سه‌ره‌تا   په‌یوه‌ندی
XEBATMEDIA |      

lawan


ڕێکخراوی لاوانی خه‌باتی کوردستانی ئێران
Iranian Kurdistan Khabat Youth Organization
         
ناره‌زایه‌تی به‌رینی خه‌ڵک له‌ شاره‌کانی سنه‌، تاران و بێهبه‌هان
به‌ پێی راپۆرتی هه‌واڵده‌رییه‌کان، سه‌دان که‌س له‌ شارۆمه‌ندانی سنه‌یی جۆمعه‌ شه‌و نه‌خوتن و پێشیان به‌ به‌رێوه‌ چوونی حوکمی ئێعدامی لاوێک له‌ زیندانی سنه‌ گرت. جێگه‌ی باسه‌ که‌ خه‌ڵک به‌ وتنی دروشم به‌ جینایه‌تکارانیان راگه‌یاند که‌ چیتر ناهێڵین رۆڵه‌کانمان له‌ سێداره‌ بده‌ن. هه‌روه‌ها رۆژی شه‌ممه‌ ٥ی رێبه‌ندان زیاتر له‌ ٤٠ ٠  کرێکاری شیرکه‌تی ئێران تایه‌ر بۆ پێنجه‌مین رۆژ له‌ ناره‌زایه‌تی به‌ ده‌ر کردنی ٨٠  کرێکار له‌ سه‌ر کاره‌کانیان ده‌ستیان له‌ کار کێشایه‌وه‌ و مانیان گرت. به‌ پێی ئه‌م راپۆرته‌ مانگرتنی کرێکارانی شاره‌داری بێهبه‌هان رۆیشته‌ ناوو سێومین حه‌فته‌ی خۆی. ئه‌وان له‌ ناره‌زایه‌تی به‌ نه‌دانی ٧ مانگ حه‌قده‌ستی خۆیان ده‌ستیان داوه‌ته‌ مانگرتن.
هێزە ئیتلاعاتییەکان هاووڵاتییەکی خەڵکی مەهابادیان دەستبەسەر کرد
لە درێژەی رەوتی دەستبەسەر کردن و لێپرسینەوە لە هاووڵاتییانی کورد، هێزە ئیتلاعاتییەکان هاووڵاتییەکی خەڵکی شاری مەهابادیان دەستبەسەر کرد. بەپێی راپۆرتی هەواڵدەریی کوردپاØ› کامران ئەمینی، کوڕی محەممەد و دانیشتووی شاری مەهاباد لەلایەن هێزە ئیتلاعاتییەکانی حکوومەتی ئێرانەوە لە ماڵی خۆیاندا دەستبەسەر و بۆ شوێنیکی نادیار راگوێزرا. سەرچاوەیەکی ئاگادار راگەیاندØ›کامران ئەمینی، کە رۆژی چوارشەممەی رابردوو رێکەوتی ٢ی رێبەندان دەستبەسەر کراوە، چەند رۆژ پێشتر لەلایەن هێزە ئیتلاعاتییەکانەوە هەڕەشەی دەستبەسەر کرانی لێکرابوو. سەرچاوەکە گوتیشی، کامران ئەمینی دووکانی چاپ و کۆپی هەبووەو لەکاتی دەستبەسەر کرانیدا لەلایەن هێزە ئیتلاعاتییەکانەوە دراوەتە بەر لێدان و سووکایەتی پێکردن. دەگوترێت، هێزە ئیتلاعاتییەکان هۆکاری دەستبەسەر کرانی "کامران ئەمینی"یان بۆ هاوکاری لەگەڵ یەکێک لە حیزبە کوردییەکانی ئۆپۆزیسیۆنی حکوومەتی ئێران گەڕاندۆتەوە، بەڵام هەتا ئێستا سەرەڕای بەدواداچوونی بنەماڵەکەی، شوێنی راگیرانی ناوبراو نەزانراوە.
قوتابیانی مەریوانی بەنیشانەی هاودەردەی لەگەڵ "ماهان" سەری خۆیان تاشی
قوتابیانی مەریوانی دوابەدوای هەڵوێستی مامۆستای کوردی قوتابخانەی شێخ شەڵتووتی مەریوان لەمەڕ هاودەردی لەگەڵ قوتابییەکەی تووشبوو بە شێرپەنجە، سەرجەم قوتابیانی پۆلی دووەمی سەرەتایی ئەو قوتابخانەیە سەری خۆیان تاشی. بەپێی هەواڵی هەواڵدەریی کوردپا، قوتابیانی مامۆستا محەممەدعەلی‌محەممەدیان لە مەریوان هەڵوێستێکی ئینسانیان لەخۆیان نیشان داو هاودەردی خۆیان لەگەڵ هاوپۆلەکەیان "ماهان" دەربڕی. ماوەیەک لەمەوبەریش مامۆستا محەممەد بەنیشانەی هاودەردی لەگەڵ "ماهان" سەری خۆی تاشی و لەتۆڕە کۆمەڵایەتییەکاندا بڵاوی کردبوویەوە. ئەو مامۆستا کوردە نووسیبووی: " سەری من و ماهان بە قژە سەر حەساسە" و هەر بۆیە منیش تاشیومە. بەوتەی کەسانی ئاگادار، سەرەڕای ئەوەی مامۆستا محەممەد عەلەی محەممەدی داوای لەقوتابیان کردووە کە بەو وەرزەی سەرمایە سەری خۆیان نەتاشن و ئەگەری ئەوە هەیە تووشی نەخۆشی ببن، بەڵام قوتابیان هاودەردی لەگەڵ هاوپۆلەکەیان بۆ گرینکتر بووە و سەری خۆیان تاشیوە. محەممەد عەلی محەممەدیان خەڵکی شاری مەریوانە و زیاتر لە ٢٠  ساڵ پێشینەی وانە وتنەوەی لە قوتابخانەکاندا هەیە و زۆربەی تەمەنی مامۆستایەتیشی لە گوندەکان بەسەر بردووە. بەپێی ئاماری بەشی تەندروستی زانکۆی زانستە پزیشکییەکانی ئوستانی کوردستان، لەحاڵی حازردا یەک هەزار و ٥٢٨ تووشبووی شێرپەنجە لەئوستانی کوردستان‌دا هەیە.
سالۆنی وەرزشیی ژنانی جوانرۆ داخرا و کرایە مۆبڵ فرۆشی
ساڵۆنی وەرزشیی "حیجاب" تایبەت بە وەرزشی کچان و ژنان لە شاری جوانڕۆ داخرا و شوێنەکەشی کرایە فرۆشگەی مۆبڵ فرۆشی
خوکوژی و گیان لەدەست دانی گوماناویی ٦ هاووڵاتی لە سێ رۆژی رابردوودا
ئاماری خۆکوژیی و کوشتن بە دەستی کەسووکار لە ناوچە کوردنشینەکانی ئێران بەشێوەیەکی سەرسووڕهێنەر رووی لە زیادبوون کردووە و لە ماوەی ٣ رۆژی رابردوودا چەندین حاڵەتی خۆکوژی و گیان لەدەست دانی گوماناوی رووی داوە.
٥٠  له‌سه‌دی ته‌لاقه‌کان له‌ ئێران هۆکاره‌که‌ی ئێعتیاده‌
به‌ پێی راپۆرتی هه‌واڵده‌رییه‌کان، به‌ پێی راپرسیێکی به‌رێوه‌ چوو، به‌ داخه‌وه‌ ٢٠  له‌ سه‌دی گیرۆده‌ بووان به‌ مه‌وادی موخه‌در لیسانس و ٧٠  له‌سه‌دیان دیپلۆمن. هه‌روه‌ها ٤٦ له‌سه‌دی زیندانیان ئه‌وانه‌ن که‌ راسته‌وخۆ په‌یوه‌ندییان به‌ مه‌وادی مۆخه‌ده‌ره‌وه‌ هه‌یه‌ و ٢٥ له‌سه‌دیان ناراسته‌وخۆ په‌یوه‌ندییان به‌ و مه‌واده‌وه‌ هه‌یه‌. به‌ پێی ئه‌م راپۆرته‌ وه‌زیری ولات به‌ راگه‌یاندنی ئه‌وه‌ی که‌ ٦٣ له‌سه‌دی که‌سانی گیرۆده‌ بوو ژن و منداڵ دارن، جێگه‌ی باسه‌ که‌ ناوبراوو وتی که‌، ٥٠  له‌سه‌دی ته‌لاقه‌کان له‌ ئێران به‌ هۆی بابه‌تی گیرۆده‌ بوون به‌ مه‌وادی مۆخه‌دره‌وه‌ روو ده‌دات. عه‌بدۆلره‌زا ره‌حمانی فه‌زلی وتی، کۆمه‌ڵگای ئه‌مرۆی ئێمه‌ به‌ به‌لاێک به‌ ناوو مه‌وادی مۆخه‌در و قاچاخ به‌ره‌وو رووو بووه‌ته‌وه‌.
هێزە ئەمنییەکان چالاکێکی مەزهەبیی کوردیان دەستبەسەر کرد
لە درێژەی دەستبەسەر کردن و لێپرسینەوە لە چالاکانی مەزهەبی و ئایینیی کورد، چالاکێکی مەزهەبی لە شاری مەریوان لەلایەن هێزە ئیتلاعاتییەکانەوە دەستبەسەر و لێپرسینەوەی لێکرا.
دوو کۆڵبەری کورد بەهۆی تەقینەوەی مین لە سنووری بانە بوونە قوربانی
بەپێی راپۆرتی هەواڵدەریی کوردپا، دوو کۆڵبەری دیکەی کوردی خەڵکی شاری سەقز بەهۆی تەقینەوەی مین لە سنووری هەنگەژاڵ"ی سەربە شاری بانە، بەهۆی تەقینەوەی مین بەتوندی بریندار بوون. کاتژمێر ٩ی شەوی چوارشەممە رێکەوتی ٢ی رێبەندان دوو کۆڵبەری کورد بەهۆی تەقینەوەی مینی بەجێماوی شەڕی ٨ ساڵەی ئێران و ئێراق لە سنووری شاری بانە بۆ هەرێمی کوردستان، تووشی کەمئەندامی و برینداری بوون. شایەتحاڵیک راگەیاندØ› لە نزیک خاڵی سنووریی بانە مینێک لەژێر لاقی کۆڵبەرێک بەناوی فوئاد رۆستەمی تەمەن ١٩ ساڵ تەقییەوە و بەو هۆیەوە لاقی راستەی لەدەست داوە. فوئاد رۆستەمی کوڕی رەشید و خەڵکی گوندی ساڵحاوای سەربە شاری سەقز بووە و بۆ چارەسەریی برینەکانی لە نەخۆشخانەی شاری پێنجوێن لە هەرێمی کوردستان خراوەتە ژێر چاوەدێریی پزیشکییەوە. هه‌روه‌ها ئەو شایەتحاڵە گوتیشی کۆڵبەرێکی دیکەش بەهۆی تەقینەوەی ئەو مینە دەستی بەتوندی بریندار بووە و لەلایەن کۆڵبەرەکانی دیکەوە بۆ نەخۆشخانەی شاری بانە راگویزراوە.جێگه‌ی باسه‌ که‌ له‌ کۆتایی مانگی خەزەڵوەری ئەمساڵیش کۆڵبەرێکی دیکەی کوردی خەڵکی گوندی ساڵحاوای سەربە شاری سەقز بەناوی "خالید" و کوڕی محەممەد، کە لە خاڵی سنووریی "سەیرانبەند"ی بانە سەرقاڵی کۆڵبەری بوو، بەهۆی تەقینەوەی مین لاقێکی لەدەست دا.
کرماشان/ تووشبوویەک بە ماددەی هۆشبەر رووداوێکی تراژیدی خولقاند
کەسێکی تووشبوو بە ماددە هۆشبەرەکان لە ناوچەی کۆزەرانی سەربە ئوستانی کرماشان، بەزەبری چەک چوار ئەندامی بنەماڵەکەی خۆی کوشت. بەپێی راپۆرتی ئاژانسی هەواڵدەریی کوردپا رۆژی پێنج‌شەممەی رابردوو رێکەوتی ٢٦ی بەفرانبار لە کێڵگەیەکی پەروەردە کردنی پەلەوەر لە ناوچەی کۆزەرانی سەربە ئوستانی کرماشان ٣ برا و دایکی خۆی کوشت و دواتریش بە زەبری چەک کۆتایی بەژیانی خۆی هێنا. باوکی ئەو بنەماڵەیە بەناوی هیمەت ئەڵماسی لە ریوڕەسمی پرسەکەدا رایگەیاندووەØ› " کوڕەکەم رۆژی پێنج‌شەممە تەلەفۆنی بۆ کردم و پێی گوتم، وەرە ٤ (بۆقلە)م کوشتووە، بەڵام کاتێک کە چووم بەرەوڕووی ئەو رووداوە بوومەوە". هیمەت ئەڵماسی گوتوشیەتیØ› بکوژەکە ماوەی چەند ساڵ بوو کە گیرۆدەی ماددە هۆشبەرەکان ببوو، کە بەو هۆیەوە هۆشی لەسەر خۆی نەبووە و ئەو رووداوەی خولقاندووە.
په‌سه‌ندکردنی‌ ده‌ستووری‌ نوێی‌ میسر راگه‌یه‌ندرا
به‌ پێی راپۆرتی هه‌واڵده‌رییه‌کان، سه‌رۆکی‌ لیژنه‌ی‌ باڵای‌ هه‌ڵبژاردنه‌کانی‌ میسر، په‌سه‌ندکردنی‌ ده‌ستووری‌ نوێی‌ ئه‌و وڵاته‌ی‌ له‌لایه‌ن ده‌نگده‌رانه‌وه‌ راگه‌یاند و ئاشکرای‌ کرد که‌ سه‌دا ٩٨.١ی‌ ئه‌و که‌سانه‌ی‌ به‌شداری‌ راپرسییه‌که‌یان کردووه‌ که‌ ژماره‌یان زیاتر له‌ ٢٠  ملیۆن که‌س بووه‌، به‌ به‌ڵێ‌ ده‌نگیان داوه‌. به‌ پێی ئه‌م راپۆرته‌ راوێژکار نه‌بیل سه‌لیب سه‌رۆکی‌ لیژنه‌ی‌ باڵای‌ هه‌ڵبژاردنه‌کانی‌ میسر له‌ کۆنگره‌یه‌کی‌ رۆژنامه‌وانیدا رایگه‌یاند که‌ سه‌دا ٩٨.١ی‌ به‌شداربووانی‌ پرۆسه‌ی‌ راپرسی‌ به‌به‌ڵی‌ ده‌نگیان بۆ پرۆژه‌ ده‌ستووری‌ نوێی‌ وڵات داوه‌ و به‌وشێوه‌یه‌ش ئه‌و پرۆژه‌ ده‌ستووره‌ ده‌بێته‌ ده‌ستووری‌ میسر. ناوبراوو ئه‌وه‌شی‌ خسته‌‌ڕوو که‌ له‌و ژماره‌یه‌ی‌ به‌شداری‌ پرۆسه‌ی‌ ده‌نگدانه‌که‌یان کردووه‌، ١٩ ملیۆنیان به‌ به‌ڵێ‌ بۆ ده‌نگیان پرۆژه‌ ده‌ستووره‌که‌ داوه‌ که‌ سه‌دا ٩٨.١ ده‌کات و سه‌دا ١.٩ش به‌ نه‌خێر ده‌نگیان داوه‌. سه‌رۆکی‌ لیژنه‌ی‌ باڵای‌ هه‌ڵبژاردنه‌کانی‌ میسر ئه‌وه‌شی‌ خسته‌‌ڕوو که‌ گه‌ر واده‌ی‌ راپرسییه‌که‌ هاوکات نه‌بوایه‌ له‌گه‌ڵ‌ تاقیکردنه‌وه‌کانی‌ زانکۆ، ئه‌وا رێژه‌یه‌کی‌ زیاتر له‌ ده‌نگده‌ران به‌شدارییان له‌ راپرسییه‌که‌دا ده‌کرد.
لاوێکی سەرپێڵی زەهاو لەخاکی سووریەدا کوژرا
لاوێکی کورد لەشەڕ و تێکهەڵچوونەکانی ناوخۆیی سووریادا لەلایەن هێزە چەکدارەکانەوە کوژرا. بەپێی هەواڵی هەواڵدەریی کوردپا، شەڕ و پێکدادانەکانی گرووپە چەکدارەکان لە سووریا کوژرانی لاوێکی تەمەن ٢١ ساڵەی بە ناوی عەلی کەرەمی کوڕی "حەسەن"‌ی لێکەوتەوە. بەوتەی دانیشتوانی ناوچەکە، ئەو لاوە کوردە لەلایەن گرووپە سەلەفییەکانەوە بە مەبەستی شەڕ رادەهێنرێن و رەوانەی سووریە دەکرێن. هاوکات دەگوترێت، سپای قودسی حکوومەتی ئێران سەرەڕای ئەوەی کە ئاگاداری هەڵسووکەوتی گرووپە سەلەفییەکانە، بەڵام لەبەر ئەوەی لە وڵاتی ئێراندا نەمێنن، نەتەنیا هیچ بەربەستێکیان بۆ دروست ناکات، بەڵکوو هاوکاریشیان دەکات. عەلی کەرەمی مانگی پێشوو رەوانەی سووریا کرابوو و رێکەوتی ٢٣‌ی بەفرانبار هەواڵی کوژرانەکەی بە بنەماڵەی لەسەرپێڵ دراوە. زۆربەی هاووڵاتییانی کورد لە سەرپێڵ زەهاو سوننی مەزهەبن و ناوەندە ئەمنیەتییەکان بەتایبەت حیفازەتی ئیتلاعاتی سپا بە هاوکاری گرووپە سەلەفییەکان ژمارەیەکک لەلاوەکان دەسنیشان و لەژێر ناوی "جیهاد"‌دا رەوانەی سووریەیان دەکەن. بڵاوبوونەوەی هەواڵی کوژرانی ئەولاوە سەرپێڵی‌یە لە شەڕی سووریەدا لە کاتێک دایە کە کۆتاییەکانی حەفتەی رابردوو، بەرپرسی دەزگای قەزایی حکوومەتی ئێران لە هەڵوێستێکی جێی تێڕاماندا داوای لە ناوەندە ئەمنیەتیەکان کردبوو، هەڵسوکەوتی توند لەگەڵ گرووپە سەلەفییەکان بکەن
هێزە چەکدارەکان لە ناوچەی سەردەشت کۆڵبەرێکی دیکەیان کوشت
کۆڵبەرێکی دیکەی کوردی خەڵکی ناوچەی سەردەشت لە ئەنجامی تەقەی راستەوخۆی هێزە چەکدارەکانی حکوومەتی ئێراندا کوژرا. بەپێی راپۆرتی هەواڵدەریی کوردپاØ› واحید تۆفیقی کوڕی حاجی عەوڵای گاکەی خەڵکی گوندی بێتووشی سەربە ناوچەی ئالانی سەردەشت، لەلایەن هێزە چەکدارەکانی حکوومەتی ئێرانەوە لە شوێنێک بە ناوی دۆلان، درایە بەر دەستڕێژ و گیانی لەدەست دا. بە وتەی سەرچاوەیەکی ئاگادار، تەرمی ئەو کۆڵبەرە کوردە ئێوارێی پێنج‌شەممە پاش ٢٤ کاتژمێر لەلایەن هاووڵاتییانی ناوچەی ئالانی سەردەشتەوە دۆزراوەتەوە. سەرچاوەکە گوتیشی: واحید تۆفیقی، کە ٦ مانگ پێش ئێستا ژیانی هاوبەشی پێکهینابوو، هاوسەرەکەی دووگیانە و ناوبراو تەنیا بۆ دابین کردنی بژیویی ژیان رووی لە کۆڵبەری کردنی سەرسنوورەکان کردبوو. دەگوترێت بنەماڵە و کەسوکاری ئەو کۆڵبەرە کوردە لەلایەن هێزە نیزامییەکانی حکوومەتی ئێرانەوە هەڕەشەیان لێکراوە و پێیان وتراوە دەبێ خۆیان لە میدیایی کردنەوەی هەواڵی کوژرانی کوڕەکەیان ببوێرن.
لاوێکی خەڵکی ناوچەی مەریوان دەستبەسەر کرا
لاوێکی کوردی خەڵکی یەکێک لە گوندەکانی ناوچەی مەریوان لەلایەن هێزە نیزامییەکانی حکوومەتی ئیسلامیی ئێرانەوە بە برینداری دەستبەسەر کرا. بەپێی راپۆرتی هەواڵدەریی کوردپا، پاشنیوەڕۆی ئەمڕۆ شەممە رێکەوتی ٢٨ بەفرانبار فەرهاد خوسرەوی تەمەن ٢٢ ساڵ، کوڕی ئەحمەد و خەڵکی گوندی جانەوەرەی مەریوان لەلایەن هێزە نیزامییەکانی حکوومەتی ئیسلامیی ئێرانەوە دەستبەسەر و رەوانەی شوێنێکی نادیار کرا. یەکێک لە هاووڵاتییانی گوندی جانەوەرە بە هەواڵنێری کوردپای راگەیاندØ› فەرهاد خوسرەوی بەر لە دەستبەسەر کرانی لەلایەن هێزە نیزامییەکانەوە تەقەی لێکراوە و بەو هۆیەوە لە سەربانی ماڵی خۆیانەوە خۆی خستۆتە خوارێ و لاقێکیشی شکاوە. ئەو هاووڵاتییە گوتیشی، لەکاتێکدا هاووڵاتییانی گوندی جانەوەرە ویستیان رێگری لە دەستبەسەر کرانی فەرهاد خوسرەوی بکەن، لەلایەن هێزە نیزامییەکان تەقەیان لێکرا. دەگوترێت، فەرهاد خوسرەوی لە سنوورەکانی ناوچەی مەریوان سەرقاڵی کاسبی کردن بووە و هەتا ئێستاش هۆکاری دەستبەسەر کردنی ناوبراو روون نەبۆتەوە.
وریایی لێبۆردنی نێونه‌ته‌وه‌یی: له‌ ماوه‌ی دوو حه‌فته‌ له‌ ئێران ٤٠  که‌س ئێعدام کراون
به‌ پێی راپۆرتی هه‌واڵده‌رییه‌کان، لێبۆردنی نێونه‌ته‌وه‌یی له‌مه‌‌ڕ زیاد بوونی ئێعدامه‌کان له‌ ئێران وریایی دا و رایگه‌یاند، ته‌نیا له‌ماوه‌ی دوو حه‌فته‌
چوار زیندانیی سیاسیی کورد دوای ٧٥ رۆژ مانگرتن له‌ خواردن
به‌رده‌وام ده‌بین له‌ مانگرتنه‌که‌مان.. به‌ پێی راپۆرتی هه‌واڵده‌رییه‌کان، چوار زیندانیی سیاسیی کورد (حامید ئه‌حمه‌دی، که‌ماڵ مه‌ولایی، جه‌مشید دێهقانی و جه‌هانگیر دێهقانی) راده‌گه‌یه‌نن که‌ به‌رده‌وام ده‌بین له‌ مانگرتنه‌که‌مان. ئه‌و چوار زیندانییه‌ سیاسییه‌ کورده‌ که‌ له‌ زیندانی قزڵحیساری شاری که‌ره‌ج زیندانی کراون و بڕیاری له‌سێداره‌دانیان بۆ ده‌رچووه‌ ئێستا له‌ رووی ته‌ندرووستییه‌وه‌ له‌ ره‌وشێکی زۆر خراپدان و ته‌نانه‌ت خواردنه‌وه‌شیان به‌لاوه‌ سه‌خته‌ و تووشی زۆرێک ئازاری جه‌سته‌یی بوونه‌ته‌وه‌. ئه‌م زیندانییانه‌ دوای ئه‌وه‌ی له‌ لایه‌ن حکومه‌ته‌وه‌ بڕیاری ئیعدامیان بۆ ده‌رچووه‌ و رێگه‌شیان پێ نه‌دراوه‌ پارێزه‌ر بۆ خۆیان ده‌ستیشان بکه‌ن له‌ رۆژی ١٣ی گه‌ڵاڕێزانه‌وه‌ وه‌ک ناڕه‌زایه‌تی ده‌بڕین مانیان گرتووه‌ له‌ خواردن. هاوکات که‌س و کاری ئه‌و چوار زیندانییه‌ سیاسییه‌ش له‌ شاری سنه‌ی رۆژهه‌ڵاتی کوردستان وه‌ک ده‌ربڕینی هاوسۆزی بۆ رۆڵه‌کانیان ده‌ستیان به‌ مانگرتن له‌ خواردن کردووه‌ و داوا ده‌که‌ن بڕیاری له‌سێداره‌دان هه‌ڵوه‌شێته‌وه‌.
په‌سه‌ند کردنی حوکمی ئێعدام بۆ زیندانیێکی سیاسی به‌لووچ
به‌ پێی راپۆرتی هه‌واڵده‌ری چالاکانی مافی مرۆڤ و دیموکراسی له‌ ئێران، له‌ کۆتایی حه‌فته‌ی رابردوو حوکمی دژه‌ مرۆڤانه‌ی ئێعدام بۆ زیندانی سیاسی مه‌حه‌مه‌د حسین ریگی ٢٣ ساڵه‌، له‌ لایه‌ن قازی مه‌هگۆلی سه‌رۆکی لقی ١ دادگای شۆرشی زاهدانه‌وه‌ په‌سه‌ند کرا. به‌ پێی وته‌ی یه‌کێک له‌ نزیکانی رێگی، ناوبراوو تا ئێستا دادگایی نه‌کراوه‌ و حوکمه‌که‌ی به‌ بێ دادگایی کردن په‌سه‌ند کراوه‌. جێگه‌ی باسه‌ که‌ مه‌حه‌مه‌د حسین ریگی نزیک به‌ ٧ مانگ پێش ئێستا له‌ هێرشی هێزه‌ ئه‌منییه‌تییه‌کانی ئیتلاعات بۆ ماڵی باوکی له‌ سه‌راوان ده‌ستبه‌سه‌ر کراو بۆ ماوه‌ی چوار مانگ له‌ ژوری تاکه‌ که‌سیدا له‌ ژێر سه‌ختترین شکه‌نجه‌ی رۆحی و ره‌وانی بوو که‌ به‌ هۆی ئه‌و شکه‌نجانه‌وه‌ ناوبراوو وادار کرا که‌ له‌سه‌ر ته‌له‌فزیون دژبه‌ خۆی قسه‌ بکات.
داخرانی ٥٠ ٠  کارگای پیشه‌یی له‌ هه‌مه‌دان
به‌ پێی راپۆرتی هه‌واڵده‌رییه‌کان، مه‌حه‌مه‌د ناسر نیکبه‌خت، پارێزگاری هه‌مه‌دان له‌ چاوپێکه‌وتنی له‌گه‌ڵ خه‌ڵک و ناوه‌نده‌کانی لاوان له‌ هه‌مه‌دان رایگه‌یاند، لاوان سه‌رمایه‌ی گرنگی وولاتن و ده‌بێت له‌م سه‌رمایه‌یه‌ حمایه‌ت بکرێت. هه‌روه‌ها وتی گه‌وره‌ترین کێشه‌ی لاوانی ئێمه‌ له‌ ئێستادا بێکارییه‌ که‌ به‌ له‌به‌ر چاوو گرتنی مێژووی دوورو درێژی ئه‌م پارێزگایه‌ له‌ کاری کشاوه‌رزی و پیشه‌یی ده‌بێت له‌م به‌شه‌دا ئاوری جیدی بده‌ینه‌وه‌ که‌ به‌ داخه‌وه‌ له‌ هه‌ر ١٥٠ ٠  کارگاێک له‌م پارێزگایه‌ ٥٠ ٠  کارگا به‌ هۆی نه‌بوونی پووڵه‌وه‌ داخراون.
دەستپێکی چالاکیی خۆڕسکی ژنە چالاکانی کورد بۆ پێشگیری لە شێرپەنجەی مەمک
ژمارەیەک لە ژنە چالاکانی کوردی ئیلام و کرماشان بە یارمەتیی کۆمیسیۆنی کاروباری ژنانی کانوونی پارێزەرانی دادگوستەری و کۆمیسیۆنی مافی مرۆڤی سەربەو کانوونە، لە راستای کەمکردنەوەی شێرپەنجەی مەمک و منداڵدان چالاکییەکی ئاگادارکردنەوە ئەنجام ئەدەن. ئەو چالاکییە لەلایەن ١٥ کەس لە پارێزەرانی کوردی سەر بە کانوونی پارێزەرانی دادگوستەریی کرماشان بە شێوەی خۆبەخش و خۆڕسک ٣٠  هەزار برۆشۆری ئاگادار کردنەوە، کە ٥ هەزار دانەیان بە زمانی کوردییە، لە چاپ داوە و بە ئوستانەکانی هەمەدان، ئیلام، کرماشان و کوردستاندا بڵاوی دەکەنەوە. ئازەر تاهیرئابادی لە لێدوانێکدا بۆ ئاژانسی کوردپا گوتیØ› بەداخەوە ژنانی کورد خوێندەوارییەکی یەکجار کەمیان هەیە، هەر بۆیە ئێمە بۆ بەرەو پێشبردنی چالاکییەکانمان و بەرەوڕووی کۆمەڵێک گرفت دەبینەوە و لە راستیدا ناتوانین ئەو کێشە و گرفتەی کە ژنی کورد بەرەوڕووی دەبێتەوە، بە روونی بیبینین.
پێ شێلکردنی مافی ئافره‌تان له‌ ئێراندا له‌ راپۆرتی کومیته‌ی ناوه‌ندی سازمانی خه‌بات ی کوردستانی ئێران بۆکۆنگره‌ی پێنجه‌م (کۆنگره‌ی وه‌فاداری بۆ رێبازی مامۆستا سه‌یید جه‌لال حوسه‌ینی)
بێگومان ده‌سه‌ڵاتی ئاخوندی له‌ یه‌که‌مین ووڵاتانی سه‌رکوتگه‌ری مافی ئافره‌تانه‌، ئه‌و ده‌سه‌ڵاته‌ دواکه‌وتووه‌ به‌ چه‌سپاندنی قانوونی غه‌یره‌ ئینسانی و غه‌یره‌ ئیسلامی به‌ شێوه‌ییکی زۆر درندانه‌ مافی ئافره‌تان پێ شێل ده‌کات و سیاسه‌تی چه‌وساندنه‌وه‌ و ماف زه‌وتکردنی ژنانی کردۆته‌ یه‌کێک له‌ سه‌ره‌کی ترین به‌رنامه‌و کاره‌کانی حکومه‌ت. گه‌وره‌ترین پێشێلکاریی ده‌سه‌لاتی ئاخوندی له‌به‌رانبه‌ر ژنان له‌ بواری سیاسیه‌وه‌یه‌، به‌شێوه‌یێک که‌ ژنان که‌مترین به‌شدارییان له‌ کاروباری سیاسی حکوومه‌ت پێده‌کرێ و ئه‌و مه‌یدانه‌ له‌ ده‌ستی ئاخوندان مۆنۆپۆل کراوه‌. پرۆژه‌و گه‌ڵاڵه‌کان و ره‌وتی نوێ له‌فشارهێنان بۆ سه‌ر ژنان له‌ شۆێنه‌ گشتیه‌کان له‌ دانشگاکان و مه‌دره‌سه‌کان و ته‌نانه‌ت له‌ ناو حه‌ریمی خسوسیدا، جیاکردنه‌وه‌ی ژنان و پیاوان له‌ دانشگاکان و ته‌نانه‌ت جوداکردنه‌وه‌ی ئوتوبووسی ژنان له‌ گه‌ڵ پیاوان و ریگه‌دان به‌ پیاوانی بێ به‌زیی ودواکه‌وتوو بۆ هێرش کردنه‌ سه‌ر ژنان له‌ کۆمه‌ڵگادا به‌ ناوی پاراستنی ئاسایشی کۆمه‌ڵایه‌تییه‌وه‌، سووکایه‌تییه‌کی سیستماتیک به‌ ژنان ، که‌ زۆر جار فیلمی ئه‌و سه‌رکوتو بێ ره‌حمیانه‌ له‌ لایه‌ن تلویزیون و هۆکانی راگه‌یاندن بڵاو ده‌بنه‌وه‌,وه‌ک کوشتنی ئافره‌تان به‌ شێوه‌ی (سه‌نگسار)که‌ نمونه‌ییکی زۆر قێزه‌ون و نائینسانیه‌. سه‌رکووتکردن و سووکایه‌تیپێکردنی ئافره‌تان له‌ لایه‌ن ناوه‌نده‌ ئه‌منیه‌تیه‌کانه‌وه‌،ده‌رخه‌ری ئه‌و حه‌قیقه‌ته‌ن که‌ رژیمی ئاخوندی وه‌ک سه‌ره‌کی ترین دوژمنی ئافره‌تان و مافه‌کانیان بناسرێ. جێگه‌ی داخه‌ که‌ ژماره‌یه‌ک ئافره‌تی شۆێن که‌وتووی سیستم و ده‌سه‌ڵاتی ئاخوندی به‌ پشتگیری کردن له‌ سیاسه‌تی سه‌رکوت به‌رانبه‌ر به‌ هاونه‌وعه‌کانیان بوونه‌ هۆی زیاتر گه‌رم داهێنانی سه‌رکوت وبێره‌حمی به‌رانبه‌ر به‌ ئافره‌تان له‌ ئێراندا. ئاخوندانی ده‌سه‌ڵاتدار ته‌نیا له‌و کاتانه‌ باس له‌ ژنان و مافه‌کانیان ده‌که‌ن که‌ بازاری شانۆی به‌ ناو هه‌ڵبژاردنه‌کانیانیان گه‌رم دابێنن, وبه‌ مه‌به‌ستی چاوبه‌ست کردن و راکێشانی سه‌رنجی رای گشتی جیهانی وهه‌روه‌ها خه‌ڵک،وا نیشان بده‌ن که‌ ئافره‌تانیش له‌ ئێران به‌شیان هه‌یه‌و خاوه‌ن پێگه‌ی سیاسی و نه‌زه‌رن. دیاره‌ ژنانی کورد زیاتر ده‌که‌ونه‌ به‌ر سته‌م و زیاتر چه‌وسانه‌وه‌یان له‌ به‌رانبه‌ردا په‌یره‌و ده‌کرێ,و سه‌ره‌‌ڕای ئه‌و هه‌موو سته‌مه‌ی که‌ به‌ بۆنه‌ی ژن بوون لێیان ده‌کر ێ، له‌ به‌ر ئه‌وه‌ی کوردن سته‌می چه‌ندقاتیان له‌سه‌ره‌.به‌ڵام به‌ خۆشیه‌وه‌ ئافره‌تانی کوردستان سه‌ره‌رای ئه‌وه‌ی به‌ شێوه‌یه‌کی زۆر بێ به‌زه‌ییانه‌ فشاریان ده‌خرێته‌سه‌ر و ده‌گیرێن و شکه‌نجه‌ و ئازار ده‌درێن زۆر ئازایانه‌ و به‌رپرسانه‌ له‌ مه‌یدانه‌ سیاسی و راگه‌یاندنه‌کاندا تێکۆشاون ده‌ورێکی گرینگیان له‌ خه‌باتی ماف خوازانه‌و یه‌کسانی خوازانه‌ گێراوه‌. به‌شێک له‌ کاری رژیم اخوندی له‌ پێوه‌ند به‌ ئافره‌تان له‌ ٧ی ره‌شه‌ممه‌ی ساڵی ١٣٥٧کۆچی خۆری،ته‌نیا دوو حه‌وتوو به‌ سه‌ر سه‌رکه‌وتنی شۆرشی خه‌ڵکی ئێران له‌ به‌رانبه‌ر رژیمی شاهه‌نشاهی، ده‌فته‌ری خومه‌ینی رایگه‌یاند,که‌ قانونی دیفاع و حیمایه‌ت له‌ خانه‌واده‌ هه‌ڵوه‌شاوه‌ته‌وه‌.به‌ پێ ئه‌و قانوونه‌، تایبه‌تمه‌ندی سنووردار له‌ مافه‌کانی ناو خانه‌واده‌ به‌ ژنان ده‌درا. روژێک له‌ دوای ئه‌وه‌, واته‌ له‌ ٨ی ره‌شه‌ممه‌دا,خزمه‌ت گوزاریه‌ کۆمه‌ڵایه‌تیه‌کان بۆ ژنان به‌ ته‌واوی هه‌ڵوه‌شایه‌وه‌و له‌ دوای سێ رۆژ وله‌ ١١ی ره‌شه‌ممه‌ی ٥٧: قازی (حاکم)ه‌ ئافره‌ته‌کان له‌ قه‌زاوه‌ت کردن دوور خرانه‌وه‌. ته‌نیا له‌ ماوه‌ی ساڵی ١٣٨٥، زیاتر له‌ ٦٠  حوکمی ئیعدام و سه‌نگسار له‌ به‌رانبه‌ر ژنان له‌ ئێراندا به‌رێوه‌ چووه‌. به‌ پێ سه‌رژمێرییه‌ ره‌سمیه‌کان، ژماره‌ی کچانی هه‌ڵاتوو له‌ ساڵی ١٣٨٥ گه‌یشتۆته‌ زیاتر ٣٠ ٠  هه‌زارکه‌س. مه‌لاحه‌سه‌نی نوینه‌ری ولی فقیه‌ و ئیمام جومعه‌ی رژیم له‌شاری ورمێ له‌ سیهه‌می به‌فرانباری ١٣٨٦:“ووتی من نازانم چۆن تا ئیستاش وله‌ دوای تێ په‌رینی ۲۸ ساڵ به‌ سه‌ر ئینقلابی ئیسلامی، ژنانی به‌دحیجاب زیندوون. ئه‌و ژنانه‌ی که‌ حیجابی ئیسلامی په‌یره‌و ناکه‌ن، ده‌بێ خویان، مێرده‌کان و باوکه‌کانیان بمرن“. خومه‌ینی له‌,کتێبی:تحریرالوسیله :به‌رگی دووهه‌م سه‌فحه‌ی ٣٢٧ مه‌سه‌له‌ی ٨: نوسیویه‌ «له‌ کاتی ته‌ڵاقداندا پێویست نیه‌ ژن ئاگادار بێ ، جا چ بگا به‌وه‌ی که‌ رازی بێ “. خومه‌ینی هه‌ر له‌ کتێبی :تحریرالوسیله: جڵدی دوهه‌م سه‌فحه‌ی ١٣ مه‌سه‌له‌ی ٥:نوسیویه‌ «به‌رپرسایه‌تی کردن خاوه‌نداریه‌تی سه‌رمایه‌ی منداڵ … بۆ باوک و باپیره‌ ده‌گه‌رێته‌وه‌و دایک و نه‌نک واته‌ دایکی دایک هیچ مافێکی خاوه‌نداریه‌تیان نیه‌». ئاخوند خامنه‌ یی ولی فقیه‌ رژیم له‌ ٣٠ ی په‌شپه‌ر,تیر ٧٦. ووتی «ئه‌م مه‌سه‌له‌یه‌, که ده‌بێ ژنانیش له‌ ناوه‌ندو بواره‌ کۆمه‌ڵایه‌تیه‌کان به راده‌ی پیاوه‌کان بوونیان هه‌بێ،خاڵێکی لاواز، بۆچونێکی کاڵ،بێ بایه‌خ و منداڵانه‌یه‌». گالیندوپل،راپۆرت نووسی تایبه‌تی نه‌ته‌وه‌ یه‌کگرتوه‌کان له‌ پێوه‌ند به‌ مافی مروف له‌ ئێران ،له‌ مانگی‌ ژانویه‌ی ١٩٩٢: ووتی«ابوالفزل موسه‌وی تبرێزی، دادستان گشتی ووڵات، ووتویه‌ هه‌ر که‌س بنه‌ره‌تی حیجاب پێ شێلبکا کافره‌و حوکمی کافرێکیش مه‌رگه‌». به‌ پێ سه‌رژمێریه‌ رسمیه‌کان « خودکوشتن له‌ ئێران به‌ شێوه‌ی مام ناوه‌ند ٢٥ تا ٣٠  له‌ سه‌د که‌سه‌». ئه‌و سه‌رژمێریه‌ به‌رزترین سه‌رژمێری خۆکوشتنه‌ له‌ جیهان ، چونکه‌ رێژه‌ی مام ناوه‌ندی خۆکوشتن له‌ جیهان نزیک به‌ ١١ تا ١٢ له‌ هه‌ر یه‌ک سه‌دهه‌زار که‌سدایه‌». هه‌ر له‌و پێوه‌نده‌دا ژنان چوار به‌رابه‌ری پیاوان خۆده‌سوینن. به‌رزبوونه‌وه‌ی ١٠  تا ١٥ ته‌نانه‌ت ٣٠  له‌ سه‌دی ژنانی خیابانی و کچانی هه‌ڵاتوو، گه‌یشتنی ته‌مه‌نی له‌ش فرۆشی ئافره‌تان بۆ ژێر ٢٠ ساڵ له‌ به‌رهه‌مه‌ قێزنه‌ونه‌کانی حاکمیه‌تی ئاخوندیه‌. هه‌ر له‌ماوه‌ی مانگه‌کانی رابردوو یاسایێکی نوێی قێزه‌ون په‌سه‌ند کراوه‌ که‌ رێ به‌ سه‌رپه‌رشتی منداڵه‌ هه‌ڵگیراوه‌کان ده‌دا له‌ داهاتوو ژیانی هاوبه‌شیان له‌گه‌ڵ پێک بێنن که‌ ئه‌وه‌ش ته‌وژمێکی به‌ربلاو له‌ ناره‌زایه‌تی به‌دواوه‌ بوو.
لاوان و بزوتنەوەی خوێندکاری لە راپۆرتی کومیته‌ی ناوه‌ندی سازمانی خه‌بات ی کوردستانی ئێران بۆکۆنگره‌ی پێنجه‌م (کۆنگره‌ی وه‌فاداری بۆ رێبازی مامۆستا سه‌یید جه‌لال حوسه‌ینی)

له‌ سه‌ره‌تای هاتنه‌سه‌رکاری ده‌سه‌ڵاتی ئاخوندی خوێندکاران و لاوان به‌رده‌وام له‌ ژێر هه‌‌ڕشه‌و بێ مافیدان، هه‌ر له‌ سه‌ره‌تادا خومه‌ینی رێبه‌ری رژیم رایگه‌یاند که‌ زانستگامان ناوێ و ده‌بێ دانشگاکان داخرێن به‌ کرده‌وه‌ ده‌سه‌ڵاتی نۆێ که‌وته‌ دژایه‌تی لاوان وخوێندکارانی دانشگاکان و مه‌دره‌سه‌کان. ئه‌گه‌رچی خومه‌ینی و رژیمه‌که‌ی نه‌یانتوانی دانشگاکان دابخه‌ن، به‌ڵام به‌ به‌رده‌وامی له‌ هه‌وڵدا بوون ده‌ست به‌ سه‌ر دانشگاکان وناوه‌نده‌کانی خوێندندا بگرن, وده‌رسه‌کان و کتێبه‌کان به‌ شێوه‌یه‌ک بن که‌ له‌ دایره‌ی بیروبۆچوون وسیاسه‌تی خۆیاندا بێ، به‌ڵام سه‌ره‌‌ڕای توندو تیژی و فشاره‌کان و دروست کردنی به‌سیجی دانشجویی و ناوه‌ندی ئوموری ته‌ربیه‌تی بۆ چاودێری کردنی مه‌دره‌سه‌کان و فریو دانی ژماره‌یه‌ک دانشجو و خوێندکار بۆ چاودێری کردنی دانشجوه‌کان و خوێندکاره‌کانی مه‌دره‌سه‌کان به‌ خۆشیه‌وه‌ نه‌یتوانیوه‌ به‌و ئامانجه‌ گڵاوه‌ی بگات و به‌ ته‌واوی دانشگاکان و ناوه‌نده‌کانی خوێندن بخاته‌ ژێر رکێفی خۆیه‌وه‌. ئه‌و کات که‌ خومه‌ینی رایگه‌یاند اقتصاد مال خر است و هه‌روه‌ها له‌ ساڵی ١٣٥٩ له‌ ژێر ناوی شۆڕشی فه‌رهه‌نگی، زانکۆکانی داخست...
دوایین هەواڵەکان
پەیامی دەستەی بەڕێوەبەری بەبۆنەی ۱۱بانەمەڕ، ساڵڕۆژی دامەزراندنی رێکخراوی لاوانی خەبات
photo
لاوانی خه‌بات
1 ساڵ و 2 مانگ و 26 ڕۆژ و 45 خوله‌ک له‌مه‌وپێش‌
ژنانی بوێر سەمبولی خۆڕاگری و مزگێنیدەری ئازادین
photo
ڕێکخراوی لاوانی خەباتی کوردستانی ئێران
1 ساڵ و 4 مانگ و 7 ڕۆژ و 18 کاتژمێر و 2 خوله‌ک له‌مه‌وپێش‌
ڕاگەیندراوی ڕێکخراوی لاوانی خەبات, بەبۆنەی ۸ی مارس ڕۆژی جیهانی ژنان
photo
ڕاگەیندراوی ڕێکخراوی لاوانی خەبات
1 ساڵ و 4 مانگ و 19 ڕۆژ و 17 کاتژمێر و 36 خوله‌ک له‌مه‌وپێش‌
ڕاگەیندراوی ڕێکخراوی لاوانی خەبات بەبۆنەی ڕۆژی زمانی زگماگی
photo
ڕاگەیندراوی ڕێکخراوی لاوانی خەبات بەبۆنەی ڕۆژی زمانی زگماگی
1 ساڵ و 5 مانگ و 6 ڕۆژ و 1 کاتژمێر و 41 خوله‌ک له‌مه‌وپێش‌
محەممەد مێهدی کەرمی و محەممەد حوسەینی لەسێدارەدران
photo
لاوانی خه‌بات
1 ساڵ و 6 مانگ و 18 ڕۆژ و 48 خوله‌ک له‌مه‌وپێش‌
ڕاگەیندراوی ڕێکخراوی لاوانی خەبات بەبۆنەی ڕۆژی پێشمەرگەی سازمانی خەبات
photo
لاوانی خه‌بات
1 ساڵ و 8 مانگ و 25 ڕۆژ و 20 کاتژمێر و 12 خوله‌ک له‌مه‌وپێش‌
٢٩هەمین رۆژی شۆرشی ژینا و کاردانەوە جیهانیەکان
photo

1 ساڵ و 9 مانگ و 9 ڕۆژ و 20 کاتژمێر و 35 خوله‌ک له‌مه‌وپێش‌
photo photo
کومیته‌ی فینلاند
کومیته‌ی به‌ریتانیا
کومیته‌ی سوئێد
کومیته‌ی دانمارک
کومیته‌ی سویس
کومیته‌ی ئه‌ڵمان
په‌یڕه‌و پرۆگرام

ده‌رباره‌ی ئێمه به کورتی

لێره‌‌‌ ده‌‌‌رباره‌‌‌ی خۆتان بنووسن به کورتی

په‌یوه‌ندی


[email protected]

+٩٦٤٧٥١٨٨٦٨٢٠٩

فۆرمی په‌یوه‌ندی

تۆڕە کۆمەڵایەتیەکان


٢/ لینکی یوتوب

٣/ لینکی تویته‌‌‌ر