له‌گه‌ڵ هێزه‌کانی‌ پۆلیس دو که‌س ده‌کوژرێن‌و نۆ که‌سی‌ دیکه‌ش بریندار ده‌بن. دوای‌ ده‌رچونی‌ حوکمی‌ له‌سێداره‌دان بۆ ٢١ که‌س له‌تۆمه‌تبارانی‌ روداوی ‌"ره‌شه‌کوژییه‌که‌ی‌ پۆرسه‌عید" شه‌پۆلێک ناڕه‌زایه‌تی‌‌و توندوتیژی‌ له‌هه‌ردو شاری‌ قاهیره‌ی‌ پایته‌خ‌و پۆرسه‌عد له‌میسر ده‌ستیپێکرده‌وه‌. به‌وته‌ی‌ سه‌رچاوه‌ پزیشکییه‌کان له‌میسر، به‌هۆی‌ گازی‌ فرمێسکڕێژه‌وه‌ که‌ له‌لایه‌ن هێزه‌ ئه‌منییه‌کانه‌وه‌ به‌کارهێنراوه‌، دو خۆپیشانده‌ر له‌ناوچه‌ی‌ که‌ناری‌ نیل له‌قاهیره‌ی‌ پایته‌خت کوژراون‌و نۆ که‌سی‌ دیکه‌ش برینداربون.

لە هەر کاتژمێرێکدا ١٦ حاڵەتی تەڵاق لە ئێران تۆمار دەکرێت

لە هەر کاتژمێرێکدا ١٦ ژن و مێردی ئێرانی لە یەک جیا دەبنەوە و کارناسانی کاروباری کۆمەڵایەتی ئاماری چوونەسەرێی تەڵاقیان لەو وڵاتە بە "بوومەلەرزەی شاراوە" وەسف کردووە.

لە سەوڵاوا هاووڵاتییەک بەهۆی کەمیی ئیمکاناتی پزیشکییەوە گیانی لەدەست دا

هاووڵاتییەک لە شاری سەوڵاوا بەهۆی کەمیی ئیمکاناتی پزیشکییەوە لە نەخۆشخانەی ئەو شارە گیانی لەدەست دا.
بەپێی راپۆرتی ئاژانسی هەواڵدەریی کوردپا، رێکەوتی ١٨ی رەشەممە هاووڵاتییەک بەناوی "فەتاح" بەهۆی کەمیی ئیمکاناتی پزیشکی و کادری شارەزا و پسپۆڕ لە نەخۆشخانەی شاری سەوڵاوا ژیانی خۆی لەدەست دا.
ئەو هاووڵاتییە کوردە خەڵکی گوندی "گۆشخانی"ی سەربە شاری سەوڵاوا بووە کە بەهۆی تەنگە نەفەسی و نەبوونی کەپسوولی "ئۆکسیژن" لە ناوەندی دەرمانیی شاری سەوڵاوا گیانی لەدەست داوە.

چالاکێکی خوێندکاری لە مەریوان بانگهێشتی ئیدارەی ئیتلاعات کرا

یەکێک لە چالاکانی پێشووی خوێندکاریی شاری مەریوان لەلایەن ئیدارەی ئیتلاعاتی ئەو شارەوە بانگهێشت کرا.
بەپێی هەواڵی ئاژانسی هەواڵدەریی کوردپا، سەرلە بەیانیی ئەمڕۆ یەکشەممە ئیدارەی ئیتلاعاتی شاری مەریوان لە پەیوەندییەکی تەلەفۆنیدا بە "عوبەید زارعی"یان راگەیاندووە کە خۆی بە ئیدارەی ئیتلاعاتی ئەو شارە بناسێنێت.

ژنێکی تەمەن ٣٠ ساڵ لە ناوچەی سەوڵاوا کوژرا

ژنێکی تەمەن ٣٠ ساڵ لە ناوچەی "سەوڵاوا" بەدەستی باوکی خۆی گیانی لێ ئەستێندرا.

کچێک لە شاری سەردەشت کۆتایی بە ژیانی خۆی هێنا

کچێکی تەمەن ١٨ ساڵ لە شاری سەردەشت دەستی دایە خۆکوژی و لە ئەنجامدا گیانی لەدەست دا.

سه‌ره‌تا 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49

دوایین هەواڵەکان

پەیامی دەستەی بەڕێوەبەری بەبۆنەی ۱۱بانەمەڕ، ساڵڕۆژی دامەزراندنی رێکخراوی لاوانی خەبات

لاوانی خه‌بات

1 ساڵ و 2 مانگ و 26 ڕۆژ و 2 کاتژمێر و 47 خوله‌ک له‌مه‌وپێش‌

ژنانی بوێر سەمبولی خۆڕاگری و مزگێنیدەری ئازادین

ڕێکخراوی لاوانی خەباتی کوردستانی ئێران

1 ساڵ و 4 مانگ و 7 ڕۆژ و 20 کاتژمێر و 4 خوله‌ک له‌مه‌وپێش‌

ڕاگەیندراوی ڕێکخراوی لاوانی خەبات, بەبۆنەی ۸ی مارس ڕۆژی جیهانی ژنان

ڕاگەیندراوی ڕێکخراوی لاوانی خەبات

1 ساڵ و 4 مانگ و 19 ڕۆژ و 19 کاتژمێر و 38 خوله‌ک له‌مه‌وپێش‌

ڕاگەیندراوی ڕێکخراوی لاوانی خەبات بەبۆنەی ڕۆژی زمانی زگماگی

1 ساڵ و 5 مانگ و 6 ڕۆژ و 3 کاتژمێر و 43 خوله‌ک له‌مه‌وپێش‌

محەممەد مێهدی کەرمی و محەممەد حوسەینی لەسێدارەدران

لاوانی خه‌بات

1 ساڵ و 6 مانگ و 18 ڕۆژ و 2 کاتژمێر و 50 خوله‌ک له‌مه‌وپێش‌

ڕاگەیندراوی ڕێکخراوی لاوانی خەبات بەبۆنەی ڕۆژی پێشمەرگەی سازمانی خەبات

لاوانی خه‌بات

1 ساڵ و 8 مانگ و 25 ڕۆژ و 22 کاتژمێر و 14 خوله‌ک له‌مه‌وپێش‌

٢٩هەمین رۆژی شۆرشی ژینا و کاردانەوە جیهانیەکان

1 ساڵ و 9 مانگ و 9 ڕۆژ و 22 کاتژمێر و 37 خوله‌ک له‌مه‌وپێش‌

لێره‌‌‌ ده‌‌‌رباره‌‌‌ی خۆتان بنووسن به کورتی

٢/ لینکی یوتوب

٣/ لینکی تویته‌‌‌ر