lawan

ڕێکخراوی لاوانی خه‌باتی کوردستانی ئێران
Iranian Kurdistan Khabat Youth Organization

لاریجانی: جیهان ده‌بێت له‌ ئێران به‌ هۆی به‌رز بوونه‌وه‌ی ئێعدامه‌کان رێز بگرێت

به‌ پێی راپۆرتی هه‌واڵده‌رییه‌کان، جواد لاریجانی، ده‌بیری ستادی به‌ ناو مافی مرۆڤ له‌ ده‌زگای قه‌زاییه‌ی رژێمی ئاخوندی رایگه‌یاند، به‌ داخه‌وه‌ ناوه‌نده‌ نێونه‌ته‌وه‌ییه‌کان به‌ جێگای رێز لێنان له‌ ئێران، زیاد بوونی رێژه‌ی ئێعدامه‌کان به‌ هۆکاری دژکرده‌وه‌ی توندی ئێران له‌ به‌رانبه‌ر مه‌وادی مۆخه‌در به‌ بابه‌تێک بۆ هێرش کردنه‌ سه‌ر مافی مرۆڤ له‌ رژێمی ئێران داده‌نێن. ناوبراوو وتی، ئه‌م بابه‌ته‌ مایه‌ی شانازی سیسته‌می قه‌زایی و ده‌زگا ئه‌منییه‌تییه‌کانه‌ و چاوه‌روانی ئێمه‌ له‌ ناوه‌نده‌ نێونه‌ته‌وه‌ییه‌کان ئه‌وه‌یه‌ که‌ ئه‌م خزمه‌تگۆزاری به‌ به‌شه‌ریه‌ته‌ رێز لێ بنن.

لەهەر سێ ژنی ئەوروپایی یەکێک دەبێتە قوربانیی توندوتیژیی

له‌ توێژینەوەی سەنتەرێکی ئەوروپایی، لە وڵاتانی یەکێتی ئەوروپادا لەهەر سێ ژن ژنێک توشی توندوتیژیی دەبێتەوە.
بەپێی راپۆرتێکی هەفتەنامەی "شپیگڵ"ی ئەڵمانی، بەپێی ئەو توێژنەوەیە یەک لەسەر سێی ژنانی ئەوروپی توشی توندوتیژی جەستەی‌و سێکسی دەبنەوە. ئاژانسی مافە سەرەکییەکانی یەکێتی ئەوروپا (FRA) چەندین پرسیاری سەبارەت بە توندوتیژی دژی ژنان لە ٤٢ هەزار ژن لە تەمەنی ١٨ تا ٧٤ ساڵ لە ٢٨ وڵاتی ئەوروپی پرسیوە. بەپێی ئەو توێژینەوەیە، ٣٣%ی ژنان لەوکاتە دەگەنە تەمەنی ١٥ ساڵی لانیکەم جارێک توشی توندوتیژی جەستەیی یان سێکی دەبەنەوە. بەپێی راپۆرتەکە لانیکەم ٨٣ ملیۆن ژن لە یەکێتی ئەوروپا لە تەمەنی ١٥ بەولاوە جارێک توشی توندوتیژی سێکسی بوونەتەوە‌و ١٨%ش دەڵێن گرفتیان بۆ سازبووە. ئەو وڵاتانەی زۆرترین توندوتژیی دژی ژنانیان تێدا تۆمار کراوە بریتین لە: دانیمارک ٥٢%، فینلاند ٤٧%، سوید ٤٦%‌و ئەڵمانیا ٣٥%.

ئێعدامی ژنێک و سێ لاو که‌ له‌ کاتی ده‌ستبه‌سه‌ر کردن ته‌مه‌نیان که‌متر له‌ ١٨ ساڵ بووه‌

خانمی ئه‌شتۆن له‌ کاتێکدا سه‌فه‌ر ده‌کات بۆ تاران که‌ له‌ سه‌ره‌تای ساڵی ٢٠ ١٤وه‌ تاکوو ئێستا زیاتر له‌ ١٥٠ که‌س له‌ ئێران ئێعدام کراون. به‌ پێی راپۆرتی هه‌واڵده‌رییه‌کان، جینایه‌تکارانی رژێمی ئاخوندی، فه‌رزانه‌ مۆرادی ته‌مه‌ن ٢٥ ساڵیان دوای شه‌ش ساڵ زیندان کردن له‌ سێداره‌ دا. هه‌روه‌ها له‌ رۆژی ١٢ی ره‌شه‌مه‌ لاوێکی ته‌مه‌ن ٢٣ ساڵیان ئێعدام کرد که‌ له‌ کاتی ده‌ستبه‌سه‌ر کردندا ١٧ ساڵ ته‌مه‌نی بوو و رۆژێک پێشترێش لاوێکیان به‌ شێوه‌ی نهێنی له‌ زیندانی زاهێدان ئێعدام کرد که‌ ئه‌ویش له‌ کاتی ده‌ستبه‌سه‌ر کردندا ته‌منی ١٧ سالان بوو. جێگه‌ی باسه‌ که‌ له‌ کرده‌وه‌ێکی جینایه‌تکارانه‌یتردا ٦ زیندانی له‌ زیندانی گه‌وهه‌رده‌شتی که‌ره‌ج به‌ شێوه‌ی نهێنی له‌ سێداره‌ دران که‌ له‌ ناوو ئه‌و ئێعدامکراوانه‌،ره‌زا گه‌نجلوو له‌ کاتی ده‌ستبه‌سه‌ر کردن ته‌مه‌نی که‌متر له‌ ١٦ ساڵ بوو. به‌م شێوه‌یه‌ له‌ ماوه‌ی رۆژانی ٧ تا ١٣ی ره‌شه‌مه‌ ژنێک و سێ لاو له‌ لایه‌ن به‌کرێگیراوانی رژێمه‌وه‌ له‌ سێداره‌ دراون که‌ ته‌منیان له‌ کاتی ده‌ستبه‌سه‌ر کردندا که‌متر له‌ ١٨ ساڵ بووه‌.

بەردەوامیی ئەستاندنی پارە و "سووکایەتی" کردن بە قوتابییان

لە درێژەی رەوتی بەردەوامی ئەستاندنی پارە لە قوتابییان لە ناوچەکوردشینەکانی ئێران، قوتابییانی دوو قوتابخانەی شاری سەقز داوای بڕە پارەیەکی بەرچاویان لێ دەکرێت. بەپێی راپۆرتی هەواڵدەریی کوردپاØ› بەرپرسانی قوتابخانەی سەرەتایی "فیردەوسی" لە شەقامی ساحلی و قوتابخانەی دواناوەندیی کچانەی "ئەلزەهرا"ی شاری سەقز داوای ٢٥٠ هەزار تمەن پارەیان لە قوتابیان کردووە. سەرچاوەیەکی ئاگادار راگەیاندØ› ئەگەر هەر قوتابییەک ئەو بڕە پارەیە بە قوتابخانەکان نەدات، لەلایەن بەرپرسانی قوتابخانەکەو "تەحقیر(سووکایەتی)" پێ دەکرێت. ئەو سەرچاوەیە روونیشی کردەوەØ› هەتا ئێستا تەنیا ژمارەیەک لە قوتابییان ئەو بڕە پارەیان بە قوتابخانەکە داوە، بەڵام زۆربەی قوتابییان بەهۆی دەستکورتیی بنەمالەکەیانەوە توانای دابین کردنی ئەو بڕە پارەیان نەبووە. دەگوترێت، ئەم کارەی بەرپرسانی قوتابخانەکان لەمەڕ سووکایەتی کردن بە قوتابیان، نیگەرانیی لای بنەماڵەو قوتابیان دروست کردووە و ناڕەزایەتییان بەو هەڵوێستەی بەرپرسانی قوتابخانەکان دەربڕیوە.

بەڕێوەچوونی حوکمی " لێدانی قامچی"ی مامۆستایەکی کورد لەشاری سنە

ئیجرای ئەحکامی دادگوستەری شاری سنە، حوکمی لێدانی قامچی(شەلاق)‌ی ئەندامێکی کانوونی سینفی مامۆستایانی ئێرانی بەڕێوە برد. بەپێی راپۆرتی هەواڵدەریی کوردپا، پەیمان نۆدینیان ئەندامی هەیئەت مودیرەی ئەنجومەنی سینفی مامۆستایانی کوردستان و ئەندامی کانوونی سینفی مامۆستایانی ئێران، لە لقی ئیجرای ئەحکامی دادگوستەری شاری سنەدا، ٢٠ زەربە قامچی لێدرا. ئەو چالاکە فەرهەنگییە بە تۆمەتی "بێ‌رێزی کردن بە مەئمووری دەوڵەت لەکاتی بەڕێوەبردنی ئەرکەکانیدا" لەلایەن لقی ١٠ ٥ی دادگای شاری سنەوە بە زیندانیی هەڵپەسێردراو و لێدانی قامچی مەحکووم کرابوو. ئەو مامۆستا کوردە لە ساڵی ١٣٨٤وە هەتا ١٣٨٧، هاوڕێ لەگەڵ موختار ئەسەدی چالاکی فەرهەنگیی کورد، بۆ ئوستانی زەنجان دوورخرابوویەوە. پەیمان نۆدینیان مانگی پووشپەڕی ساڵی ١٣٩١ هاوڕێ‌لەگەڵ ١٠ مامۆستای دیکە و لە ئەندامانی ئەنجومەنی سینفی مامۆستایانی کوردستان بانگهێشتی لقی ٥‌ی دادگای شاری سنە کرابوون. ئەو ٩ چالاکە فەرهەنگییە هاوینی ساڵی ١٣٩٠ ‌یش لەلایەن ناوەندە ئەمنیەتییەکانەوە لێپێچینەوەیان لەگەڵ کرابوو.

ده‌رسه‌کانی ئۆکراین بۆ ئێران

له‌ دوای کۆتایی شه‌‌ڕی سارد و داڕمانی بلوک و هه‌یمه‌نه‌ی سۆڤیه‌ت ، ولاتانی ناوه‌ند و رۆژهه‌لاتی ئوروپا له‌ ژێر سێبه‌ری قورسی ئه‌و ئیمپراتوریه‌ هاتنه‌ ده‌ر و سه‌ربه‌ خۆییان راگه‌یاند . ئێستا پۆتین سه‌رۆک کۆماری روسیا به‌ ته‌مایه‌ دیسان ئه‌و ئیمپراتۆریه‌ له‌ به‌رامبه‌ر ئامریکا و ئوروپادا دروست بکاته‌وه‌ و ئه‌وولاتانه‌ له‌ ده‌وری خۆی کۆبکاته‌وه‌ که‌ پێشتر له‌ سۆڤیه‌ت جیا بوونه‌وه‌ و له‌و باره‌شدا هه‌ندێک سیاسیه‌تی نادرووست و چه‌واشه‌کارانه‌ی گرتۆته‌ به‌ر که‌ هاوشێوه‌ی سیاسه‌ته‌ سه‌کوتکه‌رانه‌که‌ی ئیستالینه‌ و ئامریکاش له‌ به‌رامبه‌ردا بێ ده‌نگ.

ژنە شاعیرێکی کورد لەشاری سنە بانگهێشتی ئیتلاعات کرا

سیمین چایچی ژنە شاعیری کوردی خەڵکی شاری سنە، لە بەرەبەری ٨ی مارسدا، لەلایەن ئیدارەی ئیتلاعاتی ئەو شارەوە بانگهێشت و لێپرسینەوەی لێکرا. بەپێی راپۆرتی هەواڵدەریی کوردپاØ› ئەمڕۆ دووشەممە رێکەوتی ١٢ی رەشەممە، پاش خۆ ناساندن بە ئیدارەی ئیتلاعاتی شاری سنە، بەرەوڕووی لێپرسینەوەی مەئموورانی ئەمنیەتیی ئەو ئیدارەیە بوویەوە. سەرچاوەیەکی ئاگادار بە کوردپای راگەیاندØ› سیمین چایچی ئاگادار کراوەتەوە، کە لە بەرەبەری ٨ی مارس(رۆژی جیهانیی ژنان) لە بەرێوەبردنی هەرچەشنە چالاکییەک بەو رۆژە خۆببوێرێت. سەرچاوەکە گوتیشی، هێزە ئیتلاعاتییەکانی حکوومەتی ئێران شەوی رابردوو چوونەتە بەر دەرکی ماڵی سیمین چایچی و پێیان راگەیاندووە، کە دەبێ کاتژمێر ٨ و نیوی بەیانی خۆی بە ئیدارەی ئیتلاعات بناسێنێت. سیمین چایچی ساڵی ١٣٣٤ی هەتاوی لە شاری سنە لەدایک بووەو چەندین بەرهەمی چیرۆک ، شانۆنامە لە بواری منداڵان و کۆمەڵە شێعری کوردی هەیە.

خۆکوژیی دوو ژن لە شارەکانی سەقز و بۆکان

دوو ژنی کوردی خەڵکی ناوچەکانی سەقز و بۆکان بەهۆی کێشە بنەماڵەییەوە کۆتاییان بەژیانی خۆیان هێنا. بەپێی راپۆرتی هەوالدەریی کوردپاØ› ژنێک بەناوی (مەهتاب خشتە) کچی سەلیم و تەمەن ٢٠ ساڵ بەهۆی کێشە لەگەڵ بنەماڵەی هاوسەرەکەی، هەوڵی خۆکوژی دا و لە ئەنجامدا بووە هۆی گیان لەدەست دانی.

سه‌ردانی لاوانی که‌جه‌که‌ له‌ ناوه‌ندی لاوانی خه‌باتی کوردستانی ئێران

رۆژی شه‌مه‌ ١٠ ی ره‌شه‌مه‌ی ١٣٩٢ی هه‌تاوی، کاتژمێر ٤ی ئێواره‌ شاندێکی ناوه‌ندی لاوانی خه‌باتی کوردستانی ئێران به‌ سه‌رپه‌رشتی به‌رێز کاک فواد جه‌عفه‌ری به‌ر پرسی ناوه‌ندی لاوانی خه‌باتی کوردستانی ئێران پێشوازیان له‌ شاندی کۆمه‌له‌ی جه‌وانانی کۆما جفاکێن کوردستان به‌ سه‌رپه‌رشتی به‌رێز کاک جه‌مال کرد .

ده‌رکردنی حوکمی کوێر کردنی لاوێک

به‌ پێی راپۆرتی هه‌واڵده‌رییه‌کان، دادگای قه‌زایی رژێمی ئاخوندی حوکمی کوێر کردنی لاوێکی په‌سه‌ند کردووه‌ به‌ پێی ئه‌م راپۆرته‌ هه‌واڵده‌رییه‌کانی رژێم بلاویان کردووه‌ته‌وه‌ که‌ حوکمی کوێر کردنی لاوێک به‌ ناوی جه‌مشید له‌ لایه‌ن دیوانی بالای رژێمه‌وه‌ پشتراست کراوه‌ته‌وه‌. جێگه‌ی باسه‌ که‌ حوکمی سه‌ره‌تایی کوێر کردنی ئه‌و لاوه‌ ئه‌مرۆ یه‌کشه‌ممه‌ ١١ی ره‌شه‌مه‌ له‌ لایه‌ن لقی ٣١ی دیوانی بالای رژێمه‌وه‌ پشتراست کراوه‌ته‌وه‌.

مردنی گوماناویی کچە خوێندکارێکی کورد لە زانکۆی نازلووی ورمێ

یەکێک لە کچە خوێندکارانی زانکۆی نازلووی ورمێ بە شێوەیەکی گوماناوی لە خەوتنگەی ئەو زانکۆیەدا گیانی لەدەست دا. بەپێی راپۆرتی هەواڵدەریی کوردپاØ› رۆژی شەممە رێکەوتی ١٠ ی رەشەمە، کاتژمێر ١٢ی نیوەڕۆ تەرمی کچە خوێندکارێکی کورد بەناوی"شەیدا حاتەمی نوی" و کچی عەمەر، خەڵکی گوندی "نوی"ی سەربە شاری ورمێ، لە خەوتنگەی پەیمانگەی ئەندازیاریی کشتوکاڵیی نازلووی ورمێ‌دا دۆزرایەوە.

وەرزشوانێکی کورد نوێنەرایەتیی ئێران لەرکابەرییە جیهانییەکاندا دەکات

مێرمنداڵێکی کورد توانی ببێتە تەنیا نوێنەری ئێران لە رکابەرییەکانی گەڵاڵەی پەرەپێدانی فیدراسیۆنی جیهانی پینگ پۆنگ. بەپێی هەواڵی هەواڵدەریی کوردپا، ئاریا ئەمیری خەڵکی شاری سنە توانی لە نێوان ١٨ پینگ پۆنک‌کاری ئوستانەکانی ئێران، سەرکەوتن مسۆگەر بکات. ئەو مێرمنداڵە تەمەن ١١ ساڵەیە تەنیا کەسێکە کە پشکی ئێرانی لە گەڵاڵەی پەرەپێدانی فیدراسیۆنی جیهانی پینگ پۆنگ وەبەر کەوتووە و ئەو رکابەریانە لەماوەی رۆژەکانی پێنجشەممە و هەینی ٨ و ٩‌ی رەشەممە لەشاری ئیسفەهان بەڕێوە چوو. ئاریا ئەمیری یاریزانی چەپ دەستی کوردستانی بە راهێنەریی "جەمیل لوتفوڵڵا نەسبی" توانی بە سەر وەرزشوانانی دیکەدا سەربکەوێ‌. ئوردوو و رکابەرییەکانی گەڵاڵەی پەرەپێدانی فیدراسیۆنی جیهانی رۆژەکانی ١٧ هەتا ٢٥‌ی جۆزەردانی ساڵی داهاتوو لە "ئیسلۆنی" بەڕێوە دەچێت. لەو خۆلە لە رکابەرییەکاندا، "ئاریا ئەمیری حوسێنی" مێر منداڵێکی دیکەی کورد لەرکابەرییەکانی گەڵاڵەی پەرەپێدانی فیدراسیۆنی جیهانی بە بەدەستهێنانی ١٠ خاڵ، پلەی پێنجەمی بۆ خۆی مسۆگەر کردبوو.

ماده‌ هۆشبه‌ره‌کان و کاریگه‌ری له‌ سه‌ر لاوانی رۆژهه‌لات

باسکردن له‌ سه‌ر خراپی ماده‌ هۆشبه‌رکان بابه‌تێکی تازه‌ نیه‌ و له‌ زۆربه‌ی وڵاتانی جیهاندا ئه‌م دیارده‌یه‌ بڵاو بۆته‌وه‌ و ساڵانه‌ بودجه‌یه‌کی زۆر له‌ لایه‌ن وڵاتانی جیهان و ناوه‌نده‌کانی نێونه‌ته‌وه‌یی بۆ به‌رنگاربوونه‌وه‌ له‌ گه‌ڵ ئه‌و دیارده‌یه‌ ته‌رخان ده‌کرێت. وڵاتی ئێران یه‌کێکه‌ له‌و وڵاتانه‌ی که‌ زۆرترین

کانگەیەکی بەرد لە تیکاب مەترسیی بۆسەر ژینگە و شوێنەوارە مێژووییەکان دروست کردووە

کانگایەکی بەردی ئاسنی بۆتە مەترسیی بۆ سەر حەشارگەی ژینگەی ئاژەڵان، ئاسەواری مێژوویی تەختی سولێمان و چیای پارێزراوی بڵقێس لەشارستانی تیکاب. بەپێی راپۆرتی هەواڵدەریی کوردپا، دەرهێنانی بەرد بەشێوەی ناستاندارد لە کانگای بەردی "گولە گولە"‌ی تیکاب مەترسیی ژینگەیی لێدەکرێ و هەروەها خەساریشی بۆ ژینگەی ئاژەڵانی "ئەنگۆران"، تەختی سوڵیمان و چیای پارێزراوی بلقێس لە تیکاب هەیە. گرینگترین ژینگەی ئاژەڵانی ئێران، چوارەمین ئاسەواری تۆمار کراو لە یونێسکۆ و هەروەها بەرزترین تاڤگەی ناوچەی تیکاب بە هۆی دەرهێنانی بەرد لەو کانگایەی ئاوایی " گولەگولە" مەترسیان لەسەرە. کانگای بەردی ئاسنی لە ئاوایی "گولە گولە" و لە ٣٥ کیلۆمیتری شارستانی تیکاب و هەروەها لە نزیک ناوچەی پارێزراوی ئەنگۆرانی ئوستانی زەنجان هەڵکەوتووە.

ئێعدامی زیندانیێکی کورد له‌ زیندانی سنه‌

به‌ پێی راپۆرتی هه‌واڵده‌رییه‌کان، جینایه‌تکارانی رژێمی ئاخوندی زیندانیێکی کوردیان پاش ١٠ ساڵ زیندان ئێعدام کرد. به‌ پێیئه‌م راپۆرته‌ سه‌ر له‌به‌یانی رۆژی چوارشه‌ممه‌ ٧ی ره‌شه‌مه‌، جینایه‌تکارانی دژه‌ مرۆڤی ئاخوندی زیندانیێکی کوردیان به‌ ناوی حسین مه‌حه‌مه‌دی خه‌لکی گوندی ژان له‌ ناوچه‌ی ژاوه‌رۆیان له‌ زیندانی ناوه‌ندی سنه‌ له‌ سێداره‌ دا. جێگه‌ی باسه‌ که‌ ئێعدامی ئه‌و زیندانییه‌ کورده‌ له‌ کاتێکدا به‌رێوه‌ چوو که‌ ناوبراوو به‌ نه‌خۆشی ره‌وانی گیرۆده‌ بووه‌ و په‌روه‌ندی پزشکی هه‌یه‌.

حوکمی ئێعدامی چوار زیندانی سیاسیی کورد پشتراستکرایەوە

به‌ پێی راپۆرتی هه‌واڵده‌رییه‌کان، لە ماوەی هەفتەی رابردودا سزای سێدارەی دوو بەندکراوی سیاسی کورد لە کوردستانی ئێران به‌رێوه‌ چووه‌ و دوو زیندانی دیکەش سەر لە نوێ سزای سێدارەیان بەسەردا سەپێنراوەتەوە.

په‌نابه‌رانی سوریا خه‌ریکه‌ ژماره‌ی پێوانه‌یی تۆمار ده‌که‌ن

به‌ پێی راپۆرتی هه‌واڵده‌رییه‌کان، به‌رپرسانی نێوده‌وڵه‌تی ئاشکرایانکرد، په‌نابه‌رانی سوریا رۆژ له‌دوای رۆژ ژماره‌یان له‌زیادبووندایه‌ و نزیکه‌ له‌وه‌ی ژماره‌ی پێوانه‌یی تۆمار بکه‌ن. هاوکات رێکخراوی نه‌ته‌وه‌ یه‌کگرتووه‌کان بۆ کاروباری منداڵان (یونیسێف) رایگه‌یاند، نزیکه‌ی هه‌زار منداڵی سوریا ئاواره‌ی لوبنان بوون و به‌هۆی به‌دخۆراکیه‌وه‌، له‌ژێر هه‌‌ڕه‌شه‌ی مه‌رگدان. بان کی مۆن، سکرتێری گشتی نه‌ته‌وه‌ یه‌کگرتووه‌کان رایگه‌یاند، رێکخراوه‌که‌ هه‌موو هه‌وڵێکی ده‌خاته‌گه‌‌ڕ بۆ جێبه‌جێ کردنی بڕیاری ئه‌نجومه‌نی ئاسایشی نێوده‌وڵه‌تی سه‌باره‌ت به‌ناردنی کۆمه‌کی مرۆیی بۆ په‌نابه‌رانی سوریا، وتیشی: پێویسته‌ لایه‌نه‌ به‌شه‌‌ڕهاتووه‌کانی سوریا رێگریی نه‌که‌ن له‌گه‌یاندنی هاریکارییه‌ مرۆییه‌کان بۆ لێقه‌وماوانی سوریا. به‌پێی سه‌رژمێریی نه‌ته‌وه‌ یه‌کگرتووه‌کان، نزیکه‌ی ٩ ملیۆن و ٣٠ ٠ هه‌زار هاوڵاتی سوریا که‌ ده‌کاته‌ نزیکه‌ نیوه‌ی ژماره‌ی سه‌رجه‌م دانیشتوانی ئه‌و وڵاته‌، پێویستیان به‌ کۆمه‌ک کردن هه‌یه‌.

ئێعدامی ٨ که‌س له‌ ماوه‌ی دوو رۆژدا

به‌ پێی راپۆرتی هه‌واڵده‌رییه‌کان، رژێمی جینایه‌تکاری ئاخوندی له‌ درێژه‌ی سیاسه‌تی ترس و وه‌حشه‌ت نانه‌وه‌ له‌ ئێران، ئه‌مرۆ چوارشه‌ممه‌ ٧ی ره‌شه‌مه‌ سێ لاوی له‌ یه‌ک کاتدا له‌ شاری که‌ره‌ج له‌به‌ر چاوی خه‌ڵکه‌وه‌ له‌ سێداره‌ دا. به‌ پێی ئه‌م راپۆرته‌ رژێمی دژه‌ مرۆڤی ئاخوندی ئه‌مرۆ سێ لاوی به‌ ناوه‌کانی حه‌بیب، حه‌مید و ئه‌رسه‌لان له‌ سێداره‌ داوه‌ که‌ به‌ وته‌ی به‌رپرسانی قه‌زایی رژێم تاوانی ئه‌و سێ زیندانییه‌ ته‌جاوز بووه‌. جێگه‌ی باسه‌ که‌ رۆژی رابردووش سێ که‌سیتر به‌ تاوانی دژایه‌تی له‌گه‌ڵ خوا له‌ گه‌ره‌کی زۆرئاوای که‌ره‌ج له‌به‌ر چاوی گشتی له‌ سێداره‌ داوه‌، هه‌روه‌ها رۆژی رابردوو دوو زیندانیش له‌ لایه‌ن جینایه‌تکارانی رژێمه‌وه‌ له‌ زیندانی سمنان ئێعدام کراون.

کۆڵبەرێک لە سنووری مەریوان بەهۆی راوەدوونانەوە کەوتەبەر ماشێن

راوەدوونانی کۆڵبەران لەلایەن هێزە نیزامییەکانەوە لە سنووری باشماخی مەریوان، برینداربوونی کۆڵبەرێکی کوردی لێکەوتەوە. بەپێی راپۆرتی هەواڵدەریی کوردپاØ› رۆژی یەکشەممە رێکەوتی ٤ی رەشەممە کۆڵبەرێک بەناوی ئیبراهیم سەعیدی‌نیا تەمەن ٢٥ ساڵ و خەڵکی گوندی "پیرسەفا"ی ناوچەی مەریوان، لەکاتی راوەدووناندا کەوتۆتە بەر ماشێنی بارهەڵگر و بەتوندی بریندار بوو. بە وتەی شایەتحاڵان، ئەو کۆڵبەرە لە کاتێکدا ویستوویەتی رێگری لە دەستبەسەرداگرتنی کۆڵەکەی بکات، و بەو هۆیەوە هێزە نیزامیییەکان شوێنی کەوتوون و لە ئەنجامدا کەوتۆتەبەر ماشێنێکی بارهەڵگر. دەگوترێت کە ئەو کۆڵبەرە کوردە بەهۆی دۆخی خراپی جەستەیەوە هەنووکە لە نەخۆشخانەی شاری مەریوان لەژێر چاوەدێریی پزیشکی دایە. لەلایەکی دیکەوە، رێکەوتی ٤ی رەشەممە کەسێک بەناوی ئاوات و خەڵکی شاری پاوە، کە لەسەر سنوور سەرقاڵی کار کردن بووە، سەرجەم کەلوپەلەکانی، کە سیگار بووە، لەلایەن هێزە نیزامییەکانی حکوومەتی ئێرانەوە لە نزیک شاری نۆدشە و لە شوێنیک بەناوی "کەلی چنارە" دەستی بەسەردا گیراوە.

مه‌وادی مۆخه‌در له‌ ٢٠ ساڵدا ٥٣ هه‌زار ئێرانی کوشتووه‌

به‌ پێی راپۆرتی هه‌واڵده‌رییه‌کان، به‌ پێی ئه‌و ئامارانه‌ی له‌ ستادی دژایه‌تی له‌گه‌ڵ مه‌وادی مۆخه‌در تۆمار کراوه‌، ٥٣ هه‌زار ئێرانی له‌ ماوه‌ی ٢٠ ساڵی رابردوودا به‌ هۆی به‌کارهێنانی مه‌واده‌وه‌ مردوون. حه‌مید سه‌رامی به‌رێوه‌به‌ری ده‌فته‌ری لێکۆڵینه‌وه‌ی ستادی دژایه‌تی له‌گه‌ڵ مه‌وادی مۆخه‌در رایگه‌یاند، ئه‌م قه‌یرانه‌ سوومه‌ رووی کردووه‌ته‌ ناوو بنه‌ماڵه‌کان، مه‌دره‌سه‌کان، زانکۆکان، گه‌ره‌که‌کانی شار و دێهات، و ده‌بێت به‌ هه‌موو تواناێکمانه‌وه‌ به‌ره‌وو رووی ئه‌و قه‌یرانه‌ ببینه‌وه‌. ناوبراوو وتی به‌ پێی ئاماره‌کان مه‌وادی مۆخه‌در یه‌ک میلیون و سێسه‌دو بیست و ێنج هه‌زار که‌س له‌ خه‌ڵکی سالمی کۆمه‌ڵگای گیرۆده‌ کردووه‌ که‌ ٥٨ له‌سه‌دیان له‌ ژێر ته‌مه‌نی ٣٤ ساڵ و ٩١ له‌سه‌دیان له‌ جنسی نێرینه‌ن، هه‌روه‌ها ٥٣ له‌سه‌دیشیان ساحێب کارن و ٦٣ له‌سه‌دیان ژن و منداڵیان هه‌یه‌. هه‌روه‌ها ٦٨ له‌سه‌دی تووشبووان به‌ نه‌خۆشی ئه‌یدز له‌ رێگای مه‌وادی مۆخه‌دره‌وه‌ تووشبوون و لانیکه‌م ٦ میلیون له‌ حه‌شیمه‌تی ئێرانی به‌ خۆیه‌وه‌ گیرۆده‌ کردووه‌.

سه‌ره‌تا 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49

دوایین هەواڵەکان

پەیامی دەستەی بەڕێوەبەری بەبۆنەی ۱۱بانەمەڕ، ساڵڕۆژی دامەزراندنی رێکخراوی لاوانی خەبات

لاوانی خه‌بات

1 ساڵ و 2 مانگ و 26 ڕۆژ و 3 کاتژمێر و 13 خوله‌ک له‌مه‌وپێش‌

ژنانی بوێر سەمبولی خۆڕاگری و مزگێنیدەری ئازادین

ڕێکخراوی لاوانی خەباتی کوردستانی ئێران

1 ساڵ و 4 مانگ و 7 ڕۆژ و 20 کاتژمێر و 30 خوله‌ک له‌مه‌وپێش‌

ڕاگەیندراوی ڕێکخراوی لاوانی خەبات, بەبۆنەی ۸ی مارس ڕۆژی جیهانی ژنان

ڕاگەیندراوی ڕێکخراوی لاوانی خەبات

1 ساڵ و 4 مانگ و 19 ڕۆژ و 20 کاتژمێر و 4 خوله‌ک له‌مه‌وپێش‌

ڕاگەیندراوی ڕێکخراوی لاوانی خەبات بەبۆنەی ڕۆژی زمانی زگماگی

1 ساڵ و 5 مانگ و 6 ڕۆژ و 4 کاتژمێر و 9 خوله‌ک له‌مه‌وپێش‌

محەممەد مێهدی کەرمی و محەممەد حوسەینی لەسێدارەدران

لاوانی خه‌بات

1 ساڵ و 6 مانگ و 18 ڕۆژ و 3 کاتژمێر و 16 خوله‌ک له‌مه‌وپێش‌

ڕاگەیندراوی ڕێکخراوی لاوانی خەبات بەبۆنەی ڕۆژی پێشمەرگەی سازمانی خەبات

لاوانی خه‌بات

1 ساڵ و 8 مانگ و 25 ڕۆژ و 22 کاتژمێر و 40 خوله‌ک له‌مه‌وپێش‌

٢٩هەمین رۆژی شۆرشی ژینا و کاردانەوە جیهانیەکان

1 ساڵ و 9 مانگ و 9 ڕۆژ و 23 کاتژمێر و 3 خوله‌ک له‌مه‌وپێش‌

لێره‌‌‌ ده‌‌‌رباره‌‌‌ی خۆتان بنووسن به کورتی

٢/ لینکی یوتوب

٣/ لینکی تویته‌‌‌ر